إعـــــتــرافــــــات بنات الزوجية

هاي بنات

بنات
لابد ان كل وحده فينا يا الوقت اللي تصرفت فيه تصرف غلط وفي ظنها أن تصرفها صح
بس اكتشفت عقب ما انقلبت السالفة على راسها ،، إن تصرفها كان

غلط × غلط × غلط

وطبيعي لوما الأغلاط اللي نسويها بحياتنا الزوجية
جان ما تعلمنا ولا صارت عندنا خبرة بتعاملنا مع أزواجنا

موضوعي اهو

كل وحده تكتب تصرف سوته وتظنه صح وإنها حزتها حكيمة وذكية
عقب اكتشفت ان تصرفها غلط ونتايجه عكسية ،، وان المفروض ماكانت تتصرف جذي
وتصرفها بعيد عن السنع والذكاء

خل كل وحده تراجع تصرفاتها مع زوجها ابهالموضوع ،، ونستفيد من اغلاط بعض

——————

انا التصرف اللي دوم اسويه وادري انه تصرف بعيد عن الذكاء والسنع ان من اعصب اصرخ وتصير هوشة واطنشه يوم ويومين ويمكن اسبوع ،، ويكون اهو طول اليوم طالع من البيت محد متحمل الثاني .. قمة الغلط تصرفي لاني قاعده اعطيه المجال لأمور ثانية مرفوضة
بس صج صج يركبني يني حزتها ،، مع ان بعقلي اقول غلط اللي قاعده اسويه ومو فخر ولا ذكاء ،، بس هم اعاند اني ارضى او أطخ

كل مرة اتمنى اعدل عنادي هذا بس ماكو فايدة ،، إذا عصبت شياطيني تطلع وما اتفاهم وعادي اقول طلقني مايفرق معاي شي حزتها

هذا كان اعترافي

____________________

دوركم

قلتله ودني الصيدليه ابي اغراض مارد وانا زعلت مع انه
تبين الحق مالي حق ازعل لانه ياحرام توه قاعده من النوم
طالع الصبح من الدوام كان عنده ةاستلام ليل وتعرفين النفسيه
بعد القعده من النوم وداخله عرض انا وطلبي ههههههههه
اعترف انه تصرفي كان غلط
بس طبعا زعلت اشوي وبعدين كلمته عاادي
ومشت الامور

تصدقون ؟
اللي الاحظه بنفسي
اني ما الاحظ أخطائي وايد
بس لو اكتب اي مشكلة حصلت بينا ،، واقراها كأني اقرا مشكلة اي عضوة
وايد بتختلف نظرتي بحل الموضوع

باختصار
كتبوا المشكلة اللي تحتارون بحلها بورقة ،، وخلكم حياديين بحلها
بس المشكلة أغلب الأحيان نميل لترضية انفسنا

باعتقادي ان الوحدة فينا تحب تستملك زوجها و تعتقد معظم تصرفاتها معاه بحكمة و ذكاء
انا احيانا احس اني اللي سويته صح بس لما تصير الهوشة و يبتدي الزعل اراجع عمري و القاني انا الغلطانه مو هو!

مي…فديت قلبج على هالمواضيع العسل مثلج حياتي