إشرايكم بهالحركة ؟ ودي أسويها بس ريلي مو راضي

السلام عليكم ورحمة الله وبركاته

ما بقى شي وإجازة الأمومة اتخلص وشكلي بمدد .. محتاسة وين أودي بنيتي مابي أخليها عند الخدامة أخاف ولا أقدر أوديها عند أمي لأنها اكبرت بعد عمري مافيها حيل تشيل وتحط

كل ما أفكر تييني البجية .. ودي أستقيل وأجابل بنتي لأن ما عندي أحد أخليها عنده

طرت علي حركة وايد حريم يسوونها بس ريلي ما رضى :

بعد أول ياهل تقدم الأم استقالتها وتظل تحمل وتولد وتربي 3 .. 4 .. 5 .. كيفها وعقب ما يكبرون ويعتمدون على نفسهم ويدخل آخر واحد فيهم الروضة ذيك الساعة تقدم أوراقها واتوظف وتعيش حياتها براحتها وعيالها اسم الله عليهم كبار شايلين عمرهم

قلت لزوجي إشرايك أستقيل وأقعد أفرخ بهاليهال كل 9 أشهر ليما تشبع وتالي أداوم ؟ يقول ما عندي دخل ثاني أصرف عليج منه يعني لبس وخرابيط ماكو .. حدج تاكلين وتشربين

معاه حق الصراحة .. بس توني أول ياهل ومتوهقة شلون لما يكثرون ؟ الله يعيني

الله يعينج ..بس حاولي تخلينها عند امج مع الخدامة..امج بس تشرف عليها..يعنى تكون عينها على الخدامة..
او دخليها حضانه..بس سالفه الاستقاله احسها قوية..بما ان الحين كل شيء نااااار..

بنتي 3 شهور مو مالت حضانة وأنا خوافة حتى البامبرز تكرمين مابي أحد يجيسه أوسوس مابي أحد يلمسها غيري

وأمي تشرف بالإسم بس بالصج اهي تسوي كل شي قلبها حار ما تقدر تطالع بعيونها وتسكت راح يصير العكس الخدامة اهي اللي تشرف وأمي تشتغل !

شوفي اختي برايي تيبيلج خدامه تثقين فيها وتعلمينها على بنيتج وكلماصار وقت الدوام تحطينها عند امج تبدلها توكلها تلعبها كلا تحت عين امج فماتحاتين
انزين بكرت البنت دخليها حضانه وبس تتعلم وماعليها الاالعافيه
لا تصيرين جذي اختي هههههه جني هاوشتج؟؟؟ عادي عادي خوات فديتج

انا جذي نفسج
بس خليه عند الوالده او خالتج بس العيون على الخدامه و انتي سوي نظام حق ولدج بحيث لي 10 ينام و الحمدلله البيبي الصبح شوي المزاج رايق

و اخذي ساعه الرضاعه

كلنا مرينا بالحالة هذى
شوفى اذا تقدرين حولى دوام عصر ومع ساعة الرضاعة بصير غيابج عن البيت حوالى ساعتين الى 3ساعات وبالفترة هذى خلى بنتج تنام او نزليها عند اختج او خالتج
اذا ماقدرتى ماكو حل غير الخادمة تحملى بعد شتسوين انتى عشان امج ماتتعب مع بنتج سهريها وخليها تنام لى الساعة 11 الصبح يكون باجى على جيتج ساعة ونص اوساعتين على الاقل ماتكون امج محتااسة معاها

الله ايعينج حالتج من حالتي

sara999

مادري ماقدر .. من صرت أم عشتو وأنا ما أنام الليل
فيني وسواس من اللي أشوفه وأسمعه وبيني وبينج احنا من عمر ما نخلي اليهال عند الخدم كان في أحد يمسكهم .. الحين على حظي مو لاقية أحد يشوف بنيتي

lulu2009 و ريماا

انا دوامي وزارة الصبح بس ساعة الرضاعة ما سمعت أحد ماخذها عندنا
مادري عندنا ساعة رضاعة ولا لأ ؟؟ يبيلي أسأل
الله يعطيكم العافية ذكرتوني فيها

Om_Hassony

إذا لقيتي حل قوليلي تكفين

حبيبتي حطي كاميره في شقتج وعلمي الخدامه ان هذي كاميره وانتي تشوفينها في الدوام علشان اتخاف وتقوليلها خلج بالمكان نفسه ولا تغيرين مكانج اختي سوتها ولما ترد من الدوام تشوف الشريط وتقولها انا شفتج سويتي كذا وكذا عشان اتخاف ازياده وتحط بالها على البيبي

انا مع (حروف من ذهب )

وترى انا استقلت لما حملت و الحين ندمااااااااااانه

ادور الشغل دوااااره ملل وروتين ولوعة جبد والمعااش اخخخخخخخ ولهت عليه الحمدلله على كل حال وادعيلي ارد الدوام

لا بنات كلش ولا الكامرة أحس جنه من صج بيصير شي مو زين لا سمح الله وأنا بطيح عليه
ماراح أقدر حتى أشوف التسجيل من الخوف !

من ناحية الروتين والراتب صعبة أدري بس متوهقة مادري شسوي

بشة..انتي داومي وشوفي نفسج تقدرين تتحملين والا لا

وكلها جم شهر ودخليها حضانة

واول ما تطلعين من البيت قولي هالدعاء(استودعك الله الذي لا تضيع ودائعة)

انا نفسج بولدي البجر اخذت امومه كامله يعني داومت ولدي عمره 6 شهور بالضبط ولما داومت بس موسوسه ومعصبه وما اصدق ارد البيت لاني كنت ارضعه من صدري,, بس كنت اخليه عند الخدامه ومعلمتها كل شي وقبل لا اداوم كنت اخليها تبدله وتغير له جدامي لحد ما تطمن قلبي. والحين هم ماخذه امومه صارلي شهرين وباقي شهرين وبنتي بتكمل 4 شهور بقطع الاجازه واداوم اخر الشهر لاني زهقت من قعدة البيت.. جيبي خدامه سنعه علميها وتوكلي على الله واقري الدعاء قبل ما تطلعين وعطيها رقم تلفونج ادق عليج اذا صار شي لا قدر الله

نفسي بالضببببببط بس انا يوم بقدم استقالتي قلت خل اخذ اجازه سنه من غير راتب واشوف الوضع
والحمدالله انا كاني عند بنتي ومو مهم لفلوس

ولله جانزين يمشون لنا معاش ربات المنزل الي مطالبين فيه هالايام

راضين لو 200

قرارج قرار اي ام تحب عيالها بالعكس بس مشكله الظروف الماديه تحدج

حتى لو امج مافيها حيل خليها عند الخدام بس تحت اشراف احد على تتطمنين كلنا كنا جذي والحين برد قلبنا

ممدي الاجازه اذا تقدرين حتى لو من غير راتب بس يرتفع الياهل

او الله يكون بعون الامهات