أيهم أفضل المعلمة العصبية أم الطيبة:)

بنات عندي استفسار ومن خبرتكم ابيكم تجاوبوني

لضبط الصف ايهو الأفضل الابلة العصبية اللي ما تعطي وجه للبنات ولا الأبله الحليوه اللي تضحك مع البنات وعااااااااااااادي وياهم

أنا الكورس الجاي ان شاءالله ميداني وبغيت نصيحتكم؟؟

كل ما أشوف احد يقولون لي لاتعطين البنات وجه خليج عصبية يمشون سيدا

صح كلامهم ولا شنو؟؟

طبعا ان شاءالله راح أدرس بنات

الصراحة انا طيبة وحليوة ويا البنات وايد بس بالحصة لا طبعا

بس البنات فيهم طبع حلو انهم يحترمون الابلات اللي يحبونهم ويعطونهم ويه يحترمونهم داخل الحصة لانهم يحبون يكسبونهم على طول فتلاقينهم يهبلون اثناء الحصة ولي قلت لهم ترى اغير طريقتي – مساكين يقولولي لا ابلة عفية احنا نحتاج لابلة طيبة ملينا من العصبية والزف طول اليوم ههههههههههههههههههههههه

احب اكون طيبة وياهم وبرا الحصة اكون صديقتهم لابعد الحدود

بس تكون للحصة احترامها ونظامها

تسلمين حبيبتي على الرد

إي صح أنا أحب اني أكون طيبة بس خايفة انه هذا الشي يؤثر على احترام الطالبات لي

بس على قولتج انتي وكولورادية التوازن مطلوب

لا عصبيه وايد ولا حليوه وايد .. لان اذا صرتي وايد حليوه معاهم وطاحت الميانه .. يفلت من ايدج زمام الامور

عوديهم ان وقت الجد جد ووقت اللعب سوالف وضحك وغشمره

نورت صفحتي بتواجدج الرائع

وتسلمين على النصيحه حياتي

والله أحنا الطالبات ما يعجبنا العجب إذا شفنا الابلة حليوه وطيوبه معانا قمنا ما نحترمها ونطنش مادتها وإذا الابلة جبريت صرنا حشا الأوائل بمادتها

>>> بعض الطالبات مو كلهم

>< جني نسيت اني الكورس الجاي ميداني
<خلاص يا بنت انتي مدرسة ألحين مو طالبة

أهلين luck girl

تسلمين على المرور..

والله يزيد من المدرسات اللي نفسج وشرواج

صج صج عيالنا يبون مدرسات تأسيس مو أي كلام

الله يوفقج حبوبه :::

عاشواااااا بنـــــــــــــــــــات

يلا ابي تفاعل أكثر

مو طماعة بس أبي الكل يستفيد من تجاربكم الثرية

بس حبيت اقول لج حبيبتي بعد يعتمد على الشخصية اذا انتي من النوع العصبي ولا الثقيل تقدرين تكونين عصبية طول الوقت

انا لاني اجتماعية واحب الناس واحب البنات وايد واحب اكسب كل الطالبات بفئاتهم كلهاا سواء الشيطانة المؤدبة

الشاطرة والكسلانة ، فتلاقيني احب البنات والحمدلله محترمين العلاقة اللي بينا ويحبون الحصة بس طبعا في 3 ولا 4 ما

ينفع وياهم لا طيب ولا عصبية فاكون عادية وياهم ما ازفهم ولا اعطيهم ويه ..

واذا وحدة منهم غلطت ولا تجاوزت حدودها الصراحة ما اسب ولا اغلط لا احرجها بكلمتين حلوين واكتشفت انه فعلا هالعلاج يصلحهم ويعدل اسلوبهم خصوصا اللي محد حاول يوجههم ومخلينهم بكيفهم علبو اهما جذيه وكل الابلات يشتكون منهم فاقول انا شكو اكون تابع لغيري لااحاول باللي اقدر عليه والتدريس اصلا مهنة الصبر ومسؤوليتنا مو بس تعليم لا هم تربية على قد ما نقدر ……

لأ عادي حبيبتي سيري على صفحتي متى ما بغيتي