أنا حساسه ولا الموضوع عادي !!!

السلام عليكم
شلونكم بنات …..
الصراحه انا محتاره ….
دايما افكر …
وأخاف اقول حق احد اللي صار يقولي لا عادي انتي حساسه ….
عشان جذي قلت بسأل خواتي ….
انا علاقتي مع مرت حماي مش ولا بد ..
مابينا مشاكل بس سبحان الله اهي مو اجتماعيه
يعني اللي بيني وبينها سلام ….
ولما ولدت مايتلي المستشفى مع اني قعدت 4 ايام
ومايتلي الا لما صارلي شهر ابيت اهلي ..
عادي هالشي ولا لا .؟
الصراحه انا ضاق خلقي حسيت انها مو مهتمه كلششش
لو انا وحده مهمه بالنسبه لها جان كلفت على نفسها و يت
… يعني اهي مو غريبه عشان ما اتيي الا اخر الناس
ياريت احد يقولي شسالفه ؟؟؟

كل واحد وظروووفة يمكن عندها ضروووف او اهى من النوع الى مو اجتماعى يعنى ماتحب اتوجب احد حتى لو قريب لهاا اكو ناس جذى اعرفهم طبيعتهم الاجتماعية جذى اهم ايحبون يعيشون بعزلة

المفروض اتيي بالمستشفى بس دام يت بالبيت خلاص لا تدققين

لا عادي أنا ماشووف في مشكله ..

يمكن ظروفها ما اسمحت لها تجيج أول أيام ..تدرين الجية

يبي لها هدية ..يمكن ما كان عندها شي تهاديج ..

ولما صار عندها شي جت لج بنت الحلال ..

مدامها ياتج يعني خلاص انتي لازم تقدرين ظروفها ما تدرين خوافي الناس وشنو فيها … نصيحتي احسني النية فيها وانتي بترتاحين يالغالية ومالحمدلله على سلامتج ومبروك ما ياج

عادي حبيبتي لاتشيلين بقلبج المهم انها راحتلج البيت
وبعدين كل واحد وظروفه انا عمتي ام زوجي ماقالتلي حتي مبرروك لما حملت ونفس الشي مافكرت تجيني المستشفي ولا حتي البيت بس انا من ذوقي وديتلها البنت عندها تشوفها

يعطيكم الف عافيه على الردود اللي تبرد القلب

لا عادي شنو المشكله يعني؟؟ يمكن كان عندها ظرف او شي المهم انها وجبتج وما طنشت وجزاها الله خير يتلج وانتي بالنفاس يعني مو ضروري الا باول يوم تييلج

انزين لاتزفين

بالصراحة الناس تغيروااا بهالزمن ؟؟

اذا مرت حماج ما راحتلج بالمستشفى المفروض تتصل تتحمد لج بالسلامة الحق حق …

بس نصيحة لا تدققين بالامور وكيفها ………. ماراح توقف الدنيا على اتصال …

واياج تقولين لها او تتشرهين كيفها

والف مبرووووووووووووك النونو

ما عليه ….لا تربطين بين يت و الا ما يت بالمحبه….

ساعات الواحد تحكمه ظروف أقوى منه

و العلاقات تبدى شوي شوي تكبر و تصير حلوه اذا ما وقفتي عند الاشياء الصغيره و طلعتي من وراها جروح…

الواحد يحسن الظن بالناس و يسوي اللي يقدر عليه و كان الله غفورا رحيما.

المفروض او المتوقع انها اتييج
بس انتي عذريها اذا ما يات وحطي لها الف عذر علشان ترتاحين
ومع الايام بتبين لج مايتها
بس اتوقع عادي صار لها ظرف ويات عقب
انا من جذي ما احب ااجل المواجيب لان عقب تطلع لي الف شغلة تنمنعني من التوجب

عادى والامر بسيط واذا ماجت المسىتشفى زين منها جت البيت بما انها مو اجتماعيه وبعدين انتى لاتروحين لها المستشفى وجبيها بالبيت بعد شهر

اختى ترى اللحين الناس ماتزور النفاس بالبيت الا عقب عشرين يوم واكثر لان تتعافى شوى وتصحصح مومعقوله احد يزورج وانتى بخياطتج تعبانه وحالتج حاله حتى قومه ماتقومين ..
انتى استحضري النيه الطيبه والتمس لاخيك المسلم 70 عذر
واذا حملت وولدت عامليها بطريقتها بالضبط يمكن اهى جذى طبعها وبتوصل لج مسج عن اسلوبها واللي تحبه.
وترى من ذكرك ماحقرك يعنى يزاها الله خير..

حبوبة ترى عادي يمكن اهي صارت لها ظروف وما قدرت تيي

انا بنت خالي اللي اهي بنت خالي وبيني وبينها قطعه وجم شارع والله العظيم اني ما فرغت اروح لها المستشفى

صدقيني ترى اهي ما تقصد شي ولو مو حاطتلج اعتبار جان ما يت بالاساس جان طرشت لج ورد او ان ما كلفت خاطرها حتى بورد جان ما يت ولا طرشت شي اصلا خير شر

تعوذي من بليس هذا بليس قاعد يحفر يحفر في قلبج دحريه عنج