أمبيه كان معجب والحين يحبني !!!

هلا بنات شحاااااااااااااااااااااالكم

وااااااايد منا مرينا بمعجبين وطبعن اغلبنه ما نعبر لانه هالشي غلط

بس بقلـكم قصتي ,, !!

انا ادرس بجامعه مكس

وقبل سنه اكو واحد يناظرني وايد وين ما اروح اشوفه ,, وطبعن انا معطتنه اكبر طاف

عقب تطور الشــي وصار حافظ جدولي وكل ما اجي الصبح اشوفه ينطر و عقب حفظ جدولي متا تخلص كلاساتي قام ينطرني و وراي بالدرب لين مدينتي طبعا هو ما كد اجى وكلمني بس هالحركات ,, وانا موول مول مو حاطتنه في بالي , معنى مسكين كل مره يجي بسيارة اكشخ ممن ثانيه مرا بورش بانيمرا والرقم ثلاثي ومرا لكزسس وارقام فن ويسك ع سيارتي ,,,, وحافظ وين اتغدا مع رفيجاتي يجي ويرتز ,, بس مايسوي شي يعني بس نظرات

بعد ما خلصنه وبدا صيف قمت اشوف رسايل بايميل الجامعه و اعترف انه هو انه يحبني من زمان ويبي يكلمني من متا بس خايف لاني مب معطتنه ويهاو اني احرجه طبعن قلتله انا ما اكلم شباب برساله وعقب ما قمت ارد عليه وهو تم شهر يرسل رسايل وانا ما ارد

بداية هالكورس
لين اليووم يووم اقعد يجي ويقعد قدامي ويقعد يناظر يالله =_="

و اذا شافني يتم وراي ومن غير ينطرني

خااااااايفه وايد وايد اني اميل له ,, لانه امبين من عيونه يحبني صدق

ادري فيه شباب يلعبون بسس محد بذل عمره هالكثر سنه ونص وانا مطنشتنه

وفالاخير هو كشكل عادي لوووووولز وصراحه انا مول مابا افتح ع عمري باب اللي ابا منكم تنصحوني كيف اوقفه لانه صراحه مابا اطيح فالغلط ……..

نصاييييييييييحكم واللي مرت بموقف مثلي تقوولي شو سوت

حبيبتي
اذا اهوة وايد مأذيج خله احد من اهلج اخوج ابوج عمج .. اي ريال يكلمه ويوقفه عند حده
واذا انتي مو مسويه شي غلط لا تخافين انه تكلمين اهلج ..

اذا يحبج وشاريج لهدرجه خلا ييلج من الباب .. قوليله انا ما عندي خرابيط ! تحبني تعال عندي اهل تكلمهم

صح خليج وطنشي واذا قال احبج ومن هالكلام قولي اخطبني هذا الطريق الصحيح غيرررررررره لا لا يمثل عليج ترا بعضهم ناس فاضيه لا تقولين سنه سنتين حتى لو خمس سنين

حبيبتي اذا يبيج صج يدش من الباب

حبيبتي الله يكون في عونج

انا اذا بدالج اقوله نعم اخوي شتبي ملاحقني وين ماروح في شي غلط وانا مادري
ورجاءا انا بنت لي سمعتي وكرامتي وما اسمح لاحد يمسهم شي
واذا عندك شي بتقوله كلم ابوي ولا اخوي واشكيله مشكلتك
انا مو حلالة مشاكل ولا طبيبه نفسيه

يلا فااااااااارج
واذا تقدرين بالجنطه افضل صكيه<<<< لوووول هذي قويه بس في حال التحرش*

مافي احلى من الصراحه

قولي له انا ما عندي اني اكلم شباب واذا تبيني انت تدل بيتنا ورجاءا كف عن الدواره وراي و لا تحرجني ولا احرجك و تخليني اتصرف تصرف ثاني علشان توقف من الملاحق لان انتي بنت ناس وما تبين احد يتكلم فيج

صح في بعضهم ماعنده شغل الا يطييح البنت

ديربالج حبوبه منه واذا صج معجب فيج ويحبج

ليشش ماخطبج للحين ماسألتي نفسسج هالسؤؤال؟؟

ديري بالج اذا يلاحقج اكيد يدل باب بيتكم خل يخطبج ويفك عمره من دور المحقق كونان واظن سنه ونص كافي انه عرف انج خوش وحده ومحترمه لو كان قصده السؤال

حبيبتي انا همن كنت ادرس وكان زميلي يحبني وصارحني بهالشي وقالي بيي بخطبج للعلم ما دار بينا مكالمات ولا شي بط الجربه بويهي وقالي بس نطري علي عساس الوظيفه شوي وبصراحه اول ماتخرجت انخطبت حق غيره ومانطرت مو قصة انه ميته عالزواج لا والله عادي ماهمني بس الدنيا مو مضمونه والرياييل مالهم امان شدراج بصدق نيته ،، الله يستر عليج ديري بالج

اهم شي يلا فااااااااارج ههههههههههههههههههههه

قوية قوية

حبيبتي لو كان يحبج حب شريف جآن ييه خطبج
واعتقد سنه ونص ملاحق اكيييد بيكوون عارفج عدل
ترى بعض الريايل يحبون الشي الي ما يقدرون يوصلوله وبس يوصلوله وصار بيدهم يملون منه ويبون غيره
ومادري فكره انه كل يوم بسياره ما عجبتني شنو يعني حسباله عدد سيايره بتحببج فييه ؟؟
وانتي مشالله مبين عليج خوش وحده وعقلج كبير مداام انتي تحسين ومتاكده انتي الي تسوينه صح استمري علي
وعااد جوفي اخر شي منو يفووز فيكم خخخ
واذا كلمج مره ثانيه قوليله بصراحه قمت تضايقني واذا قال اسفه لا تعطينه وي واذا قالج احبج وشاريج قوليله تبيني اخطبني من اهلي

طنشي واذا هو فعلا صادق وياج بيطق باب ويخطب اما سوالف افلام ودور المنبهر والعاشق خل يلعبها على غيرج

اذا كلمج قولي له يكلم اهلج اهني بينعرف اذا يحبج صج او يلعب

اكيد من كثر ما لحقج يعرف وين بيتج

خليه يجي من الباب مو ينط من الدريشه

اذا صج يحبك راح يصارج بالهشي و الحب مو كل شي لان بدون التزام ما يسوا شي و مثل ماا قالوا البنات اذا يحبك يتقدم لك