|
|
شلونكم حبايبي ….إن شالله تكونون كلكم بخير وعافيه….
بستفسر عن شغله عشان ماأظلم زوجي ….
في ناس يقولون الريال مكلف بكل أغراض الجمعيه من الألف لي الياء…أوكي بس مثلا إنتي إذا بغيتي كريمات أو أشياء تخصج بس إنتي …هالأشياء تكون عليج ولا عليه؟؟؟
أدري هالشي مايسوى بس ودي أعرف شنو المفروض يصير
وناطره مشاركاتكم وردودكم الحلوه
بعد فشلة يحاسب الغراااااض ويعزل اغرااااااااااضي ..موحلوة كلش
بس اذا انه مريت الجمعية بروحي وناقصتي جم شغلة اشتريهم ماكو مشكلة
اذا كان ريلي بييب الاغراض يحاسب عنهم
واذا انا رحت احاسب حتى عن ماجلة البيت مو مشكله
|
المشاركة الأصلية كتبت بواسطة كيدي عظيم
 والله اذا كنت معاااااااااااااه بالجمعية اكييييد بيدفعهم مع باقي الاغرااااااض
بعد فشلة يحاسب الغراااااض ويعزل اغرااااااااااضي ..موحلوة كلش بس اذا انه مريت الجمعية بروحي وناقصتي جم شغلة اشتريهم ماكو مشكلة |
صح حبيبتي فشله بس في رياييل يحاسبهم وزوجته بالبيت تعطيه قيمه هالأشياء نفس حلاتي وعذره شيلحق عليه وإهو مكلف بالأشياء الأساسيه مرات أتضايق ومرات أعذره على هالمصاريف
|
المشاركة الأصلية كتبت بواسطة سبائك
والله ما ادري عمري مافكرت بهالطريقه!!!!
اذا كان ريلي بييب الاغراض يحاسب عنهم واذا انا رحت احاسب حتى عن ماجلة البيت مو مشكله |
سبائك ريلي مرات ياخذ مني قيمه الأشياء الزياده إلي أخذها من الجمعيه وهالشي يضايقني مرات هل من حقي إني أتضايق؟؟؟
بس يحاسب مرته لو بالبيت علي اغراضها الخاصه عيب عليه .
بس بنفس الوقت ما تكثر المره من هالخرابيط الكريمات و غيره بحيث ما تثقل عليه .
اذا كنت معاه اهوه يحاسبهم
اذا بروحي انا احاسبهم ..
هم انا مرات اشتري ماجلة البيت من فلوسي عادي ..
ما نتحاسب بهسوالف ..
ورايي .. اذا كان مو مقصر باغراض البيت فعلا اهوه مو مكلف بالكماليات ..
صج انها شي صغير ما يسوى يعني ..
بس مافيها شي يمكن اهوه دقيق بس دامه قايم بمسئوليات بيته لا تدققين وايد انتي 
لج حق تزعلين او تتضايقين اذا محملج مسئولية اغراض البيت بس دام السالفة جذي الحمدلله سهالات ..
الحمدلله احسن من غيره في ناس مايدرون عن ماجلة بيوتهم كله على المره ..
اعرف وحدة ريلها وااااااااااااااااااااااايد كريم معاها الله يتمم عليهم تشتغل وهم يقطط عليها همجات بدون حساب وبدون مناسبة ..
بس لي شرالها شي يحاسبها عالفلس اهوه طبعه جذي يعطيها بكيفه بس ما يحاسب لها اغراضها ..
حتى بالجمعية يعزل اغراضها عن اغراضه !
الناس اطباع ..
واذا راح اهو يشتري اغراض الجمعيه اكتبهم له بورقة وييبهم لي عادي
بس في اشياء ساعات الريال ما يعرفها مثل الكريم الفلاني ولا الشامبو النوع الفلاني فأمر انا الجمعيه عقب واخذهم احسن
انتي موظفه؟؟؟
لأن في رياييل حاطين ببالهم اذا الزوجه موظفه تشيل عمرها وتشتري شغلها بفلوسها
انا مو مصدقه في بالكويت رياجيل يحاسبون بالبيت على اغراض حريمهم وياليت اي اغراض
كلها جمعيه بو دينار و3 دنانير………..
مو شنطه ماركه
واااااااي اعوذ بالله الله لا يبلانا رياجيل جذي هذول ندره اكيد
مادري
بس مااحب شخصيا احط بيني وبين زوجي شروط وواجبات
في الواجبات المتعاهد عندها للكل
بس دقائق الامور مو حلو الخوض فيها
ماكو بين الزوج وزوجه كلافه
التكليف يرتفع عندهم
بالعكس اذا شافج تعاونينه وظروفه خصوصا ما تسمح بالمعيشه اللي اهيه
مافيها شي اذا عاونتيه
السالفه مو حرب
لما المره تروح الجمعيه علي طريجها واهيا راده من بيت اهلها والا دوامها طبيعي بتشتري علي حسابها واذا ماعندها توصي الريال يشتري لها والا تروح معاه السالفه عاديه ومافيها شي
واذا الريال يمكن معاشه محدود وحاط له خطه بجم بيزه بشتريله شى حاله حال الرياييل وتوهق وانتي معاه شرالج بفلوسه مافيها شى تردينهم له اذا انتي عندج
خلوا اموووركم تمشي عاديه ولاتخلون كريمات وشامبو وسنفره من الجمعيه تسوي لكم ازمه بحياتكم وتخليكم تحطون مواضيع بهالقسم علشان تسألون يجوزوالا مايجوز ويصير والا مااااابيصيرش هههههههههههههههه
الهون ابرك مااايكوووووووووووووووووون يابنات وازهليها بس وربي بيعدلها لي ولج ولكم كليااااااااااااااتكن"
اروح معاه كل شهر واشتريها واهو يدفع
بس اذا كنت بشتري اشياء زياده خاصه فيني اروح بروحي الجمعيه واشتري حق نفسي
ليش اكلفه باغراضي واحرجه
يمكن اهو هالشهر ماعنده
ماحب جذي اغراضي كلها بروحي اشتريها نصيحه يعني مروا بروحكم الجمعيه واشتروا اغراضكم ولا تكلفون على رياييلكم
ترا احنا حريم مانحس بنفسنا ونمصخها بالجمعيه وتلقين الريال ويهه يقلب الوان بالجمعيه مسكيييييييييييين
حبيبي بو بدوري ماحب احطه بهالمواقف حتى لوعنده
|
المشاركة الأصلية كتبت بواسطة زيـنـه
عادي مره على الزوجه و مره على الزوج .. ما فيها شي اذا اهو رايح اييب و اذا انا رايحه اييب .. بس ساعات الريايل ما يعرفون شغل الحريم عدل و يبيلج توصفين و تشرحين شرح كامل عشان يعرف اشتبين .
بس يحاسب مرته لو بالبيت علي اغراضها الخاصه عيب عليه . بس بنفس الوقت ما تكثر المره من هالخرابيط الكريمات و غيره بحيث ما تثقل عليه . |
زينه هم أنا أقول عيب يحاسبني بس المشكله إحنا روحتنا للجمعيه دايما مع بعض أو إهو بروحه بس هم أقول أحسن من غيري أعرف بنات الجمعيه عليهم على طول مالريال شايل إيده كلش
|
المشاركة الأصلية كتبت بواسطة رفرف
عادي ..
اذا كنت معاه اهوه يحاسبهم ورايي .. اذا كان مو مقصر باغراض البيت فعلا اهوه مو مكلف بالكماليات .. اعرف وحدة ريلها وااااااااااااااااااااااايد كريم معاها الله يتمم عليهم تشتغل وهم يقطط عليها همجات بدون حساب وبدون مناسبة .. |
عجبني كلامج حبيبتي رفرف….لأنج فهمتيني إهومايقصر كل شي عليه بس مادري ليش أتضايق ومرات أتناقش معاه يقولي إذا بخليج على كيفج ماراح نخلص وشلحق عليه….والرد يضايقني وبنفس الوقت أعذره المصاريف كل مالها وتزيد والله يعين
|
المشاركة الأصلية كتبت بواسطة TooToo
اذا انا ماره الجمعيه ابطريجي اخذ اغراضي اللي ابيها عالماشي .
واذا راح اهو يشتري اغراض الجمعيه اكتبهم له بورقة وييبهم لي عادي بس في اشياء ساعات الريال ما يعرفها مثل الكريم الفلاني ولا الشامبو النوع الفلاني فأمر انا الجمعيه عقب واخذهم احسن |
إي والله ماكو إلا أسوي جذي أغراضي الخاصه أخذهم بروحي بس ياربي ماأحب أروح الجمعيه بروحي تعودت دايما وياه…