|
|
السلام عليكم … كيفكم انشالله بخير …
اختكم سعوديه ( شرقاويه )
اتمنى اني اكون خفيفة ضل بأول مشاركه وما اكون ثقيلة بطرح مشكلتي عليكم راجية من الله ثم منكم ان تعطوني حل يرجع لي زوجي مثل ما كان …
مشكلتي تتجسد في أكثر من نقطه … انا متزوجه لي سنه و3 شهور .. تزوجت وكنت سعيده جدا بزوج لطيف وحنون جدا وأنيق يعني دايم معتني بحاله وانا اعرف انو اهتمامه بنفسه لأجلي ويقدرني وحمدت ربي ان زوج عمري فيه كل هالصفات
المشكله من بداية زواجنا انو زوجي دايما يبي يجامعني فـ قلت في بداية الزواج طبيعي انا وهو نفس الشعور .. ومتقبلين بعضنا بشكل كبير
واستمرينا على هالفتره تقريبا اول شهر كانت أكثر الفترات بيننا بالجماع وبعدين خفت الفترات لكن مو بالشكل الكبير ….
المشكله اني انا حلوه بشهادة معظم من هم حولي ….
وزوجي جدا يحترمني لأبعد حد ويحبني وأحبه …. فـ صار وان زوجي صارحني بشي عنه وقال يا فلانه ترى انا رجال وانا ما اقدر اتحمل على اني ما اجامعك بإستمرار يعني ما اقدر امسك نفسي وهذا حقي … وانا قلت نعم نعم اكيد هذا حقك
هنا يوم صارحني ياليته ما صارحني انا انصبت بالغرور شوي يعني صرت اتغلى عليه يطلبني احيانا البي طلبه واحيانا اطنش فـ تدلعت عليه كثير
قبل اسبوعين تقريبا جاني وطلبني بعد ما صرفتها مرتين قبل فـ صديته بإسلوب واضح وحسيت بوجهه إنكسار قوي لما صديته للمره الثالثه من جد أحرجته لدرجة انو طلع من الشقه بدون شعور
وانا كل هذا ممكن غرور مني اضافه الى ان صابني شي بسيط من الملل من انه يجامعني
جاني اليوم الثاني وقال لي يا فلانه ابيك بكلمة …. قلت له طيب … جا وقال لي شوفي يا بنت الناس .. انا أحبك وما قد قصرت معك بشي واللي انا اطلبه ترا هذا حقي وانا صارحتك بيوم من الايام اني ما اقدر اقاوم هالشي …فـ إذا فاكره إنك بصدك لي راح تستعبديني وطلباتك بتكون أوامر تراك غلطانه … بالنهايه انا رجال ولي كرامتي …
أول مره بحياتي أسمع منه هذا النمط من الكلام ونبرة الصوت وما ادري بالضبط شنو يقصد من كلامه
فـ من بعد هذي الليله احين لي اسبوعين جاف تماما معي …
أسأله اجاباته رسميه وما يتكلف يسأل أو يطلب أي شي مره …. فـ انا في حيرة من أمري شنو الحل المناسب لهالمشكله مدري
انا جدا ندمانه عن اللي سويته لكن مدري كيف تحولت الأمور الى كذا انشالله يارب ترجع الأمور مثل قبل
انتظر حلولكم وآسفه جدا ع الإطاله وعن جرائة الموضوع ..
تحياتي
الريال يدوور الحلال ومافيها شي لو فرغ رغبااته مع زووجته افضل بكثير من ان يدوور الحرام
روحي وقعدي معاه وتكلمي بهدووء وبيني له انج ماكنتي تقصدين وانج يوم صديتيه كنتي تعبانه فعلا وانج بالعكس فرحاانه برغبته فيج
وانج بعد تبينه مثل ما اهو يبيج
الرياال ترى مثل الطفل الصغير يبيله مداراة ومهما كان هذا ريلج ومو مخلي عليج قاصر
الله يهدي نفووسكم يارب
مالك الا التمثيل
كشخى و تلبسى له كل يوم و حاولى اضحكينه جنه ولا شى صار لا تناقشينه و تكبرين السالفه اذا صارت اوكى
اذا ما طاوعك تعذرى منه و قوليله اتج كنت تدلعين عليه طبعا بعياره ودلع و الله يهديه
ترى الرياييل مالهم امان لا تخلينه الاقى عليج حجه
سويتي مثل وحده اعرفها تمت تشتكي للعالم انه يبيها دايما وهي تتملل وماتحب
وترده مرات ومرات لا بعد اظن اكثر من 15 سنه تزوج عليها بنت صغيره وهي ميته فيه
ليش تردينه بس دلع تخيلي نفسج مكانه ورحتيله وردج ورحتيله وردج مره ثانيه وثالثه
شنو شعورج
المهم الحين
ياتحلينها بالحركات واللنظرات واللبس والكشخه وتسويين نفسج فقيرهوتكسرين خاطره واذا مر الموضوع بدون كلام اوكي تمام
اما اذا لازم كلام حاولي تدورين لج حجي مقنع وله علاقه بالعلاقه بما انه يهتم بهالموضوع
مثلا الم من العلاقه او التهاب او حرقان اي شي فيج من العلاقه او اي شي تبينه بعد في نفس الموضوع وماقلتيه وانتي يابلفيت مستحيه وماحبيتي تزعلينه وماعرفتي شتسويين وسويتي هالطريقه عشان يابلفيت يسألج شفيج وهو مافهم وحسبج تبين تستعبدينه وتبين طلباتج اوامر ومافهم ان المطلوب هووبس او القصد انه مايزعل هو >>>> ونزليلج جم دمعه
وبهالطريقه يظن انه مقصر في الموضوع اللي يهمه….
ويمكن تنتهي السالفه على خير
ولاتعيدينها لاتلاقينه بيد وحده غيرج
الله يوفقج
والله يوفقج مع رجلج
ويوفق الكل
الزوج أبد أبد ما تمسكينة من هالممسك @@
لأن الريال عند كرامة أنتي جذي تدفعينة يا للحرام يا للزواج !!
روحي تسامحي منة و أنتي كلا أبدي معاه و كلا تحرشي فيه خلية يرد يحبج
الحين لقيتي ممسك على ريلج تقدرين تخلينة يسويلج الي تبينة خليتيه يكرهج
الله يهداج بس
و أسفة على كلامي
تبين رايي
خلي زوجج يتزوج عليج عشان اتعرفين شنو معنى الغرور
حاولي اتحلين المشكلة بأسرع وقت
اتمنى انج استفدتي من هالسالفه وما تعدينها
الله يوفقج ويسخر ريلج لج
انا فعلا حاسه بمعنى الخطأ اللي سويته … وزوجي حتى من بعد هالسالفه بيومين مرضت فـ ماقصر معاي وداني المستشفى ورجعني فقلت ممكن من هالمرض بيرجع مثل قبل لكن نفس الحكايه انا موتي انه يحقرني وما يعد لي وجود
المشكله اني تلبست وتسنعت ليله من الليالي وابد ماكنه يشوفني يعني حاولت بطريقه وما نفعت ووجوده بالبيت قليل جدا انا بصراحه
بالضبط ماني عارفه كيف اطيب خاطره والدليل انو حاس بالمذله من ذاك اليوم
انشالله الليله الاقي حل
الله يعطيكم العافيه
اشوف ان البنات ما قصرو بالردوود واخذيها مني نصيحه
الرجال الطيب الي ما يقصر مع زوجته .. ياااااااويلها اذا قصرت معاااه ممكن يصدمها بالزواج وهذا من حقه
يعني بعباره اصح
7
7
7
7
7
::: اتقي شر الحليم ااذا غضب :::