أخطاء في يوم الولادة لو عاد الزمن لا ولن تقومي بها

أخواتي ..
يقيناً كلنا نمر بأمور حرجة، صعبة، عسيرة أثناء الولادة وقبلها بأيام قليلة أوبعدها بقليل أيضاً ..
وكلها تحتاج منا لردة فعل ..
قد تكون ردة الفعل هذه التي قمنا بها خطأ ويترتب عليها أضرار كان جهلي بها هو السبب

لو رجع بك الزمن وفيه شيء عملتيه وقت الولادة ما راح تعمليه ..
أو شيء ندمااااااانة انك عملتيه ..

ممكن تنصحينا حتى ما يتعرض له غيرك ..

للامانة الموضوع منقول من منتدى اخر الاخت ديمة

لو رجع فيني الزمن بولادتي الاولي ماكنت استعجلت علي نفسي ودخلت المستشفي مبجرررر

كانت غلطه لان البجر بالعاده الطلق يطول فيهااااا

وانا من قالولي 3 سانتي دخلت وفعلا طووووولت حيل واخرتها ولدت بعمليه

والحمدالله علي كل حال

اااااااب

خوش موضوع راح يفيد الحوامل البجر

رفع

لو الله يكتب واحمل مااشرب خروع لان في ولادتي الاخيره ماقدرت اميز بينه وبين الطلق ولما دخلت المستشفي كنت مفتوحه ثمانيه سانتي ولو الماي مانزل معاي جان ولدت في البيت

باول حمل لي دخلت المستشفى وانا توني 3 سانتي او يمكن 2 وتخذت الطلق كله بالمستشفى وتعذبت لو قاعده بالبيت احسن لي وخاصه انه طوول الوقت رابطين بطني بجهاز التخطيط ومنسدحه على ظهري عاذب كان

بثاني حمله لي قلت ما ابي اروح المستشفى بسرعه واخذت العوار كله بالبيت ويوم وصل الالم بطريقه غير محتمله رحنا بسرعه بسرعه الطبيب وفحصوني قالولي 9 سانتي وركضه ولده وانا لابسه عباتي وشيلتي والمشكله اللي صارت انه صار فيني احصار واضطرو يحطون لي بربيش وانتو بكرامه وهذا حييل تعبني وصار فيني مثل الجرح

زبده الموضوع وان شاء الله اطبقها بولادتي اليايه اذا الله سهل ما اسوي اي عمليات انتحاريه واصبر على نفسي بالبيت وما اتسرع واروح المستشفى وبنفس الوقت اذا العوار صار كل نص ساعه ومنتظم على طوول لازم اروح الطبيب ما استخف بالموضوع

والله يسهل علينا ان شاء الله

قـواكم الله بناااات
خوش موضوع للرفـع

لو احمل مرة ثانية بتلحق على عمري وبروح المستشفى اسرع
بولادتي مارحت الا لما نزل الماي وهذا خطير وكنت مفتوحة سته سانتي وعطوني طلق صناعي عشان أولد اسرع

طبعا الشي اللي ما راح اسويه اني اشرب دارسين

يوم كنت حامل في بنتي البجر كل ما ايني الطلق ويكون منتظم بس اشرب دارسين يختفي !!
ويتم يومين مافيني شي وبعدين ايني العوار واشرب دارسين ويختفي !!

اخر شي ياتني لويه والا ينزل علي الماي وانا لي الحين مو مفتوحه لا يسانتي ونص !!
يعني الدارسين لعب بحسبتي

عاد حلفت مره ثانيه ما يطب بحلجي الدارسين لووووووووووول

خوووووش موضوووووووع

انا لو يرد فيني الزمن ما اولد برويال حياة كللللش كلللللش كلللللش ولا افكر مجرد فكره

من وصاختهم خلوني اتنقع بالبديه وانتو بكرامه حاطين فيه ماي دافي وبيتادين ولما قلت لهم مابي ووصاخه انا ولادتي الاولى حطولي مثل شي معدن تنقعت فيه انتو رويال في البديه وعصبوا السسترات ونادولي الدكتوره وقالت لي لا عادي هذا معقم !!!
نعم وين معقم الفراشه غسيلها صار تعقيم !!!!!

وقعدت 10 دقايق وخفت حتى مافكرت اقعد نص ساعه ومن تنقعت ماشفت قطره دم وتنتوا بكرامه نزلت علي !!!

لين رخصوني مافي دم !!!

والدكتوره تقول عادي احنا نظفناج بالولاده

رديت البيت 3 ايام مافي دم كللللش !!!

ثالث يوم وانا اسبح صار معاي نزيييييف الدم تقولون نل ومفتووووح وقطع كبيره قامت تنزل

رديت لهم نمت يومين وكل دكتوره اتيي تفحص تحط ايدها وانا توني خياط تعذذذذذذبت والقطع تنزل كبار جنه طلق اييلي

وعقب 11 بالليل شرفت دكتورتي جان تقولي حايش رحمج جرثومه واهي منعت الدم ينزل قلت لها من وصاختكم !!!

هذا البديه اللي قعدتوني فيه حسبي الله عليكم

وتحطلي تحاميل مثل اللي يحطونها للإجهاض وقالتلي بتحسين بعوتر الطلق عشان الرحم بطلع كل اللي فيه من دم !!!!

تأزمت حسبي الله عليهم …..

خووووش موضوع

فيدونآ امهات ،

صاحبة الموضوع
لكِ شكري

واااااي صح لعبـوا فيج لعب

خوش موضوع…
يعطيج العافيه شوكلاته سويسريه

واااي حبيبتي الي قالت قصتها مع رويال حياة صج تخيلت الموقف عصبت وتنرفزت والله لو انا منج ما افكر اصلا اسمع كلامهم يولووون اكيد بتحوشج جرثوومه من المكان الوصخ الي خلووج تتنقعين فيه تنذكر وماتنعاد ان شاءالله.

موضوعك حاوروا ومفيد للحوامل
يعطيك الف عافيه ع الموضوع