للعلم دكتورتي من بره … وسعرها 200 دينار..
بس سمعت رويال حياة .. وفخامته بس مو مستعده أدفع أكثر من 700 أو 750 بالكثير800 ..
عندهم .. سعر جناح .. إسمه ليلي توه مفتوح .. على 660 ..مع الدكتوره إلي من بره .. إهم بيدفعون لها .. شي حلو حيل. بس في عروض أحسن ؟؟
وهو جناح صغير مو كبير حيل …بس عاد إسمه جناح .. هههههه وبمستشفى 7نجوم ؟؟ فندق مو مستشفى ..
شراكم ؟؟ أبي ردود تكفون ترى اول بيبي… ولادتي بعد 4 أشهر ..
ما ادري شقولج ما اعرف عن المستشفى اي شي وانشا الله البنات يفيدونج والله يسهل عليج
مرسي بكو عالمرور اللطيف …
حبيبتي الله اتمم عليج
وسهل ولادتج انشاء الله
انا عن تجربة رفيجتي ماتمدحه تقول ان بنجهم خواااره
بس كووونه فندقي.gif "Eh S(3)")
فاااااااااا لاتحاتين روووووعه وراقي بس الموضوع على البنج
أممممممممممم ..؟؟
مو مهم أهم شيء كشخه .. ههههههههههه …..ههههههههه
والله ما أدري.. بسأل دكتورتي .. إهي مولده فيه …بسألها ..
يصير لما أروح أحجز .. أقولهم بجرب بنجكم ؟؟ تحقين بيرضون لي أجربه ؟؟هههههههههههههه راهيه بنت أبوها ..
انا رفيجتي راحت شافته بولادة بنت خالتها وماتمدح المكان
بس المستشفى من بره حلو وفخم وراقي بس الاجنحه والغرف صغيره
انا ولدت بالهادي … ولادتهم حلوه حيل
وانا كانت اول ولاده لي
وحيل ريحوني
واحلى شي كمامهم مو طبيعي ماشالله
انصحج تروحين لهم والله
والله يهون عليج
السلام
انا نفسك متحيره
وانا الحين بالثامن وراح اولد في دار الشفا
انا اول مره اولد بالخاص دايم في مستشفى الحكومه الصباح والمره ودي اجرب الخاص
والله يسهل علينا
حبيايبي انا والدة برويال حياة بصراحة مرييييييييييييييح واهي اول ولادة لي وان شاء الله مو اخر ولادة فيه حتى زوجي شاف دكتورة شادية اللي بالمواساة هناك وسألها عن المستشفى قالتله رهيييييييب بالمعدات والستاف وكل شي وقالت معداتهم قوية واهي كانت تشتغل بالمواساة
متأكدة ان جناح ليلى ب 660 مع حساب الدكتور اللي من برة … اذا جذيه انا بولد هناك صراحه وايد زين السعر
الله يقومج بالسلامة . المستشفى اينن ما عليه كلام بس الجناح الي انتي مختارته مو حلو انتي رحتي شفتيه ؟ لان انا فريت الاجنحة كلها بس الي ب660 حيييييل عادي عندي غرفة المواساة احلى بس الاجنحة الباجية الي تبدي من 1250 وطالع اهية الي تعور القلب صج
رويال حياة مرييييح لدرجة ما تتصورينها لأنه تابع لمنتجع في تايلند تحسين إنج مدلعة بس الغرف إلي من 1000وشي إهي إلي تزوغ القلب بس أم 660 عادية وإنتي ما تدرين شصير وقت الولادة يمكن لا سمح الله تصير ولادة قيصرية وإنتي رايحة بميزانة معينة فكري عدل ولا تستعيلين لأني تنكلت في ولادتي الأولي الثانية والحين آنا حامل ونفسج ما أدري وين أروح
المستشفى روعه روعه روعه وفخامه بس ما ااتكلم عن الغرف العاديه لا عن اللي فوق ال1000 دينار وفوق بس حرام والله باجر الله يحاسبنا لان ماله داعي اهم شي الله يقومنا بالسلامة
بنات عقدتوني يعني الغرفة اللي 660 مو شي كلش؟
و بالنسبة للخدمة تهقون تختلف اذا الوحدة ماخذة الغرفة الرخيصة عندهم؟
انا قلت اضرب عصفورين بحجر اجرب المستشفى بالغرفة العادية و استفيد من رفاهية الخدمة و القناة اللي تتابع الياهل 24ساعه… اشرايكم؟
شوفي حبيبتي انا شفت غرفة الليلي اللي عليها العرض حجمها زين اصغر من الملكي اللي بالهادي بشوي بس لا سمح الله ولدتي قيصرية و انتي ما تدرين شالظروف مثل اللي صار حق وحدة اعرفها تدرين جم يصير سعرها !!!
بما ان الولادة القيصرية مو من ضمن العرض راح يطقونج بسعرها الاصلي اللي اهوا 2200 او 2400
.gif "Eh S(2)")
أعرف وحدة توها والدة فية …خذت الغرفة الصغيرة وماستقبلت أحد وخلت إستقبالها يوم واحد بغرفة بالمستشفى نفسه تأجير بالساعات صايرة مثل صالة عرس وتخيلي فراشها مكان الكوشة تنزل من غرفتها وتقعد تستقبل الناس…. كلش ماعجبني الوضع وتقول كلفها 1200