أحذري من الولادة بالليل

عزيزتي المرأة
خوفاً على ثقافة التخلف والتعذر بالعادات والتقاليد
صدر قانون بمنع عمل المرأة بعد الساعة ثمان, لذلك يفترض ان يطبق القانون على الجميع.
أنصحك أن تؤجلي موعد الطلق والولادة حتى بزوغ الشمس لان الطبيبات والممرضات يفترض نساء مثلهم مثل باقي نساء الكويت,
يحظر عملهم بوقت متأخر.
اليوم ممنوع العمل بالليل , بكرة سيكون هناك حظر خروج من البيت لأنه سيكون وجود المرأة في الشارع دعوة لذوي النفوس الضعيفة

في التعرض لها.
الشرهة على الجمعيات النسائية التي لم تحرك ساكن والتي سيصدر قانون بمنع الجمعيات لأن في ذلك هدر لميزانية الأسرة والدولة واحتياطي الأجيال القدمة (مدري شلون )وتؤثر على العادات و…..بربرلبربل.
لقد أعذر من أنذر لا وحدة تولد بالليل (ولا وحدة تنجب بنت لأنها ستؤثر على وجود عمالة عاطلة في البلد) .

يا حسره يعني اقرو القانون معقوله …؟؟؟ و لا مجرد اقتراح للحين ؟؟

اهو اكيد لو اقروه راح يستثنون الممرضات و الطبيبات … بروحنا عندنا عجز بالاطباء ..
و البنوك شلون ؟؟ و اللي عندها محل شلون ؟؟ !!

عاد مشكله التفكير المتخلف …

انا ازمة الكهرباء متقبلتها …. ازمة الغزو تعايشت معاها … بس ازمة التخلف صعبه .. شلون نفهمها ؟؟؟ المفروض اللي يقترح قانون … يكون على قدر من المسئوليه والوعي …. يعني يبون الحريم يقعدون ببيوتهم عقب الثمان ؟؟؟

طيب اللي بوظيفتها مو احسن من اللي زواره من بيت لبيت و هاده عيالها مثلااااا ؟؟

منطق غريب … بانتظار تاكيد الخبر ..

شقاعد يصير بالضبط

؟؟
ومتى صدر هالقانون
اول مره اسمع فيه ؟
اكيد اشاعه؟
مو معقوووله ؟ والله اول مره اسمع
وين نزلوا هالقرار؟

سمعت هالخبر

الصراحة ماعندهم سالفة

ههههه

انا ولاداتي كلها الفجر الساعة 2

واي
[COLOR="Blue"][SIZE="5"]

شر البليه مايضحك

الشره علينا الي انتخبنا نواب
يطلعون لنا بقوانين مثل اشكالهم
امانه ولا هذا قانون والله فشله
يعني الدكتوره تقعد بالبيت احسن لها
والي عندها شركات ولا شي تقفل مبجر
ولاتطلع من البيت لانه في ذيابه بياكلونها

صج ديرة بطيخ

انا اول مره اسمع عن هالقانون الحين بس بالعكس شغلة ايجابية الحكومة خايفة على الحريم وهذا هو الصح لا تنسون انا احنا مجتمع مسلم ومحافظ صج طلعنا نشتغل بس ما نفلها عالاخر المره لها كرامتها وحشيمتها والدولة ملزومه توفر لها الحمايه وتكفل لها الامن اللي وفره لها الاسلام قبل 1445 سنه بالعكس لازم نفتخر بحكومتنا

شهالقوانين والاشياء الي تطلع لنا؟؟

اول مره اسمع بهالقانون

اتوقع هالقانون محد حطه عبط وتم استثناء الفئات الي لازم تشتغل بالليل بس صج في وضايف مالاها داعي مثل صالات الانترنت والكفيهات والمطاعم الي شغاله طول الليل هذي فيها فساد وايد وخصوصا هالمطاعم والكفي نت الي طالعين فيها هاليام والمطاعم الي يحطون مطربات يغنون هذي الاماكن الي لازم تنمنع

اهو حلو و مو حلو :s
و كلام Dareen عدل يا بنات

بالمختصر المفيد

النوااااب ميتيييييييين قهر من الحريم

مالت عليهم ماعندهم شغل الا الحريم

القانون اقر بس ماراح يمشي صدقوني هوامير الكويت ماراح يسكتووون شلون عالمجمعات والمحلات بس استثنوا الاطبه

اي شي هالقانون حده يفشل وسخيف اللي وافق عليه في قوانين اهم مو قادرين عليها

صج ابوي مايقدر الا على امي