أثاري مو بس احنا اللي طايرة بوهتنا ،، شوفوا الصينية شنو قالتلي

اليوم رايحة عندي موعد مع وحده صنية مساج وسوالف ،، اهي كانت شوي متضايقة ومسكينة وايد تشكيلي ،، بس بشكل عام متضايقة من حالة البرود اللي بزواجها بعد 20 سنة ،، حتى تضحك تقولي وحده من الحالات اللي تييلها تقولها اقري كتاب الرجال من المريخ والنساء من الزهرة ،، تقول شالفايدة ؟؟ اقراه بعد 20 سنة زواج ؟؟ المفروض عرفنا بعض وخلاص مو الحين بقرا كتب عشان اعرف شلون اتعامل معاه !!
فمن بين هالموضوع تقول اهي مستغربة من اكثر من وحده تييلها
اهم لبنانيات ازواجهم كويتيين
تقولي مدللينهم وايد ،، وانها شافت وايد متزوجات بس نفس اللبنانيات اللي ياخذها كويتي ما شافت مثل حب الزوج لمرته ولزقته فيه
تقولي اتمنى اعرف شلون يحببون الزوج فيهم جذي
هالزوج الكويتي يوفر لزوجته اللبنانية السيارة والفلوس وكل شي تبيه مع هذا ما يخليها بروحها ترود او ترد
عاد اسئلتني انتي وين بتروحين بعد ما تطلعين من المستشفى ،، قلت لها بخلص منج وبروح السوق ،، قالت لي زوجج يايبج ؟؟
قلت لها لااااااااااااااااااااا
بروحي اروح مشاويري

فإهي مستغربة ان هاللبنانيات ازواجهم الكويتيين ما يهدونهم ويودونهم كل مكان مع انهم موفرين لهم السيارات

حتى تقولي ان تييلها وحده لبنانية عمرها 21 سنة زوجها كويتي وعندهم ولد تقولي زوجها على طول بالدوام يضل جم يوم زوجته ما تشوفه ،، فبالوقت اللي تكون عنده اجازة يستغل كل دقيقة معاها لدرجة انه يدخل معاها غرفة المساج الصينية تسويلها الأل بي جي وهالسوالف والزوج يدخل معاها طول الجلسة بس يشوف زوجته ويسولف معاها

مع ان لما نسوي الجلسات كل وحده تدخل بروحها

بس هاللبنانية لأ ،، زوجها يتحسف على الوقت اللي يمر واهو بره الدوام وما يكلم زوجته ويقعد معاها ، فيدخل معاها الغرفة ويقعد على الكرسي يقعد يمها ويسولف معاها وذيج تشوف شغلها بالمساج
لووووووووول

تقولي اتمنى اعرف شلون اهي مخليته لهالدرجة ؟؟

بنات انا ما اقصد اشن حملة على اللبنانيات

sweet barbi
هههههههه اعجبتني سالفة الميانة