أبي خبراتكم عن عملية ربط الرحم حدي خايفه ساعدوني :(

السلام عليكم بنات

بليييز ساعدوني شنو أهي عملية الربط و تعور أو لا و وين سويتوها و ليش

أنا أجهضت من قبل من وأنا الحمد لله الله رزقني الحين يمكن يسوون لي ربط

وحدي خابفه ليل نهار افكر ريحوني بليييز ونصحوني ترى محد من أهلي مجرب

وماتقصرون إنشالله

لاتحاتين ياقلبي أنا سويتها بحمالي والسبب كنت حامل بتوم وتوقعوا يكون فيه اجهاض وقرروا اسوي ربط ، وربي ماتحسين بأي شي ، تخدير كامل ويسوون الربط ويطلعونج بالملاحظه ولما يطمنون على وضعج يطلعونج بنفس اليوم ولا فيه اي الم بالعكس أمرها بسيط جدا توكلي على الله وسويها وعسى الله يتمم حملج ويثبته ويرزقج بالذريه الصالحه ، ولاتفكرين ترى الربط سهل حيل وماراح تحسين باي شي صدقيني ،،

الله يسهل عليج ووفقج بحملج ولا تخافيين
اتكلي علي الله

الله يسهل عليج على حسب خبرتي انه عملية الربط هينه بس لما يفتحون عالاشهر الاخيره يكون شوية الم

انا مسويتها
بنج كامل وماحسيت بشي
عقب العمليه .. الم بسيط بس يعطون مسكنات وتطلعين من المستشفى ثاني يوم
انا اللسبب اللي سوولي ربط .. عندي 3 اجهاضات

مشكورين حبايبي طمنتوني خف الخووووف بس خايفه شوي أنزين وين سويتوها بخاص ولا حكومه

البنااااااااااات كفوو ووفووو
انا اذا حملت قالوولي ربط اسوي بعد
السبب بنتي يبتها ولاده مبكرة اخر السادس او اول اسبوع من السابع 28 اسبوع ماكوو سبب الرحم ما يتحمل ياهل قالولي لازم ربط
حق كل حمااال

هلا قلبي أنا سويتها برويال حياة ودكتورتي معصومة مخصيد ، والله حتى يوم فتحته تبارك الرحمن ماحسيت بشي كلش ولا احد يخوفج الربط بكبره ما يخوف ولا يعور سوا لما يسوون الربط او لما يشيلونه ، وأي استفسار أنا حاضرة ،،

مو اللي تسوي عملية ربط ما تحمل بعدين ؟

لا عمري هذي العمليه حق عنق الرحم
والي تمنع الحمال هذي ربط انابيب الي توصل الحيوان المنوي للرحم هذا الي اعرفه

الله يعين انا بعد بسوي ربط على اخر الثالث

يارب تثبت اللي ارحامنا يااااارب

بسأل عادي بعد الربط تعيشون حياتكم الزوجيه ؟؟؟؟ ولا ممنوع ؟؟ انا مشكلتي بس من السادس الرحم مايتحمل الياهل .. ولا الحمد لله اول حملي اول الشهور ثابت الحمد لله ولا فيه مشاكل ..