|
|
بنتي طالبين منها موضوع
المسجد المدرسه الأولى في الإسلام .أكتبي خمس جمل مترابطة مفيدة للمعني …
ضرووووووووووري الحين وعسى الله يوفقكم ….
خووووووووو انا ما اعرف عربي ثقافتي انجلش 
ممكن اقولج رايي
حبيبتي انتي ماخدمتي بنتج وساعدتيها انتي ضريتيها ياقلبي تدرين ليش ؟
اولا : تعودينها على الاتكالية
ثانيا : تعلمينها الغش ….اي نعم الغش والكذب بعد لانها تقول الموضوع بالصف على اساس انه لها واهو بالاصل ما ادري منو كاتبه لها .
ثالثا : تحرمينها من الاستفادة …حبيبتي احنا لما نعطيهم واجبات مو عشان نغثهم …لا ياقلبي بالعكس عشان نفيدهم بالتعلم وهذي استراتيجية التدريس يكلف الطالب بواجب مسبقا ومن ثم يناقش محتوى الواجب في اثناء الحصة .
انا اسفه اذا كلامي ما اعجبج بس والله يكسرون خاطري البنات اللي احد يحل لهم وما يتفيدون
حتى لو تغلط شنو يعني اصلا احنا مانحاسب الطالبة على أخطاء الجهد الذاتي بس صدقيني ياعزيزتي مانفعتيها .
انا ادري انج ام وماتبين بنتج تتفشل مو عارفه تحل الواجب …بس كان من باب اولى تساعدينها بأنج تعطينها معلومات عن المسجد وأهميته وتقولين لها يا الله من خلال هالمعلومات كتبي تعبير بإسلوبج
واسفه مرة ثانية اذا ضايقتج بردي بس والله ما قدرت اروح وانا ما قلت اللي بخاطري لهالسالفه لان في امهات بحسن نية حسبالهم نفعوا بناتهم مادروا انهم ضروهم
وتقبلي تحياتي
ماراح اقرا موضوع بنتج
لأني ابي ادربها على شي بس انتوا تعلمونها على التكالية
استانس لمن اشوف موضوع كله غلط بس فيه جمله جيده
سواء بالصياة او بالمعنى
بارك الله فيج عوديها تعتمد على نفسها لأن جذي تثقلون المسؤلية علينا
انتوا ماتدرون شكثر تطلع روحنه ونتعب علشان ندربهم يصوغون فكرة صحيحه او جملة تامه
الله يوفجها بنتج ويفرحج فيها متفوقه يارب