أبلات سبيكه الخالد "ابتدائي" – العارضيه "متوسط" – ام الحكم" ثانوي" شكــــررررراً

السلام عليكم ورحمه الله وبركاته ..

(( قم للمعلم وفيه تبجيلا .. كاد المعلم ان يكون رسولا ))

يمكن لو وحده منكم يا ابلاتنا قرت هالجمله بتقوول وين هالجمله والحين وين !!

لكن بالنسبه لي تعني لي هالجمله كثيييير .. لان مكانه المعلمه بقلبي غيرررر ..

المهم مالكم بالطويله .. مانزلت هالموضوع الا عشان من خلاله اوجه شكري لابلاتي ومعلماتي اللي مانسيتهم .. او مهما اتكلم عنهم ماراح اوفي لهم حقهم ..

ببلش من الابتدائي لي الثانوي .. وان شاءالله ما اكون نسيت احد من ابلاتي الغاليات :$

( للعلم انا ماراح اذكر كل ابلاتي، بس اللي تركوا بصمه بحياتي واثروا فيني ، اما في بعضهم الصراحه ماودي اذكرهم عشان لا اخذ فيهم ذنب )

(( الابتدائي –> سبيكه الخالد ))

من دفعه 1997- 1998م و بعدها ..

أبله جميله —> رياضيات .. ما اذكر اصلها بس صج هي من الابلات اللي ذكرهم ماغاب عن بالي ابد .. بشوووشه لا إله إلا الله ..

أبله عيده الرشيدي —> عربي .. هالابله ماشاءالله عليها درستني ودرست خواتي كلهم الله يعطيها الصحه والعافيه ..
( شغله تميزها : عطررررها رهييييييييييييييب :p والله كل ما اشمه اتذكرها يعني اعرفوا لو مشت بالممر اميزها من عطرها بس حسافه الحين اتوقع انقطع )

أبله شقحه —> عربي بعد .. الله يجزاها خير ..

أبله تهاني —> انقلش .. ماشاءالله عليها هالابله ممتازه من ناحيه الشرح والفهم لا إله إلا الله عليها ..

أبله شروق —> رسم .. وجهها بيبي فيس ماشاءالله ..

أبله سناء —> رياضيات ..

أبله خالده —> العلوم ..

أبله نوير —> تربيه اسلاميه ..

أبله لطيفه العدواني —> مكتبه .. طيوووووووووووووووبه ماشاءالله

وناظرررررتهــم —> شريفه المحبووووب .. وصج اسم على مسمى حبوووووووووووووبه وطيبه .. بس حسافه انتلقت من طلعت من الابتدائي او بعدها بسنه تقريباً ..

ومن الابلات هذيل اللي شفتهم العام او قبله لما احضر حفله المتفوقات .. ابله شروق .. ابله تهاني .. ابله خالده .. ابله سناء ..بس ابله جميله شفتها من سنتين تقريبا وبعدها ما لاحظت وجودها يمكن انتقلت او حتى تقاعدت J

——————————————-

وبالمتوسط والابتدائي بمشي بالاقسام ..

(( مدرسه العارضيه متوسطه ))

من دفعه 2001 – 2024م و بعدها ..

* قسم الانقلش *

مس سهير —> صج انها مو كويتيه بس والله حبووووووبه وتهبببل ونفسها خفيفه غيررر عن باقي زميلاتها من نفس الجنسيه ..

مس ريم صالح الرشيدي —> هي اللي حببتني بالانقلش وخلته سهـــل بعيوووني "ماعدا القواعد كنت ميييح فيها واعترف بهالشي" وبفضل ربي ثم فضلها تفوقت بالانقلش ماشاءالله (لما درستنا كانت توها متخرجه من الجامعه ماصار لها اكثر من سنتين)

مس عبير الدخنان —> حبوووووبه وهاااديه

مس نوف —> هم حبوووويه وهاااديه وقلبها طيـــب على طالباتها ..

* قسم التربيه الاسلاميه *

أبله سمراء —> ياكثر ماكانت تزفنا بالطابور عشان نقرا سوره الفاتحه بصوت واحد >> بجد الله يواجرها

أبله منيره العتيبي —> حبووووبه وتهمها مصللللحه الطالبه .. وتحب المتفوقاات عندها وتميزهم والحمدلله كنت منهم :$ ..

أبله ساميه العصيمي —> وهل يخفي القمر ..؟! مادرستني بس كانت محبووووبه الشعب :p اقصد المدرسه 😀

* قسم اللغه العربيه *

على راسهم .. أبله شريفه الديحاااني —> كثر ما اقول انها حنوووووونه وقلبها طيب ما اوفي حقها بالصفتين .. وما انسى موقف صار لنا وياها (اذكر بيوم كان بررررد ومطر ما داوم الا نص الصف فكانت حصتها بعد الفرصه لما دخلت على الصف تشوف بعض البنات قاطين جواتيهم "كرمكم الله" وينثرون الماي اللي داخل الجوتي نفسه .. وسألت انتوا بردانين .. طبعا كان ردنا اي .. فـ راحت جابت لنا دفايه القسم "صغيره يعني تنشال" وحطتها بالصف وقالت كل ثنتين ثنتين يروحون للدفايه وينزلون جواتيهم ويحطون رجولهم عالدفايه عشان تدفى رجولهم ومنها تنشف دلاقهم من الماي ) بجد ونعم الابله .. الله الشااااااااهد إني حبيتج لله فـ لله .. الله يجازيج عن كل طالبه درستيها خيرررر ياااارب ..

أبله نوال العصيمي —> حبوووبه وتضحك وتتغشمر معانا بس لا عصبت لحد يقرب صوووبها :p ..

ابله دلال الرشيدي – أبله فوزيه —> اتعلم منهم الالتزاااام بالحصص والجديه وقت الجد والضحك والغشمره وقت الضحك ..

* قسم الرياضيات *
أبله منيره —> رياضيات .. درستني اول سنه بالمتوسط وعقبها انتقلت .. طيبـــــــه بمعنى الكلمه ..

* قسم الاجتماعيات *

أبله ضياء —> كانت رئيسه قسم والحين صارت وكيله بالشيماء بنت الحارث .. الله يوفقها .. تحب يكون طالباتها كلهم شطااااار وماتفرق احد عن احد ..

أبله شيمه —> عسسسسسسسسسسسسسسسسسسسسسسسسسسسسسسل حبووووووووووبه
أبله نوف الرشيدي – أبله وفاء —> حباااااايب وطيوبااات ..

* قسم العلوم *

أبله حنااان البيدان —> اللي مايعرفها يقووول كريهه وعصبيه وغثيثه بس الصج هي عكس هذا كلللللللللله .. حبووووبه وطيبه مع اللي يستاااهل وتهتم بمصلحه الطالبه نفسها (وما انسى موقفها يوم طحت غشيانه بحصتها ومادوتني الاداره الا عقب ماوعيت وكانت مسدحتني على رجولها تحاول تقعدني ) الله يوفقج وين مالفيتي وجهج ..

أبله اسماء الخرينج —> طيوووووووبه بس البنات مايعرفون لها زين .. مايفرقون بين الابله اللي تبي مصلحه طالباتها وبين الابله العصبيه .. ياحبببببببببببها للكشخه :D بس الصرااحه تنقااال حلووووة كشختها وتميزها بلبسها عن باقي الابلات بالمدرسه ..

أبله شمه —> كانت رئيسه قسم ودرستني اول سنه وعقبها انتقلت .. بس صج علمتني الالتزام وبالدقييييييقه ..

* قسم الحاسوب *

أبله نجفه —> صج انها كبيره بالسن و من جنسيه ثانيه بس تسااااعد البنات وتحسبنا مثل بناتها مو بس طالباتها ..

أبله عفاف "ديكور" – أبله ايمان و أبله ناديه العدواني "كهربا" – أبله دلال الشهري وشيخه الشمري "رسم" – أبله منى وأبله عذاري "الاقتصاد" —> كلــهــــــــم مااقصرووووا حبااااااااااايب و نفسيتهم حلوووة مع طالباتهم ..

* قسم السكرتاريه *

أبله بدريه الميموني —> غيرررر غيرررررر غيرررررررررر عن الابلااات كلهم .. يالبى قلبها بس ..

أبله العنود العجمي —> حبووووبه وطيووبه وتطيح الميانه مع الناس اللي تعرفهم حيل وتعرف اطباعهم وكنت منهم ولله الحمد اما الباقي والله نفسسيه معاهم وماتعطيهم وجه او حتى تضحك معاهم .. <<صررريحه :$

أبله لطيفه العدواني —> حبووووبه ..

وكيلتهم —> منى المنصور .. قلبها طيـــــــــــــب

ناظرتهم —> حصه السهيل ..حبووووووووبه وقلبها على طالباتها ومدرساتها .. (ما انسى يوم سوت لنا حفل تخرج وسوت لنا بعد كيكه وخلت كل رائده صف تجي وتقص الكيكه معاها وصورتنا بعد .. الله يذكرها بالخير ياااارب ) ..

(( ثانويه ام الحكم بنت ابي سفيان ))

دفعه 2024 – 2024م و بعدها ..

على راسهم —> أبله حمدة الواوان .. شـ أقووول وشـ اتكلم عن هالانسانه .. لو اقدر اسميها ملاااك سميتها والله .. لو

قلت حبوبه قلت حمده ولو قلت طيبه قلت حمده ولو قلت بحسبه اختنا الكبيره قلت حمده (مابي اقول امنا عشان ما اكبرها : p ) لو

قلت حنوووونه قلت حمده (تذكرني حنيتها على طالباتها بأبله شريفه الديحاني بالمتوسط) لو قلت ابتسامتها تشرح الصدر قلت

حمده ……إلخ و إلخ وإلخ … شقوووول !! والله ما اوفيها حقها هالابله لو مهما قلت عنها .. كااافي انها تميزززت عن باقي الابلات

بابتسامتها اللي تعودنا عليها و طوولت بالها علينا لا إله إلا الله ..

طبعا نسيييت اقولكم ابله حمده تدرس تاريخ ..

* باقي قسم الاجتماعيات *

أبله دلال المطيري —> لاحبت طالبات الصف تعالوا شوفوا نفسيتها رووووووووووعه معاهم وتبدددع لهم وحتى كانت تجيب لنا جلاد ونجلد دفاترتنا عشان نكون كلنا نفس اللون من برا .. بس لا كرهت الصف انحاااشوا تدخل وتطلع بنفسيه .. وهي كانت تعترف لنا بهالشي .. اذكر كانت تقول لنا انتوا اعاملكم غير وهم غير .. انتوا تستاهلون و ذولاك ما يستاهلون احد يتعامل معاهم زين .. واعترف اني حبيت الـ علم نفس بسببها والله .. ودفاتري كنت اكشخها واسنعها لانها هي تحسسني باهتمامها معانا فلازم ابدالها الشي نفسه .. والحمدلله ليلحين محتفظه بدفاتري وكتبي وملخصاتي للعلم نفس ..

أبله ناديه السويدان —> جغرافيا .. حبوووووووووووووووووووووووووووووووبه وقلبها ابيض .. طييييييبه بزيااااااااده .. الحين تقاعدت .. الله يوفقها ويجزيها طول هالسنين كل الاجر ان شاءالله ..

أبله ناديه الهبيده – أبله عهود المطيري – أبله مريم المطيري —> حبوووباااااااات ونفسيتهم حلوووة مع طالباتهم ..

أبله امينه الفضلي —> "فلسفه" ياجعل يديها ماتلمسهن إلا بارد الجنه ، كانت مستعده تشرح لنا مره ومرتين والف مره عشان نفهم بس "كانت الماده فلسفه" وصج تشرح لنا بضمير الله يجزاها كل خير ياااااااااارب ..

أبله نوره المطيري —> " تاريخ " فاهمه للبنات عدل ههههههه ومتمكنه من الماده حيل ماشاءالله تبارك الرحمن .. وتعجبني لهجتها وبعض كلماتها البدويه بحته تهببببببببببببببببببببل على لسانها كثررري منها يا أبله نوره لطالباتج ترا يستانسون عليها :D

أبله فوزيه – أبله سعاد —> صج مادرسوني بس ماشاءالله خفه طينتهم مع البنات تكفي ..

* قسم الانقلش *

مس حنان —> اللي مايعرفها يقول عصبيه نفس ما كنت ماخذه عنها فكره قبل بس الحق ينقااااال .. حبوووبه و خفيفه دم مع البنات الثقه بس .. اما الباقي وحتى بالصف اغلب الاحيان يبين عليها العصبيه ..

مس نوره المطيري —> هاااااااااااااااااااااااااديه بتعاملها وكلامها وشرحها .. تدخل القلب بطيبتها وهداوتها وتعاااااملها الراااااقي مع طالباتها .. الله يسعدها ..

مس الجازي الرشيدي —> حبوووبه وشرحها و لا احلى و درستني اول كورس عقب راحت تكمل الماستر ماشاءالله عليها واتوقع هالسنه او العام ردت للمدرسه .. الله يوفقها يااارب ويسهل لها دراستها ..

مس مشاعل المهنا —> مو بعيده عن مس حنان

.. بس زود عن مس حنان يقولون عنها مغروره ومتكبره مع ان ماشوف فيها هالطبع .. بس يمكن اللي مادرسته او مايعرفها عدل و يشوف شكلها الخارجي ينطبع عنده هالانطباع بس والله انها خوووش ابله كاافي انها درستنا القواعد من اول وجديد وفهمتنا القواعد اللي كنت ميييح فيها :$ مع انها مو ملزومه إلا بقواعد المنهج بس … لكن هي عندها ضمير "ولاهانوا الباجين" وشرحت لنا من الاول الله يجزاها كل خيررر ان شاءالله . وكانت اختنا الكبيره اللي تبي مصلحتنا من ناحيه تعاملها بالصف .. الله يذكرها عنده بكل خير ..

مس إلطاف – مس عذاري – مس حنان الخالدي —> مادرسوني بس نفسيتهم حلوووووة ماشاءالله وحبوووووبااااااااات ..

* قسم التربيه الاسلاميه *

أبله دلال المطيري —> ياحلوها وياحلو لسانها وتعاملها .. ويا حلو عباياتها ماشاءالله :p
أبله مشاعل – أبله فاطمه – أبله ليلى – أبله منى العنزي —> الله يجزااااهم كل خير على طيب اخلاقهم وتعاملهم معانا ..

* قسم اللغه العربيه *

أبله اجلال —> صااااارمه وجديه وملتزززمه بالوقت بس وقت الدراسه لها وقتها والضحك والسوالف لهم وقت ..

أبله ريم —> حبوووووبه وكل ما اذكره منها انها كانت ماسكه الاذاعه ومايمر اسبوع الا .. تم فصل الطالبه فلانه فلان وذلك ………إلخ هههههه .. اصلا تسبب لنا ازمه لا شفناها طلعت من غرفه الاذاعه ووقفت بالطابور نفسه

أبله زينب السيد —> صج انها من جنسيه ثانيه غير الكويتيه بس كانت ونعم المعلمه الوافده .. طيوووووووووبه وكانت تعصب علينا اذا ما انتبهنا او ما حلينا الواجب او حتى ما قدمنا عدل بالامتحان وعقب تتأسف منا وتوضح ان كل هذا لمصلحتنا .. الله يوووفقها و يوفق عيااالها ويسخر لهم كل شي خير ان شاءالله .. وياكثر ماكنت اتحلطم على العربي وكانت تدعي اني اصير ابله عربي :S هههههههههه

* قسم الرياضيات *

ابله نهله —> الله يوفقها ان شاءالله ..

أبله مها السعيدي —> تعلمت منها العصبيه وكلمات الفرق بينا وبين العلمي هههههههههههههه لكنها حبووبه وماشاءالله عليها متمكنه الماده عدددل تبارك الرحمن ..

* قسم الحاسوب *

أبله شيماء – أبله منال – أبله باسمه الفضلي —> الله يوفقهم و يجزاهم كل خير ان شاءالله ..

* قسم الفرنسي *

مدام شيرين —> الله يووووفقها وين ماراحت صج كانت تشرح لنا بضمييررر الله يوسعها عليها ان شاءالله ..

* قسم الاقتصاد *

أبله نوال العازمي —> عسسسسسسسسل ومشكلتي انها فاهمتني حتى لو ما اتكلم هههههههههههه تهببببل وتعاملها حلو مع طالباتها تحسسهم كأنهم خواتها مو بس مجرد ابله وطالباتها وهم بعد تاخدج بطيبتها ماشاءالله .. الله يذكرج بكل خير يااااارب ..

* قسم شؤون الطلبه *

أبله منال —> حبوووووبه .. الله يخلي لها ولدها ياااارب ويرزقها باخوان له ان شاءالله ..

أبله خلود المطيري —> طيحت الميانه معاها وهي ماعندها مانع ماشاءالله هههههههههه حبوووبه وخفيفه دم و روحها طيبه و كنت آخذ واعطي معاها بالسوالف .. الله يوفقها ويسعدها وين ما لفت وجهها ..

ادري طـــوووووووووووووووولـــت عليكم و حيييل بعد .. بس هذول هم ابلاااااتي اللي ما انساهم .. هذول هم اللي علموني و درسوني و لا يمكن انسى فضلهم علي .. وهم السبب في اللي وصلت له انا الحين بحياتي سواء الدراسيه او حتى الشخصيه ..

واللي بفضل ربي ثم فضلهم وبالاخص جم وحده فيهم دخلت جامعه الكويت وخليت كل الكليات اللي فيها و دخلت كليه التريبه .. لانهم كانوا خيررر قدوة لي من جميع النواحي سواء من ناحيه الشرح او الالتزام بالوقت او التعامل الحلو والراقي او الحنيه على الطالبات او غيره وغيره وغيره …

طبعاً هالـ جم سطر تعجر و ماراح توفي كلمات الشكر لكم لو مهما تكلمت وماراح توفي من احترامي وحبي لكم يا احلى معلماااات ..

ومتأكده ان البعض منكم نسااااني .. لكن العالم الله انكم بالبال ولا راح انسى كل ابله ذكرتها ..

و أرد و أقولكـــمـ ..

شكــــــررررررررررراً

والحين ما املك لكم الا ان ادعي ربي سبحانه بوجيهكم و من وراكم ..

عسى ربي يوفقكم ويسعدكم و ينور عليكم طريقكم مثل مانورتوني بالعلم .. ويجزاكم كل خير على كل خطوة تخطونها .. و يوفق عيالكم و خواتكم ويسخر لهم الابلات اللي مثلكم ان شاءالله .. وبالاخير يجمعني واياكم بالجنه وبالفردوس الاعلى منها ياااارب ..

طالبتكم : المعلمه الصغيره ..

.

هههههههههههههههههههههههههه ذكرتيني بلماضي
الاجتماعيات:حمده ناديه السويدان امينه الفضلي شعاع نوره روووووووووووعة القسم انا علشان ابله امون كان وديي اتخصص فلسفه بس تخصصت علم نفس وعلشان جذي حاطه لقبي احب امون

تربيه اسلاميه دلال وسره
عربي صباح بس زينب كنت اتهاوش معاها وابله نجاح
رياضيات ابله بدريه ومها يممممممممممممممه تخرع بس حبوبه
انجلش اطلع منهم مس صبحيه وردينه بسسسسسسسسس
الحاسوب كلهم روووووووووووووعه
الاقتصاد كلللللللللللللهم الرسم ايلاف
الفرنسي كللللللهم طيوبات

كثر من امثالك واحنا كلنا مستحيل ننسى اي ابلة حطت بصمة بقلوبنا سواء شرحها نصايحها حتى شخصيتها نتاثر فيها

تدرين انا صرت مدرسسسسسسة عشان كنت احب مدرستي لوووووووووووول وصرت بنفس تخصصها بعد لووووووول

نصيييييييييييييييييييحة من اخت لكم ..

اللي ماتوظفت وحاطه فبالها تصيييييييييير مدرسة .. تغير هالفكرة والله ياااابنات

تندموووون مثل ماااندمت اناااا وكثير اندموااااااا

انا بأم الحكم ويازين مدرساتها صج لا قلتي مدرسه مدرسه
احتراام وتعطيج من عمرها صج ان مو كلهم بس اقلبيتهم ..
ويسلموووووو يالغلآ على الموضوووع

بمتوسطة العارضية
مس سهير —> صج انها مو كويتيه بس والله حبووووووبه وتهبببل ونفسها خفيفه غيررر عن باقي زميلاتها من نفس الجنسيه ..

مس عبير الدخنان —> حبوووووبه وهاااديه
مس نوف —> هم حبوووويه وهاااديه وقلبها طيـــب على طالباتها ..

أبله ساميه العصيمي —> وهل يخفي القمر ..؟! مادرستني بس كانت محبووووبه الشعب :p اقصد المدرسه 😀

على راسهم .. أبله شريفه الديحاااني —> كثر ما اقول انها حنوووووونه وقلبها طيب ما اوفي حقها بالصفتين .. وما انسى موقف صار لنا وياها (اذكر بيوم كان بررررد ومطر ما داوم الا نص الصف فكانت حصتها بعد الفرصه لما دخلت على الصف تشوف بعض البنات قاطين جواتيهم "كرمكم الله" وينثرون الماي اللي داخل الجوتي نفسه .. وسألت انتوا بردانين .. طبعا كان ردنا اي .. فـ راحت جابت لنا دفايه القسم "صغيره يعني تنشال" وحطتها بالصف وقالت كل ثنتين ثنتين يروحون للدفايه وينزلون جواتيهم ويحطون رجولهم عالدفايه عشان تدفى رجولهم ومنها تنشف دلاقهم من الماي ) بجد ونعم الابله .. الله الشااااااااهد إني حبيتج لله فـ لله .. الله يجازيج عن كل طالبه درستيها خيرررر ياااارب ..

أبله نوال العصيمي —> حبوووبه وتضحك وتتغشمر معانا بس لا عصبت لحد يقرب صوووبها :p ..

ابله دلال الرشيدي – أبله فوزيه —> اتعلم منهم الالتزاااام بالحصص والجديه وقت الجد والضحك والغشمره وقت الضحك ..

أبله نجفه —> صج انها كبيره بالسن و من جنسيه ثانيه بس تسااااعد البنات وتحسبنا مثل بناتها مو بس طالباتها ..
"رسم" – أبله منى وأبله عذاري "الاقتصاد" —> كلــهــــــــم مااقصرووووا حبااااااااااايب و نفسيتهم حلوووة مع طالباتهم ..

هذييييل ^^^ لما الحين هني ما عدا ابلة شيخة الشمري " رسم " لأن الكورس اللي طاف بس و هالكورس ما شفتها وابلة سامية العصيمي تربية اسلامية انتقلت لمدرسة ثانية <~ أنآ بمتوسطة العارضية حالياً

يااااا حلااااااتهم جنج قاعدة توصفينهم لي لما الحين ما تغيروا و ابلات العربي صح كلامج وقت الجد جد و وقت الضحك ضحك

طلعتي من بنات ام الحكم .. حيااااااج الله

مشكوووووووره عالمرور

و امثاااالج اخيتي

ااكيييد ما ننساهم الله يديم عليج وعليهم الصحه والعافيه يارب

مشكوووره عالمرور اخيتي …

الله يهداج اخيتي أنا داخله اشكر ابلاااتي وانهم خير قدوة ومن هالكلاااااااام وانتي داخله وكاتبه جذي !!!!!!؟ بدال ما تشجعيييييين البنات تخوفينهم !!! الله يسامحج بس ….

عالعموم احترررم وجهه نظرج بالتدريس ومشكووووووره عالمرور

ياحي الله زميلتي سابقا

اي والله صدددقتي ، وأكيييد مو كلهم بس الأغلبييييه لان كل مكان فيه الزين وفيه الشين …

واستاااانسي بكل لحظه ترا ايام ماتتعوض وخصوصا لا صاروا ابلاتج ذهبببببه بمثل اللي ذكرتهم ولا هانوا الباجين

الله يسلمج اخيتي وماقصرررتي عالمرووور
p

سلمي لي عليييهم ووصلي لهم رسالتي

بجد ياهنيــــج بهالابلاااات ماشاءالله لا إله إلا الله ..

اكييييد مايتغيرون لان هالابلاااات ذهبببه ومعدنهم طيب الله لا يغير عليهم ويزيد عليهم من نعمته ان شاءالله

شدي حيلج بدراستج والله يووفقج يارب

آآبــ لـ أحلى ابلااااااااااات ..

انا متأكده ان في لو ابله وحده بس من اللي قريتهم قرت هالكلام .. والله مابيكم تردون ولا شي .. بالعكس مابي الا اني اوصل لكم شكررررري وتقروونه مو اكثررر ، وابين لهالجيل ان ليلحين في ابلااااااات ينحطون عالجرح يبراااا .. مو مثل مو ماخذين فكره عن المدرسات والتدريس بشكل عام

الله يجزاكم الجنه ان شاءالله ..

حبيبة قلبي انا مدرسه بمدرسة سبيكه الخالد
وابله سناء وابله شروق وابله خالده ايهبلووووووووون و موجودين وراح ابلغهم باللي كاتبته
واهم فعلا قدوتنا واورع الابلات بمدرستنا

ياحوج يا المعلمه الصغيره ذكرتينا بهذيج الايام اللي ماتنسي انا هم معلمه صغيره وبقولج اللي اذكرهم بهاالمدارس واللي للحين مودودين بعد
سبيكه الخالد كنت ميداني فيها موجوده ابله خالده العنزي عربي وابله سناء رياضيات وابله سناء الحين ادلعها سونه طبعا قبل مانتجرأ
والمتوسطه لحقت على منيره العتيبي ونوال العصيمي
واكيـــــــــــد المحبوبه ام عمر ساميه العصيمي اللي للحين علاقتي معاها قويه وصرنا اصدقاء بعد ما كنا ابله وطالبه ياحلوهههههها
والثانويه ابلله لطيفه عربي وتاريخ نعيمه مادري موجودين للحين او لا
واكيد اباه حمده قمه بالاخلاق ونوره تاريخ وسعاد وناديه
واللـــــــــــــــه يذكرهم بالخير كلهم