أبرة الأجسام المضادة لفصيلة دم o- لبعد الولادة

السلام عليكم ورحمة الله وبركاته
عندي سؤال أو بالاحرى عندي مشكله وبطلب خبرتكم ومساعدتكم

آنه بكر وحامل الآن في شهري الثالث وفصيلة دمي o- وزوجي o+ يعني لازم بعد الولادة آخذ أبره أسمها "أبره مضادات" أو"إبرة الإجسام المضادة" عشان ماتكون اجسام مضادة للطفل الثاني.
وعلى فكرة هذا مو اول حمل لي قبلها حدث لي إجهاض وفي بداية نزيفي رحت حق دار الشفاء قالت لي دكتوره هناك إني لازم آخذ إبره المضادات الحين لان معاج نزيف وهالإبرة موموجودة بالخاص بس موجودة بالحكومة وطلعت منها ورحت الحكومة وأنسدحت عندهم 5 أيام وخذيتها مع ان قالولي اني مومحتاجتها لأن مالحقت تتكون الأجسام المضادة بجسمي بس أصريت آخذها.
و الحين ماني عارفة وين اروح آنه ودي بدار الشفاء لأني متعودة عليها بس ماينفع لأن هالأبرة ضروورية لي وعلى كلام الدكتورة موعندهم فماتعرفون مستشفى ثاني خاص عنده هالإبرة؟
معلومة :أختي فصيله دمها نفس فصيلة دمي ودايما تولد بالسلام يعني هالإبرة عندهم بس شنو من المستشفيات الباجية عندهم؟

انا اخذها وانا بشهر السابع وبعد الولاده يشوفوون اذا الياهل نفس ابووه انتي بعد تاخذين الابره
اذا الياهل نفسج اهو ياخذه

اول مره خذيته عند ناهده
والثاني رحت الصباح سوولي تحلييل وتاكدو وعطوني ياه

انا يوم رحت الخاص قالتلي ماله داعي تاخذين هالابر

بس الخاص عطووني موعد بعد شهر من سويت التنظيفات قالوا اذا نحددها لج او لأ

بس انتي اذا مافيج شي ماله داعي تاخذينها

معني ريلي مثل فصيله دمي
فما ادري اشلون الطريقه
بس انا فيني اجسام مضاده للاسف

مشكورين على المرور
آنه سمعت أنها تنوخذ بالرابع وأحيانا بالسابع بس اللي أعرفه أكيد أنها بعد الولادة
وماني عارفة شنو المستشفيات الخاصة اللي عندهم هالأبرة غير السلام

انا فصيلة دمي o+ و زوجي o-
احتاج الابرة ولا لا؟

دار اشفاء متوفرة عندهم الإبره آنا دكتورتي قالت لي اخذها بالشهر السابع والثامن وبعد الولادة اذا فصيلة البيبي + وتوني ماخذتها بدار الشفاء من الصيدلية وعطوني ياها الطوارئ

اهم شي تاخذينها قبل الولاده … وبعد االولاده اذا البيبي صار نفس فصيله ابوه

وترى طوارء الصباح يعطونج ..وببلاش

اختى حبيبتى دار الشفا فيها فى بنات كانوا ياخدونها عندهم بس المشكله ان اهى اوقات كثير تكون خالصه من عندهم بس ما تخلص من الحكومه

وبالخاص تاخديها تقريبا 40 دينار وفوق ….وبالحكومه ولا شىء ولا عطوال متوفره وقت ما بغتيها تروحين يسون لج تحليل الاجسام المضاده

عقب ساعتين يطلع ويعطونج الابرا

بس حببيبتى الابرا هدا يسولج تحليل بالسابع اذا فيج اجساام مضاده تاخدينها اذا مافى اجساااااااام مضاده ما تاخدينها

وعقب الولادها لو طلع البيبى نفس فصيلتج ما تاخدينها لو طلع مختلف لازم تاخدينها ضروروى واى استفسار انا حاضرة لانى مخدتها 4 مراااااااات

حبيبتى انتى ما تحاتجين يا قلبى لان انتى مو (_) للو انتى سالب لازملج لكن انتى موجب(+) ما يلزمج يا قلبى

اهم شىء الام تكون موجب مو مشكله الاب

عاشقه الاسمراني ..بعد الولاده تاخذينها متى ؟؟ يعني نفس اليوم او بعده؟

انا الله يسلمج خذيتها عند ناهده فالسابع

وولدت فالهادي وخذيتها بعد الولاده….

هذي الأبره وايد مهمه أنا بحمالي ينزل علي دم على طول آخذها وضروري بعد الولاده لأني سألت الدكتوره أتقول إذا ماأخذتها بعد الولاده البيبي اللي بعده إذا حملت يموت بطني ضروريه هاللأبره للي نفس فصيلتنا وكنت آخذها من صيدلية البراء كلينك بالجابريه وإذا خلصت أدور على كل الصيدليات لمن ألقاها بس مره ماكو مكان مادورتها فيه كانت خالصه وبعدين اضطريت أخذها من الحكومه غصب عطوني

للرفع

تيب انا مره نزل وكان ميت والثاني ميت في بطني
زوجي o+وانا b+ يعني مختلفين
فيني أجسام مضاده

اب اب