|
|
بعد نجاح الجزء الاول من رابطة المتكممات
https://www.q8yat.com/t716397.html
يسرنا افتتاج الجزء الثاني من رابطة المتكممات لتتم مشاركة اهم الامور والتساؤلات الخاصة بعملية تكميم المعده وذلك لتعم الفائده للجميع باذن الله
وياريت نبدا بتعبة اهم البيانت مثل:
الاسم:
الطول:
الوزن قبل العملية:
معدل النزول والمدة :
تاريخ اجراء العملية :
اسم الدكتور :
التكلفة :
النتائج الايجابية للعملية :
النتائج السلبية للعملية :
ملاحظه هامه
لوحظ بالجزء الاول وجود العديد من الاحاديث الجانبيه والخروج عن محتوى الموضوع والهدف الاساسي من انشائه!!
لذا الرجاء اتباع قوانين المنتدى والالتزام بمحتوى الموضوع حتى لا يتعرض لموضوع للاغلاق
نرجو تعاونكم
والان نترك لكم متعة المشاركه والفائده ان شاءالله
الطول 157
الوزن قبل العملية: 112
معدل النزول والمدة : 51 والحين وزني 61 اليوم قسته بالنادي
تاريخ اجراء العملية : 10-8-2010
اسم الدكتور :د.خالد العنزي
التكلفة : 3000 دينار كويتي
النتائج الايجابية للعملية : حلوووه اني نزلت الوزن الكبير اللي فيني وعرفت شنو الاكل المفيد اللي يناسب احتياجات الرجيم
النتائج السلبية للعملية : يمكن اول الايام تعب البنج والترجيع وبس
انا معاااكم لي الجزء 100 ماراح اخليكم حبااايبي
وهالله هالله بالمشاركات اللي تنفع غيرنا اللي بيسوون العمليه واللي سواها يقولنا يومياته بالعمليه والانظمه الغذائيه
ودمتم سالمين
وان شاء الله يكون خير علينا يارب
الطول:159
الوزن قبل العملية:101
معدل النزول والمدة : للحين ما نزلت وايد ..توني ماكملت 3 اسابيع
تاريخ اجراء العملية :19 ابريل 2024
اسم الدكتور :د.محمد العجمي
التكلفة : 850 دينار
النتائج الايجابية للعملية :1-عوار ريولي اللي من الاملاح رااااااح
ولله الحمد…وعندي الم بركبتي اليمين خف حيل
2-اني خفيفية وحركتي اخف من قبل بوااايد..
3- سلوكي بالاكل صار احسن
4- ما احس بالجوع..ولا اشتهي الكاكاو ابد
النتائج السلبية للعملية : 1
– اتحطم لما اكون ميتة عطش..وما اقدر اشرب الا شوي شوي يعني ما ارتوي عدل…
2- لما اطلع ماعندي خيارات بالاكل الا العصير
3- احس بدوخه احيانا..وخمول
4- احاتي سقوط الشعر…
وبارك الله فيج يا اميره وفالج الرشاقه والصحه ةالعافيه يا رب
سؤال ا اميره
ما تحسين انج بديتي تضعفين وترجعين للعادات الغذائيه القديمه الخاظئه
الاكل تالي الليل واكل الحلو والاكل وانتي مو يوعانه
هل بدا يزيد الوزن ولا ماشالله للحين قاعد ينزل؟
الطول:165
الوزن قبل العملية:117
معدل النزول والمدة : 8 كيلو 25 يوم
تاريخ اجراء العملية :12ابريل 2024
اسم الدكتور : ماجد المصري
التكلفة : 1100
النتائج الايجابية للعملية :
صرت خفيفه الم ريولي وركبي خف
النتائج السلبية للعملية :
اكتئاب.. خمول .. كسل ..كله مالي خلق وحلجي ناشف علطول ولما اشرب ماي احس بلوعه ودوخه وهم مايرويني
فديتكم ^_^
Sweetq8 <<< اختهاا
تكميم معده
سويتها ١٩-٤-٢٠١١
عند الدكتور خالد العنزي بالسلام
كلفتني ٢٦٥٠
امممم في نزول بالوزن بس مادري بالضبط
صارلي يمكن ٢٠ يوم
و بعد فتره اقولكم النتايج
ياااارب اوصل للوزن الي ابيه احس نفسيتي تعبااااانه
|
المشاركة الأصلية كتبت بواسطة سمسميه
 حياكم الله بنات
وبارك الله فيج يا اميره وفالج الرشاقه والصحه ةالعافيه يا رب سؤال ا اميره |
مشكووره اختي سمسميه الله يعافيج وماقصرتي بافتتاحج الجزء الثاني للرابطه
امبلا حسيت اني ضعفت بوووووواجد وصرت انسانه ثانيه
اقوولج اهي لازم التخربط بس احس بتأنيب ضمير مراات اكل الميني فطاير حبه وحده او ثنتين وبس واكل الحلوو اغسلي ايدج منه لان الصراحه كرهته موو صج صااار عدوي اللدود بس الصرااحه انا حبيت اكلي لان احس ماكو فرق بين الاكل العادي بس انه ماكو دهون كللش مثل همبورجر بالفرن وعيش مشخول وخبز وتوست اسمر وبيض مسلووق وشوربة عدس ولحم مفرووم شغلات بسيطه والاهم اني تخلصت من مرحلة السمنه القاتله والحمدالله الوزن قاعد ينزل بشكل طبيعي ، بس صج انصح كل متينه انها تسوي العمليه وتفتك من السمنه لانها صج ام الامرااض
.gif "Eh S(7)")
انقذوني انا في حيره شديده.. انا وزني ٨٩،٥ وطولي ١٥٥ وزني كان ٩٣ وغصب بشهر ونص نزلت هل ٣،٥ كيلو. لني التزم جم يوم و ارد اخربط ماكو اراده ولا مقاومه.. المهم انا بين فتره وفتره افكر بالعمليه لنه غرضي منها اني احمل وسمنتي مصعبه علي هالموضوع بس دكتوري يقول انتي وزنج ما يسوى تسوين عمليه طبعا هذا دكتوري الي يعالجني حق الحمال و بكلامه خلاني اهون عن العمليه بس ياربي ماكو اراده.. الحين الي بعرفه عقب العمليه شكثر تحسون بالتعب وليتى وعندي لكم جم سؤال.. ١- انا عقدتي بالدنيا الترجيع ما احبه ف ابي اعرف الترجيع يستمر معاكم ليمتى؟ وصج في ناس ما يحوشهم؟ ٢- صج يحوشكم حمول واكتئاب بسبة قلة الاكل؟ ٣- صج في اصوات محرجه تطلع من البطن والحلج؟ ٤- بالنسبه للماي انا لما اكون عطشانه عادي اشرب نص البطل مره وحده واحس معدتي انترست بس للحيني عطشانه ف شلون بالتكميم اذا الماي ينشرب رشفات شلون يكون الوضع؟ ٥- في عوار بالمعده ولا بس فتره قصيره بعد العمليه بعدين خلاص ما تحسين بشي؟ ٦- صج ساعات الواحد يدوخ ويتعب ويطيح بالمستشفى بسبة قلة الاكل؟ ٦- شعررررري و آه من شعري وايد احاتي هالنقطه لنه اساسا خفيف وخايفه عقب العمليه اصير قرعه. قولولي الشعر يطيح وايد؟ ومتى يرد يتعدل؟ ٧- بالنسبه للنزول ساعات اشوف ناس معدلهم ٥ بالشهر وناس تقريبا ٨ ولا ١٠ وناس تمر فتره طويله وزنهم واقف. اذا النزول ٥ بالشهر مو جنه شويه؟ بالرجيم ممكن ينزل اكثر فشنو فايدة العمليه اذا بس ٥ بالشهر وحتى ٨ الواحد ينزلها بالرجيم بس شنو تفرق العمليه؟ ولا ماكو فرق؟ ادري اسألتي وايد بس صج تعبت من التفكير مره اقول رجيم ونادي بعدين ازهق بسرعه و مره اقول بشترك بالوجبات ومره اقول لا العمليه احسن *والعمر قاعد يركض و ام زوجي كرهتني عيشتي بموضوع الحمال.. فيدوني جزاكم الله خير الطول: 166 أو 165 مادري
الوزن قبل العملية:131
معدل النزول والمدة : وزني حاليا 62 ماشاء اللــه
تاريخ اجراء العملية :22 . 7 . 2024
اسم الدكتور : محمد الهيفي
التكلفة : 3500
النتائج الايجابية للعملية : تغيرت نفسيتي حييل حيل وصرت أدش اي محل ابيه بكل ثقه واشتري بكيفي رجعت لي ثقتي بنفسي
النتائج السلبية للعملية : مآكو
الطول:159
الوزن قبل العملية:101
معدل النزول والمدة :3 كيلوو خلال اسبوع
تاريخ اجراء العملية :2-5-2011
اسم الدكتور :نايف العواد
التكلفة :مجان (لاني سعوديه وسويتها بمستشفى حكومي "التعليمي")
النتائج الايجابية للعملية :احس نفسي مرررة اخف من اول
النتائج السلبية للعملية :خموووووووول والدووووخه
بنات تكفون انا توني باول اسبوووع وكرهت عمري وانا اشرب عصير التفاح والماي بلييييييييييز ممكن تكتبون لي شنو ممكن اشرب غيرهم من الاشياء الشفافه وهل من الممكن اني اشرب شاي وقهووة لان تعبت نفسيتي من غيرهم