|
|
السلام عليكم ورحمة الله وبركاته
اشلونكم خواتي عساكم بخير
…..بعد الاسئذان من المشرفة بتبوتا…..
اكيد تبون تعرفون شنو الي يضمن لكم السعاده والرحه من الهموم والمشاكل 100% صح؟؟ وهذا بشهادة تجربة الكل
وانشالله مع تجربتنا راح نتـأكد من هالشي بعد
سوينا كل شي حق رياييلنا لبسنا احلا القمصان وسوينا احلا الليالي وشرينا اغلا الالعاب الزوجيه بس هم ماكو فايده واذا اكو فايده هالفايده بس حق الزوج بس شلون ارضي حمولتي وعيالي؟؟
وهالشي الي بغيرنا اهو….
((ســـــــــــــــــــــــــــــــــــورة الــــــــــبـــــــــــــــــقـــــــــــــــــــ ــــــــــرة))
طبعا انا مو اول وحده تتكلم عن هالموضوع بهالقسم وبكل الاقسام
انا ناويه بأذن الله بعد مااستأذنت من مشرفتنا (بتبوتا) اسوي حملة لقراة سورة البقرة لمدة شهر وبنشوف تأثيرها على حيانتا
طبعا كلكم راح تسألون ليش حطيته اهني..؟؟
انا قصدت هالقسم بالذات بسبب المشاكل والبلاوي الي اقرا والي اتصير بينكم وبين ازواجكم او حمولتكم او عيالكم يعني حياتكم الزوجيه بشكل عام
واكيد الكل يعرف تأثير سورة البقرة سبحان الله على كل شي
بس احنا اعوذ بالله من الشيطان فينا كسل وانا منكم اتعييز اقراها كل يوم وطبعا حججنا انها طويله ومايمدينا وماعندنا وقت و و و و طبعا كل هالاعذار الشيطان قاعد يوسوسها لنا لان يدري انها راح اتفيدنا واهو مايبي هالشي لنا اعوذ بالله منه
وكافي ان احنا كلنا خوات اهني ونعرف بعض ونبي نشجع بعض على هالشي
عشان جذي الي تبي تشترك حياها الله وبأذن الله بتشوف نتيجه خياليه خلال شهر واذا شفت في اقبال راح نمدد اكثر
انا قريت السورة قلل جم يوم وخذت مني كامله ساعه بالضبط
يعني الي تتعب من القراءة والقعده ساعه متواصله تقدر تقسمها على اربع اقسام باليوم كل قسم ربع ساعه ومو معقوله ماعندج فراغ ربع ساعه بيوم كامل حتى وانتي بالدوام او بدال مجابل النت
(((((الشروط))))
**راح تبتدي الحمله بأذن الله 1-1-2011 وراح اتكون فاتحة خير علينا بالسنه اليديده يارب
**واي بنت تبي راح اسجل اسمها وادز لها رسالة تذكير قبل يوم من الحمله
**راح يتوقف التسجيل تاريخ 30-12-2010
**وابي من كل وحده مشاركه اتحط مشاركتها بالموضوع واذا مالقيت مشاركه للأسف راح تطلع من الحمله(( وهذا اهو الحافز هههه))
يعني اذا المشاركين بالحمله 10 ابي اشوف من كل يوم وبالتاريخ راح اجيك كل يوم عشرة مشاركات من هالبنات
**وبالاخير ابي مع كل مشاركه النتيجه والحاله النفسيه الي حسيتي فيها لما تخلصين قراءة عشان نشجع البنات الثانين
وابي احطلكم ملف فيه جدول مسويته الاختcherrry يزاها الله الف خير
هذا راح يساعدكم فيه ايام الاسبوع راح يتخزن عندج بالوورد وكل يوم بكل خانه اتحطين صح لما يكتمل الشهر
وهذا الشي اختياري لكم اذا تبونه او اذا اسهل لكم تطبعونه بروقه واتحطون صح بالخانات
وهذا الرابط
https://www.box.net/shared/vaz9986tc8
وحياكم الله وبأذن الله راح نشوف التغيير والله ملينا من الهم والغم والامراض
بعد اذنج ام حيدر بس بزيد على كلامج
يابنات مو شرط يكون عندج مشاكل علشان تقرينها لازم نذكر ربنا وقت اليسر بعد
فضل سوره البقرة(قال الرسول صلى الله عليه وآله وسلم(أقرأوا سورة البقرة ،فإن أخذها بركة،وتركها حسرة, ولاتستطيعها البطلة أي السحرة)
وصح كلامج لازن نذكر بنا بكل وقت
سبحان الله وبحمده
سبحان الله العظيم
________________________________
حياكم الله راسلوني عندي عطور سيد جنيد كلهااااااا
انا سجلت برد ابو الذهب بس مادري عن سوسن1980 و حورية الشمال؟؟
اتمنى الي تبي تقولي ابي اسجل
وحياكم الله
وعليج بالف عافيه اختي سوسن
وياااارب تتسهل اورنا ونتوفق في حيـــاتنا ……
وموفقين ياارب ,.
بس مآظمن نفسي ادخل كل يوم ..
آن شاء الله بحآول
يزآج الله الف خير