|
|
مستجدة وحابة تعرفين شنو الستايل اللي يناسبج..!
أو مليتي من استايلج القديم وحابة تجددين..!!
طيب خلينا نشوف اهم واغلب الاستايلات اللي ممكن تكون مجموعة طلات لك في الكولج
بس أول شي راح تجيبين معاك ورقة وقلم..لأننا راح نساعد البنات المستجدات
واللي ماتعرف شنو ممكن اشياء تشتريها قبل الكولج وماتتحسف
ترا الدعوة فيها كرف..!
لا تستغربين..لأني كنت مثلك احب التغيير وفجأة صرت بزي..ومقدر اطلع كثير بحكم الدراسة ووقتها
بس اذا طلعت السوق اخذلي كم قطعة تنكرف..!
صدقيني كل البنات من الملل..يصير مالهم خلق..فلا ترهقين نفسك ولا اهلك
الجامعة ابسط مما كنت انا اتخيلها ايام المراهقه خخخ
جهزتوا الورقة والقلم..!
يلا نبدا..!
يلا انتي ابدي شجعينا عشان نشارك
تسلمين عالموضوع العنوان شدني
– شوز
من ناحية الشوزات فالسوق مليان..اذا كنتي تحبي السبور
فتذكري انو لما تلبسيها اللبس يكون متماشي مع الستايل تبعك
لبس انيق جدااا..انسب شي فلات او صندل
بس الله يعينك ع الوصخ من تمتير الجامعة..خصوصا لو لبستي صندل
بس لازم مع الفلات تلبسين دلاغات المخصصة لها
لان مع الوقت بتطلع ريحة مو خوش
وفيه في الصيديلة شي تحطينه داخل الشوز ويحافظ نوعا ما ع الشوز انه مايخترب من كثر اللبس من داخل
يعني مايتخفس ويريح القدم..! مدري فهمتوا علي او لا..!
فيه طريقة عشان ما تطلع ريحة شينة..أول شي نظفي رجلك وغسليها بالصابون بعدين نشفيها وحطي بودرة اطفال
راح يقل تعرق الرجل..
ولو طلعت ريحة مو حلوه من الشوز..جيبي ليبتون وحطي داخلها وعرضيها لأشعة الشمس..وراح تروح الريحة
المحلات والبرانداز كثير..!
– واقي الشمس
اهم شي احسه مهم..لأن الشمس قوية..وتحتاجين تحافظين ع بشرتك ولونها
اخذي شي للوجه..واليدين والرجلين
الأنواع كثيرة
بالنسبة لي اللي ناسبني..كلينك
– الشنطة
الشنط ع حسب انتي شنو تبين..!
وع حسب كتبك وقرابيعك..!
فيه الغالي وفيه الرخيص
ماتحبين تغيرين وتبين تكرفين مالك الا الغالي..!
طبعا الماركات الجيدة واللي تتحمل الكرف متفاوته بالاسعار
فيه مثلا قيس وليز كليبورن الخ اسعارهم جيدة وتتحمل الكرف
وفيه دكني وكوتش والفيرو اعلى منهم حبتين وهم حلوة
وفيه ال في و بربري وغوتشي و و الخ
المحلات العادية واللي تبيع تصاميم حلوة واحيانا تشبه تصاميم الماركات الكبيرة
بارفوا..
اكسسواريز..والدو..ومحلات الملابس كزارا وبرمود ووو وغيرها الخ
– النظارة الشمسية
ع حسب اذا جامعتك مفتوحة فتحتاجينها ضروري لأن اشعة الشمس قوية
واذا لا فبلاش
اهم شي اخذيها من محل متخصص بالنظارات
والبراندز ياكثرهم فيه من 10 وطالع
– الساعة
اهم شيي لاتحسبين انك مثل المدرسة تنتظرين الجرس..لااا
فلازم تكونين لابسة ساعة..او حتى الموبايل صار يغني
وممكن بالموبايل تحطين منبه..و سولفي ع راحتك خخ
– الميك أب
خلي طلتك تكون خفيفة..وبنفس الوقت وجه مريح لك ولغيرك
استخدمي الواقي – فيه منها بلون-..أو معاه حطي أولاي بالتوت البري
وكحل لو حابة..ورتبي حواجبك..مع بلاشر وحمرا هاديه..واذا حبيتي ماسكارا
والافضل تكون مو ضد الماي عشان ماتسبب تساقط رموشك
– الاكسسورات
حلو تلبسين سواره ناعمه وصغيره..وانتهينا
واذا انتي راعية قلايد..بس اهم شي خليها سمبل..ولا تسوين زحمة وتلبسين
كل قراشيع بيتكم خخ
– العطر
عشان تكملين طلتك..ماراح اتكلم عن النظافة الشخصية..لأنو لو تحطي عطر وانتي ماتسبحتي الصباح
او ماتتسبحينن يوميا..فالريحة بتنقلب ضدك..
عطر خفيف وهادي للصباح ولأجواء الصيف..بالشتاء ممكن تثقلين الريحة بس مو لدرجة تلوع جبودنا
عندكم فلانتينو الجديد حبيته .ولاكوست حلو..
وهم فيه عطورات عند دي بودي شوب اقتصادية وريحتها واو
اممم كثير خيارات عندك
برب
موضوعك رااائع
نحتاجه كثير ..
أنا ما أحب أكون كل يوم بإستايل غير وشنطه غير ومادري شنو غير ..
أحب إستايل واحد بين قترات طويله أغيره يعني ..
وما أحب أتهيلق بلبسي ..
أحب الشي السنبل ..
تسلمين يا دلبووو .. متاااابعه موضوعك
وkeep it up
وطبعا انتي ماتعرفين احد هناك
اول شي جهزي اغراضج من الليل عشان ماتنسين شي او تتوهقين بالوقت
خليج ريلاكس..ونامي واهم شي اشبعي نوم عشان تكون النفسية حلوة<–اكره شي اذا جيتي بتعدلين نومك
قمتي الصباح وسبحتي او غسلتي وتمكيجتي وخلصتي من كل شي..تريقي وهدي اعصابج
اكيد وانتي في السيارة طول الوقت شايلة هم شلون بتعرفين احد هناك..!ومكان اول مرة تدخلينه
ابتسمي وابتسمي ثم ابتسمي هذا اهم شيي..بس مو تصيرين مثل الهبلة
خليج متواضعة وخلي انطباع الناس يكون عنج حلو
اول ماتدخلين راح تشوفين كل الناس مثلج مايعرفون احد..وكلهم مثلج يبون يتعرفون يعني الهم اللي كنتي
شايلته ماله داعي..اي شي ماتعرفينه اسألي..لاتستحين منها تقدري تكسبين بنات وبنفس الوقت تعرفين اللي تبينه
يعني ابداا لاتشيلين هم الجامعة وبنات جدد وماني عارفة ايش..سبحان الله الامور تتيسر بس وكليها ع ربك
وعيشي يومك واستانسي
– بسسس..!
اهم شيي لا تعطين البنت جوهها الا لما تعرفينها واذا ماعجبتك عادي اسحبي عليها..لحين المجال عندج وتعرفي على اللي من اخلاقج..
بتشوفين البويات منتشرات وسبحان الله..
احنا كانت عندنا 1 فجأة صاروا 2، 3، 4، و ..وو
وكلهم شلة وحدة..اللهم عافهم ولا تبلانا
اهم شي لاتعطونهم وجه نصييييييييييحة سمعتك من سمعتها..
يابناتي يارعاكم الله انتبهوا من هذي الفئة فالصاحب ساحب والخير يخص والشر يعم
ياشيخة لو تصادقين الطوفه بس ابعدي عنهم..!
برب
في الجامعة لما تقولك التيتشر او الدكتور ان فيه واجب وباجر مثلا تسلمينه
لا تسحبين عليه..ترا مو مثل المدرسة تقولك يافلانه ليش ماجبيته ..خلص تجمعهم
واللي ماجاب بسلاااامته ..وراح تشوفين هالواجبات تنفعك بـ + بعدين خخخخخخخخ
البحوث
نظمي ونظمي شغلك..لا تصيرين اتكالية لما تكوني في قروب لا تسمحين لا لك ولا لغيرك ان يكون الشغل
ع وحدة اكثر من غيرها او يكون عليها بروحها..!!
اكثر شي ينرفزني بالقروبات هالسالفة..خصوصا ان من اول محاضرة ممكن تقول الدكتورة انقسمو لقروبات عشان مشاريع المادة
طبعا انتي ماتعرفينهم ولاهم..
فيمالك من حرق الاعصاب لو كنتي حريصة ع الشغل..واخذي ايميل هذي ويالله متى تدخل ومني عارفة ايش
يعني شي مايعجبك..او تحسينه غلط..قولي لهم ولا تسكتين..! وحاولوا كل شخص يكون له نفس المجهود
اخيرررراااااااااا
الجامعة شي جميل جدا..لاتخافون منها يمكن يجي يوم تشتاقين للمدرسة بس صدقيني الجامعة غييييير
والكلام اللي فوق مجرد اجتهاد شخصي ممكن مايناسب البعض..! وممكن لا..!
فااختلاف الآراء لا يفسد للود قضية
ولولا اذواق الناس لبارت السلع
عموما..كل هدفي اساعد الضعيفات المستجدات
وياليت انتوا تساعدونهم باللي عندكم..!
يمكن فكرة الموضوع قديمة..بس حبيت اجددها دام ماباقي شي ع الكولج
وياليت نعرض اغراض الجامعةالجديدة بعد اذن المشرفات اذا ماعندهم مانع..!
لــي باك مع اغراااضي اذا لقيت وصله الكام 
ادعولي القاها 
يعطيج العافية
بس حبيت أنوه للعطور ديروا بالكم الجامعة مختلطة حرام الرجال يشمون عطركم يعتبر زنا
و لي عودة بإذن الله
مشكووره عالموضوع حبيبتي خواتنا المستجداات يحتااجون هالموضووع لأن بعضهم أو أغلبهم يكوون ضايع >> نفسي قبل 
وأحب أذكرر مثل ما قالت اختي المهاا بأن العطر مااهو شي ضرووري وما تسوى عليج تحطين عطر وكل من شمه أخذتي إثمه
أهم شي النظاافه وان الوحده تلتزم تاخذ شاور يوميا او يوم وتررك وتكتفي بالبودر والبودي لووشن
خوش موضـــــوع
موضوع مهـم ومفيـد بالنسبة للمستـجدات ..
جـزاج الله كل خيـر ..
يعطيج العافيه اهذريبك ماقصرتي =)
تسلييييييييييين ياصاحبة الموضوع ع الموضوع المفيييييييد
في سؤال ابالي من بعد اذن صاحبة الموضوع 0000
سهل الواحد يتفوق بالجامعة؟وشلون؟ واذا حابة اخذ امتياز مع مرتبة الشرف شلون ؟يعني لازم اكون من الاوائل ع الكلية كلها؟