×××الامهات الموظفات قولولي شنو نظامكم؟؟×××

أفاااااااااااااااااااااااااااااااااااا

الله يعينج طول ما اهمه صغار بتظلين جذي لحد ما يكبرون
وترى اللي يداوم يكسل يطلع الا في اخر الاسبوع
ومدام انتي تبين تودين حضانه وانتي وراج لوية الدوام لازم تستحملين
الله يعينج

ثانكس حبي بعد من يزيد

حبيبتي انتي عيالج صغار يعني ما في تدريس ولعب كرة

عيل احنا شتقول

اول شي اقعد من النوم حق صلاة الفير واجهز حق الدوام وبعدين اقعد عيالي حق المدرسة ونطلع قبل الزحمة يعني الساعة 6.45

وبنهاية الدوام ارجع اخذهم ونرجع البيت اغديهم وابلش دراسة وبعدين ممنوع النوم ظهرا الساعة 6.30 عشاهم والساعة 7 يتبحون وينامون واحيانا اسبحهم الظهر قبل العدا اذا كان حيل حر

واذا انا عندي مشاوير اطلع بعد ما انومهم

انا حاطة طباخة وخدامة للبيت والطباخ والعيال مهمتي الله يكون بعونج وعونا

طوووووووووووووووول عمرنا بنتعب معاهم ليما يكبرون

شوفي حبوبه انا حاليا داومت هالاسبوع رجعت من اجازت الامومه
وضبطت مع ريلي واهو خذى اجازه ليييييييييييييه ورى عيد الفطر
لانه بنتى صغيره قلت عالاقل تكمل 8 شهور ادخلها
والحين مرتاحه لانه ريلي موجود بالبيت
طبعا الخدامه اهي اجابل بنتى الصبح اكون مزهبه كل شيء لها

واذا رجعت من الدوام ريلي يقوم من نومه وانا انام عالاقل يخلي بنتى معاه بعد شنسوى عشان لا تزهق الخدامه

والحياه تعاون

هالوضع ليه ورى العيد بعدين يتغير النظام ولدى الروضه اول سنه
وبنتى الحضانات واحنا دوامات
وعلى فكره صج انا انام العصر بس الله لا يوريج نومه متقطعه لانه محد يعرف حق بنتى عدل ومرات تبجي بجى ما يعرفون يتصرفون معاها
يعنى ماااااااااااااااااااافي نوم وارهاق
اول يوم داومت شوى عدت على خير
تخيلي ثانى يوم من التعب وانا راجعه قري من مصافط البيت ولا ادعم بنت جيرانه واهي هم كانت راجعه بنفس الوقت واثنين دشينا بعض والدبه راحت بس الحمدلله على كل حال

انا كنت اقوم الساعة 6 وربع اقوم بناتي وحدة اوديها الروضة والثانية بيت اهلي واروح دوامي ..

ارجع 1ونص تكون بنتي ردت بالباص بيت اهلي اخذ بناتي ونرد بيتنا ..

ياكلون اي شي بروحهم انا اكون ماكلة بالدوام واقعد احووس بالمطبخ اسوي غدا مادري عشا مانام الظهر واقعد العب معاهم وننطر ابوهم يرد 5 نتغدى او اهوه يكون عشا حق البنات هاذي وجبتنا الرئيسية واقعد اطل بجنطة بنتي اذا عندها هوومورك او شي والعب معاهم لين ايي وقت نومهم ..

الكبيرة تنام 7 واختها عقبها يمكن 9 ولي نامو افضى حق روحي شوية وانام 11 (سندريلا) وما يمديني اشبع نوم والله كل شوي يقوموني من النوم ..

وقبل كنت انوم بنتي 7 وعقبها مرات اطلع اقضي مشاويري واخليهم نايمين بالبيت لأن بيت اهلي كان جبالي بالضبط فيجيكون عليهم وانا طالعة بس الحين انا بآخر الدنيا فشي طبيعي ماكو طلعات ايام الدوام

الله يعينكم انا احاتي ليما اداوم شسوي

واااي لا انا لما كنت اروح الجامعه كان عذاااب ما اشبع نوووم كلش الله يخلي امي ما قصرررررررررت معاي

انا مثلكم احاتى الدوام وتنقلب عيشتى هم وغم كله من الدوام احاتى متى انام ومتى اقوم ومافى بحياتى اى شى يونس الا ايام العطل صرت مثل اليهال استانس اذا فى عطله افضى فيها حق عمرى

حبيبتي انا برايي اذا كنتي موظفه تحاولين ماتنامين الظهر ولا تنومين عيالج ممكن تريحين بس ماتنامين ، انا عن نفسي نظامي مع عيالي نقوم الساعه 6 ونص قبل السبع نطلع من البيت اوديهم مدارسهم واروح دوامي ، ارد من الدوام القط عبالي من مدارسهم اسم الله عليهم كل واحد بمدرسه السنه اللي فاتت واحد بالروضه وواحد بالابتدائي وبنت وولد متوسط ، المهم نرد من المدارس الا الخدامه طبعا مسويه الغدا والا انا مو مكينه عشان اسويه صج ما اقدر وما يمدي ، نتغدى الساعه 2 تقريبا يرتاحون شوي وانا اريح لما ال3 تقريبا (بس مافي نوم ) بعدين نبدي بالتدريس والواجبات المتوسط يدرسون بروحهم بس اذا شي مايعرفونه اساعدهم ، بعدين لما تصير 4 ونص او 5 اقدر اطلع وبالليل ينامون مبكر لانهم ماناموا الظهر .

انا عاد عيالي غييييييييييييييييييييير

الولد 3سنين والبنت سنتين

وانا اقوم 6 ونص لدوام وارد على ال 2

ولما ادخل الاقيهم توهم قاعدين

اتغدى انا وزوجي وعيالي

عاد ننام

وتعالي نوميهم بالليل والله لي الساعه 2 او 3 الفجر وانا قاعد

ماقدرت انظمهم كلش والله تعبت

صج صج صج الجنه تحت اقدام الامهات

اى والله صدقتى بهالجمله