الوسم: المطلقه

"][color="purple"]السلام عليكم خواتى شلونكم انا اكتب بعد ما ضاق فينى التفكير وابى رايكم ياعلى ما انحرم منكم
اولا انا زوجى عنده رفيج اوكى حيييل معاه المهم يعنى رفيج دربه
طلعت انا وزوجى ورفيجه ومرته لسينما وتعرفت عليها المهم
من تعرفت عليها حسيت انها عندها سوالف البنت مو خاليه اوكى
المهم قعدت اهى عند زوجها حدود ال8 اشهر عقبها طلقها واهى من قرايبه اوكى
وظلت تدق على ماقطعت عنى المهم عاد زوجى قالى ان رفيجه قاله انه طايح عليها وعشان جذى طلقها المهم
البنت صارت تدق على ومن هالكلام واعترفت لى انها تحب واحد ومع الايام اكتشفت انها تكلم كذا واحد
دايمن انصحها وترد على وتقول وووووواى ابى اتزوج مليت اف يعنى بنت ميته على الزواج ومره قالت لى واهى تتميع شرايج تعطينى فلان يوم واحد قصدها زوجى ؟؟؟؟؟؟؟؟؟؟؟انا انصدمت قلت نعم شنو انربط لسانى ومن عقب هالشغله وانا ادررى انها بترسم على زوجى المهم ومره دقت على وقالتلى فلانه بسرعه حطى على القناه الفلانيه مو يشبه زوجج تخيلواااا
ومرات تقولى زوجج مثل جسم وزول اللى كنت احبه …..انا عاد حدى عصب شنو يعنى شتبى
المهم مره دزتلى مسج شنو كاتبه فيه ::::انا وياك قاعدين جدام التلفزيون وسهرانين شنو ودك تسوى فينى؛؛؛
1تضمنى2 تحط لسانك فى ….. 3 تطلع …..
المهم ما اقدر اكمل انتى فهمتونى المهم دازه المسج لى انا شكو هالمسج مايندز الا لرجال صح اولا وعقبها دقيت عليها وزفيتها قالت شرايج انا اللى مألفته تخيلووووو واضحه الحركه تبى زوجى يقرا انا ادرى فاهمه حركتها
المهم قمت ابعد عنها وعقب فتره دقت قالت ابى منج نفنوف عرس لبنت عمى مع العلم انها بطه وانا ضعيفه وموصوب جسمى بالمره قلت لها شلون يدخل فيج قالت بخذه وبوسعه وعقبها ارد ه المهم قلت لها ابيه عندنا عرسه قالت شفيج راح ارده قبل عرسج عقب حنها عطيتها لانها نشبت فينى المهم راحت الخياط قالها ما اقدر اوسعه وحتى لووسعته ماراح يطلع قياسج المهم وانا ادقدق وادق بالويل قالت بخلى اخوى يجيبه هذا الصبح والظهر دزت مسج وقالت اعذرينى ما اقدر اقطه عليج سورى بكل برود تخيلو… وعرس اللى يصير لى باجر كان مافى وقت وادز لها مسج الشررهه على عطيته لج ومن هالحركه انا اللى صدمنى ان زوج طق الصدر وقال انا بجيبه تخيلو مع ان بيتها بالجهرا اهى باخر الكويت وحنا باولها انصدمت ليش يبى يتعنا لها ليش ما هاوش وقال ليش تعطينها واهى تجيبه مثل ما اخذته واهى ماتستحى والله ما قال اى شى جنه يدرى واللى صدمنى ردها البارد ما اقدر اجيبه لج ابوي مريض واخوى مو عندى وما اقدر سورى بس تخيلو وعرسنا باجر جنها حاسه ان النفنوف بيجينى وزجى مو معصب وجنه يدرى قال انا اجيبه عادى بنات انا انجنيت فى شى بينهم او لا شلون اعرف ان بينهم شى بينهم او لا تكفون انا اعترف انى قبل صدت زوجى يكلم بس مدرى والبنت اساسا ميته على الزوااج بنات انتم شرايكم شلون اعرف بينهم شى وانا ما اظلم بس الوضع مو طبيعى مع العلم انا احلا منها بواجد بالجسم وبالوجه يعنى مافى وجه مقارنه [/color][/size]

ياعمري والله ان شاء الله ما في الا العافية بس انتي قطعي علاقتج فيها نهائيا وانت روحي مع زوجج لاتخلينه يروح بروحه ميخالف الاحتياط واجب واذا قال تعالي من اول شي عرفي ان الوضع يطمن ولا تنسين الدعاااااااااااااااااااااااااااااااااااااااااااء والله يهدي الجمييييييييييييييييع

انا مع مريومه روحي مع زوجج وجيبي نفنوج لا تخلينه بروحه

واقطعي العلاقه نهائيا

وكرهي زوجج فيها خليها يعوفها عوف قوليله مريضه او اي شي المهم انه يبتعد عنها

الله يوفقج ياقلبي وانشالله خير مايكون بينهم شي

الله يعينج ياقلبي

لاحول ولا قوة الا بالله ربي يعينج – اولا اقطعى علاقتج فيها ولاتستحين منها اللى جذي سوالفها ماتحشمينها
هى ما استحت منج وهذي سوالفها وانتى ساكته عنها
ان دقت لاتردين او قوليلها لاتدقين علي
حاولى تكرهين زوجج فيها وانا مستغربه شلون زوجج يعرف خياسها من رفيجه وراضي انج ترافجينها وتكلمينها ؟؟!!
انتى ان قعدتى وجا طاريها قولى اعوذ بالله لاتجيب طاريها كلش الله يستر عليها هذي ماصانت زوجها وماشيه بطريج خايس مايجي منها الا الامراض والعار لاحول ولا قوة الا بالله استغفر الله يارب تستر علينا وعلى عيالنا

لاحول ولا قوة الا بالله هذيلا شيبوون مايخافون الله!!!
حبيبتي دايما ادعي هالدعاء اللهم اكشف من حولي وربج بيطلع لج بلاوي انا مجربته
والله يسخرلج زوجج وعساه مايشوف غيرج يااارب وهاذي ماتخاف الله حسبي الله ونعم الوكيل صج حرتني
واقطعي علاقتج فيها نهائيا
الله لايوفق كل من يسعى بخراب بيوت الناس قلو الرجاجيل

قطعي علاقتج فيها مسحي رقمها واذا دقتولا طرشت مسجات طنشيها

لااا ماعتقد بينهم شي لو بينهم ماتقوولج انها ودها بزووجج خلييها تموووت بحرتهااااااااا يمكن صدفت وانه يبي يرووح يجيب مو شرط في شي عااااادييي

بس رااااقبييه من بعييد لي بعيييد وهذي لااااااااااازم تبتعديين عنها ياختي لاتعطينها مجااااااالواهي متمااديه ويااكم انا مادري ليش معطيتها وجه!!!!!!منتي مجبووره فيهاا!! !!!!!!!!!!!!

والنفنوف عاادي اهم شي زوووجج يكوون تحت عيينج

اقطعي علاقتج فيها نهائيا

ان كيدهن عظيييييييييييييم

خلي النفنوف يولي

اشتري غيرة ولا تروحين لهذي

لاتفرحينها بشوفة ريلج وقاطعيها لاتكلمينها بعد ولا تتواصلين فيها

واقري على نفسج عن عينها يمال عينها الماني قايلة

الله يوفقج

روحي معااااه لاتخلينه000وكرهيه فيها 00ألفي اي سالفه عليها عند زوجج قولي تشبكني مع شله شباب وتقول سوالف وصخه00اي شي عشان ينفر منها ويستحقرها000 وقولي بعد اقترحت توديني حق مرة سحارة عشان اسحرك واسوي كل شي وانت ساكت00
وبعدين بعرف انتي شلون تعطينها ثوبج يمكن بتحطلج بلى والعياذ بلله000ديري بالج

مدري شقول
بس بهالدنيا توقعي كل شي يصير عشان لاتنصدمين
وربي يسخر قلب زووجج لج
وعلاقتج بهالبنت اقطعيها لاتفتحين لها مجال تلبس من لبسج وتدخل بيتج وعقب تاخذ زوجج وعقب بطقين اصبع

صدق على نياتك من جدك انتي تعطين هالاشكال ملابسك ماتخافين تسوي لك شيء
انتبهي منها الاخت قامت تاخذ زوج اختها شلون الصديقة اللة وهالصديق اللة يكفك شرها

بدون زعل
انتي غلطانه من الاول
اشلون تخلينها اتجراء معاج
بالكلام الوقح
المفروض من بدت خياسها
قطعتي علافتج معها
انتبهي تكلمينها ثاني مرة
وسوي مثل ما قالو البنات اشتري ثوب جديد
الله يسنر علينا وعليها

مسااااء الورد خواتي
سؤالي موجه لبنات التجاره او الشؤون

بطلع لي وعيالي سته وخدامتي بطاقه انا مطلقه وعندي حكم قضائي وبالحضانه مو الاثبات الشخصي

شلون علي المنحه خاصه انهم بالتموين مع ابوهم

السؤال اهنيه يصير اطلع لي ولهم بطاقه بروحنا والالا

اللي عندها خبر تفيدني يسلم قلبها ويعافيها هل السؤوال مهم لي فلا تبخلون علي بالاجابه

وبتوفيق للجميع

افا محد عنده خبر ياليت اللي عندها خبر او تقدر تسالي لاتبخل علي
الله لا يحرمها الجنه

لرفع البنات مايقصرون ان شاء الله

للرفع

السلام عليكم حبيبتى

الحمدلله انى اول وحدة ترد عليج عشان تدعيلى

شوفى اخذى بطايق عيالج وجوازات الخدم اللى باسمج

واوراق الحضانة وقدمى طلب للبطاقة التموينية من وزارة التجارة

اللى تابعة لها منطقتج واذا ماعرفتى مكانهم سألى التموين يدلونج

وعلى طول الكمبيوتر يلغى

اسمهم من البطاقة القديمة وينظافون عندج والموضوع كله ماياخذ دقايق

بعدين التموين تاخذينه فى بطاقتج المدنية من الفرع اللى بجمعيتكم مال التموين

وسلامتج

تروحين لمكتب خاص بالتجاره تابع لمنطقتك غالبا يكون تبع الجمعيات وتاخذين البطاقات المدنيه وحكم الحضانه وطابع بدينار وتروحين تطلعينه بيوم وتستلمين ثاني يوم.

والله ماعندي خبر

وهم معاج عيالج مفروض انتي اللي تاخذين واسالي حبيبتي

صح كلامج 100%
بس هذي الطريقه ,
بس بلغي طليقج قبلها عشان تتحاشين المشاكل معاه

مرحبا اختي بشوره لازم يكون عندج حكم وصايا على عيالج هذا غير حكم الحضانه اللي عندج وبالحكم هذا تقدرين
اتجددين بطايق عيالج وجوازاتهم واطلعين بطاقت التموين لكم لان بحكم الحضانه ماراح اطلعولج بطاقه تموين0

[هلا وغلا اختي وجزاج الله خير

بس رفيجتي مرت اخوها بالتجاره فرع الرقه وسالته وقال مو لازم وصايه بس حكم الحضانه مع بطاقات الاعيال المدنيه وبطاقتي

انا وصور عنهم وبس لا اكثر ولا اقل

حبيت بس ابلغكم للفايده لان الوصايه حق الجوازات والجنسيه ونقل العيال

والحين الله لايفرق دول الخليج اوديهم بالبطاقه

لين تخلص محكمت الوصايه

والله يسرها

ادعولي بحاجه لدعواتكم……………

أشكر صاحبة الموضوع …

بس بغيت أستفسر إللي متزوجه منغير كويتي خليجي

شلون أقدر أطلع بطاقه أنا وعيالي أربع ما أدري يحسبون زوجي

شنو مطلوب من زمان أبي أسويها بس مو عارفه

الله يسهل اموورج ويعينج

حق الاخت اللي سألت ,,, دام انتي كويتية يعطونج بطاقة تموين حتى لو زوجج شنو جنسيته ,,,,

روحي التموين اللي بمنطقتكم وسأليه عن الاجراءات وراح يساعدونج ,,,,,,,

خواتي حبيت استفسر عندي في المدرسه مدرسه مطلقه وعندها بنت بالروضه السنه الجايه هل في قرار وزاري يحق لها انها تطلع من المدرسه على الساعه 12و نص وتجيب بنتها وله لازم ينخصم من راتبها مع العلم ان حضانة بنتها عندها واهي مطلقه فيدوني جزاكم الله الف خير

ما له شغل اذا مطلقة او متزوجه كل المدرسات عندنا يطلعون ياخذون عيالهم من الروضة ويرجعون

عادي بس الادارة يكون عندهم خبر …

تطلع تاخذ بنتها و ترد هذا اللي اشوفه بمدرستي و ما ينحسب

السلام عليكم
باختصار انا تطلقت بعد مرور ايام من زواجي >زواج انظلمت فيه حسبي الله ونعم الوكيل>المهم انا لي نفقه مطلقه بس مو قادره اخذها لان مابي منه شي ولا طاريه ولا ابين له اني محتاجه له ولفلوسه الحمدلله معززه ومكرمه بين اهلي>لان تفكيره كل البنات يبونه وطمعانين بفلوسه ومنصبه>احيانا اقول الله حسيبه وياخذ حقي منه واحيانا ادور شي يقهره مثل ماظلمني ومافي الا النفقه تقهره لان هو بخييييييييييييييل>شرايكم بنات فيدوني جزاكم الله خير

مدام النفقة من حقج اخذيها مدام مافيه خير فشكوو انج تتنازلين عن حقج مثل ماهو استخدم حقه في الطلاق ولا همه فماله داعي تصيرين الطيبة وتتنازلين عن حقج هذا رايي

الله يعينج ماعندي فكرة بس ماحبيت اطلع من غير رد

انا ويا راي اختي عيميه والقلب كندري لاتسكتين هذا حقج

حبيبتي على حسب المده اذا مدة زواجج طويله تستاهل انج ترفعين عليه نفقه ومتعه وتاخذين حقج بس اذا ماطولتي معاه شهر ولا شهرين

ماله داعي اتعبين عمرج وتروحين المحكمه ورسوم واذا تبين محامي تدفعين اتعابه وبالنهايه يحسبلج القاضي 100 ولا 200 دينار

خل يولي ولا تاخذين منه شي الحكومه تمشيلج معاش 447 دينار وانتي مرتاحه والله يعوضج باللي احسن منه يارب

ولا تنسونى بالدعاء

رسالة إلى أختي المطلقة

مـع إشراقــة الفجـر…وتغـاريد البلابل…وشقشقة العصــافير، وهديل الحمـام…وخرير المــاء.. أبعث إليـك أخيتي المطـلقة كلماتي التي أبت إلا البوح مُـحمَّـلة بالتفــاؤل والأمل…وتخفيف الهـم والكدر..

أخيتـي يا من فرحـتِ بليلة زواجك…ولبستِ أحسن ثيابك…وبشَّرتِ كل أحبابك..مُـؤملةً عش الزوجيــة السعيد…وما إن مضت الأيام حتى صار ما لم يكن في الحسبان …فأصبحتِ من عـداد المُـطلقات..
اسمحي لي أخيتي إن كنت أدخلت عليك الأشجــان بمقدمتي.. لكن هذه من ذكريـاتك التي تستسلمين لهــا جُــل أوقاتك.. فتنغص عليك دنيـاك، وتشغلكِ عن أخراك..

أخيتي كنت أراك وردةً بهيـة..ابتسامتك لا تفارق مُحياك..الكل يشغف لمُجـالستك ومـا إن أصبحت مطلقة حتى جعلت نفسك كالوردةً الذابلة…حبيسة في مكان لا هواء فيه ولا ماء.

أخيتي… يؤلمني قلبي وأنا أرى حالك ينطق بالهم والغم أكُلُّ هذا لأنك مطلقة؟!
أنسيتِ أن الطلاق مكتوبٌ عليك منذ أن كنتِ في بطن أمك؟! فهل بعد ذلك تستمرين بالحزن على ما مضى والندامة…
أخيتي تذكري أن المؤمن مبتلى فلعل ما أصابك رفعة لدرجاتك..
أخيتي فكري روياً ألأجل (رجل) واحد في الدنيـا تهلك نفسك وينقص من إيمانك؟!!

حبيبتي قد يُعوضك الله بزوج خير منه فتسعدي…فما تعلمـين بما عند الله لكِ..
فاجعلي شعارك التفـاؤل ففيه تخفيف الكُربات..قد تقولين أين أجد روح التفاؤل؟!

فأقول لكِ: تأملي آيـات الله العزيز الحكيـم..
القائل {…فعسى أن تكرهوا شيئاً ويجعلَ اللهُ فيه خيرًا كثيرًا}
والقـائل {…إنما يوفى الصـابرون أجرهم بغير حساب}
والقائل {وإذا سـألك عبادي عني فإني قريب أجيب دعوة الداعِ إذا دعانِ..}

يا الله آيـات تلو الآيات أنزلها الرحمن لتزرع روح التفاؤل والأمل فهلاَّ تدبرتِ معـي؟!

أخيتي لماذا أصبحتِ رهينة أفكـارك حتى جعلتك في معزلٍ عن أهلك وأحبابك…

أتظنين أنك لستِ جميلة؟! أم أنك غير خلوقة؟!

بل أنتِ زهرة بحاجة لجرعات من التفاؤل لتُرويك…واعلمي أن تجرع التشاؤم بالليل والنهار قد يفسد عليك دينك ودنيـاك..فلا تنعزلي مع أفكار تنقاد معها الآهات ،فحذاري ثم حذاري هذا النوع من العزلة، أو الهروب من واقعك بإمضاء يومك بنومك بل كوني في ذلك معتدلة..

والزمي الاستغفار فبه يفتح الله الأرزاق والأفراح…

وأكثري بث شكواكِ لله منطرحةً بين يديه فلذة مناجاته بِأُنسها كافيه عن ملذات الدنيا بأكملها..

وأيضاً حبيبتي زوري أرحامك ولا تقاطعيهم من أَجل أوهامك حتى يُبسط لكِ في الرزق ولعل الله أن يخفف عنك ما بك فإن تبادل بعض الأحاديث قد تنسيك الأحزان..ولا تُمْـلي عليك خَطراتك أن نظرة المجتمع لك توحي بما يسوئك فغالبها من تلبيس إبليس..وإن كان كذلك فهي توافه اجعليها خلفك ولا تجعلي لها نصيباً من أفكارك لأن من النساء من لا تَدع ولن تََدع فاكهة مجلسها بفلانة وعلانة ولا تظني أنك وحْدك فاكهة لها بل الفواكه عندها متنوعة!!

أخيتي إن كنت ذات ولد فاحمدي الله ودعي عنك مداخل الشيطان فأحسني تربيته ،والدعاء له واعلمي أن الله من تكفل بالأرزاق وهو خير الحافظين..

أخيتي سأوصيك ببعض الهمسات فالزميها فبها تُفْرَج الكُربات..

~~ اجعلي كتاب الله أنيسك ءآناء الليل وأطراف النهار، والتحقي بدور تحفيظ القرآن ففيها تذوقين حلاوة الذكر وصحبة الخيِّـرات.

لا تُفـوتي روائع الأسحــار.. فأحييها بالصلاة ،والاستغفار،والدعاء

حيث يتنزَّل الرب جل في علاه منادياً بالبشرى لمن دعاه.

بين الأذان والإقامة نفحاتٌ ربانية تجاب فيها الدعوات فاحرصي على اغتنامها.

حاربي ما يدعى بالكابوس الأكبر(الفراغ) ليكون نعمة لكِ وذلك بسماع الأشرطة النافعة، وقراءة ما ينير فكرك ويغذي إيمانك ،وترتيب أعمال المنزل،والاهتمام بنفسك، والإكثار من النفع المتعدي.

وأخيراً أقول لكِ: غاليتي احمدي الله فأنت تتقلبين في نعم كثيــرة فاستشعري ما وهبكِ البارئ وادعي الله أن لا تُحْرَميها .. فما أعطاك أكثر مما أخذ منك (وإن تعدوا نعمة الله لا تحصوها..) فلاتكُـن نظرتـك نظـرة جاحـدة، قاصـرة…

تأملي العُمْي الذين يتمنون التمتع بالنظر في القرآن، وكعبة الرحمن.

وبالبكم الذين لطالما عجزوا بالنطق بالكلمة وأنتِ كم أخرجتِ من كلمة؟!

تأملي من أعيق عن الحركة متمنياً الخضوع لله ولو بسجدة..تأملي وتأملي وتأملي!!

فتلك تأملات قد تزيد في إيمـانك وتذكرك بِنِعم الله لكِ.. وأما تأملات ما أعطى الله غيرك حسرة وحسداً..فهذه تعـاسة وللدين حـالقة!!!

أسـأل الله باسمه الأعظم الذي إذا سأل به أعطى وإذا دعي به أجاب أن يُجلي عنك كل هم وغـم، وأن يرزقك رزقًا دارًّا، وعملاً بارًا، وعيشًا قارًا.

وصلى الله وسلم على نبينـا محمد وآله وصحبه وسلم.

الله يجزيج ألف خير على نصايحج الثمينه

يسلموووووووووووو المرور الرائع وعسافى مواضيعى الافاده

يسلمووووووووووو

يسلموووووووووووووووو المرور

جزاج الله خير …

يسلموووووووووووووووو ليمونه حلوه مرورك وعسا الله يحلى ايامك

ما ادرى احس كبرتى السالفه حيييل

وصلتيها للضرب

والى اشوفه ان زوجج ماقال شى يخليج تثيرين وتسوين الى سويتيه

والله يهديه لج انشا الله

عادي كان السؤال يمكن عشان افتقدها كانت دائما تمر والحين انقطعت اي شخص بيسال لما يفقد شخص وقبل كان دائما في وجهه

كبرتي السالفه وهي قصيره؟؟؟؟

والله مادري..الله يهديكم بس لاتطولين الزعل نصيحه..

.

مألومج تحترين .. يسأل عن وحده لاهي تصيرله ولا شي .. شكو يسأل عنهأ ..؟؟

الله يهدي زوجج ويسخره لج يااااااااااااااارب

.

>>حبيبتي ،، اشوف السالفه عاديه لو فيه شي ماسالك انتي وقدر يجيب اخبارهاا،،
وبعدين مو لانها مطلقه تصير هالسالفه،،وايد مطلقات وينحطوون فوق الراس،،

المشكله انج عارفه انها مطلقه وسمعتها شوي 00000000000000 هذا اللي خلاج تشكين في ريلج وسبب سؤاله عنها 0000 لاتحاتين اختي بليس كبرها في نظرج واهي مجرد سؤال 00000000000000

انتي جذية تفتحين عينه أكثر عليها

وراح يركز عليها أنا انصحج طلعين عيوبها قدامه حتى لو مافيها عيب عشان يكرها

عشان لو شافها كنه شايف ابليس انا أقولج جذية عشان مايخونج معها والمشكلة أنها يارتكم وكل يوم راح يشوفها

حبيبتي راضي ريلج مو من صالحج الزعل

ماعندي اي تعليق

انا اكيد بنقهر اذآ سألني عن هالبنت
بس مآكبر السآلفه واتهآوش ويآه
انتي غلطآنه الحين اهوه رآح زعلآن مآتسوى عليج
نصيحتي اتصلي ورآضيه

انتي كبرتي السالفه وايد

بعدين بأي حق تتكلمون عن عرض البنت عشانها مطلقه

يعني مطلقه صارت عاهره

و اذا على كلام الناس وايد ما يخلص و لا يرحم المطلقه

روحي شوفي بقسم المشكال الاجتماعيه البنات المطلقين شقولون مساكين والناس شلون يتحجون عنهم

خافو الله الدنيا الدواره لا تقعدون تقرضون بالبنت !!!

و ريلج سأل عنها يعني ماشوف سالفه كبيره

لو انه سائل عن اي وحده جان ما عصبتي مثل ما سأل عن هالمطلقه

السلام عليكم والرحمة

طبعا هذا مش مشكلة بس ممكن لقافة الرجال وأنتي بعد مايقصرتي بلي سويتينه

حراام ياقلبي وربي حرام تقعد تطلع عيوب النااس،،
اصلا الريال له عيون ويشوف ،،فحرام تشويه السمعه والقذف،، حراامــ،، اتمنى تفهمين كلامي،،وماتزعلين بعد قلبي،

مساء الخير قمورات

ابي اعرف جم عدة المطلقه ؟؟

ولازم يعني عده ؟؟

والله ما يستاهل اقعد يوم واحد عشانه

المهم انا رافعه دعوى طلاق ومتضرره منه واااااااايد والحق معاي طبعن بس قاعده افكر

اذ هو ما رضى يطلقني بالجلسه 2 بيطلقوني منه غصب ولا لازم ارد له نص المهر والله انه ما يستاهل ولا ريال

بنات المفروض هو اللي يدفع لي نفقه صح ولا انا غلطانه لانه قاطني بيت هلي ولا جني زوجته وما يعطيني مصروف مب انا اللي ارد له نص المهر

امانه احين هو حارمج من هلج ومن الرفيجات ومن الطلعه وما عندج غير الغرفه والحمام

وقاعده 24 ساعه لا طلعه ولا قعده مع الحريم وحتى هله ممنوع تقعدين معاهم

مافي سوق بس تروحين الجمعيه وتردين واذ كلش كلش وداج بيت هلج مره بالاسبوع ولا بعد تقعدين جمن ساعه ويلا

ما جفتي الاسواق والشوارع والمطاعم اللي تعودتي عليهم من 4 اشهور جنج دشيتي ف سجن

بس تونسين ريلج وتسمعين كلامه حتى الاكل ماتاخذين راحتج فيه وما تاكلين الا وجبه ف اليوم واذ يعتي تاكلين جبس وكوافي واي شي موجود بالغرفه

اسلوبه زفت ولسانه وصخ ما يسمعج كلام حلوو وما يمدحج وف الفراش اي شي

وفوق هذا انتي عسسسل معاه وادوسين ع قلبج وتحاولين تعدلينه بس مافي فايده

واطلعين حرت قلبج بالحمام واتصيحين وهو خامد ولا درا عنج تبوسينه وتضمينه وتبين يبادلج

الشعور بس خبر خير

وربي يا بنات اخواني اذ جافوني كاشخه يمدحوني وجوفو الكلام الحلو والمدح وهذا ريلي المعتوه

يعني لو هو مزيون او ريحته حلووه او يهتم بنظافته وكشخته جان اقول اي جوف نفسك علي واغتر

بس مب شييين وترفع خشمك علي على شنو يا حظي

ولا بعد يكلم بنات وعنده علاقات وما يصلي ويجوف افلام وصخه ومره جامعني بالغصب من ….

حسبي الله عليه قمت احس بخوف واكتآب وماحس بالامان تغيرت وصرت خوافه وما عندي غير الصياح مالت على ويهي

تدرون انا شخصيتي تغيرت بعد الزواج صرت هاديه وما ارادد وساكته وما اصارخ ولا اتنرفز

كل ما هالمعتوه يجرحني ما ارد عليه ومابي اسوي مشاكل لين اخر شي طفح الكيل

وجان ابطهاا وانفجر وطلعت كل الكلام اللي بقلبي ولعنت خيره ورديت مثل اول ادافع عن نفسي

ومااخاف واخذ حقي وقلت يلا باااي وبينا المحاكم وعالطول رحت رفعت الدعوى

مب عيشه هاي لين متى الوحده تذبح نفسهاا عشان الريل وتقول احاول اعدله واعدله وهو مافي منه رجا

لين متى اعور قلبي وهو ولا همه انا اللي لازم اسوي واسوي واطيعه ويغلط علي واسكت عشان ما اتطلق

كفاايه عااد اعذب نفسي واهين كرامتي وجنه مافي بالدنيا غير هالريال عشتو

الحمدالله رديت مثل اول واقوى وابيكم تدعون لي انه ربي يوفقني ويطلقوني منه وافتك

ابي ينتهي كل شي باسرع وقت لاني عاااايفته كااارهته مب طايقته مابي حد يسالني شنو صار معاج وشنو قالولج واذ دق لج ولا لا ابي الكل ينسى اني تزوجت هذا الغبي

اوووووووووووووف احس اني ارتحت عقب كل هالكلام والفضفضه

الحمدالله

الله يفرجها عليج ويعوضج بالى احسن منه

ان شاءالله

عسى الله يفرح قلبج بالي تبينه ةعسى الله يعوضج بالي احسن منه ..

الحمدالله على كل حال .. وعسى الله يكتب الي فيه الخييير

الله يفرح قلبج و يفرجها عليج و يعوضج يارب

يآعمـري يآملوك
آلله يعينج ويعوضج كله ولآ آلحرآم عووذة زين مآسويتي قبيتي قبل تحملين
آلعدّة ضرورية يآقلبي حتى لو كرهتي آلآمر عسى فيه خيرة
آلعدة 3 قروء 3 دورآت تتأكدين فيهآ من خلو رحمج
تمآرسين حيآتج طبيعية بس لآ خطبة ولآ عقد زوآج
يعني آرتآحي
ودآمه دخل عليج مآيحق له يآخذ من آلمهر لو ريآل
وآلقآضي يطلقج منّه غصب بعد مآيقعد معآج قوليله كل شي حتى آلحرآم آللي سوآه
وبـ يخيره بين آمرين يآ يطلقج من كيفه لـ آن مو من صآلحه آو آلشيخ يخلعه لج
وآرتآآآآآآآآحـي مآيآخذ منّج فلس
على آلعكس آذآ آنتي بغيتي يدفع لج نفقة متعة غصبن من ورآ خشمه

اب اب

الله يفرجها عليج

مثل ماقالت مطيريه ماركه عن العده اهي ثلاث شهور بس عادي تطلعين وتردين بس مايجوز في هلفتره خطبه او زواج

ولا تخلطين بين العده والحداد هذا شي وهذاك شي ثاني لانج انتي قلتي مايستاهل اقعد عشانه لو يوم ف اعتقد ان قصدج

تقعدين فتره العده فلبيت لين تخلصين عدتج عدت المطلقه 3 شهور وعادي تطلع وتروح وترد

وماله حق ولا فلس ياخذه منج دام انه دخل عليج

وان شاءالله امورج تتسهل يارب

ام مبارك ما قصرت

الله يفرجها عليج

حبيبتي لحظه لحظه

قبل كل شي من سوا هل الشي معاج وغصب تعتبرين مطلقه لانه حرررررررررررررررام

لا يكون انا فهمت غلط وضحي لي صح اللى فهمته والا غلط

2 شي بالنسبه للعده اكيد وحتى لو انتي خالعته شرعا وقانونا لازم عده 3 حيضات عشان تتاكدين انج مش حامل

بالنسبه لج حبيبتي للمهر وهل الامور انتي الدعوى اللى رافعتها تفريق للضرر والا خلع لانه يفرق

الخلع تردين له مهره وشبكته

تفريق للضرر اذا تاكد القاضي انج متضرره ما تردين له شي

اما لو انتى عايفته وهو عايفج النص بالنص تردين له نص المهر

هاي الامور القانونييه

اما بالنسبه هل الغبي ما يستاهلج على وشو متحملته حبيبتي هو ماخذج من بيت اهلج معززه مكرمه ليش الاسلوب الخايس معاج الله يعوضج بالسنافي اللى يستاهلج

من كلامج عرفت انج قطريه صح حبيبتي

الله يفرج عليج يارب

ربي يعوضج خير

عيل اذا انتى ماتطلبين الطلاق منو يطلبه…!!
البنات ماقصروا بخصوص العده.

LoooolY + نور آلكويت + sosa_23 + cotten candy :
بعد عمري والله انتو ولكم بالمثل فديتكم والله ع هالردود الله يسعدكم ياربي

مطيريه ماركه :
فديت عمرج مط مط
والله ريحتيني بهالرد لاني مقهوره مابي ارد له لا نص ولا ربع
عقب ما بهدلني ومسح شخصيتي وحسسني اني ولاشي كرهته
ان شاء الله يا ربي اتطلق بدون لا يحترق قلبي
لاني تنرفزت واايد يوم قال اوك خلها ترد النص واطلق شنو حقدت عليه وطاح من عيني اكثر

ليال :
فديتج يسلمو على ألـ آب آب

ام مبارك 22:
اي انا على بالي اقعد ف البيت فديتج مشكوره ع التوضيح
وانا بعد اقول جي انه ماله حق فوق شينه قوات عينه بعد يتشرط المعتوه

فوشية دلوووعة :
وربي يفرج عليج حبيبتي ويجمع بينج وبين اللي ف بالج ويسهل امورج ويسعدج

al3neda:
لا صح اللي فهمتيه للاسف وهالشي كان غصبن علي وهو اقوى مني وكانت فيني الدوره بهدلني
وما همه صراخي وصياحي حسبي الله عليه
واذ عن الضرر ف انا وايد متضرره منه انا ما كتبت لكم كل شي وربي جفت الويل
انا كلمت الاستشارات العائليه وهم الحمدالله ما قصرو وبياخذون حقي منه باذن الله
شسوي فديتج نصيب والحمدالله على كل حال

aldanaha + منو آنت + ظل الياسمين
مشكورين فديتكم ع الردود وربي يسعدكم

الله يعينج

فائلي خير
ترا اللي خلقه خلق غيره ملايين
وفيه الطيب و في الشين
والحمدلله على كل حال

السلام عليكم ورحمه الله وبركاته

اشلونكم خواتي شخباركم
اه ياخوات انا فيني هم هد حيلي هددد
انا اتزوجت ومسرع مااتطلقت والحمد لله قضاء وقدر اهلي وقفو بصفي فتره والحين اقلبو علي كلهمممممممم كلهم ايقولون انتي السبب في طلاقج
احيانن اكون في غرفتي اطلع اسمع الوالد يسب فيني عند الوالده وايقول هذي مو مال رياايل هذي وهذي الله يلعنها وكرهني في نفسسي اسمع كلامه مثل السكين في قلبي وايعاملوني معامله مو زينه محد يحاجيني الوالد لما ايي عندهم ايلس مايسئل شلونج ولا حتى يعطيني اي اهتمام بينما لما تيي اختي يرحب فيها ويكلمهاااا طلعاتي محسوبه علي كل شي ايشكون فيني انا شنو ذنبي ربي قدر لي اني اتطلقت انا شكووووو
اكتب لكم وانا قلبي يحترررررررررق بموت بحرتي ليش جذيه يعتربوني مو مطلقه يعتبروني عار عليهم ليش ؟؟ شنووو هلنظره للمطلقه المطلقه لها دم ولحم واتحسسس
انا افكر انتحرر مليت حياتي كلش تعبت تعبت تعبت من معامله اهلي الي محد يكلمني وحتى رفيجاتي اغلبهم تخلو عني ليش لاني مطلقه بس ؟؟؟؟؟؟؟
حسبي الله ونعم الوكيل ودي اغمض عيوني واحصل نفسي في بحررر بعيد عن ضيم الناس ابي اعيش الحياه وحدانيه بدون بشررر كافي ظلم اقرب الناس لي نكروني وحقدو علي ويعتبروني مو مطلقه يعتبروني يبت لهم عااااااااار ؟؟؟؟؟؟؟؟؟ حتى ايقولون مالنا ويه نجابل الناااااااااس ليش تعبت تعبت لا اتقولون ابالغ هذا الي حاصل تعبت

الله يعينج ياارب ويرزقج بالزوج الصالح اللي يقدر قيمتج….وحاولي تكلمين الوالده وتقوليلها كل اللي في قلبج

اول شي حبيبتي الله يعينك ياارب ويرزقك باللي يسعدك ويهنيك
ثاني شي ليه اهلك يعاملوك كذااا
الزواج قسمه ونصيب والطلاق مهو عيب وحلاال
يعني يرضي اهلك تستمري مع ريلك وانتي تعيسه وتحوشك الامراض والاكتئاب
ولا تتطلقي وتنتظري ابن حلال يسعدك ؟
المفروض اهلك يوقفون جنبك وياخذون بخاطرك وينسوك الطلاق
حبيبتي انا انصحك تواجهي اهلك
اجلسي مع الوالد والوالده وطلعي كل اللي بقلبك
قوليلهم ترضون اعيش تعيسه مع ريلي الاول ولا اطلق واعيش حياتي
وقوليلهم ماني اول ولا اخر وحده تتطلق
انا بنت عمي من اول يوم زواج وهي مشاكل مع ريلهاا
وجلست عند اهلها فتره وبعدين تطلقت … واهلها شايلينها فوق راسهم ويدلعونها وكل يوم يمشوهاا
يبونها تنسى الطلاق وما يبون نفسيتها تتأثر لانها توها صغيره
انصحك تتناقشي مع اهلك
وبالنسبه انهم مركزين عليك في الطلعات والروحات
احس اغلب الناس كذاا مع المطلقه
لانها تكون طالعه من زواج .. فيخافون انها تروح تشبع حاجاتها بطريقه غلط
سواء تتعرف على احد او تسوي علاقه ….وهاذي نظره غلط
البنت يردعها دينها وايمانها سواء بنت ولا مطلقه ولا متزوجه
والله يصلح حالك ياارب

مادري شقولج بس الواحد ياخذ عظه من غيره لان احنا الحريم والله مسكينات ومالج الا الصبر والدعاء ولهي نفسج بشئ مفيد ليمن الله يفرجها لان ما بايدج شئ والتفكير صدقيني راح يخففج

ازمه العلاقه ما بعد الطلاق وارده بكل بيت خاصة بالخليج

لانه بنظرهم المطلقه صيده سهله لكل رجل

ولكن العلاج الفوري بهالحاله

تعطينهم جرعات من الحب

والحنان

وتضاعفين مجهودج اكثر لهم

وما تفارقين مجالسهم وتبتعدين عنهم بحكم الحاله النفسيه

وتشاركينهم بكل شي

ومع هالتجانس اللي ياخذ وقت شهور الى سنه

يبتدي الاب والام والاخوان والخوات يتعاطفون مع الشخصيه التي امامهم

ولكن لو المطلقه كبرت راسها وصارت تطلع بشكل اوفر

وتبتعد عن العايله

تجيب الشبهات لنفسها

والقرآن يقول

واجتنبوا الشبهات

حبيبتي ازمه وتعدي

واعتبريها اختبار وحاولي تنجحين فيه
فوفو

استغفري ربك وشو تنتحرين …..!!
الله يثبتك وربي قطعتي قلبي

الله يرزقج بالزوج الصالح

والاهم من هذا انج اتكونين قويه وما تسمحين ان هذا الوضع ياثر عليج سلبا

معاناة المطلقات تتشابه في كل بيت
والسبب الاخ دايما يذكر الاب اختنا المطلقة لا تطلع من البيت هاذي مطلقة ؟
لكن ابوش وامش يتكلمون عن سبب طلاقش وبصوت عالي لانش بنتهم وضناهم حشاشة جوفهم
ويتحسرون عليش ويشيلون همش ويبكون من داخلهم على ما صابش

الله يرزقك الرجال الصالح

حبيبتي انا مطلقه عندي طفلين وضغيره
وعايشه حياتيو مالي شغل بالناس لهم شي سعادتي مع عيالي
عييشي حياتج الانسان مايعيش الا مره
كملي دراستج ولا اشتغلي انا كنت قبل مثلج بس قمت اغير الروتين اكمل دراستي واشغل نفسي بعيالي
وكثري من اللاستغفار وصلي الليل و الله راح تحسين بالفرق

وانا مع كلام اختي

اللله يعينج ياقلبي ويفرج همج عاجلا غير اجلا

فترة وتعدي ياقلبي

مرات الاهل من حزنهم على البنت يسوون جذيه
مريت بهالشئ فترة والحمدلله عدت علي خير
انت خليج واثقة بنفسج وتقربي من والدينج
وعليج بالدعاء
وربي يفرج لج

راى سليم وبنفس الوقت الله حلل طلاق اشلون اهلج حرموة بس قوليلهم هالكلمه وقوليلهم اري الى امر فيه شي جايد مو هين الله عز وجل نزل سوره اسمها الطلاق من كثر ما الموضوع مو هين علي الانسان رحمونى الله يرحمكم

معاهاا

وصدقيني هالشي بس علشان توج بالبدايه بكره ينسون ويطخون

والله يعوض عليج خير يارب ويرزقج من واسع فضله

بنات اللي تعرف هل للمطلقه معاش حتى اذا ماعندها عيال واللي تعرف ترشدنا وين نروح وجزاكم الجنة

آتووقع لها

بس مادري اذا أكيد او لآ

أن شاء الله البنات يفيدونج

لها نفقة من الزوج في الفترة الي هجرها فيها و هي بيت اهلها (( قبل الطلاق )) تقدر اتطالبه فيها
و لها نفقة لمدة 3 شهور و هي و قت العدة بعد الطلاق

و النفقة يحددها القاضي او تكون بالاتفاق بينكم و بينه و اعتقد انها لا تقل عن 100 دينار

اي لها بس من الحكومه اتوووقع

إلي أعرفه حبيبتي من الزوج غير المتعه و العده مالها … إلا إذا عندها ولد !!!! له مصرف

أما إدا ماعندج وظيفه الشؤون يمشولج 470 دينار كل شهر بس لازم ماعندج وظيفه … هذا إلي أعرفه

انا سامعه ان المطلقه يمشيلها معاش من الشئون حتى لو ماكان عندها عيال بحدود ال 400 دينار تقريبا بس لازم تكون كويتيه وما تشتغل اعتقد ولهم شروط ثانيه بعد … راجعي مركز الخدمه التابع لوزارة الشئون بمنطقتج وانشالله يفيدونج … والله يعوضج خير يارب

الله يوفق كل البنات اللي ردوه ويسعدهم بجياتهم ويرزقكم من حيث لاتحتسبون

اذا زوجها ماكان يصرف عليها تقدر ترفع عليه دعوى ويعطونها مبلغ حق طول المده الي كانت عنده ومايعطيها
بس مادري جم يمشونلها عالشهر بس تاخذها د
فعه وحده مو كل شهر

لا حبيبتي انا صارلي سنتين مطلقه مابي منه شي بس انا سمعت انه الحكومه تمشيلها وحبيت اتاكد حتى اللي ماعندها عيال يمشيلها والا شنو اللي تتاكد من الخبر ربي يرزقها وماقصرتو حبايبي

اول شي انتي خلع

السلام عليكم و رحمه الله و بركاته
شلونكم بنات بدخل بالموضوع على طول
انا الحمدالله توني مطلقه وراضيه بنصيبي وعسى الله اعوضني بالرجال الصالح وعوض كل بنت اللهم اميييييين يارب العالميييين
حبيت اسأل جم سؤال
1_جم راتب المطلقه ؟؟؟؟
2_وين اراجع اي صوب ؟؟؟؟؟؟
3_شنو الاوراق المطلووةوبه لاني براجع مرة وحدة بنات عفيه موروح وتعالي ؟؟؟؟
يالله ناطرة ردودكم واللي ماترف ترفع الموضوع الله يجزاها كل خيييير

هلا اختي عليكم السلام
الله يسلمج المعاش 559 دينار

تروحين الوحدة الاجتماعية تبع الشؤون اللي عندكم بالمنطقة
يعطونج ورقة اللي فيها الاوراق المطلوبة اطلعينهم وبعدين تروحين لهم مرة ثانية
تعطينهم الاوراق وكل 6 اشهر يتصلون عليج عشان اتودين لهم الاوراق بعد

الله يسهل امورج ويوفقج
ماعندي فكرة

الله يكون بعونج

مثل ما قالت روح امها
والله يعوضج خير يا قلبي

ررررفع

رفع لعيونك

والله ياجرك ويخلف عليك اختى

الله يعوضك ويرزقك بالزوج الحنون الصالح

الله يعوضك بالخير يارب

الله يعوضج بالافضل

رفع

للرفع