الوسم: الكمام

سلام بنات انا عندي دوا التنك القديم كنت ازيده ماي معقم نسبه .5.: 2.5 بس اخر مره عطوني المستوصف 1.25 من الدوا لكن بس ماقالت ازيده ماي او لا. انا حطيت 2.5 بس احس ان الدوا ما عطا مفعول مع صدر ولدي نفس الي قبل.

والله ماعندي اي خبره بهالشيى ان شاء الله البنات يفيدونج

:ما الفرق بين الكمام وابرة الظهر ؟ وأي أحسن ؟rgewrg:حبيباتي اللي جربت الاثنين تعطينا رايها،،،،

الكمام احسن اتوقع الكل يذم ابرة الظهر لانها مو زينه لي جدام تطلع اضرارها

بنت خالتي توها والد في أمريكا بأبرة الظهر

تقول رآآآآآآحة وماحست بشئ كلش وانا انشاءالله اذا حملت وولدت بغز ابرة الظهر لوووول

وانشاءالله البنات يفيدونج .

والله انا عندي الكمام

لان كل من اخذ ابره يذمها ويشتكون من عوار الظهر

الكمام جربته وايد حلو ولدت و انا نايمه ما حسيت بشي بس عيبه ما تشوفين البيبي اول ما ينولد اتكونين نووووم و ابرة الظهر كان ودي اجربها بس من اسمع اعراضها الجانبيه اقول لا

طبعا ابرة الظهر وانتي مغمظه لا والفففففف لاااااااااااااا للكمام يسطلج عالفاضي
ببجري شفطوا بنتي كله من الكمام كنت مسطوله ولا قدرت اساعدهم

انا معاج حبيبتي الكمام كلش مو شي بس ابرة تاظهر روعه مع اني كنت خايفه منها مع اني ولدت قيصريه و ما عطوني بنج لان ابرة الظهر كافيه و ماطولت بالافاقه و انا اول ماولدت كنت احس بعوار الظهر بس الحين كلش مافي عوار
الله يسهل عليج يا قلبي بس انصحج بابرة الظهر

السلام عليكم

ولدي عمره 4 شهور صارله شهر ونص علي الكمام وشهر من مضاد لي مضاد البلغم أذبحه واذا قطعت الكمام يختنق والله شاب راسي 😭 الادويه والمضادات للي بمثل عمره تضر بس شسوي 😔

لا ماتضر دام مع دكتور ماشية عادي
انا ولدي مايقارب ال3 سنوات مع الكمام عادي (:

ولا تقطعين الكمام الفنتولين حيل مهم يساعده عالتنفس اشلون تقطعينه
اتوقع بيحولونه ياخذ كمام وقائي البولمكورت
اسالي الطبيب فيي مراجعتج الجاية

ولدي مافيه ربو مشكلته مع البلغم شهل بلغم اللي يقعد شهر ونص

اللــــه يـــشـــفـــيـــه

الله يشفيه عاجلا غير آجلا

انا ولدي ما كمل سنتين بعد ضل شهر ونص كله بلغم بصدره و ما يقدر ينام بليل و حالته حاله قالي الدكتور لازم ياخذ كمام ضليت شهر اعطي مع الادويه ما فاد بعدين عطوني الواقي في كورتزون اسمه بالماكورت ضل ثلاث شهور ونفس شي اخر الدكتوره قالتي خلي ياخذه ست شهور متواصل عشان نشوف
و بصدفه انا كنت بسافر لبنان والله سافرت قعدت اسبوعين اسم الله عليه تشوفينه تقولين جذاب مافي شي الحين صارلي شهرين موقفه الكمام ان شاءالله ما يرجع يتعب صدره بعدين بس الله يعينج لان الكمام جد تعب خاصه اذا كان ياهل صغير الله يشفيه يارب*

الله كريم

استشيري الطبيب
عندي بنت تعاني من البلغم عطونا تحويل للوقائي

الله يحفظه
ايه عادي الربو يتأثر بالجو
البرد الشديييد والغبار يهيجون ويضيقون الشعب الهوائية

حبيبتي
ولدج نفس بنتي بالضبطططططططططططططططططططططط
اخذيه عند دكتورة سعاد البصيري
الفضل لله ثم لها عرفت حق بنتي
مابقى طبيب و لا عيادة ولا كمام.. حتى تنويم بالمستشفى نامت و هي عمرها اقل من شهرين و تمت جذي لين قريب الاربع شهور و هي من سيء لأسوأ
من وديتها عند هالدكتورة عطتها كمام بس جرعات غير و الحمدلله الف الحمدلله اسبوع واحد و ردت صحة بنتي
25711226
هذا رقمها عيادتها بالسالمية
عادي جدا تنطرين دوووووووووووور جم ساعه بس و الله ممتازة هالدكتورة خصوصا لأمراض الصدر

ربي يشافي ولدج و يلبسه ثوب الصحة و العافية :*

حبيبتي انه بنتي نامت بالمستشفى وبعد ماطلعت تمت على الكمام فترة كنت ادهن صدرها بزيت زيتون مع كركم الصبح وبليل وفاد معاها لان الكركم زين حق الصدر

مرحبا حبيباتي عساكم من عواده و كل عام و انتوا بخير حبايبي نا حدي محتاره و ضايعه و ابي اللي تدلني الله يعافيكم انا حامل و سمعت ان ابرة الظهر بعد سنه او سنتين يبين اثرها عوار بالظهر عوار خفيف و اختي و حماتي يقولون ان الكمام المخدر يأثر بالذاكره و بالياعل مو زين يعني شنو اسوي اولد و لادة طبيعيه من غير كمام و لا ابرة ظهر الله يعافيكم هذا حمالي الاول و انا حدي احاتي و ابي اللي ترد علي و تقنعني اكيد في منكم كانوا بحيرتي و سألوا طبيبة او دكتور و حصلوا الرد لا تتأخرون بالرد علي الله يوفقكم دنيا و اخره و شنو تنصحوني فيه [/size][/b][/center][/size][/size]

حبيبتي عسى الله يسهل عليج يارب
وابرة الظهر انا ما انصح فيها الا اذا الدكتور نفسة قالي تحتاجينها
والكمام بصراحة ما حسيت ان يتعب او شي انتي حاولي ما تشفطين منة وايد بس وقت العوار القوي
وان شالله تولدين بالسلامة يارب

اختي من زمان حريم الكويت ياخذون كمام الحمد الله شي عادي مخدر مؤقت حاله حال بنج العمليات بس ابرة الظهر ناس تمدحان وناس تذمها بالنسبه لي ما جربتها ولا افكر فيها لان ولد 4 مرات كله على الكمام والاسهالات من ربج

مشكووووورين وايد حبيباتي و الله انكم طمنتوني لاني وايد متخوفه من ابرة الظهر و احس ان مالها داعي و مثل ما قلتي اختي
العزيزة السهالات من رب العالمين ما قصرتوا و نورتوني بمشاركتكم

كنت ابي ابرة ظهر بس استخرت واخترت الكمام مال الهادي اينن صجججججج جنج اعالم ثااني

نصيحه خليها على رب العالمين
ما تدرين يمكن مع الوقت ما تحتاجين حق ولا واحد حبوبه

حبيبتي تعالي و انا اقنعج
احنه عندنه بالكويت الناس يحبون التهويل كل ماسمعوا شي فيه تقدم و تطور و راحه اكثر هولوه و سووله اضرار
حبيبتي ابرة الضهر قبل لا توصلنه بسنيييييييييييييييييييييييين يستخدمونها في امريكا حتر مرت اخو رفيجيت والده هناك و خذتها
لا عوار ضهر و لا يحزنون حبيبتي في مثل يقولج سألي مجرب و لا تسألين طبيب
انا عن نفسي جربتها و الحمد لله لا عوار ضهر و لا بطن الحين صارلي سنه و 6 اشهر
و انا خذيتها بسلام دكتور وايد شاطر
و الله انا عن نفسي انصحج فيها بدام انه العلم و التكنلوجيا ذلل لنه هشي ليش احنه نتحمل العوار
طقيها و ولدي ولاده من غير الم
و بالابره ماراح تحسين الا لمن يطلع البيبي لاني انا حسيت لمن طلعت بنتي اسمله عليها حسيت فيها

انا انصحج بالابره وبقوه
ببجري خرعوني من الابره و ظليت اطلق 18 ساعه عالككام اللي ما سوالي شي واخرتها سووا لي شفط وللحين احس انه الشفط اثر علي
بينما الابره قزيتها مرتين ولله الحمد ما احس باي شي ولو يرجع فيني الزمن كنت اخذتها اول مره بدون تردد

انا ما انصحك بالأبره
لأن ما يطلع دخان من غير حريجه
الإبره وايد سمعنا عنها إنها تسبب شلل
و انا قريت بحث يقول إهي زينه بس فيها نسبه خطر الشلل عند بعض الحريم
فا حبيبتي خلج على الكمام أحسن لك.

ابرة الظهر ما افكر فيها حتى زوجي مهددني اخذها لانها شلت وحده نعرفها
باخذ كمام و بس

السهالات من الله

انا عندي الكمام احسن من ابرة الظهر لاني خوافة

بس جربت بولاتي السابقة ابرة منوم تخليج تنامين وماتحسين بشي ووقت طلعة الياهل تقعدين تدفعين

هذي ارتحت لها والحمدلله والسهالات من الله

انا اخذت الابرة مرتين ومافي اي اثار جانبية والحمد لله

الكمام مافيه شي وكل حريم الكويت ماخذينه

عمري ماسمعت انه ياثر على العقل ولا على البيبي

لايخرعونج الناس تحب التخرع والتهويل

و الله ما قصرتوا حبيباتي الله يطمن بال كل وحده فيكم ريحت بالي و على قولتكم السهالات من رب العالمين و انشاء الله خير و ربي يسهل ولادتي مشكورين يالغاليات ما انحرم منكم يااااااااااااااااااااااارب و عسى ربي يسهل كل درب بحياتكم عليكم

السلام عليكم

بنات شرايكم بالكمام يدوخ ولالا ويخليج تحسين ولالا وشنو احسن مستشفى من حيث الكمام وشرايكم بمستشفى الراشد وكمامهم وشرايكم بالدكتور نصر هيبه وشنو تنصحون فيه الحكومه ولا الخاص رفيجتي حامل ومتردده

كتبو لنا قصة ولاداتكم وقبل لاتبدون بسم الله وماشاءالله ولا اله الا الله

استغفرالله العلي العظيم من كل ذنب عظيم
حيااااااااكم الله وان شاءالله القى منكم ردوود والله يوفقكم ان شاءالله ويسهل على الجميع يارب

مادري عن هالمستشفى
بس اذا تبين دكتور شاطر حيان الاحمد
غني عن التعريف

ما عندي فكره
اب
اب
ان شاء الله البنات يفيدونچ

عن نفسي جربت ابرة الظهر
وقيصريه

كمام الراشد عجيييب تنامين تقعدين انتي والده اختي ولدت عندهم ماحست بشي كلش وانا ان شاءالله راح اوولد عندهم وبالنسبة دكتور نصر لاتفكرين انج تغيرين لان وااايد شاطر واهوو ما شاءالله استشاري ومرح ونفسيته حيل حلوة وعلى فكرة اهو وقف يستقبل اي مريض بس مراجعينه مكتفي باللي عنده وانا عندي الريال احسن من المرة بواايد حتى بالفحص والولادة ايد الريال اخف من المرة والله يسهل عليكم ان شاءالله

بنات سؤال عاجل ردوا علي بليز
الدكتورة كاتبه حق ولدي كمام فنتلولين مرتين باليوم مل 12 ساعه
اللي بعرفه الفنتولين نفس طريقه المضاد الحيوي ؟ يعني لازم بنفس الساعه ؟ و لا عادي ينعطى متأخر ساعتين ؟
بليز ردوا علي ضرووووووووووووووووري عشان اعرف اتصرف

الكمام مو نفس المضاد الحيوي لان المضاد لازم الوقت بالظبط لان يتفاعل داخل الجسم واذا ما عطيتيه بالوقت ما يجيب نتيجه بالعكس ممكن يضر
الكمام يفضل انج تعطينه بالوقت لكن مو شرط بالظبط يعنى حتى لو تتاخرين شوى مو مشكله بس حاولي تلتزمين بالوقت علشان الصغير يرتاح

كنت برد عليج بس ماقصرت هوى الدار
واكد كلامها اهو مو مضاد
بس لمن يوصف علاج الفنتولين يحدد بساعات عشان الشعب الهوائيه تتسوع واذا الجاهل تعبان تكون الفترات متقاربه وبعدين يخفف لين يتشافا والله يشافي عيالج بس هم احسن تلتزمين بالوقت وحاولي ماتتاخرين

مشكورين يا بنات ماقصرتوا على ردودكم
يعطيكم العافيه

هاي بنات شلونكم؟
بغيت مساعدتكم او ارائكم
شرايكم بكمام المواساة ؟؟؟؟؟
ناس ذمته وناس مدحته فابي رايكم بس باحد مجربه من قريب يعني مو من سنه واكثر من شهر شهرين اسبوع جذي؟؟
وجزاكم الله خير

الله يسهل عليج حبيبتي ,, والله ماعندي فكره عنه بس انا مجربه كمام الهادي عجييييييييب

بس بقولج شغلة قالها لي دكتوري ان كل المستشفيات نفس الكمام ونفس الدواء بس يعتمد على الدكتور نفسه

اما يزيده او يخففه حسب حالة المرا الحمامل اذا ولادتها متعسره شوي والبيبي كبير ومانزل بالحوض يخففونه

عشان تساعدهم وتشد ؟؟!!

على حسب معلوماتي
يقولون اللي تشرب منبهات وايد يعني ((جاي و قهوه و بيبسي و هالسوالف)) ما ياثر فيها الكمام بشكل عام يعني يكون جسمها متعود عالمنبهات من جذي تشوفين ناس تمدح و ياثر فيها الكمام و ناس تذم بالكمام

حبيت اشارك برايي

تسلمون على ردودكم رايكم يطمن

مرحبا بنات حبيت اسال ( الافضل بالولاده القيصريه ابرة الظهر او الكمام ) آرائكم تهمنى

انا اقول البنج العام احسن

انتبهي من ابرة الظهر

انا ماجربت الابره بس خطره

الكمام افضل

اكيد الكمام .. الدكاترة يقولونلج ان احسن حق البيبي ابرة الظهر لان بالبنج العام البنح كله يروح حق البيبي ويأثر علىه .. بس مالج شغل بأحد احسلج البنح العام ليش اتجازفين بابرة الظهر .. انا قولولي عنها قلتلهم لا مابي انا فيني عوار بظهري .. والله يسهل علي الجميع

انا بعد رايي من راي البنات إبرة الظهر تخرع

الكمام افضل لا يقصون عليج بإبرة الظهر ديري بالج

مع احترامي حق اقتراحاتكم بس تره هذاك اول ابرة الظهر تخوف الحين كل شي تطور في البدايه قالوا انها تضر لان توه مكتشفينها بس الحين لا سهاله انا كنت خايفه بس بعد ما شرحت لي دكتورتي اقتنعت بعدين اذا في شي يسهل علي ولادتي ويريحني وماله اي اثار جانبيه (طبعا بعد استشارة اكثر من دكتور ) ليش ما اخذه ؟؟؟

انا اول مرة اسمع انه بالقيصرية ممكن يحطون كمام، صج غريبة لان بالكمام تحسين شدعوة ؟ اهوا صج بعالم ثاني بس تحسين ، مادري كل شيء جايز !!!!،، بنات الي حطولها كمام في القيصرية تجاوبنا !!!!!!

واااي اكييد الكمام احسن … الصرررااحه لو انا بيقزوونيي ابره ظهر اتم مبققه عيوني و اهما يشقوون بطني احس قلبي راح يوووقف

انام و اقعد وايد احس و الياهل يمي

انا توني طالعه من قيصرية صارلي اسبوع و ابرة الظهر مريحة و مافيها اعراض اللوعة و الجبد و الكحة الي تيي عقب البنج و تسبب الام فضيعه لما تكحين او ترجعين و انتي توج فاتحين بطنج

انا درست الموضوع طبيا قبل لا اوافق و الحمدلله انصح بابرة الظهر

ابرة الظهر حبوبة عشان تشوفين وليدج لما يطلعونه
واااااااااااااااااااااي اخساس روعه

حياتي بنت عاقول يقصدون بالكمام البنج العام مو الكمام العادي

حبيبتي انا ولدت بابرة الظهر والكمام يعطوني اياة من بعيييد لي بعيد بس الولادة سههههلة سهههههلة وتينن والاحلى انج ماتحسين اللا بعد 6 ساعات من نهاية العملية مو من اول ما يفتحون البنج

انا صراحه ولدة بنج عااام وكااااااااان متعب حيييل

1- ماحس بولدي الناس شافوو قبلي
2- الاعراض من تقومين الكحه مو طبيعيه تخيلي شاقين بطن واتكحين عوار وربييييي
3- على قل انتي صاحيه ماجنج ميته ماتدرين شالسالفه

اذا الله ماكتبلي بولاده طبيعيه بختااار ابره الظهر

بنات عندي سؤال

جم الفتره بين الببي والبيبي الثاني يعني سنه وله سنتين ونااس قالولي 6 اشهر منووو اصدق ومنو عندها معلووومه

هذا السؤال باختصاااااااار متردده بين الهادي ودار الشفاااااااا

قوة حبيبتي والله يقومج بالسلامة
بالنسبة لي انا جربت دار الشفاء بعيالي اثنينهم وما افكر بمستشفى غيره كمامهم روووووووووووووووووووووعه والله تدوخين وماتحسين الا يقعدونج وانتي والدة وخالصة
انا واااااااااااااااايد احب هالمستشفى كل شي عندهم توب
والله يسهل عليج انشاءالله ياااااااااارب

لاتفكرين بالهادي وييييييييييع مستوااه جنه حكومه ودار الشفا وايد اينن وحلو بس السلام احلى واحلى والكمام وايد حلو بدار الشفا بس لازم تشفطينه شفط

لا تفكرين فى الهادى مجزرة وليا عوذبالله ودار الشفا يا كثر البنات اللى تمدحة توكلى على الله وعسى الله يسهلج ما غيرة رحوووم

شوفي حبوبه انا شهر 5 الي طاف ولدت ابدار الشفا شوفي بالنسبه حق الكمام يعتمد على الوحده يعني انا كثر ما كنت منتبهه كثر ما ان الكمام ما سوه شي معاي لان كنت واعيه وحاطه ابالي اني ما ادوخ

يعني ما اقدر افيدج عدل بس يعتمد يا قلبي على الوحده
وانشالله اتقومين بالسلامه يارب

انا الي اعرفه انه كمام الهادي قوي بس انا مو مجربته سامعه من الناس
بس عن تجربتي انا ولدت بسلام و ماشاء الله وايد حلو كمامهم بس انا اصلن طقيت ابرة الضهر عشان افتك من الالم مره وحده بس و الله كمامهم تمام يوديج عالم ثاني

انا جربت كمام السلام موووووووووووووو شي
لحد الحين متحسفه اني رحت
جربت ابرة الظهر بدار الشفا طبعا فرقت معاي وااااااايد
بس اول شي عطوني الكمام قالوا شمي شميت شوي حسيت اني بديت ادوخ جان اقطه واصرخ عطوني الابره

حبيبااااااااتي ما قصرتوا خلاص توكلت على الله بولد بدار الشفا والتساهيل على الله

كمااااااام دار الشفا عجييييييييييييييييب,,,كنت اولد ببجري وكنت متأزمة امي مو عندي وابجيييييييييييييييييييي
وزادوه عشان اسكت ههههههههههههههههههه بس فعلا عجيب

بنات اسفه داشه عرض بس بقيت اعرف منو الدكتوره الي والدين عندها

بنات امانه ردو علي

قوي جدا

لووول صرااحه النااس اذواق والله انا عندي بدار الشفاء ملف وبالهادي ووالده عيالي كلهم بالهادي روعه بس مشكله الهادي للي تفكر تولد بسلامه اهم شي عندها يعني طاقم العنايه بالوالده رووعه ويهتمون فيج وكماام ماكو احلى منه والكل يقووول هذا ان كمام الهادي اقوى شي
ولكن من ناحيه استقبال وخرابييط دار الشفا احلى مع ان في الملكي بالهادي حلوووو

انا كان تفكيري اولد عند دكتووره تفهم وبغرفه الولاده اهتماام مو تطنييش تنادين ماكوو لوووول وتعليقي على الهادي مثل الحكووومه من سنعه صار الاقبال عليييه شديد

انا مجربه كمام الهادي ووالله مااااااكو عليه روووووووووووووووعه يخليج بعالم ثاني
ومعروف ان اقوى كمام الهادي

داار الشفااااااا حدددددددددده عجييييييييييييييييييييييييييييييييييييييييب

السلام عليكم خواتي كويتيات
مالي غيركم اسئله

منو جربت ولادة رويال حياة
واهم شي::-
افضل دكتور او دكتوره؟
والكمام قوي؟
والخياط التجميلي؟

انا ولدت بدار الشفا كنت بجر وحسيت بالشق التوسيع والفحص وغيره تعذبت

والحين مفكره برويال حياة منو جربته واهم شي شلون سعره اذا على ولادة طبيعيه ان شاءالله مع خياط تجميلي؟ والغرفه عاديه!!

والي بترد بدعليها الله من كل قلبي

والله ماادري
بس انا ناوية على دار الشفا بحيل الله لان عنايتهم مو طبيعية
موفقه حياتي

وان شاالله البنات مايقصرون وانا نصيحتي بعد انج تدقين على رويال حياة نفسهم تسالينهم

وموفقه حياتي
عسا الله يسهل عليج وعلي وعلى كل حامل يارب

عند منة ولدتى بدار الشفا يمدحومه عاد؟؟

هلا اختي غزاله

أنا توني والده في رويال حياة صارلي عشرين يوم ولدة قيصريه والدكتور اسمه سامر الريس مشاء الله عليه اكثر من روعه والمستشفي الخدمه علي مستوي فوق الممتاز والعنايه والممرضات ممتازين مستشفي من كل النواحي ممتازه توكلي علي الله وبترتاحين

والتكلفه 1800 دينار والغرفه الكاميليا وفي اللي اصغر منها ليلي

وأي استفسار أتشرف اختي بالرد

الله يعطيكم العافيه للي ردوا
بس ابي كمامهم شلونه ومنو احسن دكتور او دكتوره بالخياط التجميلي؟
وجم كلفتكم ولاده طبيعيه بغرفه ليلي؟

بغيت استفسر غرفه كاميليا انا رحت اشوف الغرف بس ما كان في غرفه فاضيه .. بس سالت عن السعر قالت لي اللي على الرسبشن غرفه كاميليا 750 يعني راح يكلفني 1300 .. انتي ليش 1800 .. انتي طبيعيه ولا قيصرية ولا متعسرة؟

والسؤال الثاني ما عليج امر .. غرفه كاميليا حجمها كبير ولا صغير وجم شخص تكفي ؟

انا بعد توني والدة من عشرين يوم برويال حياة احسن دكتورة نداء بوخضور خياطها التجميلي عجيييب ماشاءالله واهيا دكتورة فوق المثالية ماشاءالله ثاني مرة تولدني والكمام عندهم حلو و قوي عجيب اما الاسعار على حسب متى تدشين المستشفى دقي استفسري احسن ..الله يسهل عليج

الله يهون عليكم