الوسم: الغدة

قوة بنات شخباركم إن شاء اللة بخير __بسألكم انا عندي الغدة خاملة وزيادة بالوزن شنو احسن دكتور تنصحوني فية؟؟؟ وبعد ركبي ذابحتني مسكربة البنت خخخخخخخخخخخخخخخخخخ طالبة نصيحتكم ومشورتكم لاتبخلون علي ياخواتي تكفووووووووون

بدر الانصاري واايد يمدحونة

تسلمين يامخروشة ع الرد السريع بس وين احصل الدكتور بدر وشنو إختصاصة اذيتج بالاسئلة سامحيني وإن شاء اللة تضعفين وانتي بصحة وسلامة

عبدالناصر العثمان اخصائي غدد وايد شاطر بس قبل لاتروحين سوي تحليل شامل وغدد وهرمون عشان ماتعطلين

يعطيج العافية يادارين بس وين صاير مكانة هالطبيب؟تكفوووووووووون اشرحو لي ووضحو لي اللة يحفظم من الامراض

وانا من راي دارين
عبدالناصر واااااااااايد زين ونفسيته تهبل

انا مره كنت شاكه بهرموناتي ورحت عنده… يهبل يهبل… هالحجي قبل 6 سنوات تقريبا

حياج بتجمعنا

عن الغده الدرقيه والوزن وريجيم اللي ينفع معنا

https://q8yat.net/showthread.php?t=198640

تر وايد راح تستفيد معنا

انا مرة كنت احوس بقسم الاعشاب
وراسلت كذا وحدة اللي عالجت بالاعشاب واللي
عالجت عند دكاترة بس اكثرهم عطوني نصيحه
اني اشرب من عشبه المردقوش واليوم رحت وشريتها بنص دينار
من العطار كل يوم تشربين منها قبل لاتنامين

وشوفي هالمواضيع انشالله بتفيدج

https://www.q8yat.net/showthread.php?t=196059

https://www.q8yat.net/showthread.php?t=161859

https://www.q8yat.net/showthread.php?t=29174

مشكوووورة ياGAPبس وييييين صايرة عيادتة

الف شكر ياقلبي ع النصيحة ياترا شفتي فايدة من المردقوش؟؟

د.عبدالناصرالعثمان 5339330

هذا رقم العيادة وان شاء الله ماتشوفين شر

الشر مايجيش بجد ماقصرتي يادارين اللة يحفظج

الله يشفيج

مشكورة ياسارا كفيتي ووفيتي ويشرفني اشارك بتجمعكم اللة يحفظكم وتضعفون بصحة وعافية وانا معاكم

آمين يارب ويشفي الجميع مشكووووووورةياقلبي ياحلى مطيرية

بصراحة انا سامعة ان اذا في خلل بالغدة الدرقية
يصير بالرحم هرمون اجسام المضادة
يعني يخلي الرحم يطرد البويضة اذا صار في حمل
ويصير اجهاض اسم الله عليج
سمعي نصيحة الدكتور
بس قوليلي متى لازم اتسوين تحليل الغدة لازم عليج الدورة؟
لان ودي اسويه

من خلال بحثي لقيت هالمعلومة اتمنى تفيدج

في الواقع ان أعراض زيادة نشاط الغدة الدرقية كثيرة ومتباينة منها: اضطراب أو توقف الدورة الشهرية، تسارع النشاط الذهني، تسارع دقات القلب حتى أثناء الراحة، وعدم الشعور بالبرد على الرغم من انخفاض درجة الحرارة، زيادة حركة الأمعاء والإسهال، والقلق، التعب، التوتر، صعوبة النوم، ارتعاش اليدين أثناء الكتابة أو القيام بالأعمال التي تحتاج إلى دقة مثل استعمال الإبرة والخياطة. ومن حسن الحظ أن الأدوية الموجودة الخاصة بزيادة نشاط الغدة الدرقية يمكن تناولها خلال الحمل، واستعمالها يؤدي إلى انتظام عمل الغدة الدرقية خلال أسابيع من المعالجة. ان العقار المأمون خلال الحمل لعلاج زيادة نشاط الغدة الدرقية هو بروبيل _ ثيويوراسيل propylthiouracil، ويجب متابعة حالة الحامل بالفحص والتأكد من مستويات المعالجة؛ حتى لا يؤثر ذلك على الجنين.

الأم والجنين يتأثران بكسل الغدة
معظم السيدات اللواتي لديهن كسل في الغدة الدرقية يعانون من عدم القدرة على الحمل أو صعوبة في الحمل، حيث إن هبوط معدل إفراز الغدة ينتج عنه زيادة في إفراز هرمون الحليب وبالتالي عدم الإباضة. والسيدات اللواتي يعانين من كسل في الغدة الدرقية ويصبحن حوامل لسبب أو لآخر لديهن مشكلة حدوث فقر دم أو تسمم حملي أو انفصال مبكر في المشيمة أو نزيف رحمي بعد الولادة. وبالنسبة للجنين فأحيانا يحدث بطء أو كسل في معدل نمو الجنين وأحيانا وفاة مفاجئة وفي معظم الأحيان يحدث إجهاض متكرر. ويكون العلاج بسيط جدا ويتكون من 1.6ميكروجرام ليفوثيركسين وعادة تحتاج المريضة الحامل لزيادة في الجرعة.

والله ماعندي معلومه عنها موفقه وانشالله تجيبين اخو او اخت لولدج

حماتي فيها الغده الدرقيه نشطه حيل بعد مو شويه لدرجة شعرها قام يطيح وما شاء الله تبارك الرحمن حملت ويابت توأم بنت وولد*

مشكورين حبيباتي على المعلومات
اما بالنسبة لتحليل الغدة عادي انا اسويه بأي وقت

ماعندي فكره
الله يشفيج ويرزقج

الزم ماعليج صحتج والحمدلله عندج ولد عالجي وتالي حملي

رب لا تذرني فردا وانت خير الوارثين

أختي معاها غده خامله بس تتأخر بالحمل وكله اسقاطات

الحمدالله على كل حال انا
بعد عندي هالمشكله

حبيبتي انا فيني غده ودكتور برا قالي ممكن يجي معاق اسم الله عليج اصبري وعيسى الله يرزقج الحمل السليم

رب لا تذرني فردا وانت خير الوارثين

سمعت انه في حبوب تخفف نشاط الغدة

في أدويه تخفف نشاط الغده وخلال اشهر بسيطه باذن الله تتشافين بفضل الله أنا كان فيني بس والله ما اذكر شنو الأدوية بس سئلي دكتورتج تصرف لج ياهم والتزمي فيهم وعسى أن شاء الله تحملين تفرحينا ويرزقج ويرزقنا أن شاء الله

شلونكم بنات
حبيت أسأل منو سوت عملية الغدة الدرقية ؟؟؟…….وعند أي دكتور ؟……….وشالوها كلها والا خلوا جزء ؟
ولها دعوه حلوه مني

هلا والله
تو رفيجتي مسويه هالعمليه صارلها اسبوع

سوتها بمستشفى السلام والحمدلله الحين كل شي تمام

حبيبيتي ماتدرين شنواسم الدكتور ؟

ما اتشوفين شر اختي انا امسويتها من 5 سنوات بس مو ابلكويت لانى عايشة بره توكلي على الله وسويها ترا سهله والحمد لله انا شالو نصها

حماتي مسويتها بالاميري

وحدة اعرفها سوتها بالاميري وما طولت رابع يوم اطلعت بس سامحيني ما اعرف الدكتور منو على العموم لاتحاتين ترى العملية سهلة

سوتها بنتي في مستشفى العدان وقعدت خمس ايام والحمدلله كل شي تمام وكانت بسيطة

الشر مايجيج ان شاءالله
انا ناويه أسويها بس ودي أعرف أحسن دكتور بالكويت
مشكوره حبيبتي

انا ودي أسوي العمليه بخاص
مشكوره

الله يسهل ان شاءالله
مشكوره عمري

مشكوره حبيبتي
والحمدلله على سلامة بنتج

3afyya ana ma3ay `7umol wemlawe3 chabdy e9er asawy 3amaliyya a****hha waftak
????

اتمنى لج الشفاء العاجل ان شاءالله

أشكر مروركم

ياريت تذكرون لي اسم دكتور شاطر يسوي العمليه
ويكون في أحد مجربه

السلام عليكم خواتي
محتاجة مساعدتكم والي عندها خبرة بالموضوع او حالتها مثل حالتي اتساعدني اكون شاكرة لها

قبل سنتين كان عندي بس تضخم بالغدة و النشاط كان زين بس قبل جم شهر راجعت طبيب الغدة و سويت عندة تحاليل كان زين النشاط بعد بس عطاني حبوب جرعتهم صغيرة علشان يقلل من التضخم قالي استخدميهم شهر بس بعدين راجعي انا ما راجعتة الا بعد 4 اشهر راجعته لان دقات فلبي صارت ادق بسرعة و هالشي واايد مضايقني
طلب اعيد التحاليل ولا الغدة صار فيها نشاط مرتفع واايد و طلع في الغدة عقد
وقالي عندي حلين علشان اعالج الغدة اما اسوي عملية او علاج باليود المشع و انا محتارة بينهم الصراحة
ياريت الي معالجة باليود المشع تقولي عن تجربتها هل ينفع و و بعد العلاج ارجعت الغدة مثل ماكانت
و بعد اليود هل لازم تاخذ حبوب مدى الحياه؟
و بالنسبة للجراحة بعدها لازم حبوب بعد مدى الحياه؟

و مشكورين ماقصرتوا

up‏ ‏
بليز بنات ساعدوني ضروري

بنات صج اللي فيها خمول بالغدة وتأكل علاجها ما تنفعها عمليه تحويل مسار

يعني ماكو امل توصل للوزن المثالي

يقولون اللي فيها خمول بالغدة ما تنفعها عمليات السمنه سواء تكميم ولاباي باس اللي أهي التحويل

Up. Up up upUp

والله ما عندي فكرة استشيري طبيب أفضل يعطيك معلومة أكيدة .. الله يسهل لك

انا عندي غده

وبعد التكميم نزلت لله الحمد خلال سنة 65 كيلو

وبالعكس تسنعت الغدة ماله شغل حبيبتي

اي سؤال من عيوني بالتوفيق

نرجس اكوالفت مو ساءلة اصلا مثل المواد الساءلة اهيا جل و ما تتحرك و تنشال بجراحة مو مثل باجي المواد الساءلة بس عيبها غالية

كلي غنج يادلوعه الله يطمنج ياااااارب سويتها عند منو ؟؟ وجم كلفتج ؟؟؟وبأي. مستشفي ؟؟؟ تابعوج بعد العمليه ولا لا ؟؟؟؟

وشنو سويتي رياضه وريجيم ولا شنو عشان ضعفتي 65 كيلو الله يبارك لج ويتمم

عليج لين توصلين الوزن المثالي يااااااااااارب

جم كان وزنج قبل ألعلميه. ؟؟؟؟ أكيد. في ترهلات لان النزول كان سريع

ابببببببببببببب

حبيبتي سوي تكميم وايد افضل من التحويل
سواء تبين تحويل او تكميم
روحي عند هيثم الخياط بدار الشفا انا سويت عنده تككميم وتراجعين عنده بين فترة وفتره

شكووو
ماله شغل

مشكوووووووووره ضايعه بالطوشه و do7awe

هلا حبيبتي

سويتها عند الدكتور عماد الابراهيم مستشفى الجهرا

وبما انه مستشفى حكومي بس كلفتني الاغراض اخذتها ب1200 دينار

اي اكيد تابعني الدكتور بعد العملية

لا ماسويت رياضة ولا رجيم شكو انا مسوية تكميم

ههههههههههههههههه ياحلوج شكلج ضيعتي الحين تسأليني عن عملية التكميم عقب تقولين شلون ضعفتي رجيم ولا شنو

حبيبتي مشكورة عالدعوة بس انا وصلت للمثالي الحمدلله

اي في ترهلات وسويت عملية شد

اي سؤال من عيوني

فديتج كلي غنج

مشكورة يا قلبي علي المعلومات

ابيه لازم شد يعني بس الجروح من عمليه الشد واضح صح يقولون خصوصا الزند شكل الجرح واضح وبايخ

سوري بس شنو سويتي شنو شديتي وعند منو وكم كلفتج ألعمليه ولا بحكومي.

تصدقين غلت أغراض ألعمليه. كانت ٨٥٠ صارت ١٢٠٠

مشكورة ياقمر

قوه بنات ابي عياده او مختبر يسوي تحليل الـ adrenal gland اتوقع يسمونها الفوق كلوية منو عندها فكره ؟؟ وجم اسعارهم وشكرا

السلام عليكم بنات
حبيت اليوم احط موضوع عن الغدة الدرقية و امراضها بما ان اثنين من معارفي صار فيهم هل مرض, مادري هل منتشر و لا لاء.
و الموضوع منقول من احد المواقع طبعا للإفادة, و انصح بالزيارةاذا تبين تتثقفين من هل ناحية
https://www.6abib.com/a-688.htm

تقع الغدة الدرقية Thyroid Gland في مقدمة العنق ، وتحيط بالقصبة الهوائية (الرّغامي)
وتقوم هرمونات الغدة الدرقية بتنظيم سرعة الإستقلاب في العديد من الأنسجة.

* التشخيص

أولآ- إختبارات الدم
ثانيآ – الفحص بالموجات فوق الصوتية للغدة الدرقية إذا كانت غير طبيعية في حجمها أو شكلها
ثالثآ – أخذ عينة درقية بالشفط بإبرة دقيقة

و بما ان الي اعرفهم فيهم زيادة النشاط:
فرط نشاط الغدة الدرقية أو فرط النشاط الدرقي حالة تؤدي إلى إنتاج الكميات زائدة من الهرمونات الدرقية في الجسم.

فهذه الكميات تكون أكثر مما يجب وتجعل المعدل الايضي لجميع أعضاء الجسم زائدآ، وهكذا فإن الغدة الدرقية زائدة النشاط تجعل كل شيء في الجسم زائد النشاط أيضآ.

و الاساب:
– مرض جريفزGraves disease هو اكثر أسباب فرط نشاط الغدة الدرقية شيوعآ فيمن هم دون سن الأربعين وهو من أمراض المناعة الذاتية وفيه تتكون بروتينات غير طبيعية تسمى الأجسام المضادة المحفزة للدرقية وهي تحفز الغدة الدرقية على إنتاج الكثير جدآ من الهرمون الدرقي.
يتم تشخيص مرض جريفز في حوالي 1 من كل 1000 شخص كل عام ، وأغلبهم نساء صغيرات إلى متوسطات العمر.
وقابلية الإصابة بمرض جريفز يمكن أن تنتقل بالوراثة ، رغم أن تلك الصلة ليست قوية بالدرجة التي تجعل كل فرد في العائلة يصاب بهذه الحالة.
((أنظر الصورة أدناه))

– في حوالي 10% من الحالات يتسبب فرط النشاط الدرقي عن وجود عقيدات درقية تنتج كميات زائدة من الهرمونات الدرقية.

– واحيانآ تنتج حالة مؤقتة من فرط النشاط الدرقي عن إلتهاب الغدة الدرقية بسبب عدوى فيروسية أو المراحل المبكرة لمرض هاشيموتو.
– وفي حالات نادرة يسبب ورم غير سرطاني (ورم غدّي) أو نمو للغدة الدرقية إنتاجآ مفرطآ لهرمون الغدة الدرقية
– وفي حالات أكثر ندرة من سابقه هناك الورم الغير السرطاني في الغدة النخامية الذي ينتج فائضآ من الهرمون المنبه للدرق ، مما يجعل الدرقية تفرط في إنتاج الهرمون.

* الاعراض
تحتاج كل خلية وعضو في الجسم إلى الهرمون الدرقي لتعمل بشكل طبيعي ، زيادة هذا الهرمون تؤدي إلى الإسراع في معدلات النشاط لكثير من أجهزة الجسم ، فالأمعاء تستجيب بكثرة الحركات المعوية ، والقلب يستجيب بالإسراع الملحوظ في معدل دقاته ، كما يزيد نشاط الغدة الدرقية مما يجعل الكفين تسيلان عرقآ غزيرآ يجعله لين القوام مبتلآ ، وفرط تنبيه الجهاز العصبي يمكن أن يؤدي إلى التهيج العصبي.
قد تجد أيضآ تزايدآ ملحوظآ للشهية رغم نقصان وزنك.
قد تصبح عضلاتك ضعيفة جدآ
قد تعاني أيضآ عدم إحتمال الحر.
ومن الأعراض أيضآ الإرتعاشات.
وفي حالات غير قليلة قد يحدث القلق وغيره من الأعراض العصبية وقد تعاني صعوبة النوم.
قد تصبح دورات الحيض عند الإناث غير منتظمة وأقل تكرارآ وقليلة في كميتها.

ثمة واحد من كل خمسة من المصابين بمرض جريفز يعاني جحوظآ في العينين وهي حالة مرضية تجعل العينين تبرزان وقد تجعل العينين محمرتين ومتورمتين وتسيلان دموعآ ، مرضى الصور الأخرى من فرط النشاط الدرقية لا يصابون بجحوظ العينين.

مما يلاحظ أن كبار السن تقل لديهم أعراض فرط النشاط الدرقي وقد تكون قابلية الهياج والاصابة بالذهول أو نقصان الوزن بدون مبرر واضح أو دقات القلب السريعة أو غير المنتظمة (حتى اثناء الراحة) هي الأعراض الوحيدة لفرط النشاط الدرقي للمسنين
* العلاج:
اليود المشع Radioactive Iodine:

يختلف اليود المشع المستخدم في علاج الغدة الدرقية بعض الشيء عن النوع المستخدم في قياس إمتصاص اليود المشع وفي التصوير المسحي للغدة الدرقية، فالنوع المستخدم في العلاج يعمل على إلحاق الضرر بالخلايا الدرقية بدلآ من مجرد المرور المؤقت من خلالها.

التفاصيل في الموقع
– الجراحة:ثمة طريقة أخرى لتقليل كمية الهرمون الدرقي بالإستئصال الجراحي لكل الغدة أوجزء منها Thyroidectomy ويوصى بهذا العلاج عادة عندما يكون الدواء المضاد للدرقية أو اليود المشع غير فعال أو يتعذر إستعمالهما، ومع ذلك فإن المصابين بمرض جريفز الذين هم دون العشرين من العمر ولايجدون تفريجآ لأعراض مرضهم بإستخدام الدواء المضاد للدرقية يتم غالبآ علاجهم بالجراحة.

انصحكم بزيارة الموقع للتفاصي و الصور

مشكوره

يعطيج العافيه اختي

يعطيج العافيه …

السلام عليكم
لدي ارتفاع كبير في كوريات الدم البيضاء
ماهو السبب ولدي الغدة الدرقية
ونسبة Thyroglobulin مرتفعه

السلام عليكم ..
هل إذا الوحدة ما كلت دواء خمول الغدة الدرقية في وقته و هي حامل ، راح يسبب لها إجهاض؟
يا ريت اللي حوامل و فيهم خمول بالغدة يفيدونا عن تجاربهم…
فيه منكم حامل و تأخرت بتناول دواء الغدة و ما صار شيء بالجنين؟

ماعندي اي فكره ان شالله البنات يفدونج

مساء الخير
انا معاي خمول بالغده و تاخر في اكل الحبه يومين او ثلاث وبعدين سالت الدكتوره وقالت لي ديريبالج تطوفين حتى يوم بس ان شاءالله ما كو شي بس احسن ما تطوفين ولا يوم لانه ياثر على مخل ونموالبيبي

وديربالج على نفسج وربي يتمم عليج

وي لا يبا ليش كا انا غدتي مره خمول ومره نشاط وحمالي الي طاف شكثر طوفت دوى الغده اصلن كنت يوم اخذه وشهر لا وكاهو ولدي الله يحفظه عمره 3 اشهر
الله يكتب الي فيه الخير

حبيبتي … من حاله لي حاله يفرق الموضوع

بالنسبة لدوى الغده سواء خامله أو نشطه … لازم تاخذينه بوقته لأن تأخيره أو اهماله يأثر على نمو البيبي

الغده تأثر بتأخير الحمل .. بس عمري ماسمعت ان ممكن تسوي اجهاض

مادري بصراحه

بس حاولي تلتزمين فيه

الله يوفقج يارب ويرزقج اللي تمنين

مشكورين بنات
ترى انا مو حامل
بس قاعدة أسأل لأني خايفة

فوووق

والله انا فيني خمول وبحمالي خررررتها عالاخر قبل لا احمل كنت منتظمه عالدوا وبحملي طوفت الحبوب يمكن 10 ايام والحمدلله ولدت والجنين طبيعي ..

مشكورين بنات طمنتوني الله يطمنكم

أب لعيوونج

اختي ديري بالج انا عندي خمول بالغده وسببت لي مشاكل كثيره
منها صعوبة الحمل واجهضت مره لانها كانت نشطه حيل

والمفروض تكون طبيعية مو خامله ولا نشطه
الجنين يحتاجها بالشهر الرابع لان وقتها يتكون المخ والجهاز العصبي عنده
ولازم تكون بالحد الطبيعي علشان ياخذ كفايته من الهرمون

اذا نسيتيها صومي 6 ساعات واكليها
او ثاني يوم اكلي الحبوب دبل مالت امس واليوم

بس لا تطوفينها مو علشانج علشان البيبي
لان ممكن يصاب باعاقة بعيد الشر او اجهاض الله يكفيج الشر

ولاتسمعين كلام البنات ترى مو كل مره تسلم الجره

لازم تنتضمين بوقتهم ..

ديربالج

المفروض موعد تناول الحبة قبل الريوق بنص ساعة
انزين بس برمضان راح ناكلها بالفطور يعني راح نتأخر بموعدها؟ شلون؟

السلام عليكم
حبايبي
أنا سويت عمليه غدة درقيه وشالوها كلها لانه كان فيها ورم
المهم بعد العمليه صوت مافي ( تقريبا صار لي 40 يوم من سويت العملية)
شالحل ومتى راح يرجع
على فكره خصوصا انا بحاجته كوني مدرسة واحتاجه حيل
ارجو الرد بسرعه

انا نفسج مدري محتارة اسويها ولا لا؟بس يقولن يرجع الصوت بعد فترة وين سويتي العملية وخذيتي علاج بعدها بليز حبيبتي ابي تفاصيل لأني حيل محتارة الورم يضايقني وخايفة

انا سويتها بالسلام عند كتور طارق
الحمد لله
انا الحين احسن
بس بعد العملية تعبت من سالفة التشنج لانه الكالسيوم ناقص هذا شي عادي يصير بعد العمليه عطوني كالسيوم وعلاج مدى الحياة بدل هرمونات الغده انا الحين بخير والحمد لله بس الصوت متعب يطلع من روحي احس مو مثل الصوت اللي يروح عادي
وسلامتج يا قلبي ما تشوفين شر
واذا تبين اي شي انا جاهزه
واسال مجرب ولا تسال طبيب

انا مدرسة عربي واخاف صوتي يخف عن اول بس شكلي بسويها لأني متضايقة منه بالنفس

الله يشافيكم ياربيييييييييييييي

حبوبه انا سويتها عند د.صباح الحديدي ممتاز بس الصوت مايطول اسبوعين ورد عادي لاتحاتين حبوبه

صار لي شهر من سويت العمليه ولا رد صوتي خفيف باليالله ينسمع

الف سلامه عليكم .. الصوت فتره ويرجع ولاتكلمين بصوت عالي واسمعي كلام الدكتور ,,, وماتشوفون شرر

الف سلامة لاتخافي الصوووت راااح يرجع باذن الله….,

فديتكم ان شا الله ماتشوفون مكروه ماتصدقون اشلون نفسيتي تعبانه يوميا ابجي ما ابي اعيالي ولا ريلي يشوفوني ادخل الحمام وابجي لين احس ادموعي انشفت كملت شهر وصوتي يطلع من روحي وانا مدرسه لا اقدر ارد الشغل ولااقدر اتعامل مع اليهال بالبيت واللي يعافيكم من سوت العمليه وصار صوتها خفيف رد عقب كم شهر تجاربكم يابنات يعني برد طبيعيه وبرجع الشغل الدكتور اكد لي ان الاحبال سليمه

والله ماعندي فكره والله يشفيج ياقلبي

بس بغيت اسألج اشلون اكتشفتي انه فيج ورم بالغده ؟

ياليت تجاوبيني

فديتج لله الحمد ماكان ورم كان كتله وكل فتره تكبر ومع الوقت ممكن تتحول لورم او يكبرلا قدر الله فنصحني الطبيب اني اشل الغده

..

الصوت بعد العمليه يرجع تدريجياا
مالاحظتي بتطور ووضوح بالصوت من بعد العمليه للاربعين يوم الي مروا ؟

والله ماعندي فكره والله يشفيج ياقلبي

تطور بطي بس تعبت ابي ارجع الشغل واكلم اليهال وانادي الخدامه كا هذا ما اقدر لازم الواحد قريب مني كلش عشان يسمع صوتي والله كريم بنات نبي تجارب اللي سوو العمليه والله يبعده عن الجميع