الوسم: العلي

الله يخليكم فيدوني ..ماعندي غيركم اسئله..انا بحملي الاول كنت عند ناهده وماقصرت فيني وقت الولاده وصبرت علي وقرت ادعيه وايات علي ليما ولدت..بس عيبها وقت المراجعات انطر وايد واذا احتجتها باستشارة او ببدل الموعد ما اقدر اوصلها وماتعطي رقم موبايلها والرسبشن دايمن مشغول او مايردون وقت المراجعه دايمن فيها نومه..منو تعرف دكتورة زينه واهم شي بالها طويل وقت الولاده وخياطها زين. واذا ما حصلت برد على ناهده بعد شسوي لان اهم شي وقت الولاده

ناهده وايد زينه والكل يمدحها بس ليلى ما ادري

اما مجربه دكتورة نجيبه القطان وااااااايد زينه وحبوبه بس وقت الولاده ما اييبها اولد بالمواساة دكاترتهم وايد زينين خاصة فيرجينيا

ليلى اشكناني وايد شاطره و مواعيييدها مرتبه عندها زحمه بس مو مثل ناهده و مشالله علييييها صج دكتوره هاااااااااديه و ايدها خفييييييييييييييييفه و مستواها مووووو اقل من ناهده اهيي استشاريه و خبره ٢٠ سنه بالصبااااح

بصراحه انا اراجع عند ناهده وليلحين مشالله عليها زيينه وحنووونه واسلووبها حده راقي عمري ما شفتها مبوزه او نفسيتها مو حلوه معاج دايم تضحك اما ليلى مادري عنها لاني بجريه ونصحوني بناهده العلي

السلام عليكم ..

انا ببجري كنت عند دكتورة ناهده العلي

بصراحه الحق ينقال .. عمرها ماقصرت معاي .. لا بمراجعات ولا بالولاده

ماشاءالله عليها .. اما على سالفه فيها نومه .. عمري مالاحظت هالشي

بالعكس دايما مبتسمه وكلا تسلم على ريلي ريلي يستانس عليها .. بصراحه اتينن الله يرزقها

اما الباجي مادري عنهم

وعلى سالفه الزحمه .. حتى بالمستشفيات الخاصه دايما زحمه

السلام بنات
بغيت اسأل منو احسن معصومه مقصيد – فوزية القطان – ناهدة العلي – ليلى أشكناني

هلا حبيباتي
انا ابي اسال عن الدكتور ناهد العلي تعالج الالتهابات وين مكانها

عيادتها بالسالميه تلقين رقمها بالجريده دقي وخذي موعد لأنها دايم مزدحمه مشالله

السلام عليكم بنات انا ناويه اروح للمعالجه ام فيصل بس ودي اعرف متي اروحله وهي الحين تعالج او لا تكفون بنات فيدوني معلوماتكم عنها وعن طريقه علاجها وفحصها دخلي ولا من برااا والله يجزاكم خيرا

بنات تكفون ردوا علي اسالتي عسي الله يرزقكم

238340860هذا رقمها اتصلي عليها في اي حزه وتعلمج متى تجينها

هلا اختي اليوم دقيت عليها ومافي احد يرد انا مومشكله اقدر اروح لها بس متي احصلها اذا انتي رايحه لها ياليت تقوليلي متي اقدر القها ببيتها ومشكوره حبيبتي

اعتقد ورا صلاة العصر تقعد بس استبعدي ايام الاجازه مثل خميس وجمعه وسبت

حبيبتي طول ايام الاسبوع عدا الجمعه ومن بعد صلاه العصر دايركت تستقبل ,,

الله يجزاك خير يعني هي الحين موجوده لان اغلب الناس مسافره ياليت تدرين علي هي موجوده الحين اولا

اي حبيبتي موجوده روحيلها انا اعرف وحده توها رايحه لها

اب اب اب

وايد زينه

كنت اعالج بالمستشفى فيني ضعف

و قعدت 4 شهور اكل كلوميد و ماكو نتيجه

رحتلها و بشهر واحد بس حملت

يعني من كليت عسلها ما جتني الدوره

ماشالله
شكلي بروح عندها

مساافره تري وبترد ب ٢٠ الشهر

اكون سويت عملية السحب وانشالله احمل هالمرًه

اب اب اب

رب لا تذرني فردا وانت خير الوارثين

هاي بنات منو تعرف الدكتور عبدالعزيز عطيه طلع من مستشفى السلام وين راح؟
وبالنسبة حق دكتور عبدالله العلي منو سويت عنده عمليه بالفترة الأخير ومتى يعطي موعد حق العملية بعد أول زيارة ؟وشلون اسعاره؟

انا توني من اسبوع مسوية عملية عند د.عبدالله العلي, مواعيده عادية تقدرين تحطين موعد العملية قريب وأسعاره طبيعية جدا مايفرق عن غيره

دكتو عبدالعزيز عطية تلاقينه في
مركز عناية الألماني الطبي
السالمية خلف الجمعية مقابل المخفر
ت 25750777
داخلي 181/182

وسلامات ما تشوفون شر

مشكورين وما تقصرون وكلكم ذووق

قد تقول الكثيرات منكن ويييين الناس أو من متى السالفة ؟

لكن كتابتي للموضوع في هذا الوقت لتهدأ الأنفس ونصبح أكثر عقلانية …

عندما فازت قطر بتنظيم كأس العالم فرح الجميع وأستبشر الجميع وهنأنا بعضنا وذرفنا دموع الفرح

قد يكون همنا ليس رياضيا أو كرويا ولكن فرحتنا كانت للغالية قطر ..

بعدها بيومين فازت الكويت بكأس الخليج ,, فليفرح الجميع وليهنيء الجميع سواء ذهب الكأس لها أو لغيرها نحن أخوة وأهل

لنبتعد عن بعض التعليقات التي تسبب الجروح ,, لنبتعد عن بعض الكلمات التي تفرح أعداء الخليج ,,

والله يالغاليات نحن شعب محسود كم يتمنى غيرنا زوال نعمتنا ..

سأسأل سؤال واحد أتمنى من الجميع الإجابة عليه ..

عندما تكونين مسافرة إلى دولة غير خليجية أو لنقل غير عربية وترين إحدى أخواتك من دول الخليج ما هو الشعور الذي ينتابك لحظتها ؟ ..

ما أقول إلا مثل ماقال طارق العلي : الله يحفظ علينا أمننا وأمانا وحكامنا وشعوبنا ويحفظنا من شر العيون المبققة حوالينا والكأس في أي دولة كأس لنا كلنا الله لا يفرقنا قولوا آمين ……

اي والله كلامج عدل

انا كنت بدولة عربية وشفت سيارة خليجية طرت من الوناسة ماادري ليش ..

الله يوحدنا كلنا

الله يكفينا شر الحساد والله حاسدينا على كل شي الله لا يفرقنا

الله يحفظ دوول الخليج من كل مكروووه

عسى الله لا يفرقنا

فديتنا :$ خليجيين

الله يخليلنا كويتنا يارب ويحميها من المشاكل والفتن

اي والله الله يجمعنااا ولايفرقنااا

ونكون داايمااا على قلب وااحد

واذا سااافرت دولة وشفت ’’كويتين’’بالذاات استاانس لانهم عيااال ديرتي

والله يحفطناااا من كل شر

خليجنااااااااااااااااا واااحد

الحمدلله قلوبنا صافية ونحب بعض
وماعاش من يفرقنا لا فن لاكرة قدم ولاغيره
وخليجنا وااااااااااااااااااااااحد

عدل كلامج والله انما افرح اذا سافرت وشفت عيال ديرتي ولا الخليجيين
الله لا يفرقنا

,

آلله لا يفرقنآ

مشكورة عزيزتي

الله يحفظنا ويتمم عليها نعمه الامان

الله يحفظنا من شر كل الحساد

واذ للكويت فازت فبطولة أو أي دولة خليجية وحتى الدول العربية يعتبر فوز لنا كلنا

ويعطيج العافية على الموضوع

امييين

الله يرزقج ان شاء الله الذريه الصالحه

غفران مشكورة حبوبة
محد عبرني غيرج

حبيبتي ستروبري

انا كنت اعالج عند ناهدة العلي الصراحة وما عجبتني كلش حسيت انها تجارية مادري يمكن البنات عندهم غير راي بس بالنسبة لي انا ما عجبتني ولا ساعدتني تصدقين كانت ساعات تنام وهي تكتب الوصفة

لا لا لا بعدي عن ناهده اتنام وهي تكتب الوصفه من كثر التعب والله اني كنت انا وريلي نضحك لما نشوفها تنام بس كليتها بعدين يوم افتحت بطني وشقت لي المثانه

روحي عند معصومه مخصيد شااااااطره بهالسوالف بس غاليه

أنا كنت أراجع عند ناهده العلي هي حبوبه وتهبل تحسينها أمج الثانيه وأسعارها أرخص من غيرها بس هي شاطره تعالج حمل مو إلي تبي تحمل أنا جربتها يوم أبي حمل ماعندها خبره كافيه بس ترتاحين لها
بس لو أدورين ماراح تلقين
مثل شطاره فوزيه القطان

والله حيرتوني بصراحة

انا سمعت عن ناهد العالي وهدى الناصر اشياء حلوة
ومدحولي اياهم ووصلوهم لي السما

وانتو اللحين كلامكم عكس كلامهم

ياربي

وين اروح؟؟؟؟

فوزية القطان مااعرفها ولا سمعت عنها الا من المنتدى هني

الله يكتبلي اللي فيه الخير
ويكتب لكم اللي فيه الخير قولو امين

فوزيه القطان ممتـــــــــازه بس غاليه

انا رحت لها مراجعه وحده الطبيبه عن الظليمه والله تهبل .. بس عيادتها وسكرتيرتها تعبانه

انا كنت اراجع عند د.ناهده والله تهبل بس انا ولادتي كانت طبيعيه والحمدلله بس اهيا عيادتها زحمه وايد و هذا الي كنت اتضايق منه- واهيا حليوه لأبعد درجه و رخيصه وايد ولا تتطلب وايد.

مشكورين بنات

جربى نداء بوخضورشاطرة وعندج دكتور فى الشعب التخصصي الرميح بس مادرى شسمة لاكن يمدحونة

فايزة
مشكورة
اختي
بس بصراحة
مااقدر اضيف احد عالماسنجر

ياليت اذا في مجال

تحطين لنا
موضوع كاااااااااامل عنج
وعن خبرتج
واللي تبي تستشيرج

تستشيرج بالموضوع الخاص فيج
وراح اكون انا
اول وحدة

مشكورة عالرد

صح كلام البنات ناهده شاطره بمتابعة الحمل والولادة

مو بالمساعده على الحمل

بس روحي حق حازم الرميح حق الاستشاره

ما شاء الله عليه دكتور حبيب وتحسينه يكلمج جنه ابوج والله

وريال عود وفاهم شغله

واذا استشاره بس عادي ريال اهو ما راحح يكشف

والله انا رحت حق دكتورات والله ما ارتحت حق احد منهم مثل دكتور حازم

توكلي على الله وروحي له

وان شاء الله راح تلاقين الخير

واهو من النوع الي يساعد

يقول لج انا بفتح لج ملف بالصباح

واسوي لج التحاليل والسونارات والاشياء الغاليه اهناك ابلاش

لان اهو مدير فسم طفل الانبوب بالصباح

والله يرزقج الذريه الصالحه يااااااااااارب

مبارك عليكم الشهر
ابي مساعدتكم بنات
أنا اراجع فالمواساه وناويه أولد هناك ان شاء الله
أنا بالشهر ال8 وأراجع قبل عند فرجينيا لي الشهر ال4 عقب غيرت لاني ماكنت مرتاحه نفسيا مع انه كانت حليوه عقب كملت مع شاديه بس قالو لي ناهده احسن
وأبي اعرف من احسن او من جربتهم او سمعت عنهم حدي محتاره وهااي البجر ماعرف
وبغيت اعرف ناهده أتي المواساه لو لا ؟

مشكوره حبيبتي ع الرد

كلهم يهبلون ويمدحونهم حيل

انتي استخيري والله يكتب لش اللي فيه الخير

وناهده تولد بكل المستشفيات منهم المواساة

الله يسهل عليج انا بجرية مثلج ، وراجعت عن ناهده العلي ، امدحوها لي ، اما شادية مادري عنهآ

والله انا اراجع عند ناهده
ومرتاحه لها
وتولد بالمواساه عادي

انا انصحج في ناهده العلي
وتولد بكل المستشفيات

مشكورين بنات على الرد
بس بغيت اسأل في احد يعرف شلون خياطهم شاديه وناهده ؟
ناهده تسوي سونار ملون ؟وبغيت اعرف بكم تسوي السونار العادي او المرجعات ؟ *

دكتورتي ناهده تتتتتتتتتتتتتتتتتتتتتتهبل
ولادتي القبليه معاها وهالولاده
وتولد بالمواساه قلبي

انا والده عند شاديه والله تهبل وماعليها كلام

ناهدة العلي تهبل
والسهالات من الله

مراجعتها ما تتعدى 35 دينار ويمكن اقل

حتى يقولون لج حليمة بولند اتراجع عندها هههههههههه

مشكورين بنات على الرد ماقصرتو
اهم شي حليمه بولند خخخخخخخ عاد هاذي اللي ماحبه لول

^
^
حليمه تراجع برويال حياه شفتها ذاك اليوم ..

السلام عليكم

ولدت مرتين عند ناهدة
هالإنسانة تهبل أخلاقها وتعاملها وصبرها وحتى خبرتها الشعبية إضافة إلى إتقانها الطبي.
انصحج فيها
انا وحمواتي وحريم حمواني و صديقاتي كلهم عندها .

وتولد بكل المستشفيات حسب ما أعرف.

ناهده تاخذ بالمراجعه والسونار ٢٠ دينار
انا اراجع عندها

وأنا معاج .. كلامج سليم .. بس شتقولين حريم ويحبون يزيدون

ما قصرتي حبيبتي مشكوره علا الرد

له هالناس ما يبيم بعينهم شي
والخير يخص والشر يعم
مشكوره اختي sugar&spice

على طرحج الحلو

ونبي تفاااااااعل

صح لسانج

وهالشي منتشر في المنتدى عن الدكاترة و عن المستشفيات

لو الوحدة تذكر تجربتها بنفسها مومشكلة

المشكلة إنها تذكر تجربة ناقلتها عن وحدة عن وحدة عن وحدة …… و شوفي البهارات اللي زايدينها على القصةالأصلية

أتمنى إن تقل هالظاهرة

مشكووووووورين خواتي علا الكلام اللي يبرد القلب

اي والله صح كلامج
بس انا اللي سمعته ومن وحده تراجع عندها انه مسويه عمليه حق وحده واغلطت بشغله ورافعين عليها قضيه

بس حرام الدكتور مو معصوم عن الخطأ كل دكتور يغلط مو معناته خلاص الدكتوره صارت مو زينه ولا اهي متعمده تغلط اكييييد

وانا بالنسبه لي براجع عندها لاني اثق فيها مثل وايد غيري

مشكوره عالموضوع
انا عن نفسي اتأكد من الشغلة 100% بعدين انقلها

والكلام اللى انقال عن دكتوره صح
وانا ادري انها طيبه وحنونه وهم مولدتنى

بس شنسوي
اصلا ضايق خلقي عليها ابيها تولدنى بالمستقبل بس الله كريم

ميخالف حبيبتي الدكتوره بشر مو مكينه

والأنسان مو معصوم حتى لو دكتور

بس مايعني انه احنا نشوه سمعته ونخرب عليه ويصير علج بحلوج الناس

مشكووووووووووووووورين علا تفاعلكم خواتي

صح لسانج حبيبتي وفعلا الدكاتره بشر مو روبوت ولاتنسون ان الدكتور مابيده شي التساهيل من رب العالمين

كلامج عين العقل والدكتور بشر مو معصوم عن الغلط

والله انا ماعرفها شخصيا بس وايد ناس مدحوها حقي

صح لسانج هاحجي الي عن ناهده انا ماسمعته الا بالمنتدى بره المنتدى مانسمع عنها االا كل الخير وصدقوني ولا كلمه انقالت عنها صح كله اشاعات

انا تعبت من كثر ما ارد على هالاشاعات الي مامنها فايده غير اتخلي الحامل بخوف او شك
حرااااااااااااام الوحده تبي الي يهون عليها مو الي يزيدها

يعطيج العافيه بس الموضوع طخ او اخاف يرد يتبطل بهالموضوع

انزين حبيتي يمكن الدكتوره مسافره ولا مريضه ليش تفكرن بالمصايب و الاغلاط….انا شخصيا وايد ارتاح منها

وانا معاج ياقلبي وخاصه ان الدكتوره مولدتني بكل حملاتي الثلاث .. الله يهدي البنات اللي مسوين بلبله عالدكتوره .. بس همن الواحد يخاف لما يسمع الحجي .. صح ياحلوه ..

بنات ساعدوني اخاف اروح الطبيب ابي علاج طبيعي حق مسمار اللحم طالعلي بريلي وزادو وايد بعد شسوي؟؟؟؟؟؟؟؟؟تكفون ساعدوني

عند زين الاتات علاج حك المسمار شوفيه دايما يمدح فيه وهذا رقمه9582154-2662678

مشكوره ياقلبي وماتقصرين

ربي يعطيج العافية

ماتشوفين شر

تحياتى + سلامي
فلورا

هلا اختى انا شايفه عند الصيدليه لزقه مكتوب عليها لمسمار اللحم اذا مو غلطانه فى صيدليه جمعيه الاندلس

مشكوره ياقلبي انا الحين استخدمها بس احس مافيها فايده

تصدقين انا كنت اعااااااااااااااتي سنين من هالسالفة وانتشروا بكل اصابعي يخرعوووووووووووووووووووووووووون
تشوهت ايدي وريلي
وجربت كلش مانفع حتى الكوي
واللزقات
وقالوا لي حطي شحمه
وحطي لحمه نية
وحطي صبغ اظافر حتى
واقرى عليهم وماي زمزم وماي مقري
وكل شي يخطر على بالج ماكو فايدة
كل مالهم يزيدون يكبرون ويعورووووووووووووووني
حتى نوم ما اقدر انام ولا اقدر البس جوتي تكرمون
لما ياست وقلت بروح اسوي جراحة خلاص اصابعي كلها تخيلي ايدي وريلي الحمدلله بروحهم راحوا سبحان الله

عاد يدتي تقول لي هذي عين واللي ناظلتج ماتت فراحوا كلهم
خخخخخخخخخخخخخخخ
سوالف حريم اول عاد

بس الصراحة مادري من شنو راحوا !!!!!!!!!

ل ووووووووووووووووووووووووووووووووووووووو ل حلوه هذي ماتت واي انا اعاني مادري شسوي شكل ريلي صاير يخرع اصابعي يخرعون بس من امس احط لزقات وماكو فايده ادري لاني جربت من قبل المهم مشكوره حبيبتي عالمرور

حبيبتي انا كان بريولي مسمار لحم كان تحت اصابع ريولي بالضبط يعني مكان دوسه الريل .. جربت اللزقه والدوا اللي جنه صبغ اظافر اللي بالصيدليه ما نفعوا بالعكس صار بدال المسمار الواحد يمكن 5 كلهم يم بعض كبروا لدرجه اني ما اقدر ادوس على ريولي وايد تعورني .. رحت الجلديه وسوولي جلسات كوي والحمدلله راحوا الى غير رجعه .. نصيحه لا تستمرين على اللزقات ترى ما كبر المسمار اللي بريولي الا منها

انا استعملت الدوا اللي جنه صبغ اظافر ذوبهم لي وانشلعو ..
وصج كان في واحد كبير ودار مداره شكثثثثثر بريل وحدة سبحان الله ريلي الثانية مافيها ولا شي بس حطيت حق المسمار العود (أبوهم) وطلع جان يختفون كلهم !!!

لازم تروحين الطبيب اذا مافادت اللزقة او الدوا
لان مسمار اللحم راح ينتشر

زين الاتات عنده مرهم وقطره تنحط عالمسمار عجيبه انا سمعته يمدحها بالبرنامج