الوسم: العقل

يعطيج العافية روووعة

بنات انا ضرسي العقل ظاهر جزئيا يعني جزء طالع وجزء ثاني تحت اللثة يالمني حتى في فتح فمي وهذا قالو من اعراض تورم اللثه لسبب ظهور ضرس العقل والحين براجع طبيب مادري اروح خاص الهادي مثلا ولااروح مستوصف ويحولوني الاميري افضل دكاترتهم فاهمين اكثر بليييييييييييييييييز ساعدوني وفيدوني جزاكم الله الف خير وهل راح يتدخل تدخل جراحي صج ؟؟؟؟؟ خايفه ساعدونييي

طالعلي ضرس عقل واحد مكتمل بس نص لثه مغطيه وماذيني وخايفه اروح طبيب ومدحولي وااايد دكتور أسامة بمستشفى هادي يقولون شاطر وماهر جدا واذا كنتي متوتره يهديج حبوب يعني ورايحينله وايد بس هل راح يخلعونه لي الي مجربه الي صاير معاي تقول شلون الوضع وجم كلفها السعر ؟؟؟؟

انطر ردكم بنات بليييييز قولو تجاربكم ميته خوف

روحي للمستوصف وشوفي شنوو رايهم ياايشيلونه ولا يحولونج
انا توني شاايله اثنين كلهم ضروس العقل وسهالااات حبيبتي لاااتخافين

بس يقولون نفس اليوم تنزفين وياذي صج؟

وبصراحه سويت استخارة حبيت اتطمن اكثر وقالولي توكلي على الله على نفس دكتور الي ذكرته لكم أسامة

بس مادري بشيلونه لي او بس يشقون نص لثتي وخلاص ومادري جم بكلفني؟

شوفي انا سويتها شهر 7
نفس طريقة ضرسج
شلت 2 بإسبوع بس يغزون ابر تخدير3 او 4
روحي الخاص احسلج من الحكومه

يشقون شويه من لثه اهوا عموما معا التخدير مراح اتحسين بشي
ماكوو اخوف من قلبي حيل حيل خوافه مو شويه
توكلي على الله
والله لي شلتيه بترتاحين

ماتشوفين شر يارب

انا شلت ضرسين عقل بيوم والاسبوع اللي عقبه ضرسين

تتعبين بعد الخلع يومين او ثلاث

شلته بالمستوصف التخصصي للاسنان

عادي اي دكتور حكومه يشيله مافيه مشكله شيليه حكومه بلا تكاليف الخاص بنفس اليوم ترتاحين

لاااااااااااا خلع موو زين يأثر على الفك سوي عمليه اصغيره يشقون المكان الي فيه ضرس العقل وبس بخلع او عمليه الحاله نفسها ثلاث ايام وجهج متفوخ وعوار بعدين عادي بس الخلع ماااااا يصر ومو زيين للفك اختي راحت خااص ودكتورهاا خيل قعد يتل يتل الضرس لين قالت حسيت فكي طق معاي ودمااان جنهااا بكل مكان لين جابو لها دكتور فك وقعد يقول تأثرت ونصيحه تندمت يوم مااسمعت كلام رفيجتهاا وسوت عمليه بالضرس وعقب التعب سوتهااااا للحين يعورهاا فكهااااااااا

لا حبيبتي عادي انا شايله للحين ثلاثة منهم
وآخر واحد قبل اسبوعين
توكلي على الله وروحي ترا ما كو فرق خاص والا حكومة المهم يكون دكتور شاطر
وما تشوفين شر

اختي شالولها الاربعه بيوم واحد بس دشت بنج عام عند دكتور عباس الرامزي اهو في بنيد القار الصبح والعصر عنده عياده ودكاتره الاميري وايد شطار هم توكلي على الله لاتخافين

انا شلت 2 ونفس حالتج واحد بالشفا وواحد بعيادة باب هاني على فكره اذا طلع واحد عوي يطلعون كلهم جذي وفعلا اول واحد شلت عقب فتره طلع الثاني عوي وتحت اللثة بس الحين الحمدلله

ها بشرري شصار ؟؟

السلام عليكم

بنات ضروسي ذبحوني والظاهر خلاص حان اليوم اللي ارضخ فيه للامر الواقع و اودعهم

قمت اصدع وايد منهم ( يعني كافي الامور العادية اللي تصدعنا ) وصار فوقها ضروس العقل

انا سمعت ان في طريقة بالليزر ؟

منو تنصحوني اروح له ويشلعهم اربعتهم انا بايعتها ابي ارتاح

سلامتج الف سلامه كلش عاد والا الضروس

عن نفسي واقولج اياها تجربه شخصيه لي مو لحد ثاني

بغيت امووووووت من ضروس العقل الاربعه وشعلتهم كلهم

واذا تبين نصيحة اخت لاختها انا اقولج روحي حق الدكتوره

في عيادة الميدااان في منطقة الفروانيه بمجمع الحمرمول

نسيت اسمها والله انها علي طرف لساني بس اذكر

اسم عايلتها اهي مصريه ..

السعيد عايلتها اتوقع اسمها ايمان اهي مصريه بتعرفينها

من اسم عايلتها السعيد

والله يا اختي انه خواتي راحوا لها والحمدلله تعافوا

وايدها مع الله فيها الشفا وماتحسين بشي

انا كنت بموووت وكان فيهم التهاااب اللي كنت اطق راسي بالطوفه

ابجي بجي جني جاااااااااهل بس الحين الحمدلله والشكر له

والله يشافيج يارب

لاتنسيني بالدعاء اللي بأسفل التوقيع

والله نصيحه مني اذا انتي خايفه من دكتور الأسنان روحي حق دكتور نجيب محمد في
بوشهري كلينك بالسالميه والله ايده خفيفه مايعورج ما شاءالله والله انا وكل اهلي نرووحله
وحتى رفيجاتي كلهم راحووووووووووله وبعد اسعارة وايد وايد زينه ويعتبر ارخص من
دكاترة الاسنان الخاصه

هذا رقمه: 9080859

انا بعد ابي اشلع ضرس العقل باقي لي وحد وافتك

جربتي :
اسمه نائل – كويتي

يمكن نائل بهبهاني او شيء جذي في مجمع بيروت

شنو الليزر ؟

واي حتى انا ضرس العقل لعب فيني التهاب وصديد ومشاكل
خايفه اشيله وكنت بسأل منو احسن دكتور جراحه لانه ضرسي ماطلع بس لانه بيطلع قاعد يشق ومسوي مشاكل شسوي اخاف اول مره بشيل ضرس وهالمره تحت اللثه ما طلع بعد شسوي بنات

آنا سويتهم بالأميري عند دكتور أشــــرف ممتاز بس يبيله واسطه لأنه جراح مال العمليات ولازم واسطه

سلامات ما تشوفين شر

انا شلت واحد عند اشرف الرمضان في الراشد ماتحسين فيه والله واسعاره ممتازة

الفوزان بالمهلب وايد زين و معاملتهم حلوه بعد

انا طلع واحد واثنين ماكانو راضين يطلعون وبقو تحت اللثه ويعوروني ويضايقوني ورحت حق دكتور هندي في بنيد القار بس ناسيه لسمه تخيلي شالي الضرس اللي طالع وشال الاثنين اللي تحت اللثه بجراحه وعلى فكره ثلالثتهم شلتهم بيوم واحد مالي خلق كل يوم عوار ودم وعفسه قلتله اشلعهم كلهم مع العلم اني خوافه بس ماشاء الله ايده خفيفه والله اني ماحسيت بعوار من كثر ما اهو ايده خفيفه

نصيـــــــــــــــــــــــــــــــــــــحة روحو عيادة باب هاني بالسالمية مجمع السلام المدور تلقون اعلانهم بالجريدة عيادة عجيبة

اقولكم قصتي ….
انا فجأة قعدت من النوم حسيت بالم بالمكان الفاضي الي بيطلع في ضرس عقل صار العصر لا قمت ماقدر اضحك يعور نمت باليل قعدت الصبح على بجي ونواح وخدي جنه طمباخية وموقادرة ابلع ريجي تخيلووووووووووو

رحت المستوسطف قالي ملتهب ماقدر اشلعه عطاني مضاد واصلا موقارد يبطل حلجي لانه ورم لي درجة صبعين موقادرة احطهم بحلجي اشلون بيشلعوووووووووووون

رجعت البيت قمت اطامر من الالم شي موطبيعي بس ابجي ابوي بعد قلبي ماتحمل قالي امشي اي عيادة بس مادري وين نروح جان ابطل الجريدة وقريت دعاء الاستخارة والله عيني طاحت على هالاعلان دقيت ماشاء الله قالي تعالي رحت

المشكله موقادرين يفحصون الورم لي البلعوم وحلجي متيبس موقادره افجة وبجي ومرافس فحص قال اي ماتنلام طالع عوي ولالالالالالالالالالالا ازيدكم من الشعر بيت الي فوق والي تحت طالعين لازم يشيلهم اثنينهم طبعا بنج ومرافس

وقفت العيادة على ريل من الصراخ لووووول والله ما ابالغ تشهدت احس روحي كانت بتطلع صج الم الضرس شي موطبيعي

شالوهم الحمدلله وراني الضرس والله عجيب عوي وله ذيل لوووووووووووول طبعا ماطلعوني خلوني بالملاحظة لاني دخت وانا قايمة واغمي علي موشويه ضرسين عقل وانا مو ماكلة لانه ماكنت اقدر ابطل حلجي

يحليلهم طلبولي عصير وصمونة مو مطعم فرح جبالهم لانه بيعطوني دوا ومعدتي فاضية

بس والله عنايةةةةةةةةةةةةةةةة نموني بسرير وغطوني وتمسح على راسي وموراضين اطلع الا لما يخف الالم لما ما خف عطوني ابرة ثانية اوالحمدلله

صراحة اول مره اروح خاص بهالعناية والفلوس حلال فيهم

انا شلعت 2 عادي

و شلعت 2 جراحه

العادي ( !ول واحد عند دكتور الياسين )

العادي 2 + الجراحه الاول + الجراحه الثاني << عند دكتور العصفوور

العصفوور ايييييييده ريشه تبارك الرحمن ,, انصحج فيه

بعد ما شلت الاربعه << فررررررررررق كبير بكل شي كافي الصداع راح

أنا توني من يومين شلتة عند د.ميثم في عيادة الميدان|الفحيحيل وإيده وايد خفيفة ووايد حليو وحبوب

بسم الله الرحمن الرحيم

السلام عليكم ورحمة الله وبركاته

صبحكم ربي بالخير ومساكم بمثله اعضاء قروب ابو نواف

وانا اتصفح قرأت بعض المعلومات الهامة عن ضرس العقل فقررت
ان اعيد صياغتها وجمعها بطريقة شاملة ومبسطة وعرضها لكم
اتمنى ان تفيدكم جميعا

ضرس العقل "Wisdom Teeth"

هو آخر ضرس يظهر للانسان في سن متقدمة من العمر بين 18 و 25 سنة
لذلك سمي ضرس العقل لانه يظهر في فترة النضج العقلى و الفكر المتزن
و لكل منا 4 ضروس عقل كل 2 منهم في نهاية الفكين العلوي والسفلي

——————————————-

ما هي أعراض ظهور ضرس العقل؟

. تغير في مذاق الفم
. رائحة الفم الكريهة
. تورم اللثة في آخر الفم
. الشعور بألم أو انزعاج عند فتح الفم أو عند المضغ أو العض
. انتقال في الالم من الضرس الى مفصل الفك،الاذن، والعين احيانا
يستمر الألم عادة لعدة أيام وبعدها يختفي الألم لعدة أسابيع أو أشهر قبل أن يعود مره اخرى

يجب مراجعة طبيب الاسنان لعمل اشعة سنينه للفم لتقرير ما اذا كنت بحاجة لخلع الضرس ام لا .

——————————————-

.. اسباب عدم ظهور ضرس العقل ..

وعدم ظهورها لايعني بالضروري ان هذا الشخص غير عاقل كما يشيع بين الناس ولكن
هناك اسباب طبية لعدم ظهورها وهي :

1. اختفاء البرعم الخاص به من البداية.

2. صغر حجم الفك بحيث لا يسمح المكان المتبقي بعد خروج بقية الأسنان بخروج ضرس العقل وظهوره.

3. نمو ضرس العقل بشكل عرضي أو مائل فلا تسمح الأضراس المجاورة بخروجه.

——————————————-

https://g.abunawaf.com/2009/10/12/31.jpg

.. مشاكل ضرس العقل ..

1. عندما يكون فى وضعه الطبيعي قد يصعب الوصول اليه لتنظيفه مما يؤدي الى تراكم

الجير والكلس وهما المسببان الرئيسيان للتسوس والتهاب اللثة المحيطة.

2. ان يظهر غير كامل مما يجعله مغطى باللثة جزئيا مما يسبب التهاب اللثة المغطية للضرس

و تكون جيب لثوي قد يمتلئ بالجير وبقايا الطعام، التي يصعب ازالتها مما يؤدي الى مزيد من

الالتهاب ويعرض الضرس الى التسوس.

3. الأطباق قد يتسبب في التهاب اللثة المغطية للضرس أثناء المضغ، مسببا التهاب بكتيريا

مؤلما جدا يسمى ب البيريكورونايتس (Pericornoitis).

4. قد تتسبب آلام ضرس العقل في عدم استطاعة المريض فتح الفم وإغلاقه بسهولة وربما

عدم استطاعة بلع الطعام وارتفاع درجة الحرارة والشعر بالإعياء الشديد .

5. قد تصل الآلام أيضا إلى الأذن والعين وأسنان الفك الأخرى والرقبة لوجود الضرس في

مكان عميق بالرأس.

——————————————-

6. الاسباب المترتبة على نمو ضرس العقل مائل :

اذا كان مدفون تحت اللثة قد يسبب الضغط على بقية الأسنان أو تكون كيس مرضي (Cyst).
والضرس المطمور يأخذ أشكالا مختلفة تتراوح بين الوضع الأفقي والمائل في اتجاهات مختلفة
مما يكون سببا في عدم بزوغه أحيانا , فـ :

1. يحدث التهاب شديد في اللثة عند محاولة الضرس الخروج وربما تكونت تحت هذا
الالتهاب بعض الإفرازات الصديدية التي تزيد من حدة الألم .

2. يصبح بؤرة ألم بين الحين والآخر , نتيجة لضغط الضرس على أعصاب الفك السفلي
يصبح بؤرة ألم بين الحين والآخر .

3. عند خروج الضرس بشكل مائل فإنه يتسبب في تجمع فضلات الطعام بينه وبين الضرس
المجاور متسببا في تسوس الضرسين .

4. نتيجة لضغط الضرس الكبير على الأنسجة فإنه يسبب أيضا حدوث انتفاخات وتورم في
المنطقة المحيطة به.

——————————————-

{ الحل لمثل هذه الحالة ..

فقد يتم الخلع في عيادات الأسنان العامه أو في غرفة العمليات تحت تأثير بنج كامل.

وفي غرفة العمليات يتم خلع الضروس الأربعة مجتمعة لاستغلال التنويم الكامل.

اما في عيادة الأسنان فينصح بخلع ضرسيين كحد أعلى في الزيارة الواحدة.

وفي معظم الأحيان يجب كشف اللثة وازالة العظم المغطي للضرس ومن ثم خلعه اما كاملا
او تقسيمه الى أجزاء متعددة يسهل اخراجها. ومن ثم يتم قفل الجرح عن طريق الخياطة.

منقوووووول ,,, جمعته لكم للأهميهـ ,,,

الله يعطيج العافيه ,, انا ال 2 اللي تحت شلتهم بجراحه لان طلعوا لي تحت الثه , اما اللي فوق ليلحين ما شلتهم و شكلهم ما ينوصف p:

انا الله يسلمج طلعين مسدحيين لوووووووول يعني طالعين على عرض وخايفه اشيلهم مع ان مسوين لي بلاوي
يسلمووووو على هالموضوع حبيبتي

انا طالعين لي اثنين تحت عاليمين وعاليسار
وساعات يمسكني صداااع او لما انام عوار بإذنـــي موطبيعي وخااايفه اشيلهم =(

السلام عليكم ورحمه الله وبركاته …

عندي ضرسين عقل طالعين غلط وحالتهم حاله رحت عند الدكتورة سيلينا بالهادي حبوبه سوت اشعة قالت ((اسنانج حالتهم مستعصية ))لازم جراحة وحولتني على مستشفى الجهراء…

بنات اللى تعرف دكتووورة شاطره في جراحة الاسنان تذكر اسمها …انا سمعت عن الدكتور عباس الرامزي …بس ماي هزبن مش راضي ….لازم دكتورة ……بانظاركم جزاكم الله خير

وايد شاطر د عباس بصراحة دكتورة جراحة اسنان ماعرف شاطرة قليل اساسا بس حاولي تقنعينة لان دكتور عباس وايد شاطر واتوقع له عيادة في مركز بنيد القار التخصصي

ماعندي فكرة
سلامات

هلا والله دارين …دكتور عباس اول واحد بروح له ان شاء الله اذا ما حصلت مره وبحاول اقنع زوجي ..غالب اللى دقيت عليهم يا تخصص عصب او تجميلي ..وانا خايفة اروح حق تخصص ثاني غير الجراحة اخاف يلعبون فيني ….طيب موذاكره اي اسم من هالدكتورات ؟؟
مشكورة ع الرد نورتي

ملاك الله يسلمج وجزاك الله خير ع المرور

انا بسوي جراحه ضرس عقل بعد … عفيه لي سويتيها قوليلنا تجربتج

لى الحين ماسويت …الله يسهل

الله يسهل عليج ,,

باركووولى شعلت واحد من ضروس العقل عند الدكتور عباس الرامزي …في البداية احب اشكر كل البنات اللى كانوا ما يبخلون علينا بالمنتدي بذكر اسماء دكاترة مثل الدكتور عباس الرامزي جزاه الله خير …

طبعا دخلت العيادة وانا ارجف من الخوف خاصة ان الضرس مكانه على عصب الخد …دخلت عليه طبعا ما قصر عطاني الزبدة وشرح لى شيسوي وشنو المخاطر قاااااال :انتي ضرسج داخل على عصب الخد وبنسبة 1%ممكن يصير خدران دائم بالشفه السفلى يعني نادر ما يصير هالشئ بس من حقج انج تعرفين هالشئ واللى تبينه انا حاضر ,,

قلت :جراحة ؟؟
قال احاول اكسره واشيله بدون جراحة للكن اذا احتجت راح اسوي جراحة ….

قلت :صراحة انا خايفة ….قال ((الا بذكر الله تطمئن القلوب)) استحيت على وجهي لووول وقعدت اذكر الله …

صراحة لما شفته لابس لبس العمليات طااااااااااااااااااااااار قلبي وشوي وابجي …المهم قام يكسر السن ليما شاله ماخذي الا نص ساعه …وبعدين خيط الجرح …وقالي اسبوع وتعالى افج الخياط وعطاني علاجات …

بالنسبه للعوار يعني عادي تقدرون تتحملونه ..بببس الرهبة من دكتور الاسنان هي اللى تخوفنا …عموما ماحسيت الا بضغط قوي وصوت السن لما يتكسر ..وبعدها لما راح البنج قام يعورني شوي بسبة الخياط ..واي استفسار انا حاضرة …والسعر :130 دينار لانها جراحة ,,,

الحمدلله على السلامة

الله يسلمج حبيبتي جزاك الله خير

الحمد لله على سلامتج وما تشوفين شر

الله يسلمج حبيبتي ومايجيج الشر جزاك الله خير

الصراحة انا بعد عندي ضرس العقل مدفون وافكر اشيله وحولوني جراحة الأميري وهم نفس الشئ الضرس داخل بالعصب ياليت اللي عندها اي تجربة تطرحها لأن حدي خايفة

بنات اللي عندها تجربة في ضرس العقل المدفون تقولها جزاكم الله خير

يووووه ياضرس العقل الله يصبرنا انا عواره يروح ويرد

السلام عليكم

بنات عندي ضرس العقل واحد وطالع نصه والدكتوره قالتلي لازم اشيله وانا نوعي خواااااااااافه حتى من الابره اخاف

من يوم كنت صغيره كنت اعاني مع اطبه الاسنان وصارت فيني عقده والحين اشيل ضرس وعمليه بعد تكفوووون ريحوني طمنوني الله يريح بالكم يااارب

شسوي وعند منو تنصحوني اروح ابي وحده مجربه دكتور شااااطر واهم شي ايده خفييييفه ..

وشلون احل مشكله هالخوف

بلييييييز ساعدوني والله لدعيلكم

والله مادري عن شلع ضرس العقل ان شاء الله البنات يفيدونج

العيادة اللي اعرفها زينه مستشفى السلام صج عندهم دكاترة وايد زينين و عن تجربة

و اذا على الخوف هذا شي طبيعي بس لا تحطين ببالج ان راح تتألمين وايد و ان انا خوافة لأ خليج هاديه و عادي و ترى الم الابرة خفيف ما راح يعور وايد بس شكة بسيطة راح تتحملينها

و ما تشوفين شر

لازم تجربين الألم

ع الأقل الم الابرة ,,

وما اعتقد انج خوافة كثري

عندي لج طريقة ….

قولي حق الدكتور لاتراويني الابرة ابدا
لأني لو شفتها ما راح اخذها

وسمي بالرحمن واقري اية الكرسي

وغمضي عيونج

وبالنسبة للشلع والخياط

ماراح تحسين فيهم
لأنج اورردي مبنجة ..

و1000 سلامة عليج

انا شلت ضرس العقل ، واي معاناة مثلج طالعلي ضرس العقل عنونو طالع نصه بس اهوة كامل بس تحت الجلد

وكان حييل امأذيني لان قام يشق لثتي اللي فوق ، وبعدها صخنت وصداع رهيب ، وعندي امتحانات ايام الجامعة

قلت ماكو غير اني اشيله ، على فكرة انا مثلج خوافه حييل ورحت الطبيب والله قاعدة ارجف جدامه

وقال لازم جراحة وان شاء الله سهاله ، وسويتها امبيه لاء اييده حده خفيفة تبارك الرحمن

وبعدها وصيت اهلي كلهم عليه ، وحتى ابوي ريال عود وعنده ضرس العقل مكسور وشاله ولا حس

وابوي قام يدعيلي هههههه

شوفي حبيبتي اسم دكتور الهزيم اهوة كويتي في عيادة الميدان داخل مجمع بيروت ابحولي

والله خوش دكتور ويراعيج نفسيا ويطمنج ، اهوة المدير عيادة الميدان ابحولي

والله ذكرتيني فيه الله يوفقه يا رب، انا العملية كلفتني 215 دينار انتي حطي معاج احتياط 300

اهوة صج العيادة مكلفة بنسبة لباجي العيادات بس على الاقل ولا ان دكتور يلعب في اسنانج

وحبوبة مو تنسينا دعواتج ان الله يشافي ابوي وخالي ، ولا اتحاتين حبوبة انتي في ايدي امينه والله يسهل عليج

اول شي حمدلله على سلامتج وثاني شي ابي اسئلج عن الدكتور الهزيم لاني خذيت عنده موعد حق شيل ضرس العقل

بس بعرف الضرس الواحد جم يكلف لاني نسيت اسألهم ؟؟

روز سامحيني ما اتذكر جم بالضبط الضرس الواحد ، لاني سويت عندهم اشعة وتنظيف الاسنان

وعلاج التسوس، هل الكلام بشهر 4 ، سامحيني حبوبة

الله يعينك بس قريت ضرس العقل حسيت شي يعورني انا مثلك خواااااااااااااااااااافه بمعنى الكلمه لا اذكره اقوم من نومي الصراحه هي الدكتوره شاطره ويدها خفيفه بس برضو فيه الم شالتلي اللي تحت ومعطيتني ابرتين ومع ذلك تألمت كيف ضرس العقل تضحك عليه تقول انتي مشكلة ضروسك جذورها طويله طولك
كله مني انا اللي اهملته

الله يعينج ويعيني ويااج

انا اعاني من سنه من ضرس العقل بس يوم راجعت دكتور اسنان قالي عمرج صغير بس عطااني كريم احطه ع ضرسي يوم يعورني

واحينه 3 طلعن ولا عمرني بس هذا احينه ذبحني من الويع مااعرف شوو اسوي كل يوم اتمضمض بماي وملح

الله يعينج الغالية

لا عادي يالغالية بس انا كنت بتأكد من السعر لان انا قبل شلت اثنين عند الدكتور هادي الصفار بس اهوا الحين

بعيادة أسنان كلينيك وانا ودي اروح له بس مابي ادخل العيادة عقب سالفتي معاهم

انا جربت اشيل 4 ضورس من ضرس العقل و واحد منهم كان عمليه لانه طالع نصه و كانت وايد سهله اول شي خرعوني و قالو عمليه و مادري شنو ترا بس بنج و بعدين اهما يتسووولج و ما تحسن بشي لانه امبنجه و انا سويتها بالاميريو يخطيونه لج المكان و يروح من نفسه الخياط يطيح

مشكوووره الله يعطيج العافيه ويريح بالج يارب بس منو احسن دكتور عندهم

والله خوافه اكثر منج انا من قالتلي لازم الضرس ينشال غورقت عيني

ان شالله راح اسوي اللي قلتي غلييييه وادعيلي .. والله يسلمج من الشر ويعطيج الف عافيه ويوفقج يارب

ايييييييي سمعت فيه ووايد مدحولي اياه مشكوره حبيبتي وكلامج وااااايد ريحني الله يريح بالج ويشافي ابوج وخالج ويشافي كل مريض يارب

لووول الله يعينج صج مشكله الخوف لازم اعالج هالمشكله وبعدين اشيل ضرسي مشكوره عالرد والله يوفقج

انا سمعت اذا يعورج لازم ينشال لاتسكتين عنه والله يعيني ويعينج يارب

قوووة بنات
انا قبل جم يوم حطيت القواعد لاسناني الي ورا
كبداية للتقويم
بالاميري
و الحين موعدي الثاني يوم الثلاثة
واحد من ضروس العقل شايلته
امه الثاني احس جنه موجود يعني مو مبين الظاهر تحت اللثة
بس لما احط ايدي احس جنه في شي و كلش مو طالع و لا مبين بس الاحظ جنه في شي .. و تكرمون ريحته كلش مو حلووة

فاروح المستوصف عساس اخذ تحويل حق الاميري عشان اشيل الضرس؟ ولا اخليه شنو الحل ؟؟؟ و شنو اسوي عشان الريحة تروح؟؟!!
التحويل بروحه طواله يبيله عالاقل شهرين

ليتني اعرف وافيدج
بس برفع الموضوع عشانج…..

بنات عفية فيدوووووووني !!

السلاام
ماتشوفين شر حبيبتي
بالضبط مشكلتج نفس مشكله عضووة نسيت اسمهاا
منزله موضووع اليووم تشتكي من راحه الفم بسبه ضرس العقل
وحاطه تقويم ايضاا
والدكتور قايل لهاا اشربي مااي واايد
واظن مايشلوونه لانو توو ه طالع
راجعي موضوع الاخت واقريه..
وكملي دكتورج اهووا بالهالحاله يقدر يفيدج

انا عندي تسوس بضرس العقل وقالي لازم ينشال

شلونكم يابنات أنا بشيل ضروس العقل لأنهم منعويين وموطالعين وخايفه وموعارفه من عنده أروح ممكن تساعدوني بأسامي الدكاتره الزيينين.

لا تروحين خاص
نصيحه مني
انا شلت العقل في الاميري ،، لان ضرس العقل صعب شوي
لازم توقعين على اوراق انج على علم بالعمليه
بس الحمدلله ،،

وناويه ان شاء الله اشيل الثاني بعد 000 عند الدكتور فهمي بالاميري

خرعتيني بروحي متصروعه بس خايفه من الحكومه لأن كل مره دكتور

حبيبتي انا شلعته عند دكتور هندي ببنيد القار
ماخذا 10 ثواني ولاحسيت بأي شي اللهم الا البنج بس
وكان عوي نصه مو مبين
بس لازم اللي يشلعه يكون دكتور فك مو مستوصف يعني انا حولوني بنيد القار وهالهندي مال فك شلعه لي وارتحت
تقدرين تروحين عيادة الحكمة اللي ببلازا حولي روووووووووعه انا بسوي عندهم تقويم
واهممممم شي لاشلعتي اي ضرس
لاتتمضمضين كللللللللش اول يوم
بس غيري الشاش
لاتقولين تلوع جبدي لاحسيتي في شي بحلجج تفليه
وغيري الشاش وبس انا كنت اخذ شاشة احط فيها ماي امسح ضروسي اللي جدام
ترى التمضمض مو زين للجرح يخليه مايتسكر وممكن ينقل له الجراثيم اللي بالضروس تدش بالجرح ويلتهب حطي بالج
ترى اول يوم قزرتها روب وكريم كراميل
ثاني يوم كليت كورن فليكس وشربت عادي
ثالث يوم كليت ماكدونالدز جنه العيد
هو اول يوم في نزيف عادي
ثاني يوم ماكو شي يذكر
الثالث خلااااص ماكو شي
بس انتبهي وانتي تفرشين اسنانج لاتحوشين الجرح
وهالله هالله بالماي والملح تمضمضي فيه 3 مرات ابتداءا من ثالث يوم

وماتشوفين شر
لاتخترعين ترى ماكو الا العافية

انا شلعته بالمستوصف وماكان طالع الاشويه منه بس طالع عوي ومادري اشلون قايل وكل شوي عاضه خدي من داخل المهم رحت المستوصف وشق اللثه اللي دار مدار الضرس وطلعه واشلعه وخيط اللثه وعقب اسبوع شالي الغرز بس صج حطلي بنج اشكثر وانا خوافه وكل شوي يزيد علي البنج ولما قمت من الكرسي حاشتني دوخه مو طبيعيه حتى خليت سيارتي بالمصافط ودقيت على اهلي علشان ياخذوني
صج تجربه قشره بس افتكيت منه لانه قام يدز الضروس وانا اساسا ضروسي صفه فخفت يصيرون واحد فوق الثاني عاد مالي خلق سوالف تقويم مره ثانيه ومادري شنو فقررت اني اشيله وافتك
روحي يوم اربعا احسنلج بس حطي في بالج ان ماعندج شي الخميس واليمعه لان الشعور الخايس عقب شلعة ضرس العقل يستمر تقريبا 3 ايام الى اسبوع شعور ماااااااااااااااصخ و يلوع الجبد
عيني خير وروحي شلعيه وطمنينا عليج

بنت البذال وايد حوسة ضرسج بس الظاهر لانه على قولتج مو طالع منه الا شوي عشان جذي اضطروا يشقون اللثه
انا كان طالع راسه بس الباجي مدعوس وعوي على قولتج وفعلا قام يدز الضروس بروحهم مو ناقصين
بس الحمدلله لاتشقق ولا تخيط بس قزني ابرتين بنج وشاله ولادخت ولا شي عادي

انا كان عوي ومحشور بين ضرسين وشلته بالاميري بس بصراحه تعبت كان معانات ضرسي

عندج دكتور اسمه مادري شنو السبتي ولد السبتي يهبل

مشكورين يابنات انا وحده خوافه قريت حجيكم زاد علي عوار ضروسي وتوني مصليه صلاةاستخاره والله يكتب غللي فيه الخير وماتقصرون تعبتكم معاي

السلام عليكم بنات جميعا وان شاء الله تكونون بألف خير وصحة ..

اليوم حبيت أشاركم شعوري الذي عصف فيني اليوم بعد نزول الدورة .. وانا انتظر الحمل!

اعرف أنني أملك من العقل الكثير الكثير للتحكم بالأمر بقوة .. وأملك مخزون هائل من أساليب تهدئة النفس والتعلق بالأمل والامتثال لمشيئة الله والتوجه إليه بالمزيد والمزيد من الدعاء والأعمال … ولكن!!!

مصيبتي في العاطفة … كيف اجمح شعوري امام ابتسامة طفل في وجهي … امام لمسة طفل ليدي .. امام تخيلاتي لطفل يلعب بالبيت … وفرحة أمي!

اخشى الضعف والانهيار … اخشى أن أفقد الأمل …

أدعو لنفسي و لكم عسى الله يقر أعيينا بالذرية عاجلا غير آجل ..

أحتاج دعمكم الشديد ودعاؤكم …

مع جزيل الشكر …

حبيبتي الله كريم والله حاسه فيج

انا امس محلله ماكو شي الله كريم

صدقيني انا قبل كل ما سويت طفل انبوب وقالوا ماكو حمل اول مرة بجيييييييت بجي ما تخيلينه

وبعدين خلاص فوضت امري لله وصدقيني مو مكتوب لنا الا بوقته والحمدالله على كل حال

استغفري ربج وقولي الحمدالله على كل حال

حياتي ربي ما ينسى عبيده

واعلم ان الاطقال هم زينه الحياة

واعلم اكثر ان الله كاتب لنا كل الاقدار سواء عالجتي ام لم تعالجي وهو بيده كل شي

حبيبتي اتمنى لج من كل قلبي انك تحملين وتجيبين بيبي صغير تفرحين انتي والاهل فيه

وهذا مو بعيد على رب العالمين

استغلي شهر شعبان وبعده رمضان بكثرة الدعاء والصدقات وقيام الليل

وما ادري ليش عندي احساس كبير انك بتحميلن قريب والله العظيم

المهم طمنينا عنج وترى الحمل يبي نفسية حلوه ومشاعر ظريفة

تركي النكد والزعل حبيبتي

واستعدي للشهر القادم

ورح ادعي لك بصلاتي اليوم

بعد قلبي والله خواتي بطوطة وقلبي خضر شكرا جزييييييييييييييييييييييييييلا على الرد اللطيف ومواساتكم لي… خلونا دايما نتواصل ونفيد وندعم بعض .. اتمنى لو اقدر اسوي لكم شيء .. وماراح أنساكم بالدعاء …

على فكرة انا بدأت أقرأ سورة البقرة كل يوم وادعوكم لعمل الشيء نفسه .. وايد نفسيتي ارتاحت واحس أني قريبة من الله وايد … جربوها والله يتقبل .. وشكرا مرة ثانية

حبيبتي والله

عسى الله يعوض صبرج خير

و يرزقج بتوأم

و يفرح قلبج

و يقر عينج بشوفت الضنى عاجل غير آجل يارب

لاتضايقين انا قبلك كنت مسويه طفل انابيب ومانجحت ونزلت دموعى غصب مع انها مو اول مره بس كنت ابكى واقول يارب تسامحنى بس ماطولت اتكلت على الله وصليت ركعتين شكر وقلت اللهم اجرنى فى مصيبتى وعسى ربى ياجرنا ويرزقنا كلنا فى رمضان وانا بديت فى البقره بعد وهونيها وتهون تدرين انا لما خلصت من الدوره رحت صبغت شعرى وقصيته كتغيير ادرى قرقرت عليكم

يارب اني عبدك الذليل فاعفو عني و اذقني حلاوة نعمتك

نعمة الذريه يااااااااااارب

لا تزعلين حبيبتي و اجرج على رب العالمين و ترى كل همج له مفتاح واحد الصبر عليج بالصبر و طلب المغفره من رب العالمين

انا نفسج لما اشوف اليهال احس قلبي ينعصر و ودي ابجي و فعلا انا ابجي بس بصمت و بروحي

دايما خلج قويه جدام الناس و لا تبينين انه عندج نقطه ضعف

خللي ضعفج بس جدام رب العالمين

البجي و الدموع تعودنا عليها و صدقيني كلنا حاسين فيج ميخالف حبيبتي ترى رحمه الله واسعه و الامل موجود خلج متمسكه فيه

ويااااااااااااااارب يرزقج و جميع البنات المحرومين من هذي النعمه

بنات ادعو لي ما تييني الدوره و بفضل من رب العالمين اكون حامل

شكرا جزيلا على كل الردود الطيبة وتفاعلكم الكريم معاي … شكرا جزيلا على الدعم واحساسكم المرهف ..

خلونا ندعي حق بعض دوم واللي عندها خير حلو تفرحنا … عسى الله يكتب لنا الفرحة قريبا ويرزقنا الذرية وما يحرمنا …

اللهم يا رب … إني أسألك وأدعوك ,اتوسل إليك بكل اسم هو لك … يارب يا رحيم يا قادر يا مصور يا وهاب .. يا رب ارزقني وارزق خواتي بطوطة وقلبي خضر و كويتية دلوعة وطيبة الطيبات و أومليتا الذرية الصالحة يااارب عاجلا غير آجل من لطفك وكرمك وقدرتك ورحمتك التي وسعت كل شيء وأفرغ علينا الصبر يا الله ..

أختي العزيزة الله يعوض صبرك خير وتترسين البيت يهال قولي آمين

الله يآجرك في مصيبتك … دايما رددي وافوض امري الي الله ان الله بصير بالعباد

بالتوفيق ان شاء الله

نفس الشعوووووووووووووووووووووووووووور والله
الله يعوضنا ان شاءالله ويرزق كل محرومة

خواتي خذوا بنصيحي
اقري سورة البقرة كل يوم بالوقت الي تحسين فيه انج دايما فاضية
مثلا انا اقرا بعد صلاة المغرب كل يوم كااملة_ ما تاخذ منج ساعة خصوصا اذا تعودتي
وادعي مباشرة بعد ما تنتهين منها ان الله يرزقج وبنات المسلمين بالذرية الصالحة
وحافظي على السنن الراتبة دايما شوي شوي بالتدريج وبتشوفين انج بعد فترة تعودتي يقول تعالى ولا يزال عبدي يتقرب الي بالنوافل حتى احبه فكنت سمعه الذي يسمع به وبصره الذي يبصر به ويده التي يبطش بها ورجله التي يمشي بها وان سألني لأعطينه وان استعانني لأعيننه _ الكلام فيما معناه _ … انتبهي لآخر الكلام " وان سألني لأعطينه …..
وركزي على الاربع الركعات السنة قبل صلاة الظهر .. تدرين ليش
لأنج لو حافظتي عليها فان الله تعالي يرضيج .. تعرفين يعني ايش يرضيج .. يعني يعطيج الي في بالج
وطبعا لازم تتصدقين في كل وقت قدر المستطاع حتى لو كان قليل وتدعين مباشرة بعد الصدقة
وآخر مرحلة انج تقومين الليل بالبداية حتى لو ركعتين وتدعين رب العالمين … الله رحيييييييييييم يحبنا وقادر على كل شيء
يعني لازم نتيقن انه بعد أعمالنا الصالحة هذي كلها اكيد اكيد بيرزقناا
انما يقول له كن فيكون
الله يرزقنا الذرية الصالحة وجميع بنات المنتدى وبنات المسلمين
"ربي اجعلني مقيم الصلاة ومن ذريتي ربنا وتقبل دعاء"
آسفه طولت عليكن بس تأثرت

الله يرزقكم يا بنات الذريه الصالحه عاجلا وليس آجلا
الله راح يرزقكم إن شاءالله بس نبي صبر شوي
والله آنا كنت مثلكم سنه ونص وانطر ظفر ياهل والحمدلله الله رزقني بدال الياهل اثنين
طولو بالكم والله الله كريم بعباده بس يختبر قوة صبر وتحمل عباده
بعدين عيشوا حياتكم لا تفكرون بموضوع اليهال وايد
شوفوني آنا ألحين عقب ماالله رزقني عيالي الله يخليهم
آنا بصوب وريلي بصوب وليل ونهار نجرة بسبة اليهال بحجة اني مهتمة فيهم
عيشوا حياتكم لاحقين عالمشاكل

شكرا خواتي على تفاعلكم بصراحة أنا وايد سعيدة بهذه الردود الطيبة والله انكم هونتوا علي واشكر تأثركم .. في الحقيقة هذه المشاعر في لحظتها كانت صادقة وشعرت أنني كنت أكتب بقلبي وليس بيدي ….

أسأل الله لي ولكم وافر الخير وسعة بالرزق وقرة اعين الذرية الصالحة يا رب … في حفظ الله

السلام عليكم بنات

انا بعد نفس حالتكم………….بس انا الحين في السنة العاشرة ……… وفي كل مرة تتأخر علي الدورة حتى يوم واحد بس
اطير من الفرحة………… بس فرحتي ما تكمل
ثاني يوم تنزل علي …………. واقول يالله ان شاءالله الشهر الياي احمل
الله يرزقنا الذرية الصالحة ان شاء الله