الوسم: العادي

السلام عليكم
بنات آنا ناويه أركب لولب بريح من الحمل 4 سنين شنو تنصحون فيه ؟ اليوم سألت الدكتوره بس احترت لأن كل واحد فيه ميزه و فيه عيب فيا ريت اللي مجربه تقولنا عن تجربتها و لا تنسين التصويت

ناطره مشاركتكم ..

شوفي ياقلبي اللولب عادي او هرموني . ما انصح فيه لان من تجارب البنات الاغلبيه تعاني من الافرازات عند تركيبه ومن هبوط بالارحام عند شيله .
بس من جم يوم قريت بنت حيل انتقدت العادي . فخليج على الهرموني اذا لا بد منه

السلام عليكم
بنات بسألكم عن الكاب الصوف العادي اللي غالبا ايي مع الدسوس
هل في قانون يمنع لبسه بالمدارس ؟؟
يعني اخوي محلق عالصفر وبرد عليه الصبح مدرستهم يقولون له ما يصير فصخه !!!
هل فيه قانون بوزارة التربية يمنع لبس الكاب الشتوي
واذا لا منو الادارة المسؤولة عن هالشي عشان نعرف نرد عليهم

حبوبه ماكوا قانون بس تعرفين هالناظرات وعقليتهم التعبانه مالج شغل خليه ويلبس وهددي الادارة انج بتشتكين اذا اخذوه منه

الزي المدرسي له مواصفات محددتها الوزارة وموزعتها على المدارس واعتقد تحصلين هالنشرة بموقع الوزارة ،،،، ومن حق الادارة تمنع اللي تشوفه خروج عن النظام ،،،، والكاب اللي له مظله من جدام ممنوع من جميع المدارس أما الكاب اللي يغطي الراس للتدفئه غير ممنوع ،،،

مادري هالقوانين الغبيه المغبره متى بتنقرض من مدارسنا !! يعني هل اذا لبس التلميذ كاب صوف ولا جلد بياثر على تحصيله الدراسي ويبطيء التعليم !!! وهل اذا التزم باللبس راح يصير نابغه ؟ اعتقد ان الشكل العام مايهم ولا يهم ان كل الطلبه يكونون نفس الطقمه يعني احس شاغلين الطلبه باشياء مالها داعي والاكيد ان فيه ضوابط طبعا لكن مو لدرجه ان لون الشباصه ولون الدلاغ وكاب صوف !! اعتقد امور حيل تافهه ومسوين زحمة والشارع فاضي خل يهتمون بس بالتعليم الصجي اللي داخل الصف ابرك محد له شغل شلابس الطالب .

لا اختي انا اقصد الكاب العادي للصوف مو اللي فيه مظلة

مابي اهددهم اي اثبت لهم ان مالهم حق شلوون عند وين بالوزارة

اي والله ما عندهم سالفة يعني مرة قميص مكتوب عليه كلمة school برمادي فاتح فوق الجيب بتأثر ؟؟
خو مو لابس شي يخلي جنه برا لمدرسة اشكره مكتوب مدرسة لوووووووووول

ولا الكاب شتا يعني الناس بردانة بتدفي نفسها خو مو لابس كاب احمر

يمكن كان لونه مخالف لالوان الزي المدرسي

السلااااام عليكم بنااات أنا قبل كم يوم قلت لكم عن حالتي ونصحتوني بتحليل الدم ورحت وحللت بس تحليل دم عادي وقالوا مافي حمل الحين صح تحليل الدم يعطي صح ولا لا لأنه أنا صار التبويض عندي في يوم 16 يوم من الدورة وطول دورتي 32. فهل الحين خلاص مافي حمل ولا التحليل الدم مرات يخطا ومنو إلي أخطأ معاها قبل الدورة وطلعت حامل وأنا الحين حسيت بألم بظهري استمر نص ساعه وحتى وأنا اصلي بس راح تكفون ممكن تحليل الدم العادي يخطا تكفون

ايه حبيبتي ممكن يخطي……..وناس اعرفهم طلع مافي حمل وراحت سوت تلفزيون وبين معاهم…
انتظري لين تعطي اسبوع من الدورة….

لاتوترين نفسك ………….. اكثري استغفار ……………

ممكن ليش ماحللتي تحليل هرموني
بيعطيكي النتيجة الأكيدة
الله يرزقك يارب

رب لا تذرني فردا وانت خير الوارثين

حللي

مأكوشي شئ ١٠٠٪ كل شئ فيه أخطاء

حللي والله يرزقج ويرزقنا

سوي هرموني ادق

رب لا تذرني فردا وانت خير الوارثين

الله يرزقج الحمل

اله يرزقج يارب

رب لا تذرني فردا وانت خير الوارثين

بنات أبي مساعدتكم قولولي شنو الأحسن اللولب العادي ولا الهرموني ؟

أنا كنت أبي الهرموني أضمن بس الدكتورة قالتلي ما أنصحج وأنتي فكري ….

انا نصحوني بالهرموني وناويه اركبه

بس العادي مو شي دم غزير والله

نصيحه لاتحطين الهرموني موزين انا قبل حطيته سمعت وايد حجي يمدحونه والله دفعت 100 وشي عليه وماناسبني وصارلي نزيف عليه ورحت لدكتور قالي مايناسبج انزين ليش ماقلت من الاول انه يناسب بنات وبنات لا والله جني قاطه فلوسي بالزباله الله يكرمج ويكرم اللي يقرا حطي العادي انا لما قلت السالفه لدكتور النساء قالت ليش تحطين هرموني الهرموني يناسب بنات قليله وحبيبتي انتي كيفج واتمني اني ساعدتج

لا حبيبتي شوفي انا همن في دم غزير بس الايام الاولي انا عبالي انه منه قالتلي الدكتوره لا فيج فقر دم واهو يسبب في الدوره دم غزير

up up up

قوة خواتي العزبزات
اناقررت اسوي تلقيح للولد….وابي رايكم….اذا في احد جربه ونجح معاها وجابت الولد
المشكلة اني لازم اخذ ابر منشطة….وهذي الابر اتطلع بويضات ..واخاف احمل باكثر من توام
وقراري هذا جاء بعد فشل محاولات حمل عن طريقة البوكس ….فقالت لي فوزية ىالافضل التلقيح….لان حرام اخذ ابر واتعب وبعد ميزانية
طبعا زوجي موعاجبة الموضوع ويقول خليها على الله….ومايبي التلقيخ….لان اهو سليم…بس انا ودي اسوي وخايفة
تكفووووون عطوووووني رايكم لانه يهمني……..

ويييييييي عاد انا بجرب البوكس والحين حبطتيني
شلون فشل معاج … يعني مشيتي عالحميه وكل شي وهم فشل؟
والله ماتنلامين لما تفكرين بالتلقيح لان الوحده ماتبي تغامر باكثر من حمل.. صج كله نعمه ولله الحمد
بس الحمل تعب تعب تعب

حبيبيتي انا انا مره قريت السايت مال البوكس الازرق والوردي وعرفت شنو بالضبط كل مكوناته .. بصراحة ما في شي مميز ..

يعني كلش ما يستاهل سعره .. اول شي فيه جهاز يكشف لج عن يوم الاباضة .. وهذا متوفر في غالبية الصيدليات .. وفي غسول قاعدي

يستخدم قبل الجماع .. وهذا بعد متوفر بسعر ارخيص .. او ممكن تحضيره بالبيت عن طرق بيكربونات الصوديوم ملعقة كبيره ولتر ماء فاتر ..

وفي جدول نظام غذائي .. مترووس بالنت البرنامج .. عباره عن غذاء يحتوي على الصوديوم والبوتاسيوم ( موز – ذره – نفيش – باذنجان – مشروم – طمام ) والابتعاد عن منتجات الحليب والالبان والمغيسيوم ..

ووفيه جدول يوضح لج على حسب طول دورتج الوقت المناسب لنزول البويضة .. وهذا سهل معرفته .. اما بالحسبه او الجهاز يغني ..

وفي حبوب تزيد نسبه القلويه بالجسم .. وايضا متوفره بالصيدليات !!!

يعني كا مجموع البوكس ما يكلف خمس دنانير !!! واهوا سعره فووق ال 60 دينار .. فبراي حرام ما يسوى ولا في اي شي يديد او مميز ..

كل المعلومات متوفره بالنت والاغراض بالصيدليه .. بس اهما جمعوهم بطريقة كامله ..

والله يا رب يرزقج بالولد الصالح البار .. ونصيحتي اكثري من الاستغفار وربي ما راح يقصر معاج

شكرا على الرد
اناجربته عندفوزيه….خطوة بخطوة ابرة تفجيرية والجماع بس مرة وماصار حمل…..في ناس سووها وحمل
بس انا كل مااسويها مااحمل فتعبت والميزانية تعبت…….ودي اعرف ليش الجماع مرة وبس؟ها ماقلتولي اسوي تلقيح وافتك واخلص لاني والله تعبت تعبت مراجعات وابر وتوقيت وحاااالة اشرايكم

اييييييييييي قصدج مايصير حمل
عبالي تحملين وكله بنات
شوفي انا مدحولي معصومه مخصيد حيييييييييل
وانشالله بروح لها … وانتي مايمنع تجربينها مره اخيره قبل التلقيح بما ان زوجج مو راضي

بس معصومة ماتتابع معاج…..يعني بس تعطيج البوكس وانتي اتسوينة وهذا فاشل ….لان المفروض تتابع التبويض وتعطيج ابرة التفجير وتحدد الجماع ومعصومة ماتسوي جذي

ياحياتي الله يرزقج آنا بعد ناوية أسوي طريقة البوكس وسألت وايد عشان جذي حبوبة بقولج بالمختصر المفيد عليج بالاستغفار بالأسحار ومايمنع انج تبذلين الأسباب بس التلقيح الصناعي سوته وحده من رفيجاتي وهم بعد ماحملت ورفيجتي الثانية سوت طفل أنابيب<آنا رفيجاتي كلهم مثلي أمهات بنات عشان جذي دايما أقولهم برافج غيركم هههه> وهم بعد ماحملت فهي السالفة كلها أرزاق وعسى الله يرزقج ويرزق كل من تبي الولد الصالح يارب

غريبه عيل شلون بحمل اذا ماتتباع معاي التبويض انا شدراني متى بويضتي؟
حتى لو استخدم شرايط التحليل مالت البيت .. ويطلع لي خطين يعني اليوم تبويضوي
مادري متى يتم الجماع وحده تقول بعد ب 4 ساعات والثانيه تقول بعدها ب 24 ساعه
فعشان جذي قلت اتابع مع دكتوره شاطره

الله يرزقج باللي اتمنينه

" وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين "
الاستغفار يا اوخيه عجيييييييييييييييب يرزقج الله من حيث لا تحتسبين ويطمن قلبج جربي حبيبتي اكثري منه

سوى تلقيح صناعى وفكى نفسج من المجازفه

ترا البوكس فاشل وحظك نصيبك مره تصيب ومره تخيب مو مظمون

والله حتى انا مفكر بالبوكس الازرق بس الحين شكلي بسوي تلقيح
بس حبيت اسال بنات التلحيق بنسبة جم اضمن ومنو مجربة؟

الظاهر بحاول اقنع زوجي بالتلقيح….لاني ماابي اغامر…..بس انتي زوجج يرضى بالتلقيح؟يعني في ناس يسوونه وهما يحملون عادي؟

ريلي متفهم وعادي اول شي بروح الدكتورةوبسالها اي واحد انسب البوكس الازرق وزلا التليح وباخذ رايها
بساتوقع البنات الي يسونه وما يحملون يمكن حالتهم تكون صعبه شوي لان انا اول ماولدت سالت الدكتورةقالت هذا بنسبه كبيره ينجح واغلب الي سوينا لهم طاح عليهم والله كريم

انا الاحظ في ناس سوو الطريقة البوكس الازرق جابو بنات وقالت لي الدكتورة الاظمن بعد الله التلقيح….عشان جذي ود=ي اسو الاظمن انجحت الحمدلله وان ماانجحت ايضا الحمد لله المهم اجرب عشان مااندم…..
بس انتي ماعندج مشاكل في الحمل ولازوجج؟مثلي.عشان جذي تجيني لحظات واقول ماابي تلقيح بسوي البوكس…وبعدين اقول لا ماابي اغامر بسوي تلقيح ……عشان جذي تعبانة وماني عارفة شنو اسويييييي

سلام كويتيات اشلونكم وشخباركم
انا مشكلتي ان من آكل خبزاو توست بطني ينتفخ والغازات تشتغل بشكل مزززززززززززعج جدا جدا
وحده معاي بالدوام قالت لي عن خبز مصنوع من الطحالب والاعشاب من مركز سلطان ووايد ارتحت منه
بس ابي اعرف اذا في انواع ثانيه ومن وين احصلها يعني اي خبز او توست مو مسوينه من طحين القمح
بلييييييز ساعدوني

هلا اختى

فى انواع خبز وايد موجوده بمركز سلطان او ب مخبز امير الامراء بحولى شارع تونس

تلاقين خبز بالشعير

خبز بالذره

خبز بطحين الرز ووانواع متعدده ومنوعه

مشكوره اختي نجد
وانشالله اليوم بروح واشوف شنو عندهم واجرب
والي عندها بعد لاتبخل علينا

اهلا اختي سارونه وسلامتج
لا مااعتقد فيني حساسيه من القمح
انا فيني قولون عصبي ولاحظت من آكل توست او خبز تصير الحاله صعبه
ومن جربت خبز الطحالب عادي
بس بسأل توست الذره الي من المطاحن موجود بالجمعيات ؟؟؟
لان ماذكر ان شفته او مر علي
واذا عندج رقم المطاحن عطيني

اوووووة الظاهر فيج حساسية من الجلوتين انا ما اقدر اكل شي في دقيق او طحين بس بما اني بامريكا فالاقي دايما gluten free food ديري بالج تري حتي بوايد اشياء موجود مثل الكاكاو و المعلبات بس اتوقع لو تروحين حق طبيب اهوا احسن واحد راح يقولج شنو البديل الامثل

تصدقون خلينو اشك يمكن فيني حساسيه
بس وين وشنو نوع التحليل
اقدر اسويه بمختبر؟؟

و انا قبل كنت اكل عادي
بس بالفتره الاخيره صرت جذيه
ماادري حساسيه والا من القولون؟؟؟؟؟؟

لايااااااااااااعمري ترا القولون ما يتاثر بالقمح؟؟؟؟؟

بس هم ان شاء الله مافيج الحساسية يااااااااااااااااااااااااااااارب

وفي تحليل تسوينه بالمستشقى تحليل الاجسام المضادة

ويبين بعد بالمنظاااااااااار

وان شاء الله الحين ادورلج الرقم وادزلج اياه

ورقم شركة الاولويه اللي توصل توست الذرة مال المطاحن 22233444 والداخلي
496

هذووووووله يوصلوووولج التوووست لي البيت

وبسالج الخبز اللي تقولين عنه من اعشاب وطحالب وين حصلتية؟؟؟؟؟

باي قسم من مركز سلطان اول مرة اسمع عنه؟؟؟؟ انا العادة القى صمون وتوست الذرة

هلا سارونه مشكوره عالاهتماتم حبيبتي
والله ماادري شنو فيني ونيتي اروح اسوي تحاليل بس الظروف ماسمحت لي بس انشالله اروح بالايام الجايه
وبالنسبه حق خبز الطحالب انا شريته من مركز سلطان الي بالسالميه شفتي مكان الخبز والتوست
تلقين وراهم ناحيه الثلاجات ثلاجه صغيره فيها الخبز لون الكيس اخضرواسمه سي سليم وهو اصلا شكله حق الرجيم لان مكتوب عليه يلين المعده ويخفض الوزن وريجيم للسكري والكلسترول
بص الصراحه وايد ارتحت عليه
ومنه 3 انواع خبز صحي ومرقوق صحي(انا استخدمه مثل الصاج) والتنور الصحي

شنو الفرق بين الخياط التجميلي و العادي خاصه في فتره الجماع هل الفرق" تو مج" وشنو الاشياء اللي تعرفونها
اللي تستخدم للتضييق طبيه مو من العطارين؟

في تحاميل تنباع ب65 دينار اسمها virgin

في نوع يديد ارخص مع غسول ….سوالف العطارين مثل اجفت و الشبه تخرب اكثر من انها تعدل

في عشابات يسوون تحاميل الناس تمدحها بس انا اخاف من السوالف اللي ما يندرى شنو فيها

ما ادري اعتقد ان التجميل مايبين شي فيج ويرد طبيعي حيل والعادي همن مايبين وايد مايشوه
والشي الي يظيج تحاميل البوثيل ماتنباع بالكويت

السلام عليكم بنات
شلونكم شخباركم

بنات عندي استفسار بسيط
ممكن اسوي تحليل الدم العادي قبل موعد الدورة بأسبوع ؟
او جم لازم انطر
لان باقيلها اسبوع … ؟
والهرموني قبل جم يوم يبين .. ؟
بصراحة ما ابي الهرموني مكلف واستحي من ريلي .. يدفع واخر شي ماكو شي

آب

لعيونج ان شاء الله البنات ما يقصرون

ما ادري انا سويت تحليل دم باول حمالي مابين

عقب شهرين سويت بين

ماتوقع يبين بالدم عادي
احسن نطري لي يوم الدوره بعدين حلليي او اشتري تحليل بول عادي وجربي الحين اذا بين معاج خطين روحي حللليي دم

الله يرزقج بالي تمنينه

سوي تحليل دم بيوم دورتج او بعدها بيوم وان شاءالله النتيجة تبين انا بيوم دورتي تحليل الدم العادي يبين معاي والله يرزقج ان شاء الله

نصيحه نطري لان حتى لو سويتي دم أو حتى الهرموني ترة النتيجة اذا سلبية مو أكيدة يعني النتيجة اذا حامل ان شاء الله تكون أكيدة بس العكس لَا فا عشان جذي انصحج تنطرين هالاسبوع اذا ما ياتج الدورة سوي المنزلي وبعده الدم والله يفرح قلبج ياااارب وتكونين حامل اللهم آمييييييين

مشكورين حبيباتي ع المرور والرد
وع الدعوات الحلوة &#55357;&#56842;

انا ذاك اليوم رحت صيدليه وقتلها ابي تحليل بول قالتلي عندها اثنين الي يبين قبل الدوره باسبووع علبته لونها وردي جربيها اذا مستعيله وقالتلي سعرها ب6 دنانير

روحي صيدليه واخذي تحليل بول الديجيتال كلير بلو
يبين النتيجه قبل موعدها بأسبوع ..
وسعره 6 دنانير ونسبة التحليل 99% يبين ان كان في حمل او لا

والله يرزقج

السلام عليكم

كنت متردده اكتب الموضوع
بس وصلت حدي الصراحه

حدي متنرفزه من البنات الله يهديهم
ادري قصدكم الدعاء والكلام الطيب

بس غللللللط حبايبي

اول شي كل ما صار شي قلتوا المشرفات والمشرفات <<<<<<<<< مالي اي علاقه شخصيه باي مشرفه
انتي فاضيه 24/24 تدخلين وتكونين شابكه

اهما لا عندهم عيال وازواج
ممكن احد مريض ممكن اهيا مريضه ممكن عزا لا سمح الله
ممكن متهاوشه مع ريلها
وممكن وممكن وممكن

مو معناته مشرفات يعني مو اوادم

ثاني شي المشرفات الباجي مالهم حق يحذفون اي موضوع الا الي بقسمهم
يعني اهني لازم بس بتبوتاا وكوين الله يعطيهم العافيه يتدخلون

ثاني شي ولي خلاني اكتب الموضوع
انتوا قاعدين تتحلطمون ومنزعين وحالتكم حاله

بــــس قاعدين ترفعون الموضوع !!!!!

لو محد يرد عليهم وتحطولوهم اعتبار جان الموضوع راح الصفحه الثانيه والثالثه
يعني اهوا ما يدري ان الي قاعد يسويه حرام ولا غلط

يدري بس مو هامه

ياليت محد يرد على هالمواضيع ويرفعها
يمكن برفعتج ادش وحده صغيره وتدخل الموضوع

ويعطيكم العافيه
واتمنى محد يزعل مني

شكراااااااااااااااا لتوضيح اختي

احنا نطلب من المشرفه حذف الموضوع للحد من هالتفاهااات وهذا المقصد اختي

مو القصد رفع الموضوع وانا وحدت ردبت قلت براااااااااا

حبيت ابين له انه مكشوف والمشرفات مو مقصريت الحذف اول باول

الف شكر التنبيه حبوووووووووووو

صاجه

تسلمين على توضيح وجهة نظرك

لكن اكيد مو قصد الاخوات رفع الموضوع

والله العالم بالنيات

وشكرا ع العموم وجهة نظرك منطقية

تعبوا المشرفااااات الله يعينهم والمديره زهقت حياتها وهي تنبه انهم مايدرون ع هالمواضيع ويرفعونها
بس البنات الله يهديهم يحبون الاكشن

ماقول الله يعين المشرفااات ….

يسلمووووو tmtmt وعسالله يشااااافي اخوج يااااارب ويرده لكم ساالم

مشكوره تمتم على التوضيح

وبنااااااات ترى المشرفات كاتبين تحذير ان اي عضوه راح ترد على موضوع من هالنوع راح يوقفون عضويتها وياريت ادشون وتقرون

تحذير المشرفة بنت الكويت https://q8yat.net/showthread.php?t=534004

اي والله معاج حق

صح كلااامج

صح معاك حق

وانا استغرب من الردود عليهم

هم فاهمين كل شي بس متعمدين يدخولون وينزلون تفاهاتهم

بالعكس انا اشوف برد البنات ينبسطون زيادة وتلاقينهم مجتمعين على اللاب ويضحكون

لكن لو مافي اي رد راح يملون ويطلعون

حياكم الله بنات ..
مشكوورين على ابداء الراي …

وادري ان البنات مو قصدهم يرفعون الموضوع عشان جذي قاعده اقولهم
لما تردون قاعدين ترفعونه …

وفي بعض العضوات ماني ذاكره اسامي
الله يهديهم ..

يردون ويضحكون واكثر من رد

هذا قصدي ؟؟

جواهر : مشكورخ حبيبتي على الدعاء
الله يستجيب ان شاءالله
مو تنسونه اليوم اليمعه

الله يشافي اخوج وامي ياااارب وجميع مرضى المسلمين

وفي عضوات يدد مايدرون عن القوانييين وانا معاج بكل كلمة خيتوووو

كلامج صح

ومعاااااج فيه

صاجة و الي قصدها تنبه المشرفات مو لازم بنفس الموضوع و ترفعه يكفي تروح قسم الشكوي و تحط تنبيها هناك انفع