|
|
السلام عليكم
خواتى انا حامل بالشهر السادس والدكتوره قالتلى ان المشيمه نازله شوى ولازم ارتاح على ظهرى
الحين احس بعوار يروح ويرد بظهرى ماادرى هل من المشيمه ( ارتفاعها 2 سانتى عن عنق الرحم )
والا طبيعى الحامل تحس بهالعوار بنص الحمل ؟؟
مع انى يايبه عيال بس اول مره يصير فينى جذيه شىء مؤلم بصراحه واشكثر احاتى من الولاده المبكره ؟
جان زين تفيدونى ؟
اللي اعرفه ان عوار الظهر طبيعي بس حالتج الله اعلم
وانشالله البنات يفيدونج
وانا مثلج اختي باقي لي جم يوم وبدخل السادس وظهري واايد يعورني , وانا بعد مو اول حمل
فاتوقع هذا طبيعي وانا سامعه ان تشربين ماي ونشا واايد زين ويريح لانه يقولون يقوي الظهر , وسلامتج
عوار الظهر شيء طبيعي بالحمل وكل حملة تصير اتعب واثقل من اللي قبلها
وانتي حاولي ترتاحين وماتلبسين كعب عالي وماتشيلين شيء ثقيل وماتمشين وايد لين ترتفع المشيمه ان شاء الله
بس انتي شيلي من راسج المحاتات وتصيرين طيبة
والف سلامه عليج
انا رفيجتي نفس وضعج بالضبط
مشيمتها نزلت بالسادس وكان اييها عوار بالظهر
واسفل البطن على قولتها مرات احس بولد خلاص
بس كانت على طول منسدحه ما تشيل شي
ولا تمشي الا تكرمين حق الحمام
فحاولي ترتاحين وان شاء الله تولدين بالسلامه لا تحاتين
عروبه نامي على ظهرك وخففي الطلعه ولبسي واطي
واذا انتي موظفه اخذي تخفيف عمل
واهم ي الراحة
ولا تحاتين ولا يضيق خلقك كلها ستين يوم ويغدي سهرك
ترى حرف السين لا يعمل عندي
وسلامتك
والله طمنتونى …………….وما قصرتوا
صج العوار مو هين حتى وانا نايمه يروح ويرد
بس ان شاء الله ما يكون من المشيمه
والاخت قلبى معاك : نفس كلام اختى تقول لانى طولت ما حملت واهيا نفسها صار فيها جذيه
ومشكورين حبايبى
