مساء الخير
حبيت اسال عن تجاربكم
عن التلقيح بدار الشفاء .. وشلون العنايه
ومنو احسن دكتور ……؟
اختي ما قط سمعت ان في دكتور متميز في علاج العقم في دار الشفاء
ماشاء الله الحين الكويت مليانه خبرات و أطبه سمعتهم و خبرتهم واسعه
عندج الدكتوره فوزيه القطان
او الدكتور ناهض حماديه بالمواساة
او رويال حياة فيه فريق طبي جاي من بلجيكا
او دكتور باترك في مستشفى لندن
و دكتور منصور الصليلي بالجهرا
مستشفى الصباح مركز طفل الانبوب التلقيح الصناعي عندهم قوي و فيه نتايج عاليه بالتلقيح الصناعي.
د.اسامة صالحة وايد شاطر………بدار الشفاء
بس تحملي نفسه خايسة……..بس فلسطيني شاطر
لا حبيبتي لا تروحين حق دكتور أسامه اشكثر قريت ناس اتذم فيه و امسبب لهم مشاكل و لو تبحثين عنه راح تلقين ردود البنات عنه.
وانا هم جربته و ما شفت انه شاطر أبد.
دار الشفا عندهم اسامه صالحه
شاطر وايد وانا وايد اعرفهم تعالجوا عنده واحملو
وترا الدكتور انسان ومو معصوم عن الغلط
اذا بنطالع الاخطاء الطبيه عند الاطبا
ماراح نلقى دكتور شاطر
واللي بيسمع كلام الناس بيضيع ويحتار وما يدري وين يروح
يعني اسامه موزين
وباتريك قطعوه تقطع بالذم مع انه اكبر نسبه نجاح لعمليات الحقن عنده
وفوزيه القطان اشكثر لها اغلاط مع انها وايد شاطره ومريح التعامل وياها
وماجده اليتامى نفس الشي
ومحمد صلاح
وحازم الرميح
عاليه الفضلي
معصومه مقصيد
يعني ما بقا دكتور ماله زلات
مع العلم انا ما اتعالج بدار الشفا يعني ردي على الموضوع مو دفاع عن الدكتور اسامه
وعلى فكره عندهم دار الشفا دكتور اسمه مصطفى تومسو اهو استشاري اعتقد بوحده اطفال الانابيب عندهم
انا رحت له لانه الدوره كانت مخربطه وياي وقال لي فيج لحميه بالرحم
ويوم رحت حق الدكتوره فوزيه قالت لي مافيج ولا شي 
شفتي انه لكل حصان كبوه
اختاري الدكتور اللي يريحج التعامل وياه وتوكلي على الله
اختي بنت الكويت
انا أو أي وحده من البنات اذا ذمينا أي دكتور شنو بينها و بينه علشان انذمه؟
احنا ما انذم اي طبيب عبط و لا انحذر من أي دكتور عبط!
احنا ما نتكلم الا من خلال تجاربنا الشخصيه
فآنا مثلا لي تجربه مريره مع الدكتور أسامه ما ودي اكرر واعيد فيها اهني بالمنتدى
فلأني احب بنات ديرتي اكيد بحذرهم منه ومن اي دكتور اشوفه يخطيء او يستغلني و يستغل افلوسي لأني ما أبي أي وحده يصير فيها مثل اللي صارلي
و تفاجأت ان مو بس انا اللي صار معاي جذي و لقيت بنات اشكثر ما يمدحونه من خطأ صارلهم معاه
فالدكتور اللي تكثر عنده الاخطاء يكثر عليه الكلام
واذا بتقولين ان الدكاتره الثانيين عندهم اخطاء ويين؟ ما شفنا؟
واذا الدكتوره فوزيه اتقولين عندها اخطاء فآنا اشوف العكس وكل الناس تمدح فيها
اقسم الله ان انتي لو صايرلج اللي صارلي او مريتي ابحالتي ماراح تمدحين الدكتور ابد ويمكن يكون تصرفج اكبر من تصرفي
وانا مو من طبعي اني اشهر ابأحد ولا احب هالشي ولا احب اتكلم عن احد بس اذا تبين اقولج تجربتي انا مستعده.
و كلامج صحيح ان يمكن في بنات تتكلم منيه والطريج مثل سالفة الدكتور باترك يتكلمون عنه وبس واهم مو متـأكدين من الكلام
لكن انا اتكلم عن تجربتي انا ومو أي تجربه ولا تجربه سهله
تجربه يتعجب منها كل الاطبه اللي شافو اوراقي و فحوصاتي.
صاجه بكل اللي قلتيه اختي رماديه ما تشوفين شر
بس ارد واكرر مو شرط الدكتور اللي اخطأ وياج يعني راح يخطأ ويا غيرج
وارد واكرر انا ردي مو دفاع عن احد هذي وجهه نظري الشخصيه واختلاف الاراء لا يفسد للود قضيه
انتي او غيرج اذا ذميتوا من تجربه صارت لكم بس بالمقابل في تجارب وايد ناجحه تصادف للدكتور نفسه بهالحاله الواحد شسوي ؟
مافي غير صلاه الاستخاره والتوكل على الله واهو حده اللي يسهل الامور مثل ماصار وياي عند الدكتوره فوزيه القطان
رفيجتي نامت بالعنايه المركزه شهر بسبب الابر المنشطه وتسب وتذم فيها واخر شي احملت
بس انا يوم رحت حق الدكتوره فوزيه وايد ارتحت معاهاومع تعاملها وياي .
خواتي في الله
احنا من كثر اللي نعانييه ما نبي كثير
انا سويت اطفال انابيب عنده اسامه صالحه ما دفعت وايد من كثر الاهمال مايطلب مني تحاليل وابر اخر يوم اشتريتهم ولا طلب مني اقزهم عمري فوق الاربعيين يعني لازم متابعه اكثر
المهم 7بويضات……ناضجين …5…تلقحوا 2 ؟؟؟؟ صدمات
بعد العمليه مافيه اهتمام ادق عليهم نزفت اسالهم شنو اسوي ما يردون لما احرقوا اعصابي السكرتيره تعطيني رقم الموبايل وادق لما تطلع روحي ياالله ردت السكرتيره زودي المثبت
موعد التحليل النتيجه صفر ادق عليهم اوقف المثبتات واراجعهم ما يردون
كلمته رفيجتي رقمها ذهبي رد عليها بسرعه
طرشت له مسج عدل….
لرررررررررررفع
ماعندي فكره والبنات ماقصرو بس ماحبيت اطلع من غير مادعيلج الله يرزقج الحمل يارب
بنات انا بسوي انابيب عند مصطفى تومسو بدار الشفا شتنصحوني فيه
وانا ناويه اسوي تلقيح صناعي عند مصطفى تومسو بدار الشفا شتنصحوني فيه ؟؟؟؟؟؟؟؟
الله يرزقنا جمعيآآآ
الله يرزقني ويرزق كل محرومه
.gif "Eh S(6)")
.gif "Eh S(8)")
.gif "Eh S(7)")
.gif "Eh S(9)")
