الوسم: السيد

السلام عليكم

انا عضوة قديمة معاكم
بس هذا اليديد مابي احد يعرف خصوصيااتي

المهم بنات

متزوجة صارلي 6سنوات
عندي 3 يهال
زوجي طيب وحنون لأقصى درجة الله يحفظه لي ولأهله

بس في عندي مشكلة

انا شخصيتي قوية الحمدلله وعشت حياة صعبة فمعتمدة على نفسي من قبل لااتزوج
وعندي خبرة بواايد امور ان كان حياتية او زوجية او باوراق الوزارات وكل شي كل شي

وخذيت واحد: ورقة بيضة
شخصيته حنونة وايد بس تقدرون تقولون ماعنده خبرة قوية بالحياة
وهالشي خلاني لا اراديا انا اللي لي الكلمة الاولى والاخيرة بالبيت

يعني حتى تعامل مع الناس مايعرف
ولاعنده سرعه بديهه
واذا احد غلط عليه يستحي ولايرد

واحيانا مايثمن كلامه

واليهال شورهم بيدي
وطلعاتنا وسفراتنا وحجوزاتنا كلها انا اسويها- بمساعدته اهوا- بس انا بويه المدفع

حرام مايقصر وعمري ماشفت عليه الغلط الله يحفظه
بس حتى اهو بنات مايقدر يسوي شي الا لمن يستشيرني

والله احسه يظيع من غيري

وكلمة توديه كلمة تييبه

هذا اللي يخليني اعصب احيانا

احيانا اخليه اهو يمسك زمام الامور
بس تفلت من ايده الامور ويرد يشاورني ويكون بالنهاية القرار لي

حتى لو بالامور البسيطة

ويعتمد علي بكل صغيره وكبيرة

يقولي لأني اثق فيج

بس بيني وبينكم
انا انثى
احتاج ان تكون شخصيته اقوى من شخصيتي
احتاج احس ان اهو ماسك زمام الامور واهو الاقوى مني

حتى اهلي حاسين ان شخصيتي اللي تطغى عليه
وانا اللي مرتبة امور حياتنا مو اهو

يظحك اخوي يقولي دايما : شوره وحياته بيدج هالمسكين !!!!!!

احيانا اتعب بنات
ادري فيه مو متعمد
قلبه ابيض
بس مادري شلون اخليه يتغير

شرايكم

انتي السبب
لان الحين لو وحده ياهل عمرها ١٦ سنه تزوجينها وتقطيتها مع زوج بشقه بروحها بتتعلم الطبخ والتنظيف والكوي وكل شي راح تعتمد على نفسها
اول مرا تطبخ وتحترق الطبخه ثاني مره تتحسن الطبخه وعقبها راح تظبط الطبخه وتصير احسن طباخه

والي تييب اول بيبي بتتعلم عليه واهيا من الاساس ماربت ولا مسكت بيبي بهالحجم الصغير

نفس زوجج ماعنده خبره بشي انتي حمليه مسؤليات كل شي قطيه على راسه انتي بنيه اهتمي بشكلج وعيالج وبزوجج فقط والشغل قطيه على راسه خل يقوه ويعرف ان الحياه صعبه ويكبر قلبه كلا قولي ماعرف مادري شلون ما افهم بهالامور تغيشمي خل يحس انج تحته انثه بريئه اهو يعلمج ويخلص شغلج
اذا تبين تعلمينه والله بيتعلم واذا بتقولين انا بسوي وافتك واخلص بيظل مثل ما اهو

عندج وقت ! ردي عوديه مـن آول و يديد
شلي آيدج بتدريج ولا تدخلين خله يعرف يتصرف من نفسه ^^

لوووووول شعليج حمدي ربج انه يشاورج وياخذ رايج غيرج رايلهم ما يشورونهم ويوون الي براسه يبيا احسن لج من ريال يتحكم بكل شي قول الحمد لله على كل حال

خليه يعتمد على نفسه اعطيه مهام هو يسويها وحتى لو رجع وشاورك قوليله انت حلها،خرجه سفره اي شي قوليله ها يافلان وش رايك اذا قال لا عادي انتوا اختاروا خليها عليه هو اللي ينسق وبعدين قوليله شفت انت منسق كل شي عشان كذا استانسنا،يعني كلفيه بأمور بسيطه في البدايه وامدحيييه كثير وبعدين خليه يسوي الاشياء الصعبة،والله يوفقكم

ريل طيب وحنون وغشيم في بعض الامور وايد احسن من واحد يدير الامور ومقطع السمكة وديلها
حمدي ربج وحاولي تغيرينه ماراح يتغير وايد لان اهوه طبعه بارد وحنون بس راح يتعدل شوي

أنا نفس حالتج بس احمد ربي انه بالنهاية حنون وطيب بس صراحه الاوراق والوزراات ما اسويهم اهوه يحوس فيهم
بس السفرات القرارات العائلية والامور الحاسمة على قولتج لازم انا احسم الموضوع لانه دايما مايدري !!!

والحمد الله على كل حال

الله. يخليه. لكم. نادر تلاقين انسان بطيبته وانت علميه يعتمد علي. نفسه. ويتحمل. مسؤوليتكم

الله يخليه لكم
ياليت زوجي نفسه احمدي ربج ع الاقل يحترمج
مو واحد يقعدج بصراخ وكلام يغث نفس الا عندي

الطيب بهالزمن يسمونه شخصيه ضعيفه

احنا يا الكويتيات فينا حراره

ونحس محد يتقن شغلنا الا احنا

بالنسبه لمواضيع السفر

انتي مثلي

انا اختار واحجز تذاكر وفنادق بالنت وانظم الرحله

واستمتع بانجازي

ولكن هذا لا يعني ان الزوج شخصيته ضعيفه …..يعني ان الزوج مرتاح وواثق من اختيار وذوق زوجته

بالنسبه لتربيه والمدارس

ما ارتاح شخصيا الا لما انا اشرح صفحه صفحه
وافتش جناطهم …..وامارس دور الرقيب عليهم

لاني انا الام ….انا المربيه ….انا منبع العاطفه

دور الزوج بهالحاله استعين فيه اذا مشكله ما اقدر احلها
ودوره ايضا المتابعه عن طريقي ….بتوصيل له المعلومات اليوميه عن حياة العيال

وهذا لا يعني ان الزوج شخصيته ضعيفه انما هذا حدود مهامه الاشراف والتدخل بالشي المهم

بالنسبه للمواضيع العامه

بما ان في عقد زواج بين طرفين زوج وزوجه
فلهم الحق بترك راي ….باي موضوع
ونهايه القرار للزوج بصفته رب اسره

وهذا لا يعني انه دور الزوجه مهمش

عزيزتي لاحظت بالكويت لما يشوفون زوج يحب زوجته وياخذ برايها يقولون عنه

سكان مرته
او
ما عنده شخصيه
او
شخصيتها قويه

ولكن لا تهتمي لكلام النااااس ……لانه انا وانتي صح وهم غلط

فوفو

بالعكس حمدي ربج احسن من يي لج واحد متحكم فيج بكل شي و يحرمج من ابسط حقوقج

مع فوفو وام الدرر

احمدي ربج يالغاليه

غييرج مالها اي كلمة ولاشور ولا راي حتى بعيالها وفي بيتها يعني بس اسم زوجه

داام زوجج طيب وحنوون ويتشيرج بكل شي معناه انه واثق فيج وانه عرفت يختار الزوجه الصحيحه اللي ادير امور حياته معاه

زوجج نفس طبع زوجي بالضبط ماعادا سوالف الوازارات ,, زوجي يناقشني ويتشيرني واخر شي يقول شرايج

وحنوووون لاقصى درجه وطيب بشكل ماتخيلين ومع هذا احمد ربي الف مره ان الطيبه والحنان من الزوج اهم بووواجد من الاموؤ الثانيه

بالمختصر المفيد احمدي ربج يالغاليه واذا حابه تغيرينه غيريه بالامور على شوي شوي اذا شفتي استجايه منه كملي واذا العكس خليج على طبعج

ترا البعض من الحريم زوجها مانعها منكل شيلا راي ولا هم يحزنون

اختي قولي الحمد لله……. وعليه جارتي مالها كلمه ببيتها چنها غريبه…… الخاله والريل الكل بالكل حتى مطارس اليهال اهم اللي يختارون مو اهي…… محد عاجبه حاله…… انا اشوف دام انه طيب وحنون الحمد لله خلي المركب تسيير ويالله كلنا بالهوا سوا

الله يخليكم البعض
هذي مو مشكله اختي

السلام عليكم

شلونكم بنات
بليز فيدوني اذا في احد عالج حالات تاخر حمل ولقى نتيجه من بعد الله وهالدكتور محمد السيد قطب فكرت اراجع عنده بلييز ناطره ردودكم بنات

وموفقين

و الله الصراحة الدكتور شاطر و عنده خبرة في هالمجال
و كل شيء بيد الله سبحانه

وين مكانه .. جم رقم عيادته ؟!

فيدونا

فاطمه كلينك بالسالميه
جبال المطافي

رقم العياده 25641234

وايد شاطر وانا الحين اعالج عنده اي شي تبون سألواا
وادعولي بنات انا سويت تلقيح صناعي هالشهر عنده يارب احمل هالشهر ادعولي بناااات ترى الدعوه بترد لكم
يارب كلكم تحملون من غير علاج يارب العالمين

هو شاطر بس غالي وتحاليل واايد
سويت عنده تلقيح هالشهر بس فشل والحمدالله علا كل حال

دكتور قطب وايد زين انا راجعت عنده شهر وحملت بس بالشهر الرابع اجهضت لان كان فيني توم بس وقف النبض والحين رديت اعالج عنده وتحليلي يوم السبت ادعوالي

االدكتور ماشاءالله عليه زين
بس راح تتاذين من اسعاره

حتى ادويته لازم من عنده مع انه تقدرين تصرفين من الحكومه اذا فاتحه ملف بالصباح لعلاج الحمل

تقدرين تقولين له أبي آخذ الأدوية من الصباح و أعتقد ما راح يرفض..
و أسعاره نفس أسعار باجي العيادات الخاصة
و معروف إن المستشفيات الخاصة أرخص من العيادات الخاصة.
بس صج الله يعينها اللي تعالج بالخاص
يبيلها تجمع فلوس حق ميزانية العلاج.

للرفع

اااااب

الله يرزقج

دكتور قطب بالرايه يم بوحمرا كلينك ويم فاطمه كلينك شاطر وفاهم ودكتور قديم وتخصص اجهاضات وحمل حرج

ما شاءالله شاطر

اب اب اب

الله يرزقج ويرزقنا

السلام عليكم ورحمة الله وبركاته
شلونكم وشخباركم…!!

ابسال عن ايمان السيد منو حط عندها من العرايس
وهل عجبكم شغلها او لاا..!!

مابي حنان دشتي
احس خطتها وحده
يعني تعرفين الوحده عند حنان او لا

وكنتنتال اححسه دفش شوي

وانا وحده ملامحي تصلح لها الناعم
مابي اخرب وجهي بالمكيااااج الاوفر

والله ياقلبي حيل انصحج فيها احسن مافيه ماكو زحمه ابد وتساريحها فيهالمسة جمال واختي عروس حطت عندها ومكياجها روعه..اختي ماتحب الدفش ولا الناعم يعني مكياجها كان رسم ملامح وبنفس الوقت في مكياج يعني نفس اللبنانيات بس على افخم شوي وسعرها كان ثلاثميه وجابتها بالمسائيه للفندق بعد ماتوقعتها تطلع بالمسائيه بس طلعتلها

خبري فيها لما كانت تحط للمذيعة على قناة سكوب

بصراح كان حلو واحلى من اختها نورا السيد وانعم بعد

بس شخصيا ولا مره جربتها ولا شفت شغلها على احد

ان شالله البنات يفيدونج

ماتعجبني ما انصحج فيها

هذا على ايامها بقناه قطر يمكن تغيرت

والله انا قريت موضوع حق بنت سعوديه يا حرام وهقتها

وتقول لسانها طويل وتصارخ

وبصراحه ما ادري كرهتها

خاف توهقج وترى مو وقته توهقج وانتي عروس ساعتها الله يعينج على النفسيه

انا اقول روحي للحنان دشتي احسن وايمان السيد شيليهاا من راسج

لا يبه ما انصحج فيها شغلها حده مو حلو استغفر الله

شغلها عجيب تطلعج ملكة جمال بس سبحان الله ما ترتاحين معاها والعروس اهم شئ راحتها
<<< تجربة اختي بعرسها من ثلاث سنوات

شوفي شغلها باليوتيوب واحكمي

مو شي كلش حبيبتي

والله مادري
برأي لاتوهين روحج
روحي للمضمون والمكياج على طلبج انتي
سوي بروفه مكياج واحكمي احسن واضمن
موفقه قلب

والله يا قلبي ما أنصحج فيها

روحي للشي اللي تعرفينه أحسن

وأب لعيونج …~َ!

انا رحتلها ما عجبني شغلها وما حليتها اهي بالاساس كانت عند حنان دشتي بعدين طلعت
تبيم ميك اب ناعم و حلو و ترتاحين نفسيا لما تتعاملبن معاهك ليلى العرادي بليلى هارموني ميك ابها
نظيف وناعم و تساريحهم حلوة و بعد عندج بريجيت خوري بصالون بريجيت فندق المارينا انا توني حاجزه عندها مسويه عروض حق الصيف 

"سبحان الله وبحمده سبحان الله العظيم"

مادري انشالله تلقين اللي يرضيج

في ناس تذم وفي ناس تمدح ..

والتساهيل من الله سبحانه ..

مشكوره هناتي عالرفع

صاجه القنزا التساهيل من الله سبحانه والله يسهل علينا يآآآرب

آآب

آآب

معقوله محد جرب ولادتها ؟؟

انا راجعتها مرره بعد الولاده كانت عندي مشكله , لانهم مدحوها لي وللامانه دكتوره اللي مادحتها , بس مدري بصراحه
مارتحت لها ابدااا حسيتها مفهيه شوي ..

وترى التساهيل من الله اذا حابتها وارتحتي لها توكلي على الله ومالك شغل باحد ..

اب لعيونج

بنات تعرفون الدكتور عبد الباسط اللي بقناة بداية

تكلم عن كتاب له توه نازل من يديد

مين يعرف اسم كتابه وبكم ووين الاقيه

كتابه كل عن البشرة

سوري مااعرف اسمه ان شالله البنات يقولون لك

أب أب

تسلمون حبيباتي

اب اب

يا ريت احد يفيدناااااااا

ممكن توضيح المهنة والتخصص وهل لها علاقة بذوي الإحتياجات الخاصة؟؟

امس كانت مستضيفينها فى قناه الوطن الصبح تتكلم عن صعوبات التعلم يا ريت احد يفيدناااا وين مكانها بليز

انا اعرفها شخصيا هى مدرسة تبيه فنيه للمرحله الثانويه وماخذه الماجستير فى صعوبات التعلم لان ابنها مصنف ضمن هذا التخصص وليس عندها مكان اذا حابين اى استفسار ممكن اوصله لها

قواج الله حبيبتي

ممكن اسم الثانوية؟؟

تسلمين يامشرفتنا الغاليه … طبعا راح اعطيج المعلومات عنها بعد ما أستأذنتها ووافقت لخدمت ابنائنا المعاقين .. هى بمدرسة ماريه القطبية الثانوية بمنطقة الزهراء .. واذا حابه تلفونها ممكن اعطيج ياه عالخاص

مشكوورة ياقلبي

بس اهي مو اخصائية؟؟

سلام عليكم السموحه اختى تأخرت عليج بالرد تدرين عطله والجو ينن والعالم طاشه بالبر … المهم اهى معلمة تربيه فنيه وماجستير اختصاص صعوبات التعلم