السلام عليكم بنيات
خلونا نسولف عن المواقف الي تصير بالسياره مع رياييلنا
اكره شي عندي و اموت خوف لما يعصب ريلي بالسياره
لانه يسوق بينون و اخاف ينزل و يتهاوش
حتى تخلص السالفه و بسرعه يطخ ابقى انا مطنقره و اعصابي مشدوده
مت و انا اقول لا تعصب و انت تسوق بس ماكو فايده
منو فيكم ريلها مثل ريلي ؟
و صار لج موقف ما تنسينه بسب عصبيته بالسياره ؟
ناطره ردودكم
آنا
ريلي وايد يعصب اذا ساق
ويوم من الايام بعيد زواجنا … رايحين نتعشى انا وياه بره ( كاشخ وانا كاشخه … المقروده ) المهم لف عليه واحد … وسفطنا وسفط الحبيب اللي لف عليه وصارت بينهم وانا قاعده بالسياره ووقفوا الدائري الخامس
المهم ما قدرت اصبر … ونزلت من السياره وفاججت مع الرياييل ولو مو انا جان انطق
وحسافه لي يومكم وانا متحسفه (( لو مخليته ينطق عشان يتأدب ويتوب ))
وعقبها رحنا المخفر وسجل قضيه … وبعدها رحنا البيت وغير ملابسه وردينا طلعنا
وطلع العشا من جبدي … حتى كنت قاعده اتعشى وانا اتصنع الابتسامه ومااااااااااااالي خلق كلش
@@ ؟؟ و الله هذي المشكله
كل ريايل الكويت يعانون منها .. كله معصبين و متنفرزين
يا ويله اللي يلف عليهم و لا يسويلهم شي .. لازم كل واحد يفرد عضلاته
اي والله كرهونا بالطلعه معاهم من تحلطهم لما يسوقون … اتوقع حتى لو يعطون ريلي طياره يتهاوش مع باجي الطيايير
واي بناااااات وانا اقول ليش كل واحد يكش علي ولا يصرخ علي بالسياره خخخخخخخ
اثاريهم يعصبون بالسياره حتى من ولا شي !!!!
فوفه انتي نكته على النزله لوووووووول اشلون نزلتي واييي انا ما أأأأأأجرأ
فوفه
اقتباس:
آنا
ريلي وايد يعصب اذا ساق
ويوم من الايام بعيد زواجنا … رايحين نتعشى انا وياه بره ( كاشخ وانا كاشخه … المقروده ) المهم لف عليه واحد … وسفطنا وسفط الحبيب اللي لف عليه وصارت بينهم وانا قاعده بالسياره ووقفوا الدائري الخامس
المهم ما قدرت اصبر … ونزلت من السياره وفاججت مع الرياييل ولو مو انا جان انطق
وحسافه لي يومكم وانا متحسفه (( لو مخليته ينطق عشان يتأدب ويتوب ))
وعقبها رحنا المخفر وسجل قضيه … وبعدها رحنا البيت وغير ملابسه وردينا طلعنا
وطلع العشا من جبدي … حتى كنت قاعده اتعشى وانا اتصنع الابتسامه ومااااااااااااالي خلق كلش |
لوووووووووووووول ماشالله عليج قويه
اعتقد ريلج وايد عصبي حتى اكثر من ريلي
لان ريلي لو شنو مو ممكن ابدا ينزل يتهاوش و انا معاه لو شنو على الاقل للحين ما صارت
و ان شالله ما تصير مجرد سالفة الخز تازمني نفسيا فتخيلي الوضع
لوووول نازله ما تقولين تحصلين طراق ولا عقال بالغلط ؟ اعتقد لو اني انزل بينهم
باخذ كف يفر عقلي مغ سبق الاصرار و الترصد
لوووووول اشوا لحقتي قبل الطق يا معوده لو مطقوق جدامج جان انكسر حمدي ربج انه ما انطق
بس شهالحره الي فيج خخخخ متحسفها ها ؟
سالفة الطياره عجبتني خخخخخخخخخخخ
تشوكليت مارشمالو
اقتباس:
@@ ؟؟ و الله هذي المشكله
كل ريايل الكويت يعانون منها .. كله معصبين و متنفرزين
يا ويله اللي يلف عليهم و لا يسويلهم شي .. لازم كل واحد يفرد عضلاته |
مريتي بموقف جذي ؟
و شلون تصرفتي ؟
مسكاكا
اقتباس:
واي بناااااات وانا اقول ليش كل واحد يكش علي ولا يصرخ علي بالسياره خخخخخخخ
اثاريهم يعصبون بالسياره حتى من ولا شي !!!!
فوفه انتي نكته على النزله لوووووووول اشلون نزلتي واييي انا ما أأأأأأجرأ |
لوووووووووووووول
منو يكش عليج ؟ امبيه لا ويصارخ عليج لوووول
تصير ان حريم جليلات حيا ما يعرفون يسوقون و لسانهم يلط اذانهم
هذيله جاهلون وانتي سلاما
عاد تدرين انا ريلي راكد بالسيارة بس انا وايد اتنرفز واحاتي واتحلطم لانه يقولي انا واثق من سياقتي
سب مادري ليش لو قربت سيارة او لفت تلف من صوبي مو من صوبه والطيب مايوخر>>> اقوله عشان مون صوبي ماتوخر؟؟؟؟انقهههههههههههههههههههههههههههههههههر
لووول
ام دعيي يالغاليه
ترا ممكن تدودهين الريال و لا سمح الله يصير شي
اذا اهو راكد و الحمدالله انتي لا تشيشينه او تنرفزينه
شغلي نفسج بالسوالف بالرادو بالطريج مو تراقبين السيارات علشان لا تنقهرين
ولله لو انا ريلج جان لزقت شفايفيج بتيب لوووووووووول
لاني لما اسوق ريلي جذي يتحلطم احس ببجي و اتنرفز لووول
اتغشمر مو تزعلين
انا ريلي ما تحلاله النقاش الا بالسياره
والمشكله ان مساحه السياره من الداخل حييييل صغيررررره فالصوت يصير عاااالي واذوني تنبط من صدى صوته
ما اقول الا الله يعينا ويصبرنا
انا ريلى خل واحد بالغلط يلف عليه وطالعى الالفاظ لاحول ولاقوة الا بالله ……… عيزت وانا اقوله الله يهديك ماله داعى هالالفاظ يقولى يبطون جبدى والمشكله سواقته اتجيب الجدرى وكله عكس السير يمشي ويطلع الرصيف وانواع الافلام
آنا شكلي بدش دورة كرتيه
اقتباس:
انا ريلي ما تحلاله النقاش الا بالسياره
والمشكله ان مساحه السياره من الداخل حييييل صغيررررره فالصوت يصير عاااالي واذوني تنبط من صدى صوته
ما اقول الا الله يعينا ويصبرنا |
حياتي انتي
الله يعينج
اهم شي تحافظين على برودتج لان خطر الانفعال بالسياقه
لا تنرفزينه و لو ودج تردين عليه لا تفقدين اعصابج انتي بعد
اقتباس:
انا ريلى خل واحد بالغلط يلف عليه وطالعى الالفاظ لاحول ولاقوة الا بالله ……… عيزت وانا اقوله الله يهديك ماله داعى هالالفاظ يقولى يبطون جبدى والمشكله سواقته اتجيب الجدرى وكله عكس السير يمشي ويطلع الرصيف وانواع الافلام |
اتخيل وضعج
انا من النوع الي اخاف من عصبيته
سواء علي او على غيري !!
فمجرد ما يعصب على غيري انا اتنرفز و ابرطم و اتضايق و اتوتر
بعد اعتقد انتي جذي بس ما يصير جذي يجازف بعمركم شنو عكس السير !
اقتباس:
المشاركة الأصلية كتبت بواسطة فوفه
آنا شكلي بدش دورة كرتيه
|
لوووووووووووووووووووول شناويه عليه
عشان الهوشه اليايه أقوم بالواجب _03ba:
لوووووووووووووووووووووووووووووووووووووووووول
يا معوده نطري توقفون بالسياره عدل بعدين توليه
و لا تبين تفزعين له ؟