الوسم: السليف

السلام عليكم ورحمة الله وبركاته

شلونكم متحورات ومتسيفات انشاء الله تكونون بالف خير وصحه وعافيه

بنات انا ودي اسوي هالعمليه ومحتاره بين هالعمليتين ياريت الي
مسويه التحوير تذكرلي مميزاته ومساواه وياريت الي مسويه السليف او القص الطولي للمعده تقولي بعد عنها

اانا اخاف اسوي التحوير لانها صعبه
واخاف اسوي القص الطولي للمعده او السليف وماتنفعني واتخسر عالفاضي مثل ماتخسرت بالحلقه لاني مسويه الحلقه ما انفعت وياي كلش
بنات بليييييز تكفون انصحوني بذمه وضميييير ولاتسوووون دعايه بموضوعي لاي دكتور لان حرام عليكم جذيه
كذا بنت انصحتني بالحلقه وكاهي ما انفعتني بشي حرام عليكم جذيه
تسووون دعايه ما ادري شنو ابتستفيدوووون
لان كل كلمه بتكتبينها الله راح يحاسبج عليها

الله يعافيكم لاتنسوني بالدعاء والله موطالبه منكم الا انكم تدعولي
ان ربي يكتبلي الخيره في العمليه المناسبه لي
ويرجعني لعيالي وزوجي واهلي بصحه وعافيه وارجع لبيتي سالمه
لاتنسوني بدعواتكم

نسيت اقول انا وزني 111
وطولي 159

واكلي مو وايد واحب اكل حلو
واخاف اذا سويت سليف ما تنفعني لاني اكل حلو
لان تغير المسار هي الحل الوحد للي يحبون الحلو
وودي اسال الي مسويه السليف هل تاكل حلو عادي ولانفس تحوير المسار تكرهين الحلو
عفيه بنات لان عمليتي مابقى لها شي انا مختاره تغير المساي ويمديني اغير اذا اسليف ولااضل عالتحوير

هلا اختي
انتي ردّيتي على نفسج , انا دايم انصح بالسليف للي ما يحبون الحلو , لكن لو تحبين الحلو توكلي على الله وسوي تحويل المسار , حرام ترجعين تسوين عملية وتتعبين وماينزل وزنج الي تبينه

مو لأن السليف ما ينفعج ,, لأ راح ينفعج ان شاء الله لكن الأكيد انه ماراح يوصلج لوزن الي تبينه لأنج ببساطة راح تشربين عصاير كثير وراح تاكلين حلو هالأكلات تمشي بسرعة بالمعده وتقدرين تزيدينها وراح توقّف وزنج .

نسيت اقول لج , انا مسوية تحوير مسار والحمد لله منعني من البيبسي اول سنة عدل , ولي الحين مع اني اقدر على البيبسي لكن ما اقدر اشرب اكثر من واحد باليوم الواحد

وأمي مسوية السليف من 3 شهور وهي الحين تلوع جبدها من الكاكاو شوي ومن الحلو الدسم , لكن من العصاير والحلو الأكواب الصغيرة مال خباز وسابليه تقدر تاكلهم وابتدى وزنها ينزل بطيء . الله يستر

ربي يكتب لج الخيرة ويسهل امرج وأي محتاجته حاضرين

lمشكوووووره حبيبتي البنفسج عالرد بس احس اني متخوفه من تحوير المسار وودي عالسليف
مع اني احب الحلو بس بحاول امسك نفسي
بس وييين البنات الي مسويات السليف
ابي تجاوب معاهم تكفون

الله يوفقج حبيبتي بس ماعندي خلفيه انشاء الله البنات يفيدونج

استخيري الله اول والله يكتبلج الي فيه الخير والصالح انا كنت ابي سليف غيرت رايي سويت تحوير لأني اموت بالحلو بس الصدمه بعد العمليه اكتشفت اني اقدر اكل حلو عادي مايتعبني يتعبني الأشياء الدسمه بس مو متحسفه اني مسويه تحويل مسار الحمدالله

مشكوووره حبيبتي

حياتي قرنفله متى سويتي العمليه ؟؟ وجم معدل نزولج فيها؟؟؟ وودي اسالج هل العمليه هذي تسبب لج تعب ودوخه ومومثل صحتج قبل يعني صج اذا باقل مجهووود تتعبين منه
انا اهم ما علي صحتي؟ لاني ما ودي اني كل يومين احس بتعب وفقر دم واتعب حتى لو بمجهود بسيط

ووووووووووووووونكم بنات
شدعوه ليش محد يرد علي
ابي الي مسوين سليف ويييينكم