السلام عليكم ورحمة الله وبركاته
خواتي ياليت كل وحده ولدت خلال هالسنه او 6 شهور الماضيه
وعساه مبروووك تفيد الكروشات
بتجربة الولاده بالمستشفى الخاص اللي ولدت فيه والاسعار ورايها فيه
والله يجزاكم خير حبيباتي ويهون على كل الكروشات ويقومهم بالسلامه
اذا تدخلين تجمع الحوامل راح تلقين كل وحده كاتبه تجربتها بتجمع المستشفى اللي تبينه
بس هم بتكلم عن نفسي
ولدت برويال حياه شهر 3
والحمدلله ربي سهلها علي و المستشفى على كثر ما قالولي شكل عالفاضي طلع العكس
مهتمين عالاخر و ماتحسين انج بمستشفى من كثر الهدوء اللي فيه و السسترات كل وحده نفسيتها احسن من الثانيه تبارك الرحمن الله يتمم عليهم
فان شاء الله على طول بكمل معاهم
اختي توها والده في رويال حياة
و الله تمدحهم و تمدح عنايتهم و تقول هدوء كأنج في فندق و تمدح كمامهم
بس تقول ان غالي يحاسبونج على كل شي حتى عدد الكراسي للاستقبال
انا ولدت ب دار الشفا قبل سنه كان سعر فاتورة ٦٥٥ بالضبط
وغرفة خاصة عاديه اخذت جونيور حلوة ومريحه
والولادة الحمدلله كانت سهله علي
وسسترات هم زينين
الحين حامل براجع عقب اسبوع بشوف
أسعار نفسها او زادت بأخذ ورقة تبع ولادات وأسعار
لان ولادتي شهر ١ تقريبا الله يسهل ان شاء الله
baa6aa
مشكوورة اخيتي ماقصرتي
decemberq8
فديتج يالغاليه شكلي بحط رويال حياه ضمن القائمة
Ranoon
جزاج الله خير حبيبتي استفدت منج ولادتج معاي بنفس الشهر الله يسهل علينا وعلى كل الكروشات
اب وينكم بنات فيدووونا
انا ولدت برويال حياه مرتين يهبل ومافكر اول بغيره
ولادتي الاولى كلفتني بحدود 3800
والثانيه بحدود 2500
بس انا كنت ماخذه اجنحه الدور السادس في الغرف وجناح الكاميليا على 750 اتوقع
رويال حياة حلو حيل حتى الغرفه العاديه جنها فندق بس غالي غالي غالي يحاسبونج على بيالة الجاي بس يستاهل راحه نفسيه بعد الولادة انصحج فيه
الهادي رخيص بس الغرف العاديه مو ذاك الزود وجنهم حكومه الا انج تاخذين غرفi كشخه بس يزيد السعر
دار الشفا بالنص لا غالي ولا رخيص وغرفه زينه بعد
انا ولدت قبل سنه بالسلام
خذيت دسمان 8 يوم واحد و3 ايام بغرفة عادية
كلفني مع الولادة 2500 لان انا قيصرية وقعدت ايام زياده
الستترات يهبلووووووووووون وايد وايد حليوين
انتيكا واشواق وزبده
يعطيكم العافيه خواتي ماقصرتوو
كفيتوو ووفيتوو
بنات في احد جرب المواساه وشلون غرفهم كبيره وﻻﻻ؟
واﻻسعار شلونها ؟
ابي وحده ولدت قريب بالمواساه
مستشفى رويال حياة
الاسعار اذا الدكتورة من برا المستشفى
طبيعية
ليلي/ 450/
كاميليا/750 /
ياسمين /1750 /
لوتس/ 2750 /
اوركيد بدون حديقة /3300 /
اوركيد مع حديقة/ 3600 /
هذي اسعار اليومين طبعاً والقيصرية ثلاث ايام
وهذي انواع الولادة الثانية بنفس الترتيب
بالمساعده 525 / 825/ 1825/ 2825/ 3375 /3675 يومين
قيصريه 725 / 1415 /2650 /4100/ 4800 /5200 / 3 ايام
اي ليلة اضافية اسعار اضافية
وابرة الظهر برا الحسبة اكيد
يارب يسهل عليكم جميعا ويسهل علي و يرزق كل متزوجة الذرية الصالحة
انا ولدت بالسيف قبل 4 شهور اينن حلووو حيل
قيصري وخذيت 3 ايام بغرفه كبيره تعتبر و يوم واحد بقاعه السيف + حساب دكتوري حيان الاحمد
كله كان 3000 وشي