السلام عليكم ..
بنات اناا عندي سؤال بس منحرجة شوي ..
ااناا اشيل المنطقه الحساسه بشيره دايما وما اشيل بموس بس مادري ليش اعاني من السواد ودي يروح السواد بس مانبي
عارفه شنو استخدم حتى موس ما استخدم عشان يسبب لي سواد .. شنو تنصحوني فيه عشان يفتح المنطقه ؟
حبيبتي انا استخدم كريم بالحوااي واايد زين اسمه كريم الفلبينيات سعره دينارين ونص جذي لاتخافين منه ان يسبب حساسيه هذا كريم قديم وماشفت احد تضايق منه
انا استخدمه حق اباطي بعد نتيجته موصج روعه بسرعه يبين معاج يفتح حييل حتى الحين باباطي مااحط صار ابيض
انا علطول احط حق منطقة البكيني وااايد زين
قوة حبيبتي انا اعتقد انه السواد موجود بسبب لون البشرة يعني مو معقولة بنت سمرة او حنطاوية يكون المنطقة عندها بيضة لازم تكون شوي سمرة مو افتح من درجة الجسم بس لازم تحافضين على نظافة المنطقة وتنشفين عدل عشان ما تتكون البكتيريا الضارة اللي تسبب سواد يعني الاهتمام زيادة على المنطقة افضل من انج تستخدمين كريمات اللع يستر منها فيها مواد كيميائية مثل الكرتيزون خلييج على الطبيعي واستخدمي زيوت طبيعية ونشفي ورطبي المنطقة وسوي سنفرة لها مرة بالاسبوع على الاقل وشوفي النتيجة
شوفي الشيرة تفتح اول ماتشيلين وبعدين تسود …….. قطعي الشيرة وخلج عالموس واللي يقول الشيرة انظف انا ماعتقد لان الموس اول باول تشيلين ولكن الشيرة نطري لين يطول وبعدين شيلية والله فشلة بالريال شكلج جدامة حتى لو شعر نتفة اسمة شعر
ثانيا الموس مايسود جان سود ويوة الريايل كل يوم حالقين ولا جان سود هالاجانب ماشاء الله الاباط يبرق
يمكن تكون صبغة جسمج ومهما حاولتي هذا لونها …. لكن تقدرين تضبطين شوي من االلون لو استخدمتة بيكربونات الصوديوم النقية وبعد قبل النوم دهنيها بفازلين او زيت ….سنفري المنطقة بس مو حيل ….وان شاء الله بتفرق معاج للاحسن
وعلى فكرة مرة بدورة ناعمة تكلمت عن هالموضوع وقالت الكل عندة هالعقدة لكن ربي خلق كل انسان بطبيعة جلد … مثل ما في ناس تعاني من تصبغ وجهها مكان غامج ولا ناشف ولا اي مكان بجسمها وناس لا ……. فهمتي القصد ان البشرات تختلف وانتي حاولي تشوفين اللي يناسبج ..
ترى صح الشيره مع الوقت تسود بس هم الموس يأثر
ان شاء الله الباجي عندهم خبره
اقتباس:
المشاركة الأصلية كتبت بواسطة فرنسا  شوفي الشيرة تفتح اول ماتشيلين وبعدين تسود …….. قطعي الشيرة وخلج عالموس واللي يقول الشيرة انظف انا ماعتقد لان الموس اول باول تشيلين ولكن الشيرة نطري لين يطول وبعدين شيلية والله فشلة بالريال شكلج جدامة حتى لو شعر نتفة اسمة شعر
ثانيا الموس مايسود جان سود ويوة الريايل كل يوم حالقين ولا جان سود هالاجانب ماشاء الله الاباط يبرق
يمكن تكون صبغة جسمج ومهما حاولتي هذا لونها …. لكن تقدرين تضبطين شوي من االلون لو استخدمتة بيكربونات الصوديوم النقية وبعد قبل النوم دهنيها بفازلين او زيت ….سنفري المنطقة بس مو حيل ….وان شاء الله بتفرق معاج للاحسن
وعلى فكرة مرة بدورة ناعمة تكلمت عن هالموضوع وقالت الكل عندة هالعقدة لكن ربي خلق كل انسان بطبيعة جلد … مثل ما في ناس تعاني من تصبغ وجهها مكان غامج ولا ناشف ولا اي مكان بجسمها وناس لا ……. فهمتي القصد ان البشرات تختلف وانتي حاولي تشوفين اللي يناسبج ..
|
يععععععععععععععععععععععععععع .gif "Eh S(1)")
الموس تشيلينه اليوم باجر يطلع ويسوي المنطقه سود السنونو يعني سوده عبده 
انا انصح بلشيره لأن تطلع عقب شهر ومن قال لج انه يطلع شعر وايد يطلع شعر خفيييييييييييف ومايلاحظ ريلج عليج
بالنسبة للسواد والله ماعرف بس حبيت اوضح حق اختي فرنسا .gif "Eh S(6)")
شووفي يا قلبي والله انا بقوولج طريفه وعن تجربه وخذيتها من منتدانا الغالي
واهي الله يسلمج عباره عن كريم سودو مال الاطفاال تلقينه بالجمعيه مكاان قسم الحفاضات ومناديل والمميات
حطي سودو مع زيت اللوز المر مال الجسم تلقينه بالحوااي
خلطيهمم مع بعض
دهني فيه المنطقه بليل قبل لا تنامين
ولما تقوومين الصبح غسليه
صج يووم عن يووم يتلاحظين
والله انا يابت معاي نتيجه روعه
والله مافي نفس الفازلين والسنفره يعني من بياض الرجال بعد هو اسود
ارد واكرر كلامي بشرة عن بشرة تختلف انتي يسودج انا ولا غيري الحمد لله مايسودنا . والنتايج تهبل ولو اني شايفة نتيجة احس ولا غير من الشيرة جان استخدمتها بس انا متاكدة من موضوع انها تسود وسالي اي دكتور جلدية لانى بنفسي سالت د سلامة جبر وقالي انها تسود بعد قترة وقال انها اجرام بحق البشرة (وربي فوقي وبحاسبني عالكلام اللي قلتة )…… وفي ناس تشتكي منة ينفر ويقزز وناس لا وفي ناس من يشيلون باجر طالع وناس عقبة بايام هذي طبيعة تختلف من شخص لشخص حتى شعر الجسم والويهة كل وحدة لها نوعية اللي مشعرة واللي ناعمة واللي يطول واللي يطلع بسرعة وفي ناس ويها وجسمها مبقع وفي ناس لا …حتى الريايل يختلفون واهم الموس على طول بلحيتهم ..وغيرهم لا
وانا اعرف وحدة معرفة شخصية والله تقول بحياتي ماحسيت بشي لاترهلولا يحزنون بس يوم راحت لدكتورة تعاني من التهاب عادي جان تقول لها انتي صغيرة عالترهل اللي فيج شنو تشيلين بشيرة؟؟ قالت اي بس ماحس فيني شي ولا متغير على ردت عليها اكيد ماراح تلاحضين لانج كل يوم تشوفين المنطقة … وسوت لها عملية رفع للعانة وتقول والله ماكنت مقتنعة بس كرهتني بروحي وعقب تقول فرق فرق جان استوعب ان صح اشلون صرت جذية وانا مو حاسة (والبنت بالعشرينات صغيرة) بس تقول ماخلي الشيرة من يوم كنت بنت
والله يتمم عليج نتايج بالشيرة ويتمم علينا نتايجنا بالموس
السلام تجربة صديقتي صارت المنطقة بيضاء بعدما كانت سمراء
سوت تقشير عن طريق وضع كريمات بنسب متساوية وهي
اسرع طريقة لتقشير المنطقة الحساسة ( كريم الدكوين وكريم الفاكورت وكريم رتن اي)
لمدة اربع اياااااااااام وراح يطير السواد
اقتباس:
المشاركة الأصلية كتبت بواسطة سيدة الذوق والله مافي نفس الفازلين والسنفره يعني من بياض الرجال بعد هو اسود
|
:k rkrkr:
ياحلوج ياذووووووووق والله مت من الضحك ,, اى والله صاجه
حبيبتي في تقشير لهالمنطقه يسونه في الخليج كلينك رفيجتي مسويته وتقول بيض المنطقه ! بس انا اقول اتصلي عليهم واستفسري اكثر
هذا رقمهم 25666999
بالاسلام حلق العانة وليس نتفها والنتف يكون للابط
الموس يحلق والشيرة تنتف
واكتشفو طبيا ان الشيرة مع الوقت تسبب الترهل والبرود الجنسي عند المرة
وكل شي من السنة له فوائد نعلمها وما نعلمها ومن اتبعها ماخسر
عليج بصابون الباباياا الي فيها قطع من الحواي تلاقينهاا كل ماتدخلين وانتي بكرامه الحمام استعمليهاا حيل حلوه انا استخدمهاا
انا اللي اعرفه انه الشيره اترهل ماتسود والموس اهو الي يسود انا من صغري كله موس وكان اسود من هديت الموس ورحت حق الشيره فتحت المنطقه معاي بس بعدين سنه وتركت الشيره رحت سويت ليزر بس الحين لاني حملت رديت للشيره بس انا مره كنت قاعده مع مرت حماي ولا اسمعها اتقول حق حماتي اللي يقولج تحت ابيض جذااب اتقول مافي بنات تحت ابيض اتقول حتى لو بيضه وانا كنت اعرف جم وحده لمن اسألهم يقول اقمج اشوي من لونه ومايندرى
