|
|
السلام عليكم
وايد توصلني اساله عن دكاتره معينين بحكم اني مصابه بمرض كرونز
وبطرح خلاصه تجربتي مع الاطباء ويشهد الله انها مو دعايه ولالي اي مصلحه بهالكلام
اولا مرض كرونز عندنا دكتورين بس اللي متخصصين فيه وارتجت معاهم
اولا د معصومه العلي بمستشفي ثنيان الغانم الموجود بالاميري
ثانيا د فهد الابراهيم بنفس المركز
والاثنين ماعندهم عيادات خاصه بس يداومون بالمركز التابع للاميري
شلون تروحون لهم؟
تاخذون تحويل من مستوصف المنطقه وبعدين من المستشفي الخاص بمنطقتكم
تروحون تفتحون ملف بعدين تخطون موعد
ثالثا الجراحين الشطار اللي تعاملت وارتحت معاهم وعندهم خبره خاصه بامراض الشرج
الشرخ الشرجي والنواسير الشرجيه
د خالد العنزي كان بالاميري والحين طلع فتحله عياده هيلث كير كلينك مقابل مستشفي السلام
د صباح الحديدي ممتاز ورجل خبرته طويله وموجود بمستشفي السلام
د باسل السميط ممتاز ود خالد بنفسه وصاني اروحله لم كان مسافر وانا كنت منتكسه
وموجود بالسيف مادري اذا يشتغل بمستشفي حكومي ولالا
وسلامتكم
