الوسم: الانف

شلونكم بنات ابي مساعدتكم منو سوت عمليه استئصال لحمية الانف وعند اي دكتور وشلون بعد العمليه في عوار واذيه عفيه لاني محتاجه اسوي العمليه ضروري صار لي اكثر من عشر سنين كله استعمل بخاخ وخشمي كله مسدود والله تعبت راجعت الدكتور وقال لازم عمليه بس شويه متردده ابي مساعدتكم الله يعافيكم

ماجربت

بس يمدحون د عبدالله العلي

غير كل الناس ….. مشكوره حبيبتي على ردج وبسأل عن د عبدالله العلي ان شاء الله الاقي عنده علاج

انا سويتها عند عبدالله العلي

من سنة2000 وللحين الحمدالله ما عدت اعاني لا من انسداد الانف ولا صداع

انا لحميه وغضروف وتعديل حاجز , عملية جيوب انفيه كامله

كنت اعاني والله من انسداد تام بالانف وصدااع

بس الحين ناادرا ولله الحمد ما اتييني حتى نشله

الدلال حبيبتي بجم سويتيها؟
وتعديل الحاجز الانفي يعني سوالج تجميل؟

الدلال مشكوره حبيبتي على الرد بس حبيت اسألج جم كلفتج العمليه وبأي مستشفى سويتيها واشلون بعد العمليه يقولون اذيه دم وعوار بالخشم صج ؟؟

الله يسلمج انا سويتها بسنة 2000 وكانت بمستشفى الهادي والدكتور عبدالله سواها لي عندهم

وقعدت بالهادي يوم وطلعت من ثاني يووم وكنت حاجزه سويت والعمليه مع الاقامه بالسويت كلفتني 600 د

طبعا من غير سويت يتغير السعر وهالاسعار كانت قبل 9 سنوات

والحاجز اللي عدله لي من داخل يعني كان مايل ويمنع التنفس , ومايبين من برااا لانها مو عملية تجميل ,يعني ماعدل عظمة الانف من برااا والعمليه كانت بالمنظار

الله يسلمج انا سويتها بسنة 2000 وكانت بمستشفى الهادي والدكتور عبدالله سواها لي عندهم

وقعدت بالهادي يوم وطلعت من ثاني يووم وكنت حاجزه سويت والعمليه مع الاقامه بالسويت كلفتني 600 د

طبعا من غير سويت يتغير السعر وهالاسعار كانت قبل 9 سنوات

وما اجذب عليج بعد العمليه شوي تأذيت لان الخشم يكون فيه فتايل بس تنشال ثاني يوم وطبعا في انسداد على مايبرا الجرح

وتتنفسين من حلجج, وبعدها بجم يوم تروحين للدكتور العياده كل اسبوع ينظف لج الانف من الداخل علشان يشيل بقايا الدم ويفتح مجرى التنفس بالتدريج وترى ابدا مع التنظيف ماتحسين بألم بالعكس برااحه لانج واخيرا راح تتنفسين عدل

وراح تظلين تزورينه بانتظام كل اسبوع لعملية التنظيف وبعدها بجم اسبوع راح تتنفسين عدل وبارتياح وكل شي يرجع طبيعي

صدقيني عوار ساعه ولا كل ساعه..راح تتأذين شوي بس راح ترتاحين على طول باذن الله

الزين اختى دلال ما تغير شكل الخشم عندج
وجم مدة العواااااااااااااااااااااااااار يا قلبي

خشمي على حطته الحمدالله ولا تغير شي, لاني مثل ما قلت لج العمليه بالمنظار من الداخل لتعديل مجرى التنفس والغضاريف الحاجز

والعوار حده لي بعد العمليه بجم ساعه ويرووح بالمسكن,, اللي تتأذين منه بعدين طريقة التنفس من الفم لين تروحين عند الدكتور موعدج الاول

للتنظيف وبعدها بالتدريج كل شي يختفي وترتاحين

مشكوره حبيبتي الدلال على التوضيح والحمدالله على سلامتج وعقبالي ان شاء الله انا راجعت دكتور عبدالمحسن جعفر من فتره وشرحلي طريقة العمليه كله بالليزر يعني مافي جرح ولا شي وراح تنشال كل اللحميات بالخشم ويتنظف وقال لي بتحسين بالفرق بالتنفس وهذا اهم شي عندي والعمليه بتكون في مركز الشعب التخصصي وسعرها 1400 صج السعر غالي بس شسوي راحتي اهم … شكلي بتوكل على الله وبروح ادعولي …

الله يسهل عليج يارب ويقوومج بالسلاامه وتفتكين من معاناتج مع اللحميه

طمنينه عليج يالغاليه

يبنات شوفو بقسم العناية بلبشرة خلطة تنحيف الانف شكلها روعة
ومعقولة حدا

تنحيف الانففففففففففف
شلووووون ؟؟؟

احس مايصير

حطي الرااابط لو سمحتي

شلووووووووووووووووووووووووووووووون؟؟؟
معقووووووووووووووووووووووووووووووله؟؟؟

مادشت مخي بعد الخشم خلقة الله وعظم

وي لو الخلطات تضعف الخشم جان بيضتنا

بس للأمااااانه امس كنت اسوي تنظيف بشره بعياده قالت لي الممرضه عقب التنظيف الخشم يضعف شووووي بس لأن الدهون الخارجيه تعطيه حجم اكبر بس عاااد يعني مو فرق كبير وملحوظ

السلام عليكم

يأخواتي واحبتي في الله , انا لدي أخ يبحث عن دكتور تجميل في الكويت بحثت بالسعودية بس مافيه الي يحمس ويشجع لانهم اكثرهم عاديين الاواحد اسمه الحواري عليه زحمه ومايرد وهو بالرياض , عشان كذا اقرب لنا الكويت , وابي استشيركم , الله يحفظكم والله اني لادعي لها الي تجاولبني والله اني محتاجة مره مره الاستشاره منكم ,

اخوي يوم انه صغير دعمه واحد وطاح على خشمه وانكسر , وحاليا فيه ميلان خفيف ومايقدر يتنفس لانام
خشمه حلو هو بس يحتاج عمليه تعديل , والمطلوب شيئين فقط

• دكتور تجميل مظبوط وين مكانه في الكويت اتمنى ذكر التفاصيل
• الاسعار

ملاحظة اخوي عمره 24 سنه حاليـا وباذن الله اتمنى دكتور ممتاز وعندي سؤال عندي اخ كويتي هل يوجد نظام دفع اقصاد يكفلني ؟

اولا حمدالله ع سلامة اخوج مايشوف شر يارب وحالته مثل حالتي اولا اذا تبين نصيحتي روحي لدكتور عاطف علام دكتور وايد وايد يخاف الله بالناس ويشهد علي الله لولا اني ما تاخر علي بحجز موعد عنده ولا جان سويت عمليتي عنده ولا اضطريت افكر بدكتور برا الديره
روحيله وخلي اخوج يستشيره والله يوفقه
نظام الاقساط لا حبوبه ماعندنا للاسف هالانظمة كلش الدفع قبل الرفع ع قولتهم هههههه

up up

الله يجزاك خير ويوفقك يارب ياليت تذكرين لي السعر ,, وتفاصيل عنه الدكتور

الله يسعدك يارب

up رفع

السعر مادري ياقلبي يتحدد ع حسب حالة اخوج واهو عيادته بالسالميه دشي قوقل وكتبي عاطف علام ويطلعلج عنوانه بالتوفيق قلبو

يمدحوووووووووون بالاحساااء
دكتور عبد الله السلمان مستشفى الملك فهد
سوي بحححث
انا تشجعت له و ان شاء الله اختاااااااره

او هذا

الدكتور علاء النجار (مستشفى المغربي بالدمام)

^ شوزفي تجربتها و اسالي لنا ع الاسعار

صراحه ماأشوف اي تفاصيل بحثت عنه ولم اجد المطلوب ياليت تقتبسي معلومات عنه

up رفع

up رفع

up رفع

+ خاب الامل فيكم يابنات الكويت الفلوس جاهزه واذا مافيه بالكويت ابي اروح الى لبنان ؟ وابي استشيركم عن لبنان اذامافيه بالكويت

انا حجزت استشاره عند الصبيح حق بعد العيد
و حجزت عمليتي بعد بشهر 1
و الحمدلله مرتاااااااااااحتله وااااااايد و مو مترددة كلش

ماجد تقي انا امسويه عنده وشغله فرنسي وانتي ماتبين جذي
جربي الصبيح يسويلج نفس خشم اصاله تقريباً..واثنينهم دكاتره مستووووى

انا افضل ماجد تقي … تجميله حلووو اينن … وشفت النتيجه بعيوني…
… للعلم انا دكتوري علي صفر وتجميله طبيعي من غير مايشق لج خشمج كل شغله من داخل…

.

اختي saza
تسلمين والله يتمم عليج بالصحه والسلامه
الله يحقق لك امانيك

اختي caramil
يعني شنو فرنسي كيف شكله ؟؟
وخشم اصاله مايعجبني ما ادري ليش
وياليت يصير خشمج احلي من اللي تبينه يارب
يارب يحقق لكِ امانيكِ

اختي ام حموكشه
تسلمين يارب
وتسلمين علي الرد ب الرساله الخاصه
الله يوفقج يارب
يارب يحقق لج كل امانيكِ

عاجبني خشم ريم بنت الوليد
بعد عمليه التجميل صارت مثل كيم

https://forum.mn66.com/t274055.html

بالصوره قبل الاخيره

ماعرقت انزل الصوره بروحها

انا جربت خالد الصبيح وماشالله حلو شغله وحده طبيعي وناعم

هلا سمو الاميره
شنو مشكله خشمج قبل العمليه
وشنواللي سوااه لج

ومبروك علي الخشم اليديد تتهنين فيه يارب

مرحبااا بنااااات كيفكم………

عندي مشكله في الاااااانف وسبب كان حااااااادث من كنت صغيره وسبب لي كسر في غضروف وسقوط في مقدمه الانف يعني في بدايه الانف مافيه عظم ورحت لااكثر من دكتور والكل قال احتاج عمليه بس والله محتاره وعندي كم استفسار

اول شي العمليه هل راح تكون من الداخل او الخارج
ثاني شي قال لي دكتور راح احتاج عملتين في نفس الوقت وقال راح ياخذ من شحمه الاذن بس من خوف ماسالته كثير وقال الانف راح يتحسن كثير…….

وعمليتي ان شاءالله بعد شهر بس مره خاايفه

وبسويها عند دكتور عندنا بالسعوديه اسمه عبدالله السلمان…….
ومشكوررررررررررررين

وينكم

يعطيك العافيه اختي على الرد

بس ابي اعرف الاصعب عمليه تكون من داخل او الخارج

وقال ياخذ من شحمه الاذن ليش ابي اعرف…….

مشكوره حبيبتي

حبيبتى ادخلى على النت وشوفى افضل اطباء عمليات الانف بالسعوديه او اكتبى اسم المدينه

واقرى الردود والتعليقات كلها المكتوبه عنه ولازم تحصل له سى فى على النت

وان شالله ترجع انفك احلى مما تتخيلى

حبيبتي الله يسهل عليج بالنسبه للعمليه الاحسن من الداخل وبالنسبه لشحمة الاذن راح ياخذ من الاذن غضروف مو شحمه ويسويلج زراعه ولاتحاتين ان شالله سهالات بس سئلي عن الدكتور عدل هذي عمليه مو لعب

مرحبا
حبيبتي موفقه انا مسويه عمليه لخشمي والحمدالله الحين من احسسسن مايكون وموفقه ولا تخافيييييين وطمنينا عننننج

حبيبتي ماتشوفين شر
استشيري واسئلي اكثر الله يسهل عليك يارب

يوم قلتي الاسم تذكرررت دكتوري
عبدالله السلمان اذا هو اللي بالهفوف سعودي بمستشفى الملك فهد تقصدينه فهو اللي انا كنت مسويه عنده

انا سمعت عن السلمان اللي بالحسا يمدحونه مره الله ييسر لك يارب

استخيري وتوكلي على الله

انا غندي انحراف ومشاكل بسبب عمليتين فاشلتين وان شالله بسوي والله يكتب الخير يارب

اختييييي ام غماااااااازه
دوختيني عليك
انا مسجله عشانك لأن عندي موعد عمليه مع الدكتور عبدالله السلمان ان شاءالله قريب
وانتي مسويه عنده
ابغي استفسر منك شوي
ارسلي لي ايميلك ولا رقمك عشان الواتس ولا اي شي المهم ابي اكلمك ياااابعدهم

يارب يارب ياااااااارب تشوف كلامي لأن ما اقدر ارسل لك عالخاص لسى جديده

هاي بنات انا مقرره اسوي الحاجز الانفي عندي في اعوجاج ابي اسال احد سمع عند دكتور زين بمستشفى الاتصالات ياليت تفيدوني بليييز

دكتور عبدالمحسن ابراهيم دكتور ممتاز واختي مسويه عنده عملية تعديل الحاجز الانفي وتجميل بعد
والله انه شغله حلو وخفيف ومافي ازرقاق ولا انفاخ وايد وما تعبت الا من البنج وعيادته يوم الاثنين رقم 5 دشي عليه وقوليله ابي لامانع وروحي اخذي رقم من الرسبشن

ام كادي انا مسوية عند دكتور عبدالمحسن ابراهيم خوووووووووووووووش دكتور ومسوية نفس العملية اللي تبين تسوينها
توكلي على الله حبيبتي وبالسلامة

تعالي اهني اكيد بيفيدونج البنات
https://www.q8yat.net/showthread.php?…=1#post6346330

شاكره مروركم ياعسل بس بسال الدكتور عبدالمحسن ابراهيم مواعيده مبجر والا متاخره وجم ياخذ اذا بسويها بالمستشفى نفسه واذا بره والفتايل تعور لما يشيلها ؟

؟؟؟؟ وينكمممممممممممممممم

حبيبي الدكتور موعيده الصبح منالساعه 8 لي 11 اعتقد وسويها بنفس المستشفى وما ياخذون منج ولا فلس الا 10 دنانير تامين عالغرفه ويردونها لج بس يحسبون علي كل يوم تقعدين في بالمستشفا دينار واحد بس والفتايل ما تعور بس شويه وخز خفيف توكلي علي الله ولا تختارين غيره

يسلمو الطاهره يا قلبي زين والدكتور مواعيده قريبه والا بعيده لو بروحله الاسبوع الياي تهقين متى يعطيني موعد

والله المواعيد مو بيد الدكتور عند البنات ملوت المواعيد يعني اختي عطاها موعد عقب 4 شهور تقريبا بس يمكن في مواعيد اقرب ما تدرين روحي وشوفي

مشكورين حياتي الطاهره ميخالف اشوف الصوره قبل وبعد عشان اطمن عالخاص والله شجعتيني :**************

بنات منو سامعه عنه بعد زين هذا اسمه عبدالمحسن ابراهيم هذا غير عبدالمحسن جعفر ؟

انزين عندي سؤال….

يعني انا اذا ابي اسوي عملية عنده…..في شروط معينة؟؟؟
ولا شنو….قاعدة اسأل لأن ريلي عنده نفس مشكلة الأخت…خشمه عوي…وعنده لحمية..وموراظي يراجع ولامكان…
بس ابي اعرف شنو الخطوات اللي لازم اتبعها….؟؟
وشنو الشروط المطلوبة؟؟
وشكثر يطول موعد العملية؟؟
وسلامتكم…

الأخت اللي تسأل عن دكتور زين للأنف والا1ن والحنجرة الدكتور منذر العجمي بزين وله عياده الخاص بهيلث كير

انا واختي مسوين عملياتتجميل عند دكتور شاطر شاطر شاطر وعنده لقب دولي اسمه الدكتور منذر وعيادته بهيلث كير……..روحي وماراح تندمين ابد والاسعار والمواعيد ممتازه

كل الدكاتره الي بمستشفى زين يحولون الحالات الصعبه على الدكتور منذر العجمي وآنا وحده منهم كنت عند الدكتور خالد الصبيح وحولني عليه وبنت خالتي راحت للدكتور جمال الحربي وبعد حولها عليه ….. والحين فتح له عياده خاصه في هيلث كير واسعاره ممتازه وأسلوبه روعه والمواعيد مثل ما تبون ….. وبعد قريت في مدونة ثانية ان عنده لقب أفضل دكتور عربي في تخصصه وأهوا الدكتور العربي الوحيداللي عنده هذا اللقب وحتى على مستوى الخليج كله

السلام عليكم خواتي

انا بخرم خشمي بحط زمام بس وين وانا خايف من الالم الي تعرف احد يدها خفيف او اي صالون يقدر سويها

وشكرا

وعليكم السلام يا قلبي
حبيبتي في بالمهلب الصيدليات لاتروحين صالونات روحي الصيدليه اضمن
بس نصيحه لا تحطين زمام
وحده من رفيجاتي حطتها تأذت منها يطلع معاها خراااج
تحياتي لج

نصيخة لا سووينها بالصالون لان ينقل الامراض اذا لي هالدرجة عاجبتج سويها بالطبيب

المشكله اي طبيب ابي بنج موضعي
والله حييل بخاطري فيها

يسونها بالصيدليات حبيبتي مو صالون بنت خالتي مسويتها بصيدلية النقره وكل صيدليه يسويها لج ويحطلح خزامه كرستال حلوه بـ7 دينانير بسديري بالج لاتروحين صالون وماحيتاج بنج ماتعور نفس خرمة الأذن

بالصيدليه يسونها حتى انا خاطري اسويها وان شالله مامنها خوف نفس خرمة الاذن

أنا سويتها بس غلطتي أنه بصالون سويتها وخربت لي خشمي وأنتفخ صار شكبره وعانيت منها لين قطيتها

ووالله ودي أرجعها بس خايفه يخرب خشمي عاد مرة وحده ..

نصيحة لا تسوينها ألا بصيدلية وإذا على التخدير هو يحط لج وترى ما تعور بس وخزة خفيفة ..!

آقووول خشمج وآيد يشكي آلحآل ويبي زمآم علي قولتج ليش هآلعذآآآآآآآآآآآب تقظين خشمج وتلعوزين عمرج آشتري لج زمآمآت= جمع زمآم هههههههههههه لصق يبيعوونهم يلصقوون عآلخشم وشزينهم بلا قظوظ ولا عوآر رآس بآجر تكبرين وخشمج مقظوظ شكلج موحلووو وتتحسفين" هذى رآآيييي وآنتي كيفج

والله يا قلبي انا بنات عمتي سووهاا بالصيدليه وتهبل عليهم حيل حلوه

وانا ودي بس ابوي حالف ما نحط

هلا وغلا إختي .. أنا قاضه خشمي من سنتين بصيدلية الفروانية إللي يم الجمعية عند دكتوره هناك .. ولا يبيله تخدير ولا شي .. بس إتحسين بنقزه خفيفه .. وإذا على نصيحتي للخزامة أنا شريت خزامة ذهب عادييييييييييييييييييييييييه من السوق بثلاث دنانير وبعدين مليت منها وقمت أحط ستيكرز خزامات بنص دنانير أقدر أغيرهم كل يوم ..

أتمنى إني فدتج .. وإذا عندج أي سؤال أنا حاااااااضرة

انزين بنات لاشلتوا الترجية مادري الخزامة يبين القظ مال الخشم يتروالي فشله!! ولو تحوشكم فلونزا بتطلع بلاوي من هالقظ لوووووووول

الصيدليات أحسن

عاد كنت حاطه ترجيه سنتين بس تحت شفايفي (سويتها بانجلترا) بدون تخدير وما حسيت بشي مع إني خوافه

بس شلتها قبل أكثر من سنه والأثر ليلحين موجود (آنا عندي عادي الأثر بس أمي!!)

تعور حيل جربتها بصيدلية جمعية الفروانية
ومادري عقب تحسفت اني قضيت خشمي
شي موطبيعي الم ومابي الوع جبدج لو اقولج ماتعرفين تنظفين خشمج عدل هههههههه
شي عوااااااااااار
مشتاقة للخزامة بس كل مااتذكر العوار اهووووووون

من غير انفلونزا كله ارف مادري انا كرهته حيل من هالسالفة

بس كشكل حلو لو لزق ثابت احسن لج

والله لا قرف ولا شي ،، بالعكس شي حلو وأنا بالنسبه لي شي يزيد البنت أنوثه .

قووه بنات هذا تجمع حق الي مسوين خشومهم فريش حق نتواصل مع بعض
ونقارن تغيرات الي تصير للأنف لين 6 شهور

انا خشمي الحين وارم من تحت عند الغضروف وكل يوم او يومين اشوفه غير والفتحات تغير
بعد ومره منتفخ ومره فاش

والغرز ماشلتهم الانه دكتور ايلي غاريوس قالي يذوبون من نفسهم
انا الحين صارلي شهر واحط لزقه قالي دكتور اشيلها بعد 15 يوم بس انا ماشلتها حاطتها للحين عادي؟؟؟

وانتوا قولولي شصار عليكم ومع ذكر اسم دكتور

اختي وش كانت مشكلتك قبل العمليه وكم تعطين الدكتور من 10 وكيف التغير اللي صار لك انا انصحك تسوين زي ماقال الدكتور بالضبط اذا قال شيلي الللزقه شيليها

وحطي مره واشربيها عشان يفش بسرعه ماجربت بس البنات كلهم يقولون

انا سويت عمليتين من زمان مره تعديل انحراف وفشلت ولعب بخشمي وكسره كثير تنصحيني اسوي عن ايلي غاريوس؟

Up

للرفع

والللله موضوووعج حددده يا بوقته
اول شي الحمدلله ع سلامتج
انا انشالله بعد الاستخاره بروح اسوي خشمي عند ايلي غاريوس
لاني غسلت ايدي من بشار رباح ماراح اقدر اسويها
حبيبتي راح احقق معاج
شنو مشكلة خشمج؟ ومتى سويتي العمليه ؟؟
شلون شغله مبدئيا عاجبج ولا ؟؟
جم كلفتج العمليه؟
اهم شي شلون نفسيته؟؟؟

وووو
ميرسي لإلك

انشالله يوم السبت افك الخياط والاثنين اشيل الجبيرة

الله يستر

قولي لنا عن تطورات موتنسين

ان شاءالله تروحين وتسوينها ويطلع مثل ماتبين وتبشرينا وتلحقينا بلتجمع امين

مشكلته عندي عظمه ناطه وبردتها..24-2 سويتها
شغله حلو ومرتب اهوا مسويه لي طبيعي مومبين انه مسويه عمليه يعني خشمي مومعضض
كلفتني 1500 دولار
نفسيته حلوه ارتحت له

مشكلتي كان عندي عظمه ناطه وبردتها
اعطيه 10
خشمي مبدأيا عاجبني بس يبيلي انطر عليه الانه بعدهوارم وبعد جدامه تغيرات لجدام ماراح يثبت شكله
اي انا سويت جذي اسوي كمادات مرره وبعد اشرب مره اهوا خفف لي بس ماروح لي الورم اما اثار عمليه الزراق راح
انصحج تسوين عنده اذ تبين خشم طبيعي اما اذ تبين خشم مرسوم رسم بشار رباح"

اول عمليه سويتها عند روجيه الخوري سنه 2024 وسوالي العظم اوكي وعدلي الانحراف بالحاجز الانفي وصغرلي الفتحات بس ما ضبط الغضروف عندي الغضروف اشوي ناط سواها لي اب 1500
وتوني سويت عمليه ثانيه تاريخ 5/3/2011 عند الدكتور الفرنسي اريك بلوو سوالي الغضروف بس اب 1800

متى الارنبه اتفش انا ليلحين ماصارلي شهر

لان لي نهايه اربعه عندي عرس ارفيجتي

تتوقعون يفش؟؟

انا صار لي اسبواع من سويتها تقريبا بكره صباح راح افك جبيره ان شاءالله………….

المووضووع نااايس
صار لي شهرو 3 ايام من سويت عمليتي يعني عديت المرحله الصعبه الانتفاخ خف كثير عن اول ماشلت الجبيره الارنبه بدت تخف شوي اقدر المس خشمي عادي ما يألمني مثل قبل وللحين احس مو ثابت شكله لوول وفي شي مخوفني من فوق في العظم في جانب منتفخ اكثر من الثاني يعني احس في عظمه ناطه يمكن عشان توي صار لي شهر مع الايام تخف هالعظمه ويصير اووكي
وعندي مشكله ودي اسئل الا مسوين عمليه لووول كيف تتثاوبون ؟؟ والله انها مشششكله ويألمني خشمي لما اتثاوب وبالعناااد كل خمس دقايق اتثاوب لووووول
وحمدالله على سلامتكم وان شااء الله النتيجه تعجبكم

انة سويت خشمي بعد ما قعدت سنتين ادور واحوس بالنت وآخر شي توكلت على الله وسويته عند دكتور بشار رباح تاريخ 12 مارس وبصراحة هالدكتور الله يحفظه شاطر وعارف شغله

انا بخاااطري اسويه عند بشار رباح

بس ماادري على الاوضاع الحاليه بالسوريا شنوو …؟؟؟؟؟؟؟؟؟؟ظ

انا دزيت ايميل حق بشار رباح قال ان ليلحين يسوي عمليات
ومافي شي عندهم بسوريا
بس منو نصدق
اهو يقول كلام وبالاخبار كلام ثاني

انزين بنات منو تعرف دكتور لبناني اعتقد بدبي شنو اسمه؟

السلام عليكم بنات

كيفكم أن شاء الله بخير

بخش بالموضوع دوغري
انا من السعوديه وناويه أسوي تجميل لانفي
يمدحون لبحرين عند دكتور جانج الهندي
كثيررر شفت مدح له
بس خايفه يحوسني لا ن خشمي من فوق. متساوي ومافي عضمه بارزه بس كبير من تحت عند الارنبه

الله يخليكم اللي تعرف عنه شيئ تقول لي لا تبخل

وربي راح ادعي لها من كل قلبي

واللي تعرف دكاترة كمان شاطره تقول لي

تكفون لا تطنشوني

وعليكم السلام ورحمة الله وبركاته
ان شاء الله البنات يفيدوج
اني اللي اعرفه دكتور لطفي زاده اللي بايران شاطر وان شاء الله اسويها عنده
وحتى من اتصلت بيه اسلوبه كلش راقي وهو هم يتصل بيج ويفهمج
اتمنالج الموفقية والاختيار الاصح

هلا فيك اختي

انا سعوديه ممنوع أروح لإيران

الله يتمم عليك وتنجح عمليتك يارب

ومنو اللي غص عليج وقالج ان ممنوع السعويين يروحون ايران .. لو صح جان السعوديه بعد منعت الايرايين يروحون السعوديه .. وعلشان تتأكدين ان كل هالكﻻم عبط ابخرابيط دقي على مكاتب السفر والحمﻻت وسأليهم اذا ممنوع السعوديين يروحون ايران او ﻷ؟

محط كذب علي حبوبه
اصلا مكتوب بالجواز ان ممنوع ادخل ايران و تايلند ما ادري شالقصه

ااااااااااب وينكممممم

مانصحج تسووووينها ابدا

اول مره اعرف انه في دول تمنع مواطنيها يسافرون لدوله معينه .. حتى امريكا اللي لها مشاكل مع ايران ما تمنعهم يسافرون ايران .. وهذي حريه شخصيه شكو يمنعونكم .. وبعدين اشلون شيعة السعوديه يقدرون يسافرون ايران وانتم ﻷ؟!!

اول مره اسمع فيه
هندي جنسيته
ايران مو حلو تجميلهم دماااار فتاك
يسوون لك خشم هم مخترعينه لا يمت للطبيعة البشرية بأي شي
وصدقيني لو سوا لك دكتور خشم مرسوم ومرفوع مراح تتقبليه لان بيطلع شكلك مو بشري
شوفي ماشاء الله البنات يحطون صور خشومهم بعد العمليات بإيران كبي بيست من خشم مايكل جاكسون صغير وطائر بالسما من الرفع
أنصحك دوري دكتور يشيل العيوب فقط ولا يغير لك من شكلك الطبيعي
وعلى فكره حقين ايران يسوي من راسه كل واحد له ستايل معين ما يسوي اللي يناسبك
ويكفي شوفي فناناتهم وعارضاتهم خشومهم تخوف

حبيبتي اذا لقيتي دكتور شاطر بالسعوديه قولي لي عجزت وانحولت عيوني وأنا أدور واحد شاطر

كلام اختي جوجو صحيح 100 ب 100

ماحب تجميل ايراااااااااااااااان ابدا

أهلين حبيبتي
ايران مو رايحه لها
بس سمعت وقريت عن هذا الدكتور انه شاطرررر أكتبوا بقوقل ياسر الشمري مسوي عنده وحيل عجبني خشمه
ما كانه مسوي تجميل
بس ابي احد مسوي عنده يسأله

جوجو انا دخت وانا ادور كل دكتور له مدح وفيه ذم
بس اذا كانت مشكلت خشمي عضمه اختي كانت كذا ومسويتها عند جمال جمعه وحلو صار بصراحه
انا مشككلت خشمي مو عضمه بارزه انا انتفاخ بالارنبه وشكله معقدني شوي وخايفه يخبصني
أشوف مدح كثيير للحواري بس يقولون راح دبي
ولطفي الدقر

فنان في مشاكل بين الدولتين واذا رحت ايران عن طريق الكويت أو اي دوله ثانيه
راح يعطوني انذار وغير كذا راح امنع من السفر لامريكا واروبا

سياسة دول

الله يعينكم .. انزين دشي هالمواضيع يمكن يفيدج

واخيرا سويت عمليه خشمي والنتيجة طلعت مثل ماتمنيت ~

واخيرااااااااااااا سويت خشمي عند البروفيسور حسام فوده ^_^

وفي مستشفى رويال حياة ييبون اطباء مشهورين زلئرين بين الفتره والثانيه مثل طبيب بيفرلي هيلز ريزا نابافيان وعذا اعﻻن المستشفى وموقع الدكتور

Q8abc.com : Dr. Reza Nabavian – د. ريزا نابافيان

البروفسور ريزا نابافيان من بيفرلي هيلز يزور الكويت – Kuwait Medical Directory With Maps

Rhinoplasty Before and After Photos

هلا بنات اني من اسبوعين كانت عمليتي وللحين في لون ازرق تحت عيني ولون الهالات صارت لونها غامقه

متى هاللون يتغير والورم يفش

وعطاني دكتور لازقات شنو الفائده منها بالليل ولمده 3 اشهر يوميا للانف

ولازم اسوي مساج 3 مرات باليوم وشنو فائدته

ومتى ياخذ شكلها النهائي

ليش يا بنات 50 مشاهده ولا رد