الوسم: الاجتماعيه

هاي بنات

شلونكم

انا اذا ماقدرت اتوظف مكان ثاني اخر امل لي اصير اخصائيه نفسيه لاني علم نفس

وطبعا اتمنى بروضه بس قالولي في اكتفاء بالروضه

المهم ابي الاخصائيه النفسيه تقولي جم معاشها بالضبط مع وبدون قطع التامينات
وشنو شغلها بالضبط هل اهي بس تحدد الطلبه الي يدرسون بالحكومه ولايتحولوون مكان ثاني باختبارات ذكاء ولا اكثر من جذي شنو تسوي بالضبط المتطلبات منها
ناس يقولون تكرف وناس يقولون مرتاحه

وبعرف بالنسبه للاخصائيه الاجتماعيه شنو تشوفين الفرق بينج وبين الاخصائيه النفسيه
واي مرحله افضل
ابتدائي – متوسط – ثانوي مع اني كارهه الثانوي من البويات

محتاجه حيل ردودكم الصريحه
لانا حتمال كبير افكر اشتغل اخصائيه بسبب العطل افضل لحالتي الصحيه

وسؤال اخير في احد مجرب اخصائيه نفسيه بمدرسه خاصه؟

ومشكورين

هلا حبيبتي الاسطورية
حبيت افيدج بس انا مدرسة رياضيات مو اخصائية
انا الي اجوفة انج اتروحين ابتدائي وايداحسن من المتوسط والثانوي وايد مشاكل فيها وتعب وبعد الحين بنات هالزمن ما ينقدر عليهم
والله ايوفقج في مشوارج

مشكوره وانا بعد افكر بالابتدائي بس مادري يصير اختار ولالا

وسمعت بعد عن اخصائيه بالوزاره نفسها مالت التربيه تمر المدارس بس احسهامتعبه

وننطر باجي البنات

الله يعينج عالتدريس
ياحلو عيال شريك

العفو يا قلبي وحاظرين للطيبين

اببببببببببببب

وينكم بنات ادري عندكم خبره بهالامور ردو علي

هلا والله

انا اشتغل بابتدائي عندنا اخصائية نفسيه وحده و 5 اخصائيات اجتماعيات
بس اشووف ان شغلها اهوون من الاجتماعيه بوواجد وان وحده كافيه للمدرسه

بس ان شاء الله ترووحين روضه واذا ما حصل لج رووحي ابتدائي بنات وايد اهون من البنين اللي يهدون الحيل
والله يوفقج ان شاء الله

مشكوره ليالي بانتظار البقيه

روضتنا ما فيها اخصائية نفسيه .. تمر علينا وحده بين فتره وفتره

هم الاخصائية الاجماعيه الي عندنا نفتر على مدارس المنطقه

وبالنسبه حق المعاش .. الي اسمعه من الاخصائيات انه شويه بس جم مادري

مشكوره ليالي بانتظار البقيه

مدرستنا كان فيها اخصائية نفسيه وشغلها اهون بوااااجد من الاخصائية الاجتماعية

مشكورين بنات مادري ليش ردي متكرر
ياريت تدش اخصائيه تفيدنا اكثر

مادري ليمتى اقولا اببببببببببببببببب

ليش ما تروحين مدرسه احسن من الاخصائيه

معااااش اخصائيه شويه اتوقع420 اذا مو اكيد

ماتحمل التدريس وابي اشتغل بتخصصي احلى اخصائيه واريح
ودي اعرف المعاش جم

السلام عليكم قوه بنات
انا راح ادخل على طول بالموضوع وياريت تساعدوني
انا السنه هذي تخرجت ويبت نسبه حلوه انا قريت ان العلوم الاجتماعيه يقبلون من 81 وانا الحمدلله نسبتي 82
وسجلت بالتربيه الاساسيه رياض الاطفال لي الحين ماطلع القبول
مع اني واثقه راح يقبلوني فيه بس من كثر ماسمعت عنه كرهته وودي احول
صراحه حبيت حيل العلوم الاجتماعيه وودي اتخصصه فياريت تعلموني
شنو تخصصات العلوم الاجتماعيه وشنو اقدر اصير عقب كل تخصص
وشلون دراسة العلوم الاجتماعيه وشلون الدكاتره
وله مستقبل العلوم الاجتماعيه يعني اقدر اكمل ماجستير ودكتوراه
انا راح اسحب اوراقي من التطبيقي واقدم على الجامعه تسجيل متاخر يصير ولا لا
بلييييز بنات حيرانه لاتخلوني جاوبو على اسئلتي اذا تنصحوني فيه ولا
اقعد بالرياض احسن مع اني كرهت الرياض وودي احول قبل لا اتخصص
واسفه على الاطاله

وينكم بنات ابي شوركم

للرفع للحلوين

تخصصات العلوم الاجتماعيه

علم نفس <<< اتصيرين اخصائية نفسية

خدمة اجتماعيه <<< اخصائية اجتماعيه

علم اجتماع <<< باحثة اجتماعيه

جغرافيا <<< له عدة مجالات تدريس ممكن يقبلونج على طول لآن ما يبيله واسطه مطلوب هالتخصص و بالمطار و بالارصاد الجوية

سياسيه <<< همن حلو هالتخصص و مرغوب و في بنات اشكثر فيه لآن الكل يقول هذا تخصص يصلح للشباب

و بنظري ماكو شي اسمه يصلح لشباب و بنات لآ

كلنا سوا

و تشتغلين بالخاريجيه لآن مسماج ( سياسيه ) أو دبلوماسيه

و نظم معلومات و مكتبات <<< حلو حيل هالتخصص و مطلوب بس بالكلية عندنا يكون مساند مو تخصص رئيسي

و ممكن اتصيرين مدريه اذا عندج واسطه و تخصصج علم اجتماع او علم نفس

و شوفي انتي شنو حابه اتكملين برياض الاطقال او تجين عندنا

بس مايصير اتسجلين الحين

علينا و عليج خير شهر تقدمين للكورس الثاني يعني شهر 1

و اتداومين الكورس ال2

استخيري

لووووووووووووووووووووووووووول

الله يعينج على بدلياتي

مواصله ما عليه ..

عسوله مشكوره ياقلبي

مشكوووووره سام
ابي اسالج مااقدر اصير مدرسة اجتماعيات صح

انا اتوقع في تسجيل متأخر حق خريجي صيفي المقررات المتأخرين ..

يعني تأكدي احسن عشان مايضيع عليج كورس ..

او إخذي ارقام العماده و دقي عليهم سإليهم ..

و موووووفقه حبيبتي ..

انزين منين اطلع رقم العماده
ومشكوره ياقلبي

هذا رقم عمادة القبول و التسجيل ( الاستقبال ) > 24842040

و رقم ادارة التسجيل > 24842617 – 24984273

و رقم عمادة شؤون الطلبة > 24838760- 24984192

رقم مكتب التوجية و الارشاد ( كلية العلوم الاجتماعية ) > 24844956- 24984246

و انتي دقي على أي جهة منهم اللي تقدر تفيدج و تأكدي منهم ..

و العفو حبيبتي ..

السلام عليكم …

شلون احول من كلية العلوم الطبيعيه الرياضيه لي كلية العلوم الاجتماعيه؟؟؟
اعرف الشروط الي مكتوبه بسايت الجامعه
بس مو فاهمه شي…
يعني ابي وحده تقولي بالضبط شنو المواد الي اسجلها؟؟؟
وعند منو الدكاتره؟؟؟
وجم كورس يبيلي عشان احول؟؟؟
بليز لاتبخلون علي بخبرتكم…مابقا شي على تسجيل مواد الكورس الثاني…
انا الحين مستجده بالعلوم وموادي تمهيدي كالكلوس وتمهيدي انقلش….
جزاكم الله خير…فيدوني

عسى اللله يوفقج ،

والله ماعندي فكره بالتحويل ، بس الافضل انج تروحين للعماده ، وتسألينهم عن المواد الي تاخذينها وتنحسب لج ، وترفع معدلج عشان التحويل …

موفقة