الوسم: السلام

السلام عليكم بنات

عفياا ردوا علي .. انا بجرية وما أعرف بهالسوالف

الحين إذا ولدت بالسلام .. شلون طريقة غرفة الولاده عندهم؟؟

انا اللي عرفته ان دار الشفا إذا تبين أحد يدخل معاج الولاده تحجزين غرفة ولاده خاصة وتدفعين 60 دينار زياده .. شلون طريقة السلام ؟؟

وبغيت أعرف .. الحين اللي يدشون معاي بالولادة يشوفون كل شي ؟؟ 😐

أمبيييه أستحي .. انا قلت محد يدش بس ريلي … مادري أحس فشلة
على الأقل ريلي إذا قلتله لا تشوف أكون مطمنه انه ما راح يشوف <<< ثقة

وبليييز منو أحسن دكتورة بالسلام ؟؟
أبي مرة مو ريال

حبيبتي انا كنت اراجع عند نجمه خووش دكتووره ونفسيتها اتهبل بس لازم تاخذين رقم مبجر انصحج رووحيلها الصبح ماعندها احد بس غرفهم صغيرره اذا بيوونج ناس وايد حق الاستقبال مانصحج فيه غرفهم صغار بس قالو على اخر الشهر بيفتحوون غرف كبار اسمه اعتقد الامبراطوري مثل الشفا وعادي يدخل احد معاج وتدفعيين 50 بس شخص واحد
واسفه قرقت عليج وايد ههههههههه

وي حبيبتي مشكووووووووووورة ما قصرتي

طبعا يحسبون علي من أول ما أدش صح ؟؟
يعني لا سمح الله لو طولت بغرفة الولاده الغرفة اللي حاجزتها محسوبة علي من اول ما أدش ؟؟

هلا والله .. اي هذا شي طبيعي تنحسب عليج الغرفة من اول ماتدشين الولاده ( :
عسى ربي يسهل عليج الولاده ان شاء الله ( بقولة الله اكبر دعيت لج) ..

مشكووووووورة حياتي عالدعوة الحلوة

اشدعوى يعني محد ولد بالسلام ؟؟

عنونه انا مثلج بجر و ان شاء الله بولد بالسلام و دكتورتي من برة
و صراحه مادري عن دكاترتهم

الله يسهل عليج يا رب وتولدين طبيعي بالسلامة

ياخذون 40 عالمرافق بغرفة الولادة ونصيحة ييبي الدكتور من برة بس إذا تبين منهم نجمة زينة

انا ولدت بالسلام قبل سنتين وايد تعاملهم حلوووو وسستراتهم ايهبلون
وحتى الدكتورتين الي ولدوني خاصه البحرينيه مريحييين
انا كانت مفروض نجمة بس حزتها مسافره الحبيبه
وحزة الولادة مابقى احد مادش وياي امي وابوي واختي وبنتها وريلي لووووول بس حزه الصجيه بس امي واختي والباجي طلعو
وماخذو مني فلوس زايدة

يعني عادي أمي وريلي يدشون أثنينهم ؟؟

ولا بس واحد فيهم ؟؟

بدار الشفا عادي كللللللل العايله الكريمه وياي وماحسبو شي زياده

خالتي ام زوجي وامي واختي وحماتي وزوجي

بس وقت الولاده الكل طلع وامي وخالتي اقعدو بس ماكانو يطالعون
اتوقع مايحسبون السلام

انا ان شاء بولد عند محسن طلبه الكل يقول انه احسن دكتور بالسلام
محتاره بين رويـــــــــال حياة والســـــــــــلام

حبيبتي انا ولت بالسلام من سنتين عند عصام صقر ومن قلب اقولج روحي السلام لان تعامل سستراتهم زين ويتمون حولج وغرفة الولاده زينه وفيها ستاره يعني ممكن احد يقعد معاج وحزتها يروح ورى الستاره ويسمع كل شي
واعتقد الحين تدفعين فلوس 40 دينار
ميزة غرفهم بعد الولاده هدوء وماكو لويه تنامين بهدواء ومديره التمريض تمرج تسال عن اي شكوى
بس عيبها الغرف صغيره بسانتي يهمج الفايده لج الناس بتمرج يوم وتروح انتي اولى من الناس وراحتج اهم
وخياطهم زيييييييييين
اما رويال كل رفيجاتي يقولون ميزته خدمه فندقيه واتقد اللي بتولد بدور راحه طبيه لها ولضناها ماعليج من الزوار والاستقبال حطي راحتج اولوليه
والله يتمم عليج وعلينا جميع

هلاحبيبتي الله يقومج بالسلامه
انا ولت بالسلام قبل 5سنين وايييييييييييييييييييد صح بس الكل دش معاي بس وقت الجديه حولوني عمليات وقيصريه بس الحين انا سامعه انه ياخذون 40على المرافق انا الحين اراجع عند د:نزهت بالسلام وايد مرتاحه عليها اتسولف وتضحك وتقول قل شي فيج ماتخش عليج شي انصحج فيها

مشكووورين حبايبي

اليوم رحت السلام وشفت الغرف .. مادري حسيت ان الشفا أحسن من ناحية الأسعار
انا يهمني السعر وان تكون الدكتورة من داخل المستشفى

شكلي بروح دار الشفا .. مدحولي د. معصومة من عندهم

انتوا اشرايكم ؟؟

السلام عليكم ..

ياليت اللي ولدت في مستشفى السلام تفيدنا عندي جم استفسار …..

شلون الاجنحة ؟

جم اسعارهم ؟

منو الدكاترة اللي في السلام ؟

نظافة المستشفى ؟

الرعاية ؟

و تنصحون فيه و لا لأ؟؟؟

ناطرة ردودكم

انصحج فيه الصراحه انا والده من شهرين والحمدلله وايد حلوة ولادتهم

دكتوري كان محمود الاسطل من عيادات السلام بلازا الخارجية سعره بروحه كان 260

اخذت الغرفة اسمها جناح النوير سعرها 350 دينار

واخذت ابرة الظهر سعرها 70 دينار

وياخذون 100 سعر الادوية والتحاليل للام والطفل

طلع بالنهاية تقريبا حسابي 760 ومافيه شيء ناصبين علي فيه يعني مو زايدين شيء من عندهم نفس مايقولون بعض الحريم ان لاطلعتي بتنصدمين باسعارهم بالعكس انا كنت متوقعه حسابي اكثر

وبالنسبة للسسترات روووعة يمكن كل نص ساعه داقة عليهم بسرعه ايوون و ما يعصبون نفسيتهم حلوه والبيبي في بالتلفزيون تحطين على بيبيج واتشوفينه بالغرفة و من ادقين عليهم ايبيون لج البيبي و ياخذونه دايمن ومايقولون شيء

والله يسهل عليج يارب

انا يايبه كل عيالي عندهم ولو ايب 10 يهال كله بولد عندهم
الاجنحه حلوه انا تقدرين تشوفينها
والريااااااااااااااعه تينن موفق المطلوب يهبلون شويه عليهم
وترى انا والده بالثامن ومعاي ضغط استقبلوني عادي ولدي تم اسبوعين عندهم بالحظانه

طبعا دكتورتي اخر مره من بره لانه الدكتوره الي متعوده عليها سافرت

عندهم دكتوره نزهه وايد زيييينه جربتها جم مره بس ماجربتها ولاده

السسترات قمه بالحنان والرعايه تهبل

لول والاسعار

دكتورتي خذت 340

وانا ماخذه اكبر جناح اسمه جناح السلام

طلع كله علي مع الولاده 1400

من غير ولدي

الدكتور الاسطل يهبل وبعد الدكتورة نزهة
الدكتور الشاذلي ماحبة احس نظراتة مو نظيفة وبعد مو محترم
انصحج بالسلام وباللاسطل بالعيادات الخارجية

يعطيكم العافيه ما قصرتوا

جم جناح عندهم ؟؟

و جان زين مع الاسعار ؟؟

وو دايما تحصلين الغرفة اللي تبينها و لا يكون فل ؟؟

اللي عندها صور اي جباح مستشفى السلام لا تبخل علينا

سؤال:
هل يمكن إعطاؤنا معلومات عن نبي الله يحيى عليه السلام ؟.

الجواب:
الحمد لله

قال الشيخ الشنقيطي – رحمة الله تعالى عليه – :

وقوله : ( يا يحيى خذ الكتاب بقوة ) مريم/12 ، أي : خذ التوراة بقوة ، أي : بجد واجتهاد ، وذلك بتفهم المعنى أولا حتى يفهمه على الوجه الصحيح ، ثم يعمل به من جميع الجهات فيعتقد عقائده ويحل حلاله ويحرم حرامه ويتأدب بآدابه ويتعظ بمواعظه إلى غير ذلك من جهات العمل به ، وعامة المفسرين على أن المراد بالكتاب هنا التوراة …

وقوله : ( وآتيناه الحكم صبيّاً ) ، أي : أعطيناه الحكم وللعلماء في المراد بالحكم أقوال متقاربة مرجعها إلى شئ واحد وهو أن الله أعطاه الفهم في الكتاب أي إدراك ما فيه والعمل به حال كونه صبيا ….

وقوله : ( وحناناً ) ، معطوف على الحكم ، أي وآتيناه حناناً من لدنّا ، والحنان هو ما جبل عليه من الرحمة والعطف والشفقة ، وإطلاق الحنان على الرحمة والعطف مشهور في كلام العرب ومنه قولهم : حنانك وحنانيك يا رب بمعنى : رحمتك …

وقوله : ( وزكاةً ) أنه معطوف على ما قبله أي أو وأعطيناه زكاة أي طهارة من أدران الذنوب والمعاصي بالطاعة والتقرب إلى الله بما يرضيه …

وقوله : ( وكان تقيّاً ) أي : ممتثلاً لأوامر ربه مجتنباً كل ما نهى عنه ولذا لم يعمل خطيئة قط ولم يلم بها ….

وقوله : ( وبرّاً بوالديه ) ، البَرّ – بالفتح – : هو فاعل البِرّ – بالكسر – كثيراً ، أي : جعلناه كثير البر بوالديه أي : محسناً إليهما لطيفاً بهما لين الجانب لهما …

وقوله : ( ولم يكن جباراً عصيّاً ) أي : لم يكن مستكبراً عن طاعة ربه وطاعة والديه ولكنه كان مطيعاً لله متواضعاً لوالديه قاله ابن جرير ، والجبار هو كثير الجبر أي القهر للناس والظلم لهم وكل متكبر عن الناس يظلمهم فهو جبار …

وقوله تعالى : ( وسلامٌ عليه يوم ولد ويوم يموت ويوم يبعث حيّاً ) ، قال ابن جرير : " وسلام عليه أي : أمانٌ له " … والظاهر المتبادر أن قوله : ( وسلام عليه يوم ولد ) تحية من الله ليحيى ومعناها الأمان والسلامة …

وقوله في آل عمران : ( وسيِّداً وحصوراً ونبيّاً من الصالحين ) آل عمران/39 ، … قوله ( وسيِّداً ) … فالسيد من يطيعه ويتبعه سواد كثير من الناس …

وقوله : ( وحصوراً ) أنه الذي حصر نفسه عن النساء مع القدرة على إتيانهن تبتلاً منه وانقطاعاً لعبادة الله وكان ذلك جائزاً في شرعه ، وأما سنَّة النبي صلى الله عليه وآله وسلم فهي التزوج وعدم التبتل …

وقوله : ( ونبيّاً من الصالحين ) وهو فعيل بمعنى مفعول من النبأ وهو الخبر الذي له شأن لأن الوحي خبر له شأن يخبره الله به … والصالحون هم الذين صلحت عقائدهم وأعمالهم وأقوالهم ونياتهم والصلاح ضد الفساد وقد وصف الله تعالى يحيى بالصلاح مع من وصف بذلك الأنبياء في سورة الأنعام في قوله : ( وزكريا ويحيى وعيسى وإلياس كل من الصالحين ) الأنعام/ 85 .

" أضواء البيان " ( 4 / 245 – 252 ) باختصار

اللة يعطيج العافية فى ميزان حسناتج

مشكورة

السلام عليكم ورحمة الله وبركاته

امس رحت مستشفى السلام الجديد اللى بنيد القار روعه اشحلاته يهبل لا يطوفكم والا الاسعار تينن ارخص من المستشفيات الخاصه لما قارنتها انصحكم روحو شوفو ترا غييييير تحت في السرداب محلات وفوق قهوه اذا ما عندك شغل تشربين قهوه وتطلين على اللوبي شقول شااحكي المهم انه حلو ولا يطوفكم

مشكووووووووورة

انا شفت اسعاره
https://www.q8yat.net/showthread.php?t=26167

وايد غاليه

مشكورة برميته على المعلومه …
بس شلون الولادة فيه ؟؟ في أحد جرب ؟!!

أول مره أسمع فيه العادةى دار الشفا عقب التعديل وإلا المواساه بس بنيد القار بعيده

مشكورين حبيباتي على الرد والغاليه بنت الكويت شفتي اسعاره الحين ؟ اتصلي وسئليهم وقارني

اي والله انا اليوم كان عندي مراجعه وشفته صج تغيير كبير وبعدين صراحه وايد شرح بس حسافه ما مداني اخذ لي طله عالغرف .
برميته ما خذيتي لج فره عالغرف ؟

المستشفى زين

بس وخري عن الشاذلي اللي عندهم

يعطيج العافيـــه على المعلومات…

خالات زوجـــي كله يولدووون هناك ويمدحونهــــم….

بس المدخل حلو بس غرفه تلوع الجبد وممرات وضيج ومغم وحتى اثاثه مادري شلون دار الشفا وايد احسن

واسعاره مقاربه حق دار الشفا بس السلام معروفين يقولولج سعر وبعدين يطلعولح الف شغله وشغله عشان ياخذون زياده

نصيحه لاتستعيلين وتروحيلهم

مشكورييييين حبيباتي على الرد الغرف شكلها حلو الاثاث زين والستاير روعه والخشب الملبس بالطوفه حلو وايد بس منو الشاذلي دكتور ولاده ؟؟؟؟

برميته
صجج؟
قارني بين اسعار المواساه وبينهم
!!!!!!!!!!!!1
انا نزلت موضوع اهني بخصوص اسعارهم
وايد ارتفعت حتا مراجعتهم ويا السونار اول ب 10 صارت ب 14
والمواسه ان خذيتي الجناح الان في اي بي يطلع الرخص من الجناح العاد عند السلام يعني الليله هناك ب 180 دينار وهذا الجناح العادددددددددي مو الفي اي بي

وعلي الغرف شفي امانه الفي اي بي حلو والعادي اصغر شوي واقل فخامه شوي
بس الرويال لوعه مسوين صالتين وحده معزوله تمااااااااااااااااماااااااااااااااااااااا عن الثانيه كللللللللللللللللللللللللللللللللللللللش يعني الحريم مايقعدون ويا بعض
وترا سعر الولاده اللي حاطينه اللي اهو 290 دينار مايشمل الادويه والشفط والزي منو سعر الولاده بس
والسسترات والادويه برا الحسبه
والغرفه بره الحسبه

الله يعز المواساه بس اتهبل بس حسافه مابقا دكتور سنع عندهم

ياريت اقدر اخذ دكتوري من السلام لين المواساه

انزين اختي عشق ليش تذمين الشاذلي؟ سامعه عنه شي؟ ترا انا اراجع عنده لاتخرعيني

والله اللي أعرفه أن الكل يمدح الدكتور الشاذلي وأختي والدة عندهم عند نفس الكتور بس إختي خوافة وتبي الكمام على طول الولادة ماتبي تحس بشي وأهو ه لأ حزت الحزة يبيج تسوين Push معاه وبس

كوين حبيبتي انا باكر بروح حق وحدة والدة وبروح الرسيبشن واطلب لسته الاسعار مع الخصومات لانهم قالو مع المستشفى اليديد لراح تصير هناك خصومات وان شاء الله اوافيكم .

مستشفى السلام يعطيج سعر قبل الولادة عقب الولادة سعر ثاني

هذا اللي صار معي بولادتي

بصراحة هالمستشفيات صايرة تخرع كلها تجارة …

برميته لستته الاسعار اللي انا حاطتها ماخذتها منهم

شلووووووووووووووووونكم
بنات الموجهه جتنا وشافت حالتنا ونقص المعلمااات
واكثر من ثنتين شايلين 18 حصه
الحين
قالت انها سوت ندب زياده معلمتين عشان الوضع
وحده اعفها من هذيج المدرسه اللي طلبنا منها الندب تقول: اي وصل القرار
ومطلوووب 2
الحين
له اسبووووووع
وماصار شي
مع انه الموجهه كاتيه عاجل جدا وينفذ؟؟
شنو ممكن يصير
وشنو لازم انسوي

حبيبتي ما تقدرين تسوين شي لأنه مو بيدج ,,,

نطري والله كريم …

قالولي سستراتهم مو شي وما يردون عليج الا بعد ساعه وقالوا كمامهم مو شي

وانا بوالدتي الاوليه برويال حياة

شتنصحون فيه صج مو زين؟

حبوبة اشتخيري وبعدين وايد ناس امدحوه
لاتاخذين براي وحدة تجربتها فاشلة
الولادات حظوظ وموكل التجارب ناجحة باي مستشفى
اتصدقين ان في ناس ماتولد غير بالصباح مع ان مستشفى الرعب بس مشالله في ناس سالك معاهم

حبوووبتي مثل ما قالت اختي الفرفورة رفرف …. لا تسمعين كلام فلالان وعلالان اذا انتي مرتاحه خلالاص توكلي على الله .. تري السهالات بيده سبحانه …. انا ياما ناس ذموولي دار الشفا بس بصرااحة انا وايد مرتاحه هناااك واذا فكرة احمل مره ثانية راح تكون ولادتي هناك بإذنه …. اهم شئ راحتج حبووبتي وربي يقومك بالسلامه انتي والبيبي

للرفــــــــــــــــــــع

العناية بعد الولادة كلش موزينة وانا دكتوري زافهم نسو يعطوني دواي انا والدة مناك 9-2008

اول شي الله يتمم عليج وتولدين بالسلامة
وكل شي بامر رب العالمين
وراح تسمعين واايد قصص راح تستفيدين من بعضها والباجي اما يكون مبالغة او حالة خاصة
انا ولدت في السلام ووايد كنت مرتاحة وولادتي الثانية انشالله راح اولد هناك
انتي شوفي اي ناحية تهتمين فيها اكثر وعلى اساسها شوفي اي مستشفى ترتاحيلها

الله يسهل عليج ان شاء الله

ما قصرتوا بنات عالردود يعطيكم العافيه

عن تجربة ممتاز وبرد اولد مرة ثانيه انشالله وحماتي بتولد فيه عقب المواساه بتوكلي على الله

لا والله واايد زينه المستشفي انا انشالله بولد هناك ولا مره سمعت حجي عنهم
والكل يمدحه

للامانه رفيجتي ما صاررلها يومين والده فيه وتمدحهمممم هذا الي اعررفه …

الله يسهل علييج ……….

الولاده سهالات من الله

انا صارلي اربع اشهر من ولادتي والحمد لله سهالات ومعاملتهم وايد حلوه ….
والله يسهل عليج انشاء الله ..

انا يايبه عيالي كلهم بالسلام ولا افكر اغيره

انا ولادتي انشالله هناك و لحد الحين ما سمعت أحد يذمه !

السلام عليكم يابنات
دايركت بالموضوع ، انا بالشهر السادس والله يتمم علي وعلى كل حامل ان شاء الله وحابة كنت اسوي السونار الرباعي بس لما دقي عالسلام قالي السونار الرباعي ب75 دينار !!! فهونت جان يقولي اذا ماتبين سوي السونار التفصيلي واضح ويبينلج اذا لا سمح الله في تشوهات ويبينلج نوع الجنين وكل شي .. وسعرة ب30 دينار

السزال هني : السونار التفصيلي اهوة السونار الثلاثي؟ ؟؟ وليش التفصيلي والرباعي يسونه بقسم الأشعه ؟؟
يعني يصير اسوي التفصيلي من غير ما اراجع دكتورتي لآن السونار التفصيلي اتسويه دكتورة خاصة بقسم الأشعه ومادري بنات اللي جربت تقولنا واذا ماكو فرق بينه وبين العادي اتقول عشان نستفيد ومشكووورين كثرت اسألة

دمتم سالمين واستودعكم الله الذي لاتضيع ودائعه…..

.. والله آنا سويت عندهم السونآر اللي بـ 30 اهو وآضح وكل شي شفت وعرفت الجنس من الشهر الثالث
عند د آشرف بس الصوٌر كلش مو واضحه "
وسويت هم بالهادي هذا اللي كلش كلش مواضح وع السريع
وسويت بحياه رويآل روعه بس ماعطتني صور < لي الحين متندمه
وآخر سونار عند دكتوٌره فوزيه القطآن وآهو الربآعي الصراحه آروع سونار سويته بكل حملآتي
واضح ودقيق وعطتني كل وقتي وآكثر مع صور وسي دي وطلع علي 62 مع المرآجعه "

حطيت لج تقرير عن كل سونار لوول

\

مشكووورة ياام الغالين وماقصرتي

انا سويت التفصيلي عند الدكتوره هدى الزكري الصراحه تقولج كل شي عن البيبي بالتفصيل وسعره 50 د.ك واهو نفسه العادي بس تفصلج الياهل وتعد اصابعه وكل شي بس مايسوى وعندها الرباعي ب50 هم بس ماسويته

السلام عليكم
بنات بسألكم عن ابرة الظهر وين احسن بالسلام ولا رويال حياة
والكمام وين احسن السلام ولا رويال حياة ؟

والله ماعندي فكره انا اولد بالهادي ,,,

الله يسهل عليج يارب ,,,

أنا جربت إبرة الظهر برويال حياة و بصراحة وايد عجيبة
أما بالنسبة للكمام ما جربته .
أتمنى اني افدتج حياتي

اريج الجوري يكفيني مرورج حبيبتي
قاسي زماني يعطيج العافية اكيد افدتيني يا قلبي

السلام عليكم اخواتي
انا اليوم دخلت الشهر التاسع وقررت باذن الله الولاده عند الدكتور عمرو عصام بمستشفى السلام
السؤال كيف كمام مستشفى السلام سمعت انه خفيف وهل بعطوك ابره مسكنه مع الكمام ولا بعتمدو الكمام فقط تنصحوني ابره الظهر
ولا استنى اشوف الكمام واذا ما نفع اطلب الابره والله محتاره اللي عندها اي معلومات تفيدني والله يسهل على وعلى كل الحوامل ياااااااااااااااااااااااااارب
كيف المستشفى
كيف الدكتور وقت الولاده لانه وايد مريح بس ما جربته بالولاده
كيف الكمام معه ابره مسكنه ولا لا
ولا ابره الظهر
انا اسفه ازعجتكم بس والله خايفه وبدي اطمن وارتاح

الكمام من جسم لي جسم يفرق

ولازم الكمام يكون خفيف لانه مو زين

انا مجربه كمام رويال حياة كان خفيف بس يخفف الالم

الله ياحلو الكمام من تشمينه تشوفين عصافيير لوول

للرفع

انا نفسج قلولي كمامهم خفيف
وطلبت ابرة ظهر مو طبيعيه ماتحسين بشي كانت مافيج الا العافيه ماشالله
ام الكمام للامانه ماجربته

الله يهون ويسهل عليج

مع للعلم يافرح كذا مره اكتبلج احلامي رلا تردين ع معطتني طااااف

Up
Up
Up

جربت ابرة ظهر رويال حياة تجنن
نصيحه
حرام يولدج دكتور لازم دكتوره واسالي مفتي
تقومين بالسلامه

انا خذيت ابرة ظهر ووقت الخياط خذيت كمام
انصحج بابرة الظهر تريحج واايد من الام الطلق

وترا والله ما تحسين بغزتها ولا لها اي اثر

اي والله ياليت نعرف

قاعده افكررر يمكن اولد هناك

الله يسهل عليج ان شاء الله

اختي والده بالسلام وتمدح كمامهم

بجم ابرة الظهر بالسلام ومنو الدكتور المسئول عنها

اب اب

بنات اللي عندها خبره بأسعار مستشفى السلام بالنسبه للولاده الطبيعيه ياليت تفيدني

بنات انا بولد عندة بس من بعد تجاربكم ابي اسمعها بليز انا موعد ولادتي مابقالة الا جم يوم

الله يسهل ولادتج وتقومين بالسلامه

بصراحة أنا مجربة ولادة السلام تهبل بس الدكتور عصام صقر ما أدري عنه

مشكوره حبيبتي ام حمودي بس انا ابي اعرف عن هالدكتور بالتحديد

يالله بنات ابي اعرف تجاربكم فيدونا

انا قريت عنه من المنتدى مرة كل البنات اللي جربوه امدحوه و طيروه السما

والله اعلم

روووووووووعة انا كانت ولادتي متعسرة ويابوه لي والله اللي يسهل

مشكورين بنات ماقصرتو الله لا يحرمني منكم