Summer Camp In The British School

سلام عليكم خواتي

اشلونكم؟ بغيت اسألكم عن السمر كامب مال مدرسة الكويت البريطانية?
اشلونه؟
منو سجلت اعيالها فيه من قبل و حستهم استفادوا و استانسوا فيه؟
منو اللي يدرس؟ كله اجانب؟
اذا تعرفون مدرسه انجليزيه او امريكية و السمر كامب مالهم زين و اليهال استانسوا فيه تقولي لو سمحتوا.
انا بالامارات الحين و انطر ولدي يخلص المدرسه و ايي الكويت. ما ابيه يتم كله نايم ولا مجابل التلفزيون. اهو بالامارات بمدرسه انجليزيه من جذي ابيه يستفيد من الاجازه خصوصا انه مدرسته تعتبر من المدارس الصعبه بالامارات.
و اهو الحين عمره 5 سنين.
مشكورين و ما تقصرون

هلا فيج أختي بصراحه ماعندي فكره عن المدارس وأنديتهم لانه عيالي صغار
بس عندي معلومه يمكن أفيدج فيها لا أكثر ، انا بنتي بحضانه انجليزيه ( بريطانيه ) بحته وعندهم أجانب أكثر من العرب ومديره هالحضانه مدرسه اسكتلنديه تابعه لمدرسه new english school طبعا اهي اللي تستلم التدريس وتأسيسها جدا قوي وفيه يهال أعمارهم 4 او 5 سنوات

فعندهم sumemer club لمده 4 أسابيع 150 دينار ، وانشالله يستقبلون 5 سنوات
وانشالله الخوات يساعدونج

جم رقم هالنادي اللي 4 اسابيع ب150 دينار

اي والله ياليت تفيدينا؟

أحب الكويت و أحب الامارات وكلنا واحد

British Nursery School Kuwait
5424748

صح كلامج اختي
كلنا واحد, عدلت التوقيع لأني حسيت بالشي هذا بصراحه بعد الموقف اللي صار قبل اسبوعين
تسلمين اختي

مشكوره اختي ليلى و ما تقصرين
بس حبيت اعرف وين صايره الحضانه هذي؟؟

الحضانه بمنطقه العدان ( القرين )
انا حطيت الرقم شوفي سأليهم على راحتج واذا ما حصلتي أحد عطيني خبر أدبر لكم رقم ثاني

وبعد حصلت المدرسه الأمريكيه الكويتيه أعتقد عندهم سمر كلوب هذا رقمهم شوفو تأكدو 2664341

تسلمين حبيبتي و ما تقصرين