Primary English teacher???? تعالي الله يعافيج

السلام عليكم
بنات شخباركم?
باختصار بغيت اسأل عن تدريس الانجليزي للابتدائي حلو ؟
لويه مثل المتوسط ولا اسهل؟
وجم نصاب الابله وفي تصليح وايد نفس المتوسط ولا اخف ؟
ادري ان الكلاس مناجمنت يختلف بس ابي الاشياء العمليه تحضير وامتحانات اخف ولا لأ
وشكرا مقدما

اللي اعرفه التحضير جماعي

وحيل توجيههم متشدد

العن من توجيهنا

مع ان توجيهنا مايقصر

هادين حيلنا

بس بنظري اهون من الابتدائي

لان الابتدائي تكنيك تدريس السكيلز اصعب ومعقد

عندنا موجهة كانت موجهة ابتدائي

لوعت جبودنا

وموعاجبها وضعنا

تقول يبي لكم اعادة تأهيل وتضبيط

حبيبتي مشكوره وااايد على ردج
بسعندي استفسار
انتي باي منطقه تعليميه ؟؟

انا الاحمدي

و الله كل مرحلة لها صعوباتها
بالنسبة للابتدائي تحتاجين وسائل وايدة يعني قش وايد للحصة
غير التحضير و التدريبات لازم تكون شيقة
و الكونترول شوي صعب لاولى و ثانية

ابلات الله يعافيكم بنتي بسادس وفي الفترتين الاولى والثانية ينقصها بس درجه على النجاح حسبي الله ونعم الوكيل
المهم ابي اعرف اذانجحت في الفترتين الجايات ان شاءالله تنجح ولايكون دور ثاني

طالبه انا مبارك الكبير واعتقد توجيهنا شديد نوعا ما فما تفرق معاي بس كانوا الموجهين رياييل راحه والحين مره فقاعده احاتي شوي
ماي ورد مشكووره علي ردج حبيبتي
يا حلوااات فيدونا بأراءكم

أم دلال حبيبتي اذا شدت حيلها تنجح ان شا الله ترا سادس سههههل وااايد بالنسبه حق سابع ختشد حيلها لان راح تحس بفرق قووووي لما تنجح باذن الله

ام الدلال الله المستعان

للاسف نسبة الرسوب هالكورس مو طبيعية ابداا

بسبب صعوبة الامتحانات وتقسيمة الدرجات

عندي بمرحلة سابع البنات ممتازات

تخيلي السقوط فوق ال ١٠ بالصف

انا اخترعت قلت يمكن انا مقصرة معاهم

ولما افتريت على باجي الاقسام انصدمت

نفس الصف ساقطين ١١ بالرياضيات

و٨ بالاجتماعيات مع ان امتحانهم ع قولة ابلاتهم سهل

و بالاسلامية ٩

ونفس الشي باجي المواد

والله كاسرين خاطري اولياء الامور

وبالنسبة لبنتج

اذا جابت الفترة الثالثة ٢١ من ٤٠ والفترة الرابعة ٣١ من ٦٠

تنجح باذن الله

هي ناقصها تقريبا ٥٢ درجة

تنج اذا كان مجموع الفترات الاربع ١٠٠

يعني الاولى ١٩
الثانية ٢٩
الثالثة ٢١
الرابعة ٣١

المجموع ١٠٠ فهي ناجحة انشالله

خليها تشد حيلها وتحفظ عدل

الحين خلاص كل شي يعتمد على حفظهم

مو نفس قبل ننجحهم بالشفوي ويحلون كلمتين وينجحون

والطلاب الله يهديهم مو حافظين شي

ورقة الست بوك والاملاء تصصصصفر مو كانبين شي

يعني هالصفحتين تعتمد ع الحفظ وعليها درجات عالية

وانشالله يغيرون تقسيمة الدرجات

هالوزارة التعبانة

اخر همهم الطالب

والله اللي يشكون منه دايما التوجيه هو ع اساسه ترتاحين او لأ….

مشكوره ترف بابا على ردج
والباقي افيدونا

اب اب اب

توجيه الانجليزي صعب..صعب..صعب في كل المراحل
بس انا احب الابتدائي و ما احس شغلنا وايد …نصبنا حده 15 و تحضيرنا الجماعي عباره عن خطه حق كل مرحله بالدروس الي راح انقدمها و كل ابله تحضيرها الشخصي بحريتها و سنه اولى اكثر ناس محتاجين وسائل

توتو شكرا عالرد ردج رغبني بالموضوع سوي
وشلون عالملف الانجازي وسوالفه ؟؟ والتصليح وايد كثرنا ؟ احنا دفترين
وورك بوك الله يعلم بحالنا مانرفع راسنا لا وحاشني مره نصابي ١٨ قمة المأساه

متردده والله وخايفه يقطوني مدرسه صبيان ماعرف اتعامل معاهم ودي بوحده مجربه المرحلتين او عالاقل تعرف احد وتقارن لي
وفيدونا بخبراتكم يالطيبين*

انجل شكرا حبيبتي

الملف الانجازي سهل امتحني و حطي الدرجه و التصليح مو وايد مثلا خلي اخر خمس دقايق تصليح …وكلهم عندهم ورك بوك واحد ما عدا 3 – 4 -5 عندهم زياده كتاب الخط…
والله الابتدائي سهالات ….