o°°o°°o فكرة الأقنـــعة التنكريه بيوم عرسج .() o°°o°°o

حبيت اليوم اعرض لكم فكره يديده…لعرايسنا المقبلين على الزواج ليوم عرسهم.. ..

و هي فكرة الأقنعه التنكريه…و بقولج كيف اتنسقينها بعرسج..

طبعاً من الإسم راح يتطلب عليج تواجد الاقنعه التنكريه..إليكم الخطوات اللي بتستخدمون فيها الاقنعه..

و مب أي قناع..في أقنعه حلوه يبيعونا في محلات الأثاث تييج لونها فضيه و راقيه..مثل هوم سنتر..أو the One

المهم..شووووووووووووو الترتيبات اللازمة لعمل الفكره..؟

أولاً : باقتج لازم تكون مرفقه بقناع صغير اللي يكون نص مش كامل…و عليه ريشه بيضه و طويله..

ثانياً : لازم يكون لج انتي بعد قناع .. على حسب فستانج إذا ابيض يلزم فضي و إذا ذهبي .. يلزمج ذهبي و يكون القناع (( نص ))..

ثالثاً : و انتي طالعه للناس اطلعي من الكوشه نفسها..لأنها حركه حلوه..و تكونين لابسه القناع…لين ماتوصلين لإخر الممر بعلى الكوشه..و عقبها شيلي القناع..و عاد الناس بكون فيهم فضول..يشوفون مكياجج..
و الموسيقى اللي تدخلين عليها لازم تكون مناسبه بعد..و فيها شوية اكشن..

رابعاً: عقب ماتشيلين القناع انزلي من على الدرج…و امشي بين الناس..مب بالنص…قومي و امشي بينهم..بس يعتمد على الفستان إذا خفيف عليج سوي هالحركه ..و انتي ماره بين الناس..مدي ايدج و سلمي عليهم.. عاد بستانسووووووووووووووون..انهم سلمو على العروس..

خامساً : و بعد هاللفه كلها ارجعي للكوشه…

سادساً : خوات العروس لازم يكون لهم قناع على الوان فساتينهم…و يرقصون على اغنيه..مناسبه بعد ماتقعد العروس و اتخلص زفتها..

سابعاً : نرجع للتوزيعات..حبذا لو كان على كل طاوله توزيعات فيها اقنعه..و مشغولات يدويه ثانيه حلوه..

ثامناً : حبذا لو الكوشه يكون فيها خيال شوي…شرات القلعه أو ديكور معين مناسب..

تاسعاً : تقدرين اتوزعين مليكان على بوابة الدخول للناس و على المسرح…و لابسين لبس غجري..و هم لابسين اقنعه تنكريه..و تقدرين تتنازلين عن الفكره لو ماتبينها..

عاشراً : الأضواء لازم اتكون خافته..و يكون على العروس و ضوء فلاش مسلط قوي..و يكون هالضوء شغال عليها .. لأن يعطيها جاذبية غييييييييييييييييير..و في حركات حلوه الحين قامو الناس ايبونها..مثل شلال عند ممر دخول الناس…على الأطراف…و في العرس اللي انا حظرته..شفت انهم يايبين شلال كاكاو..و حاطين يمه فراوله و اللي يدخل عادي ياخذ فراوله و يغمصها بالكاكاو و يااااكل..كانت حركه روووووووعه..

منقوول

هذا مو عرس هذي حفله تنكريه حتى العروس تفقد زهوتها وهي تمر بين المعازيم ومتنكره ويا ثوبها اللي يالله تتحرك فيه غير أنها بتصير علج بحلوجهم ………….

وعموما يعطيج العافيه على الموضوع ما يندرى باجر بناتي يسوووونها

قوية الفكره و صعبة التطبيق .

حيااكم الله

عن نفسي ما احب هالحركات حلاه العروس تدخل بروحها

الافكار حلوه .. وبعضها ممكن تطبيقه

يعني انا حضرت ملجه.. العروس يوم ادخلت ماسكه قناع النص على ويها.. ولمن اوصلت لي نص الصاله نزلته

وكانت رووووووووووعه .. والقناع شكله وايد حلو وملفت

اما انها تتمشى بين الناس هذي شوي صعبه.. والتوزيعات هم فكرتها حلوه..

ويعطيك العافيه طووووووق وما قصرتي

مشكوره حبيبتي و يعطيج الف عافيه ..

طوق البنفسج

مشكوووووووووووووووووووره حبيبتي

وتسلمييييييييييييييين

اسعدني مروركم

طوق صج ولا تتغشمرين ؟؟ لا ماظن تعجبج هالسوالف
حسيت جنه بايام روميو وجولييت

شيفكنا من طنازه الكويتيات

حلات العرس مال قبل تدش العروس تعابل بنفسها وتطلع معضده بهل ريل اللي بيكوفنها
وسلامتكم وتعيشون

صعبه حدها ما اتخيل

كويت : هالفكره منقووله و انا ما احب جذي على قولتج حلاتها بروحها

علويه : حياج الله

مشكلتنا بالكويت محد يتقبل الافكار اليديده للاعراس وزفات العرايس..انا اشوف بالسعوديه لما نحضر اعروسهم كلها حركات واحيانا الزوج يشارك فيها عااااادي ومحد ينقد عليهم

عموما مشكوره طوق بس ما اعتقد بنفذها بعرسي منعا للنقد

الفكرة حلوة
بس شيفكنا من طنازة العجايز
يااااااااااااااا ربي والله بس افكر بالموضوع اتفشل

فكره جريئه وحلوه
بس يبي لها ميزانيه كبيره
مشكوره حبيبتي

انا من شهر رحت عرس بفندق ساس ( الهاشمي) والعروس اول مادشت حاطه هالقناع بس ماكانت تقدر تمشي لان نفنوفها ثقيييييييييييل وماسكه مسكه فماتقدر تمشي لان ابايدها اليمين ماسكه المسكه والايد الثانيه ماسكه القناع واذا مشت لازم ترفع نفنوفها فحطته شويه وشالته