Master Of Science In Accounting Or Finance

مرحبا كويتيات ,,,

حبيت استفسر عن الجامعات البحرينيه . و خصوصا درجه الماجستير ؟ هل عندكم فكره او تجربه ؟ لاني باديه رحله البحث عن جامعه مناسبه لتكملة تعليمي … راست الجامعه الخليجيه بس ليلحين ماوصلني منهم خبر !!! و اليوم شفت اعلان عن جامعه دلمون متواجدين حاليا في فندق رمادا وان شاء الله اروح لهم

اللي عندي اي معلومه او نصيحه بخصوص ماجستير المحاسبه او التمويل في الجامعات البحرينيه تفيدني و لها جزيل الشكر و الامتنان

والله حبيبتي لو أعرف جاان قتلج .. بس ماحبيت أطلع من الموضوع بدون رد .. وان شاء الله البنات يفيدونج ..

محد عنده فكره ؟ اخاف انا حاطه موضوعي بمكان غلط؟

انا ودي اكمل ان شاءالله..

في موضوعين في الحباه العلميه تجمعات للبنات عن الجامعات البحرينيه..

اتوقع راح يفيدونج..

هلا حبوبه انا رحتلهم اليوم الصراحة انا قانون ودي اخذ البكالوريوس اوكي والدراسة يومين بالاسبوع وباجر اخر يوم لهم واذا تبين تعرفين اكثر دشي على موقعهم موجودين كل اسئلتج

www.delmon.edu.bh

شكرا على ردج و ان شاء بمر الموضوع اللي حطيتيه و انصحج تكملين لانه اتعليم الجامعي ماعاد يكفي و الوظيفه روتين ممل لازم تغيريرن و تستفيدين

مشكوره حبوبة عالموقع مع اني مامداني اروح لهم والله حيل انشغلت ,, موفقه ان شاء الله بدراستج

اخذي ماجستير محاسبة وتمويل لانه مفيد، وهذا في الجامعه الخليجية

دلمون، ادارة اعمال وتمويل
او
ادارة اعمال ومحاسبة

او
ادارة اعمال واستثمار

مشكوره اختي على النصيحه وانا هذا رايي اني اخذ ماستر في الجامعه الخليجيه لانه تجمع بين تخصصين انا احبهم وخصوصا اني دراسه تمويل و ودي بالمحاسبه بس ادار الاعمال ما تعجبني ,,, و ماشاء الله عليكم دشيت موضوعكم و قريت جم صفحه و وايد استفدت منكم جزاكم الله ألف خير