Help me>>>>> Please

Help me>>>>> Please

السلام عليكم
بنتي الحين بعد 10 ايام بتخلص الخامس
وابي اعطيها أكل
السؤال:-

1-جم مره باليوم أعطيها أكل؟
2-اول شي ابي ابدي بالخضار بس شنو نوع الخضار اللي ابدي فيه؟
3-شنو طريقه تحضير الخضار؟
4-احط ملح ولا بدون ملح؟
5-شنو الكميه المسموحه للوجبه الوحده؟

وشكرا

ماتعطينها اكل الا اذا كلمت السادس وهذا كلام الاطبه … تبدين معاها ابعصير برتقال مخفف بماي وكل يوم تقللين كميه الماي بالعصير ليما شوي شوي تتعود معدتها على العصير بدون ماي .. وبعدين اذا قامت تشرب العصير تبدين معاها باكل مهروس مثل عيش او بطاط او جزر او فواكهه مهروسه حيل

وعسى الله يخليها لج

ودوري بالنت عن التفاصيل لاني ناسيه الصراحه لووول

مشكوره حبيبتي

1-جم مره باليوم أعطيها أكل؟

لاقامت من النوم عطيها الحليب عقبها تمي فتره ساعتين او ثلاث جوعيها بعدين غديها عطيها عيش مصري لانه حيل مهروس مع شوي روب وانتفي الدجاجه او اللحمه حيييييل نتفيها ولحسيها خليها تتعود على كل الاكل.مو بس شي معين.بعدها ان جاعت عطيها حليب فترة المغرب اكليها موزه مهروسه او تفاحه مطبوخه مع عيش اهرسيها واكليها

2-اول شي ابي ابدي بالخضار بس شنو نوع الخضار اللي ابدي فيه؟

كوسه وبطاط وجزر كلللللللله مهروس بشوربة الدجاج

3-شنو طريقه تحضير الخضار؟
اخذي خلاصة الدجاج يعني مرقته وجيبي كوسه وبطاط طبعا موتحطين كميه واجد من المرقه لا خلي تقريبا استكانه ونص والبطاط لاتاخذين الا نص بطاطه ونص كوسه لان اول مره ..وبالتدرج زيدي

4-احط ملح ولا بدون ملح؟
لاتكثرين يقولون موزين ..مادري انا صراحه احط لولدي احسه يستطعم وياكل

5-شنو الكميه المسموحه للوجبه الوحده؟
على حسب شهية الطفل ممكن تاكلين ملعقه ملعقتين وخلاص مايبي ..كل شي بالتدرج

اشتري كتاب مال تربيه الطفل شكثرهم مكودين بالمكتبات
و يعلمونج كلشي خطوه خطوه

كتاب الدكتوره ريم قنواتي يهبل كل شي في بالتفصيل الممل وطريقة الرضعات وشلون تدخلين بينهم وجبة اكل وفيه بعد وصفات اكل تنوعين يعني تجصلينه بالمكاتب جرير والعجيري ومركز سلطان ومكاتب الي بالجمعيات بعد