help me ساعدوني قبل لاتصير الساعه 6 الصبح

بنات الي ماعندها حل تدعيلي ان الله يخلينه حق بعض ويحنن قلبه علي ويرضا

حبيبتي كلميه ولا جنه صار شي وعطيه كلام حلو وتاسفيله

شقووله بضبط عور قلبي والله حييييل تضايق مس ديور اووفر تعرفين الي اكتئب وقالي كلام عور قلبي يقول ليش جذي معني حاولت اني افرشلج الارض ورد وحاولت انسيج كل شي صدمتيني رديتيني سنه ورا جني ماسويت شي اذا انتي ليلحين حاقده علي

كلميه وقوليله حبيبي اسفة الشيطان قص علي و لاتخلي زلة لسان تخرب بينا و الله لا اييب الزعل و الحين قوم يا حلو غسل ويهك و صحصح و كلمني ……
جذي يعني اخذيه بالريج الحلو
و اياااني واياااج تذكرينه بالسالفة مرة ثانية @@
خلاااص انسي الي فات مات واحنا عيال اليوم والولد تأسف و نسا السالفة
و كافي ان الله وفقكم و صرتو من نصيب بعض شتبين اكثر من جذي @@
ههههه سوري تنرفزت بس حريتيني

اكبر غلطه المره تذكر الريال بشي صار من قبل حتى لو تحاولين تدوسين على روحج بس لا تذكرينه مادام اهوا حاول انه ينسيج هالشي
الله يسامح عباده ليش احنا ما نسامح
تذكري كل الاشياء الحلوة اللي سوالج اياها خلال السنه هاذي ومن خطبج للحين
وكلميه كلام حلو وعسى الله يديم المحبه بقلوبكم
ولايفرق احد

وقوليله انا من لي غيرك بهالدنيا ولو زعلت علي راح اتضايق من نفسي و احتمال احتمال اتهور و انتحر < عاد قوليها على غشمرة عشان يضحك مو من صجج !!!

قبل لا تدقين قولي " ( جعلنآ من بين ايديهم سدًا و من خلفهم سدًا فأغشيناهم فـهم لا يبصروون ) p:
جووود ربج يخليه ينسا بسرررررررررررعة

قوليله كلام حلووو و خلي مزاجه اوكي و عقب طري السالفه و قلبيها عليه ان ليش زعل منج وسكر و اهوا معصب و قال عنج حقوده بس بهدوء بدلع مو طولين لسانج .. و قوليله انا نسيت السالفه و سامحتك و الا جان ما رضيت فيك لما خطبتني بس من كثر ما احبك مرات تطري علي السالفه و اذكرها و انصدم انت الطيب الحنووووون شلون تسوي فيني جذي و قعدي عدديله اهوا شنو سوا عشان يراضيج بقصد انج تبينيله انج ذاكره ايجابياته مثل ما تذكرين هالسلبيه .. يعني شويه كلك على شويه دلع يمشي الحال ..

اذا حدج متأزمه دزيله مسج اعتذري منه باسلوب حلوو بس هم بينيله انج شوي زعلانه لان قسا عليج بالكلام لما قال حقوده مادري شنو ..

والله يوفقكم و يخليكم حق بعض و طمنينا عنج

صفي النيه وعيشي الدور ودقي عليه

الكلام بيطلع بروحه

نفس ماقالو لج البنات اخذيه بريج حلو ودلعيه بس لاتفتحين له الموضوع انسي واذا اهو قال لج شي تاسفي له انا ادري ان الوحده فينا تسامح بس مستحيل تنسى انا مثلا عندج ريلي جذب علي وسوا لي حركه لي يومج مو قادره انساها جرحني فيها بس اتناسى عشان مااخسره ولا عمري فتحت له الموضوع وانتي ماكنتي على ذمته يوم جذب عليج خلاص الحين اهو زوجج لازم تطوفين وتسامحين واكرر لج النصيحه تناااسي لاتفتحين هالسيره مره ثانيه
والله يخليكم لبعض

اتصلى عليه مو دزين مسج ترى شوفى المسج مايبين مشاعرج والتووون مال الصوت عشان يوصل الكلام بصدق ومشاعر جياشه
قوليله اسفه والله ومسموح ياللى تعذ ر والله ماراح اقووولها ولا اطريها بس بعدين انتى بسج تحنين على الريال ذكرينه بالماضى ترى يطق جبدا باجر , بقول ليه ملجت شنو بتسوي فينى عيل ماسكتها على , بعد اهو خطبج شنو اكثر من جذيه بس غفرى وصفحى عنه شنو ماقدر انسى لا يبا انسى وستنانسى ووعيشى حياتج

صح كلام سارين اهم شي نبرة الصوت بيني له انج صج ندمانة هذا بأول المكالمة بس تأسفي و جذي
بعدين غيري الموضوع بسرعة و ديري بالج تسكرين التلفون منه وانتو اخر شي مسولفين فيه سالفة الزعل !
عشان ينساها بالمرة فتحي موضوع ثاني يونسه و يغير مزاجه قبل لا تسكرينه منه

الله يهدي سركم ويوفقكم ان شاء الله

البنات كفوو وفوو ..الله يخليكم لبعض يارب

هاذي المشكله يغلطوون و يبونج تنسين

الله يهديكم و يسخركم حق بعض ان شاءالله

انا ماايد كلام اي وحده
لو انا مكانج ادز مسج واقول كفيت ووفيت جزاك الله خير اخرتها صرت حقوده
واطفي جهازي وانام بس مو اطفيه احطه الجهاز مغلق ولادق ولا شي اخليه هو يراضيني احسسه هو الغلطان مو انا مع احترامي لكم
الرجال مايحب المره اللي تراضيه اقلبي السالفه عليه واثثثثثثثثثثثثثثثثثثثثثثثثثثثثثقلي