السلآم عليكم بنآت شلونكم شمسوين 
بدش بالموضوع على طوووول ..
تقويم الديمون الجديد اللي يقلص فترة العلاج 30 إلى 50 % منو جربته منو سوته فيكم تكفووون علموووني زين ولآ مو زين ؟؟
واللي عندها أي فكره عنه أو أحد تعرفه مسويه ومجربه تقولنآ لآ تبخلون علينآ بنآت الله يوفق كل من تعرف عنه وترد علي وتطمني 
فديتكم نآآطرتكم تشآآآآو .gif "Eh S(22)")
بنات انا ودي اعرف عنة اول مرة اسمع عنة ساعدونا
مو يديد يديد انا حاطته شهر 2-2010
بس سريع صراحة بتأثيره ع الاسنان .. بس انا حالة خاصة لاني حاطته لجراحة فك
بس ما حطلي سيور
و المواعيد تطول .. قصدي ان ما يحتاي مواعيد وايد نفس التقويم العادي هذا كلام الدكتور ان الزيارات اقل مقارنة مع التقويم العادي ..
و اهوا اغلى قالولي اغلى نوع .. فـ انا دفعت تقريبا 90 مادري 100 على الاغراض .. > اعالج بحكومة
^ ^ ^
صج ! يعني شلون صايره اسنانج جم خذا وقت معآج ؟؟
انا اسنآني شي بسيط جدآ تعديل بسيط تتوقعين جم شهر احتاج مع الديمون ؟
ويقولون مايعور بعد صج هالحجي ؟؟ وشنو الفتره اللي تروحين فيها للدكتور يعني كل شهرين ؟؟
فديتج والله ادري كثرت اسئله عليج بس احتسبيها أجر هههههه
الله يوفقج بهالتقويم وتطلعين أحلآآآآآ وحده
سالت دكتوري عنه قبل قال الفرق فتره بسيطه يعني اسرع باربعه شهور يمكن
بس مو لدرجة انه يقلص العلاج 50 بالميه
هتآنة الغيمه .. ~
اي هو يقولون من 30 إلى 50 بالميه حسب إستجآبة الأسنآن .. أسرع بأربع شهور والله زين يعني لو الأسنآن تحتآج سنه مع الديمون تصير 8 شهور فررق صرآحه !!
تسلمين يآ عسل على ردج
يلا بنآآت وينكم نبي تجآرب بعد لآ تبخلووون علينآ
ماعندي معلومات بس برفعلج الموضوع
انا حاطته شريت اغراضه بــ 100 وعليها
و ما حط لي سيور وماا عرف شنو الفرق
بينه وبين غيره قالي الدكتور جيبي هذا
جبته 
ومثل ماقالت لابيرلا مواعيده غير
bal8es .. ~
الله يرفع قدرج ومقآمج
فخر حبيبتي انزين يعني كلش مآ سألتي الدكتور عنه وشالفرق هههههه بس تبين تحطين تقويم وتفتكين هههههه تكفين اذا رحتليه اسأليه ليش طلبت مني هذا وصج وقته اقصر ؟؟
مآ قصرتي يآ حلوه
اقتباس:
المشاركة الأصلية كتبت بواسطة خـورآفيــه  ^ ^ ^
صج ! يعني شلون صايره اسنانج جم خذا وقت معآج ؟؟
انا اسنآني شي بسيط جدآ تعديل بسيط تتوقعين جم شهر احتاج مع الديمون ؟
ويقولون مايعور بعد صج هالحجي ؟؟ وشنو الفتره اللي تروحين فيها للدكتور يعني كل شهرين ؟؟
فديتج والله ادري كثرت اسئله عليج بس احتسبيها أجر هههههه
الله يوفقج بهالتقويم وتطلعين أحلآآآآآ وحده |
شوفي انا مااقدر اعطيج رد اكيد لان انا كنت حاطة موسع حق الفك و شغلي كله ع الفك حتى اسناني صفتها زينة الا مشكلتين الحين بقولج اياهم
الشي اللي له علاقة بالتقويم بشكل مباشر:
كان عندي واحد من القواطع لاف .. يعني مادري شلون اشرح لج مو سيدا مع الاسنان لا لاف تقريبا 160 درجة عرفتي قصدي ؟ ادري مااعرف اشرح .gif "Eh S(4)")
حطيت التقويم و عقب شهرين صار سيدا تقريبا و عقبها باقل من شهر صار سيدا تمامااا
الكل علق عليه لووول لاني موصية رفيجاتي و امي يلاحظون .. كنت اصور يطلع بالصور باااين و واااضح الحين لا مع صفة الاسنان
وبالفك اللي تحت عندي ضرس داش لي داخل .. تشوفين الاسنان يم بعض هذاك بروحه عار صاير لي داخل تخيلي الفك حرف U عند هالضرس بالذات لا جنه احد حاط صبعه و داز المكان بكبره لول
الحين مع صفة الاسنان خذا اقل من 3 شهور
من ناحية العوار .. و الله مرات عوار بسيط خصوصا لمن ايي اعض مااقدر اخذ راحتي لول بس بو يومين .. و مرات لا ماكو عوار عوار يعني عادي العض
عموما نصيحة قبل لا تروحين موعد الشد اكلي و اخذي بنادول .. خصوووووصا قبل اول موعد .. لان اول موعد غير ..
بس عموما انا ااقولج كنت حاطة موسع 7 شهور .. يعني اسناني فيها فتحات قبل ما كان فيها بس مو من التقويم نفسه لان انا حالتي تقويم جراحي .. بس من ناحية هالسنين بسرعة ماشاءالله و انا سائلة الدكتور ااساسا شالفرق قالي اسرع لان التكنيك ماله غير .. يصير مثل اوتوماتيك .. بروحه بروحه يشد.. شي احنا ما نشوفه عرفتي .. عشان جذي اسرع من التقويم العادي .. بس عاد موسريع بشكل خيالي لا .. بس مريح .. انا من سنة و نص تقريبا اروح كل شهرين 3 و مرات اكثر .. الحين موعدي الياي شهر 9 .. لان دكتوري مسافر و بالموعد بيبلش يسكر الفتحات يعني يصير اسنان مو حق الجراحة اتمنى تكونين فهمتيني لان انا شرحي مو ذاك الزود 
حتى لمن رحت حق دكتور اللثة نصحني فيه ..
لآبيرلآ بعد عمري والله مآقصرتي وصفج موتني ضحك خصوصآ الضرس اللي حاط صبعه هههههههههه اتخيل واضحك
الله يوفقج قولي آمين ومآتشوفين شر إن شا الله ويعطيج ربي كل مآتتمنين ويسعدج طول العمر
< صج صج فدتيني ودعيتلج من قلبي
حبيبتي و الله اجمعييييييين ان شاء الله
ما سويت شي احنا خوات و اذا بغيتي اي شي ثاني دزيلي ع الخاص :*
لآبيرلآ .. ~
يآ حلآتج أتشرف بخوتج تسلمييين
بلييز قوليلي وين اقدر احطه بالخاص ؟ مابي حكوومه يطوول
وبجم ؟
.gif "Eh S(17)")
.gif "Eh S(2)")
ولايمكن عمل تركيبات لان عظم الفك
