|
|
صباح الخيرات عليكم جميعاً
طبعاً أنا قلت لكم إني إشتركت أمس مع calorie control في مشرف يونايتد بأرض المعارض
طبعاً كلمت أخصائية التغذيه مايا وكانت من أروع ما يكون ماشاءالله واخذت قياساتي بالتلفون يعني شغلهم سلس تبارك الرحمن
وهذا رقمهم 5385000
اليوم وصلني أول بوكس وحبيت أستعرض معاكم الوجبات
لذيـــــــــــــــــــذ .gif "Eh S(15)")
هذا البوكس
وهذا المينيو
وهذا الريوق – الترويقه .gif "Eh S(3)")
كرواسان زعتر وشاي
الغداء : شيش طاووق وكباب وحمص وفتوش مع خبز لبناني
العشاء : وااو وااو وااو , انا من عشاق الورق عنب .gif "Eh S(22)")
فكان ورق عنب بالزيت مع سلطة البطاطا
والسناك , فواكة ( فراولة ) و كيت كات
ودعائكم لي بالتوفيق ويارب أوصل الوزن المطلوب , وبصراحة الصراحة شغل جذيه تبارك الرحمن
الشهر بـ 185
وبصراحة الأكل حلو إلى الحين ما أكلت إلا الغداء وكان حلو ويشبع
توني إمبلشة معاهم بعد إسبوع أوزن وأقولكم جم نزلت
بس بصراحة شيء حلو وراقي والأهم إن اللحم والدجاج مضمون إنه حلال
بس ليش السناك جذي ..
انتي طالبه كت كات ولا ماعندهم حلوويات ؟؟
ماشاءالله خوش شي
عسى الله يوفقج وناطرين النتيجة عقب اسبوع
بالنسبة للسناك انا ما طلبت كت كات , عندهم حلويات بس على حسب المنيو يوصلني
إن شاءالله أضعف وأبشركم بالنتايج الطيبة
إنتظروا الوجبة القادمة
إلى الحين الحمدلله ماحسيت بجوع وكل شيء أوكيه ولله الحمد
بغيت أسأل اذا يوصلون الوجبات و لا لأ ؟؟؟؟؟؟؟؟؟؟
و ان شاء الله تنزلين بالصحة و العافية
بانتظااااااااار يومياتج ومتابعينج
بس اوووله شنو هذا غالي بالشهر 
اشتريلي سياره اقسااط احسن 
بس
ان الله تنزلين بالوزن اللي تبينه
ومشكووره عـ الصور
بالنسبة للتوصيل إيه نعم يوصل ووقت التوصيل الضحى
السعر مو غالي بالنسبة لبقية شركات الدايت بالعكس مناسب , بعدين ياما قطينا فلوس ع الأكل لين صرنا دبب , خلينا نقط فلوس عشان نضعف
بعدين خلج من السيارة قضي مشاويرج مشي أصح وأوفر .gif "Eh S(20)")
مشكورين جميع وإنتظروني على خير ان شاءالله نكمل الموضوع بالصور
وصلني البوكس الثاني اليوم , والأكل أمبيــه ! فظيـــــــــــــع ماشاءالله
المنيو اليوم :
الريوق :
– سندويش مرتديلا
– شاي ينسون
الغداء :
– روستو
– بطاطا بوريه
– سلطة سيزر
العشاء :
– سندويش بيض بالجبنه
– شوربة البرغل
السناك :
– تفاحه
– آيس كريم
إنتظروا الصور بعد قليل , شيء يشوق تبارك الرحمن