Al7noona قصة ولادتي بأحلى البنات + صور استقبالي :)

السلام عليكم اليوم بكتب لكم قصة ولادتي

رحت مراجعتي يوم الاثنين 16-2-09 بمستشفى الهادي عند د انيتا وانا كنت بالاسبوع 38 وقالتلي اخر موعد لج 25-2 تو الناس ومفتوح رحمي 1 سانتي بس اذا تبين تولدين شربي خروع مع عصير مانجا طبعا انا ما صدقت صار بليل ورحت شربت خروع مع مانجا لان بصراحه انا تعبت من الثقل وما قمت انام بليل
المهم شربته الساعه 9 وقعدت اسولف مع بنات التجمع واقولهم شربته وللحين ماكو شي وبعدين رحت نمت الساعه 11 وقعدت الساعه 12 من العوار وقام يزيد علي العوار بعدين صار العوار كل 10 دقايق والعوار صاير بظهري وبطني وخصري خليجية

ياربي ما ادري شسوي قلت خل اتحمل واقعد اشبك واسولف مع بنات التجمع بعد عمري والله ما قصروا خففوا عني بس صارت الساعه 4 قعدت زوجي قتله خلاص ما اقدر ودني المستشفى
رحنا الهادي طوارئ بس دشيت عليه ولا يقولي الدكتور هاا فيج عوار قتله اي لان عنده بالملف اني كنت مراجعه بنفس اليوم
فحصني ولا 2 سانتي بس للحين الياهل راسه مو نازل بالحوض ودخولني غرفه الولاده علشان يسولي تخطيط وعقبه رحت حق الدكتور واهوا يضحك مادري يمكن ما يبي يخرعني يقولي انتي فيج طلق وراح ندخلج وانا منصدمه وخايفه بس ابي افتك من العوار قتله اوكي ودخلني المستشفى الساعه 6 والساعه 8 دخلوني الولاده سوولي تخطيط وفحصوني ويتلي د انيتا وفحصتني وحطتلي تحميله وتمسح علي ماقصرت والله

وعقبها بساعه طلعوني الغرفه لان طلقي بارد والساعه 2 الظهر ردوني الولاده وحطولي تحميله زاد عوار الطلق و د انيتا فحصتني وبطت ماي الياهل وانا اقول حق السستر وديني الحمام انا قاعده —- ولا تقولي لا ماما هذا ماي بيبي عادي ويعطوني كمام وادوخ بس ما انام واحس بالعوار مادري ليش معنى كمام الهادي حيل قوي وانا مجربته ابنتي الاولى بس هالمره كلش ماسوالي شي بس قمت اخربط واسولف مع الستترات خليجية ومن دشيت الولاده وانا ابجي ويقولون ليش تبجين اقولهم خايفه وانا اصلا قاعده ابجي اتذكر بنتي واخاف يصير فيني شي وشيصير فيها من بعدي الله لا يقوله
وبعدين لما خرفت قعدت ابجي حيييل واقول حق السستر ابي بنتيييييييييييي واهيا تقولي ميخالف الحين تولدين وتشوفينها اقولها لا مو هذي انا ابي my first baby تقولي وينها اقولها بالبيت خليجية

يتبع

مبروك ماياج الحنونه
والله ايطلعج من النفاس وشروره بخير انشالله

مبروووووووووووووووك حبيبتي والحمدالله على السلامه وتتربى بعزج انشا الله

نكمل

قعدت تقولي السستر لازم تدفعين حييل وتشمين اكسجين ولا تشيلينه اقولها ابي كمام تقولي مايصير لازم اكسجين البيبي تعبان وحطولي درب مغذي وبعدين طلق صناعي وزاد الطلق مع الدرب وبعدين صارت الساعه 6:35 طلعت بنتي حبيبتي وسيده من طلعوها حطوها على بطني ولا اقعد اخربط توتو حبيبتي توتو ((مدلعتها توتو ههههههههههه )) وعقبها نمت وقعدوني عقب ساعتين وورتني بصمت ريول بنوتي وانا دايخه بالقصب اشوف وصعدوني غرفتي لما دشيت الغرفه ولا اشوف بنتي البجر واقعد ابجي واقعدت امي تبجي معاي وخالتي وريلي انصدم وبنتي بعدعمري كانت واقفه ناطرتني وماسكه هديه لما شافتني ابجي اوقفت انصدمت بس الحمدالله على كل حال وهذي نهاية قصتي نطروني دقايق وانزل لكم صور الاستقبال خليجية امي تقولي السستر تقول ماما يقول توتو توتو اقولها اي لما ولدتها قعدت اخربط واقول توتو حبيبتي هههه