,,,___((&&)) هـــذا التجمع غــــير _ تفضلوا حيـــاكم

السلام عليكم !

هذا التجمع غير هو تجمع التحدي والاصرار والاهتمااام

اهني راح انأزر بعض ونساعد بعض ومع بعض راح انلاقي نتيجة !!

قصص وتجارب ومواقف ..

العمر يركض بطريقة غريبة

اليوم اتكون بداية الاسبوع جك بوم صرتي في نهاية الاسبوع !

الحالة مثل الحالة والاحلام مثل الاحلام

مافي شي تحقق ما في اي انجاز !!

يمكن انا من اول ما وعيت على الدنيا وانا اسوي ريجيم !

وحدة من ثنتين لانه تجارب فاشلة او بداية زينة وما اتكمل ؟؟؟؟

اكتشفت انه القرار مو الحل …

من السهل اتخاذ القرار لكن من الصعب التمسك فيه وتحقيقه !!

اذن المعادلة اختلفت اشوي ..

القرار+ الارادة

وييييييييييييييه !!

عندي كلام وااااايد اقوله

.
.
.
.
.

في البداية تفضلوا سجلوا بالتجمع !!

وانا اولكم ؟

الاسم :dream

الوزن : 116

الطول :158

الهدف : 100

الريجيم : تخفيف الاكل + الاشتراك بالنادي

والحين راح ادردش معاكم وشاركونا ارائكم وتجاربكم .. يلا نبتدي ..

ويييييييييييه !!

الزورااااات وما ادراكم ماهي الزوارات ؟؟

اي نعم ضحك وناسة وجمعة العيلة الحلوة

بس لازم لازم لازم تسمعين نغزة من النغزات عليج ؟؟

طبعا عن شنو ؟

عن وزنج واكيد لازم تاخذين تعليق عليج اذا انتي متنتي او ضعفتي ؟؟

طبعا نضحك وانحاول اتغير الموضوع لكن هم بيردون ويلفون عليج !!!

يقال في احد الابحاث الاميركية انه الاشخاص الذين يعانون من السمنة اكثر الاشخاص انطوائية وعزلة ؟؟؟

صج عاد ؟؟

قبل ما اخلص

اترككم مع هذا الموقع الحلو من العضوة المتميزة n_1 لقياس السعرات الحرارية للاشخاص اللي اتخذوا القرار وعندهم ارادة للتغيير ..

https://www.moh.gov.sa/badana/Calories.htm

طبعا لا تنسون التسجيل في التجمع (الاسم /الطول/ الوزن / الرجيم والرياضة) مع رايكم بالموضوع

الزاورات او اللقاءات الاجتماعية ؟؟

هل تعرضتي للاحراج ؟؟

وكيف تتعاملين معه ؟؟

وهل قلت الرغبة عندك في رؤية الاخرين او زيارتهم؟؟

اكيد (( يتبع ))

لأسم:حنين2008
الوزن 115
الرجيم /واااااااااااااااي تعبت من الأنظمة حيلللللللللللل قبل الزواج كنت ابع النظام بحذااافيرة والنتيجة روعة بس ألحين بعد الزواج والولادة انتفخت صج (( ودي نتشارك برجيم مع بعض ودي
أكرررره الزوارات خاصة بيت أهل ريلي طنااااااااااااازة وسوالف تغث والمشكلة انهم مو مقصرين نفس الشي وزوووووووووووووووووووووووووووووووووووود بس محد موجود إلا أناااااااااا(((
أتعععععععععععمل معاهم اني اطنش ولا اروح زوارات عشان ما انغث((((((((((((

هلا حبيبتي عاشقة الهند25
واللللللللللله العظيم ريلي عمرة ما عيب علي او قالي كلمة تجرحني بالعكس يشجعني ووووووووووايد ودااايما يقولي انا راضي فيج واتنتي ضعيفة ولا انتي متينة بس المشكلة أناااااااااااا موراضية على شكلي احب البس واطلع واكشخ فاهمتني بس ياااااااااااااارب أرد مثل قبل ما اتزوج عاااااد والله كان وزني حلو 80 ضبط يعني بطوطة وشكلي حلو بس شلووون موقادرة

انا معاكم
انا وزني 85
وطولي 160

واطمح اني اوصل 50
لان ولا عمري شفته هالرقم

انا صار لي اسبوع من سويت ريجيم ورياضه وماراح اوزن الا لما اكمل شهر

طبعا بالنسبه للاحراجات حدث ولا حرج
في السوق
والبيت
زوجي يلمح اني اضعف

آآآآآآآآآآآآآآآآه بس انا كلي عزيمه واصرار اني اوصل لل50 وناويتها

بالنسبه لزوارات والمشاوير هونت ماروح حق احد بيت اهلي اروح لهم بعد العشا
واعمل حسابي اكون متعشيه بالبيت

يالله نبي حمااااااااااااااااااااااااااااااااس

حنين2008 // الله يعيينج على زورات بيت اهل ريلج حاولي تاخذين الموضوع بضحك وطنشي على قد ما تقدرين

عاشقة الهند25 //ترى انا نفسج مالي بالمشي والحركة مو ليه لكن قعد احاول اغير هالطبع طيعيني انتي 109 يعني بس 9 كيلوات بس 9 !! وتطلعين من فئة الــمية _حاولي سووي اعمال منزلية مثال التنظيف والغسيل تحركي بالصالة لازم حررررركة علشان اتلاقين نتيجة طيبة

عروسة بس كول// تعجيبيني عرووووووسة وان شااااااء الله نوصل للهدف اللي حاطينه في بالنا

و

و

و

حياكـــــــــــــــــــــــــم الــــلـــــه

التخطيط يا جماعة هي مهارة الجادين …اذا كنا فعلا جادين في تحقيق هدفنا وهو الرشاقة والصحة لابد لنا من اتباع الخطوات التالية وهي خطوات اتساعدنـــا على التخطيط الجاد…

أين ..؟!
ومتى ..؟!
وكيف ..؟!!

ثلاثة أسئلة قبل الانطلاق تحدد لك محاور التخطيط السليم :

* الهدف ، وهو يجيب على السؤال : أين .؟!
* الإطار الزمني لتحقيق الهدف ، وهو يجيب على السؤال : متى .؟!
* الوسائل ، ويجيب على التساؤل : كيف .؟!

حين تجيب على هذه الأسئلة الثلاث إجابة صحيحة واضحة واقعية ،فإنك بذلك تكون قد وضعت قدميك على عتبات الطريق السليم .
وحتى يكون تخطيطنا سليماً .. أسطر لك بعض الإلمالحات نحو تخطيط جاد ..
__________________________________________________ _________________

راح اعطي مثال وراح اجاوب على هاذي الاسئلة اللي ساعدتني على التخطيط الجاد

* الهدف ، وهو يجيب على السؤال : أين .؟!

أخسر 16 كيلو واطلع من فئة المئة ..
* الإطار الزمني لتحقيق الهدف ، وهو يجيب على السؤال : متى .؟!

قبل رمضان ..(ملحوظة هامة جدا : لاتترك مجال مفتوح للتحقيق اهدافك لازم لازم لازم اتحددين لها فترة او اطار زمني يعني dead line )

* الوسائل ، ويجيب على التساؤل : كيف .؟!

ريجيم (د. طالب الشمري)

ممارسة الرياضة او على الاقل الحركة !!محاولة اكثار النشاط والابتعاد عن القعدة الزايدة والخمول

معرفة بعض الوسائل .. وتم ذلك عن طريق زيارة عدة روابط ..وان شاء الله اتفيدكم مثل ما فادتني..

تفضلوا :

https://q8yat.net/showthread.php?t=149211

https://www.google.com.eg/ig/adde?mod…ce=arga&bpig=1

https://www.rjeem.com/forum/

اهم شي الابتعاد عن الوسائل السحرية اللي تعطيننا نتايج سريعة وكل شي يرجع مثل قبل مرة ثانية ..!! مثال عليها (الحبوب والعمليات وغيرهــااااا )

ما بي فرحة لحظية ابي سعادة انجاز ابدية

ان شاء الله استفدتوا وتعالوا مع بعض نتعلم مهارة التخطيط الجاد

مازال باب التسجيل في تجمعنا مفتوح وحياكم الله

((يتبع ))

شنو شعوركم وانتوا الوحيدين في فريق المقاومة ؟؟؟

خاصة اذا انحطيتوا في هذا الموقف طااااااولة عريضة وطويلة فيها هالأطباق ؟؟ شنو موقفكــم

شوكليت باااااااااار

ويا عذابي

يومياتي ويومياتكم بدت وحياكم الله

اليوم :
تريقت عصير انااناس الحين بروح اتمشى اشوي

ومع الاسف عندي امساك

سويت رياضة 10 دقايق مشي

و 20 دقيقة قاري

وساعة الاربع ايروبيك

الغدا: لحم مسلوق ومرق ولبن

اتمنى باجر احط نتيجة حلوة بمسابقة القضاء على السمنة

التفاؤل حلووووو وجميل واي نتيجة راح اقبلها حتى لوكانت انش واحد من نقصان الوزن

والله كريم

::هذه القصة الهمتني يوم قريته وهي تتكلم عن وحدة اشلون اخسرت 4 كجم خلال اسبوعين وفعلا اعجبتني خطواتها وطبقتها بطريقة مختلفة _اترككم مع القصة القصيرة ::

من قصص النجاح
::4 كجم خلال أسبوعين ::

كان اتخاذ قرار انقاص الوزن قرار جاد في حياتي وخطوة ناجحة تتلخص في الآتي :

1- كتبت هدفي ووضعته أمام عيني في المكتب العبارة هي: ( كلما قل وزنك زاد حسنك )
2- طبقت تمرين تكرار كتابة الهدف قبل النوم 40 مرة
3- أبلغت من حولي بأني عزمت على تخفيف وزني
4- كتبت تاريخ البدايةكان الوزن 88
5- لم أحرم نفسي تمام من الطعام ولكن مبدئي هو ضبط العادات السيئة في الأكل ( حسبك لقيمات يقمن صلبك)
6- بعد 15 يوم لاحظت انخفاض 4 كيلوات ولله الحمد
7- اتخذت قرار بأن يكون نظامي بطيئا أحصل على نتائج ايجابية على المدى الطويل دون مضاعفات صحية كمايعاني منها كثير ممن يتبعون الحميات الغذائية السريعة
سأصل ان شاء الله على الوزن المثالي خلال سنة الى سنتين (رحلة ألف ميل تبدأ بخطوة )

خلونـــــــــــــــــــــــــــــــــا نسمع تعليقـــــــــــــــاتكم ان شاء الله استفدتـــــــــــوا

يعطيييج العافيه اختي دريم

اتمنى يستمر هالموضوع للآخر مو بس شهر

انا بعد وياكم الوزن 92.4 الطول 163 الهدف الاول 85 والاخير 60

* بالنسبه للاراده وتحقيق الهدف حبيت اقولج انا قبل كان وزني 120 وشوي وسويت ريجيم صرت 75 خلال يمكن 5 شهور وحافظت عليه 4 سنين بس هالكم شهر اللي فاتو طحت له اكل وبلع بدون حساب ولاحركه وصكيت 100 وكاني رديت اسوي ريجيم من شهر يوم شفت الميه

بس هالمره مراح اكتفي بال75 بكمل ل60 واقل
—

يومياتي :

الريوق : نص روب خالي الدسم وبعده بساعه نسكفيه مع كوفي ميت كلهم يساوون = 100سعره

وبس مراح اكل شي كلش مع مشي وحركه كل شوي عشان باجر توزين تجمع السمنه

بآآآي

في البداية احب ارحب فيج n_1 وحياج الله في تجمعنا بانتظار يومياتج المشوقة

الله يعافيج يا قلبي وهذا وعد مني انه الموضوع راح يستمر

وعندي واااايد مفاجأت بالموضوع وراح اقولها ان شاء الله علشان افيدكم على قد ما اقدر

بس حسافة !!

يعني اشوية تشجيع منكم اشدعوة ؟!

هيه هيه لقيت احد نفسي ترى انا بعد وزني 121 كجم سابقا و 116 كجم حاليا وغدا في يوم الميزان الله اعلم !!

يا ليت اتشاركينا n_1 بتجربتج واشلون قدرتي تنزلين 120 الى 75 في خمس شهووووور ؟؟

واول شي اقووولج عفية عليج و

اي عفية علييييييييييييج وانا بعد ويااااااااااااااااج