كل وحده توصف أبلاتها الي يدرسونها هالسنة 2024 – 2024

السلام عليكم

خطر على بالي اني افتح موضوع كل وحده توصف ابلاتها مالوت هالسنة
الحين احنا انتقنا لسنة يديده و أكيد الأبلات يدد … و كل أبلة لها طريقتها سواء في الشرح او في التعامل … شرايكم انا أبدي ؟

يلا نبدي مع أبلة العربي :

أبلة العربي كويتية ( الوحيده بين كل أبلاتي ! ) شكلها كبيره يعني مره كبيره , قبل يوم كنت أشوفها كنت أتمنى انها ما تدرسني لأن شكلها وايد جادة و اهي بس تدرس 12 و لحس حظي انها هالسنة تدرسني , أول يوم كنت قاعده هاديه ( شي طبيعي اول يوم ) و أهي و اهي عرفتنا على روحها , اسمها , طريقتها , و جذي …
شوي ولا تنكت و تضحك معانا … انا استغربت شكلها جاده …. بس المفروض ما نحكم على الناس من اول نظره
و حدها تفهم احسن من ابلة السنة الي طافت بواااااااااااايد !!!

ابلة الانجليزي :

أبلة الانجليزي سورية , شكلها حبوبه و حجمها صغيرونو , مادري الحصه عادية بس باطه جبدي ما تقومني و السبب طبعا اني قاعدة اول شي و اهيا تقوم الي ورا

ابلة الفيزيا :

مممم الفيزيا مصرية , حدها تضحك , تونس , عبقرينو , تفهم عدل مدل , احسها احسن ابله فيزيا بالمدرسه

ابله الكيميا :

ابله الكيميا مصرية , ارحم بواااايد من ابله السنه الي طافت , تضحكنا بالحصه , تتكلم سريييع , زينه ما عليها كلام

ابلة الاحياء :

مصرية , تفهم بس ماحبها …. أبي أبله (….)

أبلة الرياضيات :

مصرية , المدرسة الاوله , تنكت بعض المرات , حفظت اسمي من اول يوم !

يلا الحين دوركم

kl al2blaat alzenain raa7w oo al7en klhoom x x x x x oo almoshklaa ma yfhmoon waay 9j frg 3n al3aam

الله يوفجج خيتووو ..

وان شاء الله اذا داومت اقولج ،،،

طيبااات مافيهم شيء

انا ابلتي العربي كويتييه احس مالها خلق تدرس و تقعد تطووول بالحصه و باارده لانه ظامنه انه على الدرس 10 حصص .. بس صج تنرفز

و ابلتي الرياضياات عسسسسسسسسسسسسسسل كويتيه تفهم و تكسر خاطري اذا احد ما فهم لوول

و ابله الانجليزي لا تعليييييييييق سوريه احسها تفهم نفسها اللهم تشرح و تطلع و محد فاهم و خصوصا المنهج يدييد و اهيا يديده على المدرسه

و ابله الاسلاميه كويتييه شفتها بس اول يوم عطتنا الكتب و قعدت ما درستنا و باجي الاسبوع غايبه لوول الله يستر شكلها تخنزرت

و ابله الفيزياا حليييوه مصريه واايد تشتط بالدرس لوول بس تفهم عادي

و ابله الكيميااااااااااا ودي اذبحهاااا ما تفهم مصريه صوتها واطي تكلم روحها احس ويها دايخ مادري شسالفتهااا كلش ما تفهم

و ابله الجيولوجياا يمااااااااااا تخررررررررررع من اول حصه تقول لنا انا احب الاصفاار لوووول كويتيه بس تفهم لوول

و ابلات الاختياري الحر (فنيه) اثنينهم كويتيات يونسوون وحده نفس طقتنا صغيره و القانيه دمهااا عسسل وايد تنكت من اول نظرة حبيتهم لوول

و ابله البدنيه مصريه مو صججججججججججج فصصصصصصصله كله تنكت و احلا شي لما تتكلم كويتي لووول

ووووو بس اعتقد هذول كلهم و الاحياء ليلحين ما بدينا و لا شفنا الابله باجر اول حصه و عندي بعد مالت الاختياري (مكتبات = تقارير و بحوث) هم ما شفتها و مادري عنها انشالله باجر

و بس سلامتكم

خخخخ انا والله اذا داومت اقووول خخخخخخخخ

مشكورين عالردود الحلوة

لول عيل خل اقول لكم عن ابلاتي

ابلة الدستور و الفلسفه ابله وحده كويتيا عسل عسل عسل الله يعينها ماكو غيرها اهيا و 2 يدرسون دستور شلون بتركز مادري

ابلة التاريخ لا تعليق احس دمها حده ثقيل تغث نغث بمعنى الكلمة وشرحها مو حلو ماتجذب

ابلة الجغرافيه هم احسها نذله بدرجات و مليغه وجديه ماتبتسم وتفلسف وااااايد الله يعينه عليهم

ابلة الاسلامية ماجفتها لنا كنت مهربه من الحصه بس سمعت انها مو شي

ابلة الانجليزي تيييييييييييييييييييينننن والله شرحها وحدها هاديه وطيبه وحلوه بدرجات اهم شي

ابلة الاحصاااء للحين ماعرفة اصلها اول شي عبالي عراقيه تقول لنا انا حاطه عليكم بسم الله للحين ماعرفت اسامينا ولا سلمنا بس شكله بسوي نفسها شخصيه ولا بنت قاعده تاكل لنا مو قاعد ندرس ولا تصرخ عليها تعالي قطي الاكل نكلمها تحقر بس هين راح اوريها نجوم الليل في عز النهار

ابلة العربي عسل في عسل في عسل في عسل كانت درسني العام شخصيتها وايد حلوه بس تحب الشطار ولا حياة لمن تنادي

ابلة الفرنسي رئيسة القسم تهبل بشرح وحليوووه مع انه شكلها عصبي بس اهم شي الشرح وبس

ابلة العربي:
كويتيه المدرسه الاولى تهبل شرحها حلو بس مشكلتها حيييييييييييييييل دقيقه و عصبيه
ابله الانقليزي:
امريكيه ما تعرف عربي ما تفهم بس تقرا
ابلة الاسلاميه:
حلو شرحها و طيبه و تفهم
ابلة الرياضيات:
مااااااااااااااا تفهم و اذا قلنالها عيدي جنه سابينها و كله تفشل البنات
ابلة الكيميا :
ادرسني من العام هذا سيفو و هذي خلاجينه 😛
ابلة الفيزيا:
تدرسني من العام و لي الحين ما افهم شي الكل ينام بحصتها و تقولنا حولو ادبي ما ابيكم عندي
ابلة الاحياء:
كويتيه تهبل تشرح من قلب بس شكلها ما يوحي
ابلة جيولوجيا:
امممم تقول انها زينه بس لي الحين ما شفنا خيرها من شرها
و بس الباجي مادري

ابله العربي :مصريه مسكينه ما تدري وين الله قاطها بس نظامها تجيك عالواجب بس طيبه و تفهم
ابله الانقليزي : ابله كويتيه مليقه و تتفلسف جنه محد درس انقليزي غيرها
ابله الفلسفه : عجيبه تفهم و اهيا نفسها الدستور
ابله التاريخ : زينه للحين ما شفنه شرحها
ابله الجغرافيا : جديه واااايد و كله تبي تقارير و صور و معلومات من بره << الله يعينا
ابله الفرنسي : للحين مو ثابته كل يوم وحده
ابله الاسلاميه : زينه و طيبه وايد
اغلبهم كويتيات بس الاحصاء و العربي و الفرنسي مصاروه

انا هالسنه ابلاتي كلهههههم شديدااات حيل
العربي مصريه يمدحونهااا البنات انا للحين ماعرفتها عدل وماتكلم الا باللغه العربيه ومايصير تقويلن لها ابله لاااازم تقولين معلمتي ومايصير تكلمينها الا باللغه العربيه اذا كلمتيها عامي ماترد عليج وعصبيه حدها
ولانجليزي ابله كويتيه رهيييييييييييييييبه تجنن بس شوي عصبيه
والفرنسي يمه يمه يمه يمه ياابله الفرنسي تخررررررررررررع عصبييييييييييييييييه رعببببب الله يعيني
والاحصاء كويتيه وحبوبه وحييييييييل هاااديه
التاريخ..كويتيه تجنن هاالابله خياااال تهبل تهبل تهبل
والفلسفه كويتيه بس حدها بارده
جغرافيا مصريه هالابله هههههه لاتعليييييييييييييييييييييق
دستور كويتيه هم تجنن وحليييييييوه وتضحك
دين كويتيه حلو شرحها واسلوبها
وبث

انا كل سنه حظي حلو بالابلات بعاشر و11 كل ابلاتي زينيين
اما هالسنه صار فيني احباط مع انه هذا اهم سنه
ابلتي الرياضيات كويتيه قديمه بس مادري ليش كلنا انتنح بالحصه يا العيب بالابله او بالمنهج او فينه ورفيجاتي اللي درستهم قبل قالو انها ماتفهم شي عاد رحت عندي ابلتي اللي درستني بعاشر و11 واهيا احسن مدرسه تينن وقعدت اعاتبها ليش مادرستني ب قالت اهيا ودها بس مالها شغل واهيا همن كويتيه وقديمه يمكن من اول مابطلت المدرسه وتبي تتقاعد بدفعتنا يعني هذي اخر سنه عاد صج شكثر دعيت ربي انها ادرسني لانه تعرفلي وانا افهمها بس ماكو نصيب ياريت لو يغيرون ابلتنا

اما الكيميا الحمدالله مصريه وااايد زينه فيه مصريات يدرسون عدل بس انا ولا مره صدفت مصريه ادرس عدل الا هل الابله صج شااطره
وكانت ادرسني بعاشر بس حامل شكلها بالاشهر الاخيره يافرحه مابتكمل

الفيزيا كويتيه وشاطره الحمدالله الكل مدحهها صج بطيئه بالكلام بش تفهم

العربي مصريه ولا طالبه امدحتها
اول ما اييب طارريها عند البنات يصارخون

عكس عاشر و 11 كانو كويتيات وحدهم شطار ياريت لو ابلتنا حامل عشان تولد وما ادرسنا بس للاسف لاا
الاسلاميه مصريه وشاطره درستني بعاشر
بس كنت اتمنى ابلتي مالت 11 سعوديه وتيينن حدي اشتقتلها بس الظاهر انتقلت

الاحياء نفس ابلتي السنه اللي طافت كويتيه وهمن شاطره وحبوبه كل ابلات الاحياء ايننون

اما الانجليزي من عاشر ليلحين حظي حلو
بعاشر درستني كويتيه بعدين هنديه و11 روسيا لوول متزوجه كويتي ووتحجى كويتي بس عجيبه
والحين هنديه وتيينن

والحمدالله انشالله خيره

مشكوريين عالمشاركة الحلوه

ابله الاحياء: عجيبه كويتيه وشرحها ماعليه كلام نفسها مالت السنه الي طافت
الكميا: كويتيه باارده هاديه
الانقلزي: مصريه سريعه بس عجيبه
العربي: مصريه كبيره ماتكتب على اللوحه مادري شنو بنسوي بحصه القواعد
الدستور : للحين ماعرفت شخصيتها كويتيه اهم شي^^
الرياضيات والاحصاء: مصريه زينه نفسها مالت السنه الي طافت مالت الاحصاء
الاسلاميه : حبوبه

والحين ابله الفيزيا استغفر الله
اول مره اشوف ابله جذي درستني السنه الي طافت شرحها ماتعرف تشرح وكل مسائلها غلط الي بالدفتر وكل اهي صح والكتاب غلط
تخيلو تقول الكتبا غلط انا صح يعني شنو تتوقعون طبعا مصريه <<ناويلك على نيه بس انت اصبر شويه

ان شاءالله يوم الأحد أداوم ^^