شلونكم بنات شخباركم
حبيت اشاركم بقصة قريتها وتأثرت فيها حيل,, هذي القصة الله يسلمكم
فيه عالم اجنبي كان يضحك على المسلمين يقول ليش تدورون على البناء هذا؟ (( قصده الكعبه)) واهوا ليما الحين ما دش مكه بس يسال المسلمين اللي برا قالو نطوف على الحجر قالهم وشنو المميز بهالحجر عشان تطوفون عليه قالوله الحجر هذا مو مثل الاحجار اللي بالارض هذا حجر نزل من الجنة جاان يقعد يضحك عليهم ويقول عنهم متخلفين,,, المهم كان يبي يتاكد من كلامهم عشان يضحك على ديانة المسلمين علني يعني بالاخبار والكتب العلمية لانه عالم مثل ما قلت المهم جان يطول لحيته ويلبس دشداشه قصيرة يقلد لبس المسلمين ودش مكه,, ويقلد اللي يطوفون وقرب من الحجر يسوي نفسه يبوس الحجر جان يكسرله كسرة صغيره من الحجر والظاهر ماكان فيه ناس واجد عشان ينتبهون له المهم اخذ الحجر وسوا عليه فحوصات وتجاارب ليما تعب جااان ينصدم بالنتيجه اللي اعلنها بالصحف وجدام العلماء كلهم واكتبو عنها وكان تعليقه (( انه سوا تجارب على هالحجر وقارنه بالاحجار اللي على الارض وكانت النتيجه انه ولا حجر بالارض يشبه هالحجر وقارنه بالاحجار اللي جابوها العلماء من القمر والمريخ وزحل والكواكب الثانية وهم ولا حجر من هالكواكب يشابه هالحجر بخواصه الغريبه وصفاته العجيبه واكد انه حجر صااااااااااااافي ما اختلط مع اي مكونات ثانية مثل كل الاحجار اللي من الارض او من برا الارض يعني من الكواكب الثانية واكد ان هذا الحجر فعلا مثل ماكانو المسلمين يقولون عنه وانهم مو متخلفين ولا شي وفعلا هذا الحجر نزل من مكان غريب ثاني غير الارض وهالكواكب يعني هذا تصديق لقصة سيدنا ابراهيم وهذا نتاج تجارب لسنين مو لشهر ولا شهرين)) وسبحان الله بدل ماكان ينوي تشويه الاسلام والمسلمين اثبت صحه عقيدة الاسلام والمسلمين واثبت حقيقة الحجر الاسود بالعلم وكان هذا الحجر سبب اعلانه للاسلام جدام علماء اجانب من كل المقطورة . شرايكم بالقصة طولت عليكم
يزاج الله كل خير حبيبتى
بس كيف قدر يقطع قطعة من الحجر الاسود ؟؟ من الصعب يسوي هالشئ