|
نبي تجمع لخبرة من انا
من انشطة- منبهات-حلقات- لاصفي كل شئ
نبي همتكم
ومحتاجين لخبرات البنات ياليت يساعدونا ويحطون منبهات وافكار جديده مع الشكر
وانا ان شاء الله ان كان عندي اي فكره جديده راح افيدكم
انا عندي لاصفي مطبخ
ابي اسوي توست واسوي منها وجه انسان بس ماني عارفقه منبه حلو مشوق ؟؟
يارررريت افكاركم الحلوه
اي والله عدت الخبره الاولى على خير وافتكينا باقي هالخبره الله يعينا
حبيبتي DoOoOoha بما انج بالمطبخ تقدرين تخلين منبهج صحن بلاستيك
وتسءلينهم ماهذا الشكل؟ ماذا يشبه وبالقص واللصق تحطين دوائر مكان العيون
ونص دائرة مكان الحلج ونفس الشي الخشم لين يوصلون انه وجه انسان
والتوست اللي بتسوينه لهم اخذي التوست المدور عرفتيه
اول شي يدهنونه جبن او لبنه وبعدين زيتون مقطع دوائر اسود مكان العيون
ومكان الحلج نص دائره طماط والخشم خياره راح يطلع شكل الويه اينن
ولا تنسين التأكيد على السلوكيات وشروط الامن والسلامه وسلاااااااامتج
شنو اسوي منبه ابي فكره حلوه وبسيطه يالله همتكم معانا
ونبي بعد منبهات عن مراحل النمو وحاجة الانسان للغذاء
انا دروسي يربط العدد واحد بمدلول خلال ادوات النظافة
يتعرف على صورة ولد
منو نفسي
ماادري شنو اسوي منبه ؟؟؟
بليز ساعدوني
بروحه الهدف الاول يلوع الجبد
هذا حق نوع جنسه والا معلمه حامل نسألها شنو في بطنها ؟ ماجنسه
الف الف شكر
اما بالنسبه للحركيه تقدرين تقصين لهم قصه فيها استنتاج ان حمد طفل صغير وتورينهم صورة طفل بمهاد وان حمد نائم بالليل
وفجا بدا يبكي ماذا نفعل راح يقولون نعطيه حليبه راح تقولين الحيب يوجد بالمطبخ ماا تفعل الام حتى تحضرؤ الحليب حمد يبكي كثيرا
ليمن يقولون تجري لتحضر الحليب وتبدين تناقضين المهاره معاهم … وانشاءالله تلاقين احلى من هالمنبه
اما بالنسبه لمراحل النمو انا اذكر حطيت جنطه اطفال وفيها رضاعه وقوطي حليب ولبس بيبي ومهاد
ويمشي على الخطوات ليمن يحضرها ونطلع الاياء ونناقشها منو يستخدمها الطفل ولمن يشرب الحليب ماذا يحدث له
راح يكبر وتغنين لهم ناموا ناموا يا اطفال وتطلعين لهم صورة طفل يحبي واهم شي تركزين ان بعد مرور الايام يكبر وتناقشين الاكل
اللي ياكلهم وشلون يحبي ونفس الشي تكملين الدرس ليمن يكبر ويدخل الروووضه مثلكم اتمنى ان الدرس واااضح
بس هذا اللي اقدر عليه اليوم وانشاءالله البنات يفيدونا كلنا
– يتعرف على العدد (1) رمزا ومدلولا عن طريق ملابس البنت او الولد.
– يشارك زملائه اللعب والمسابقات.
– يؤدي حركات تنشيطيه للعد (1).
بنات انا ولا مره قدمت عدد ومااعرف شنو الطريقه وشلون المنبه ولازم نحط مجموعة
خاليه اللي اهي العدد صفر شلوووون مااعرف
بليييييييييييييز ساعدوني حدي محتاااره
حبيبتي اتذكر سويت هالدرس بالميداني
كان عندي لوحه قسمتها قسمين غرفة بنت وغرفة ولد
بعدين قلنا اي لون نصبغ غرفة البنت قالوا وردي وطبعا عندي قواش وردي وازرق وحاطه العده كامله فرشه لي وفرشه لهم
ومن وين نصبغها من وين نجيب الالوان من ركن الفنيه ويجيبونها وانادي بنت تصبغ معاي الغرفه ونفس الشي غرفة الصبي
وتحرصين على نظافة المكان وعقب ما خلصنا رتبنا اغراض البنت واغراض الولد
طبعا انا مختصره ولا الدرس لويه سرير البنت وردي مصبوغ وخالص حطينا وسرير الولد نفس الشي طبعا كلهم فلين ومصبغته على السريع بالبيت
بس الغرفه اللي صبغتها معاهم على السريع
وعقب ملابس من اوراق للبنت وللولد ورتبناهم
يعني جننا اثثنا غرفه للبنت والولد من جديد ويتعرف على ملابس البنت والولد واغراض البنت والولد
بالنسبه للعدد فكرتي عشان تدخلين للعد تسوين نفس مسرح صغير بالكريشه عشان تدخلينه بغرفة البنت
وهذا شنو اسمه يقولون مسرح هل يرتدون الاولاد لا من يحضر لي مسرح من ركن المنزل
وهذا مسرح لونه اسود نضعه بالحلقه المغلقه باللون الاحمر مثلا انا ما ادري شلون ينشرح العدد واحد والمجموعه الثانيه صفر
انا عطيتج فكره للمدخل والبنات انشاءالله يفيدونج بالباااقي
والحركات الرياضيه اتوقع ان نط نطه وحده وندور دوره وحده ونصفق صفقه وحده مع اغنيه طبعا
هذا اللي اعرفه ويالله البنات فيهم الخير والبركه يكملون لان صج ابعرف شلون واحد ومجموعه صفر