|
|
السلام عليكم
شخباركم بنات وكل عام وانتو بخير
بنات عفيه ابي اسألكم
انا ولدي هالسنه اول سنه له بالروضه
ومو عارفه شي كلش
ابي اعرف شنو نظام الدوام اول اسبوع وباقي الايام
وشنو اللبس وكل شي تعرفونه عفيه
هلا أختى فيج لاتحاتين على ولدج سهالات سمعى اللبس عادى مال روضة المتداول شرت الأزرق وقميص أبيض أو بلوزة بيضه حتى لو عليها رسمة بطه عادى ترا المهم البلوزه بيضه ونصيحه منى لاتعطينه جنطه لان الروضة فيها أكل لاتحاتين بس أهم شي إذا ولدج عنده حساسيه من أكل لازم تعلمين الأخصائية الإجتماعية عشان تكتب الحالات وتوزعها على معلمات ومحضرات الوجبات وهم كلمى معلماته إذا عنده تبول لاإرادى عشان يحطون بالهم عليه لاتحاتين في فراشات يدشون الله يكرمج الحمام مع ولدج وبعدين بالنسبة للطلبات شوفى يايعطونج ورقه الأبله فيها الطلبات أو ياخذون منج مبلغ معين 10دنانير للأغراض ويفكونج من الدوارة من مكان لمكان فنصيحه دفعى أحسن وبعدين أول أسبوع مفتوح تقعدين بالصف مع ولدج وتشوفين الأمهات معاج لاتحاتين وأول يوم دوام راح يكونون الإداره حاطين كشف الأسماء بستاند إقرا الكشف ولدج أى صف وإمشي لصفه أو ساعات تدشين المسرح تلاقين الأبلات يلبسون ولدج إشارة الفصل على قميصه فلاتحاتين كلش بس اى بعدين بالإنصراف الساعة 12 وعشرة دقائق يتبطل الباب الروضة الأطفال بالفصل بعدين ننقلهم لغرفة ثانيه غرفة الإنتظار فلاتحاتين إذا مالقيتى ولدج بالصف بيكون بالغرفة الإنتظار حاولى تفهمين ولدج المكان حلو وكلشي محتاجين مساعدتكم معانا كأولياء أمور وعلى فكرة فيه مجلس أمهات تقدرين تشاركين معاهم إذا عندج فكره شي سألى الأخصائية عنه وفى سوالف وايد بس نصيحه أهم شي سألى مع ولدج أوراق لانه حنا بنوزع وايد أوراق فحاولى تنتبهين لها ساعات بيكون مهمه لاتنسين
بعد قلبي الوميض ماقصرتي
جزاج ربي خير الدنيا والاخره
بس بعرف اول اسبوع كله نفس النظام
الطلعه الساعه ١٢!
والصبح من متى بالضبط؟
جزاج ربي خير الدنيا والاخره
بس بعرف اول اسبوع كله نفس النظام
الطلعه الساعه ١٢!
والصبح من متى بالضبط؟
اي ومتى الدوام الاحد او الاثنين
حدي ضايعه ومادري شالسالفه
اي حتى انا محتاره متى الدوام باجر لاولى روضه
اي والله حبيبتي الامل لحظه ليت البنات يعلمونا
دوام اولى وثانية روضة بنفس اليوم كلهم يوم الثلاثاء
من 7 ونص
واول اسبوع الدوام مفتوح يفضل تخلين ولدج او بنتج ساعتين وتردين لهم
ومن باجر زيدي المدة شوي ليما يتعود دوام كامل الاسبوع الي وراه
أنا احاتي ولدي واايد الله يعزكم الحمام يعني يسألونه ولا اهو يقول لان عمره صغير 3ونص
طمنتوني شوي
طمنتوني شوي
مشكوره نيرو حبيبتي ماقصرتي
سورى طولت تونى أشوف الردود إنشغلت بالدوام بس خلاص من الأحد دوام كامل 12 وعشر يتبطل الباب لاتحاتين لاتأخرتى شوى فى مناوبه أبلات بس ماتزرعونهم لانهم هم وراهم عيال حاولوا قبل الواحده لان الطفل بيخاف لاشاف أصدقائه كلهم مشوا وهلشغله بشوفها بعينى غير الى بينسدح وبينام جدامى بيقط روس على طارى الحمام بقولكم شي حاولوا تعودونهم بروحهم يفصخون لان روضتنا مديرتنا ماترضي الفراشه تدش معاه الحمام لانها عامله وهذا دور الأهل لازم مهيئينه على هلشغله هلمرحله أول روضه ماصخه موشي لان بينتقل الطفل من حضن امه لحضن آخر مايعرفه جنا ضايع هلشعور موشي بيحتاج فتره إلا الأهل الشطار الى مدخلين عيالهم حضانه هذول لحقوا عليهم وزين بس أهم شي تكلمين المعلمات والأخصائيه هذول لهم دور فعال